Skip to main content

5 ஆவது முறையாக கோப்பையை உச்சிமுகர்ந்த சென்னை அணி

Published on 30/05/2023 | Edited on 30/05/2023

 

5th time; The Chennai team topped the trophy

 

16 ஆவது ஐபிஎல் போட்டியில் சென்னை - குஜராத் அணிகளுக்கு இடையேயான இறுதிப் போட்டி நேற்று முன்தினம் மழை காரணமாக நிறுத்தி வைக்கப்பட்ட நிலையில், நேற்று தொடங்கியது. முதலில் பேட்டிங் செய்த குஜராத் அணி 20 ஓவர்களில் 4 விக்கெட்டுகளை இழந்து 214 ரன்கள் எடுத்திருந்தது. அதிகபட்சமாக தமிழகத்தைச் சேர்ந்த சாய் சுதர்சன் 47 பந்துகளுக்கு 96 ரன்களை எடுத்தார். விருத்திமான் சஹா 54 ரன்களை எடுத்தார்.

 

பின்னர் 215 ரன்கள் இலக்காக வைத்து களத்தில் இறங்கிய சென்னை அணி, மூன்று பந்துகளில் நான்கு ரன்கள் எடுத்திருந்த நிலையில் திடீரென மழை பொழிந்தது. இதனால் போட்டியானது நிறுத்தப்பட்டது.  மீண்டும் போட்டியானது நள்ளிரவு 12.10 மணிக்கு தொடரும் என்றும் டிஎல்எஸ் விதிப்படி போட்டி 15 ஓவர்களாக குறைக்கப்பட்டு 171 ரன்கள் சென்னை அணிக்கு இலக்கு கொடுக்கப்பட்டது. தொடர்ந்து களத்தில் இறங்கிய சென்னை அணி 15 ஓவர்களில் 5 விக்கெட்களை இழந்து 171 ரன்களை எடுத்து வெற்றி பெற்றது. கான்வே 47 ரன்களையும் ஷிவம் துவே 32 ரன்களையும் ரஹானே 27 ரன்களையும் எடுத்தனர். இறுதி இரண்டு பந்துகளில் 10 ரன்கள் தேவைப்பட்ட நிலையில், அடுத்தடுத்து சிக்ஸர், பவுண்டரி அடித்து வெற்றியை உறுதி செய்தார் ஜெடேஜா. குஜராத் சார்பில் மோகித் 3 விக்கெட்களையும் நூர் அஹமத் 2 விக்கெட்களையும் எடுத்தனர். 

 

ஐபிஎல் ப்ளே ஆஃப் போட்டிகளில் தேசிய அணிக்காக விளையாடாத வீரர்களில் இரண்டாவது அதிகபட்ச ரன்களை எடுத்தவர் என்ற பெருமையை சாய் சுதர்சன் பெற்றார். முதலிடத்தை ரஜத் பிடித்தார். பெங்களூர் அணிக்காக கடந்த ஆண்டு எலிமினேட்டர் போட்டியில் சதமடித்து முதலிடத்தில் உள்ளார். ஐபிஎல் இறுதிப் போட்டியில் அதிக ரன்களை கொடுத்த வீரர் என்ற மோசமான சாதனையை துஷார் தேஷ்பாண்டே படைத்தார். நேற்றைய போட்டியில் இவர் 56 ரன்களை விட்டுக்கொடுத்து இரண்டாவது இடத்தில் உள்ளார். முதலிடத்தில் ஷேன் வாட்சன் 2016 ஆம் ஆண்டு ஆர்.சி.பி அணிக்காக விளையாடும் போது ஹைதராபாத் அணிக்கு எதிராக 61 ரன்களை விட்டுக்கொடுத்ததே அதிகபட்சமாக இருந்தது. 

 

ஐபிஎல் தொடர்களில் அதிக ரன்களை சேர்த்த இணை என்ற வரிசையில் ருதுராஜ் மற்றும் டெவான் கான்வே இணை இணைந்தது. நடப்பு சீசனில் இவர்கள் 849 ரன்களை குவித்து 3 ஆவது இடத்தில் உள்ளனர். முதலிடத்தை 939 ரன்களுடன் விராட் மற்றும் டிவில்லியர்ஸ் (2016) இணையும் அதே 939 ரன்களுடன் நடப்பு சீசனில் விராட் மற்றும் டுப்ளசிஸ் (2023) இணையும் உள்ளது.

 

 

 

Next Story

யாரும் எதிர்பார்க்காத ட்விஸ்ட்; சென்னையை வீழ்த்தி பெங்களூர் அணி அபார வெற்றி!

Published on 18/05/2024 | Edited on 19/05/2024
Royal challenger bangalore won the play off match

ஐபிஎல் 2024இன் 65ஆவது லீக் ஆட்டம் சென்னை சூப்பர் கிங்ஸ் மற்றும் பெங்களூரு அணிகளுக்கிடையே பெங்களூர் சின்னசாமி மைதானத்தில் இன்று (18-05-24) நடைபெற்றது. இதில், டாஸ் வென்ற சென்னை சூப்பர் கிங்ஸ் அணி, பந்து வீச்சை தேர்வு செய்தது. அதன்படி, பெங்களூர் அணி சார்பில் பேட்டிங் செய்த விராட் கோலி 29 பந்துகளில் 4 சிக்சர்களும், 3 பவுண்டரிகளும் அடித்து 47 ரன்கள் அடித்து அவுட்டானார். 

அடுத்து இறங்கிய டூ பிளஸ்சிஸ் 39 பந்துகளில் 3 சிக்சர்களும், 3 பவுண்டரிகளும் அடித்து 54 ரன்கள் அடித்து அவுட்டானார். இறுதியில் 20 ஓவர்களில் 5 விக்கெட்கள் இழப்புக்கு 218 ரன்கள் அடித்து பெங்களூர் அணி ஆட்டத்தை முடித்தது. இதனை தொடர்ந்து, சென்னை சூப்பர் கிங்ஸ் அணி சார்பில் பந்து வீசிய, தாகூர் 2 விக்கெட்டும், தேஷ்பாண்டே மற்றும் சாந்த்னர் தலா ஒரு விக்கெட்டும் எடுத்தனர்.

அடுத்து 219 ரன்கள் இலக்கை முன்வைத்து களமிறங்கிய சென்னை சூப்பர் கிங்ஸ் அணி சார்பில் பேட்டிங் செய்த ருத்துராக் எந்தவித ரன்களும் எடுக்காமல் அவுட்டானார். ரவிந்தீரா 37 பந்துகளில் 5 பவுண்டரிகள், 3 சிக்சர்கள் அடித்து 61 ரன்கள் அடித்து அவுட்டானார். மிக்ச்செல் 4 ரன்களும், சிவம் துபே 7 ரன்களும், சாந்த்னர் 3 ரன்களும் அடித்து அவுட்டானார்கள். மகேந்திர சிங் தோனி 13 பந்துகளில் 3 பவுண்டரிகள் 1 சிக்சர் அடித்து 25 ரன்கள் அடித்து அவுட்டானார். ரவீந்திர ஜடேஜா 22 பந்துகளில் 3 சிக்சர்கள், 3 பவுண்டரிகள் அடித்து 42 ரன்கள்  அடித்து மைதானத்தில் இருந்தார்.  இறுதியாக சென்னை சூப்பர் கிங்ஸ் அணி 20 ஓவருக்கு 7 விக்கெட் இழப்புக்கு 191 ரன்கள் எடுத்து பெங்களூர் அணியிடம் தோல்வி அடைந்தது. 

சென்னை சூப்பர் கிங்ஸ் அணியை எதிர்த்து பந்து வீசிய மேக்ஸ்வெல், சிராஜ், தயால், கீரின், லாக்கி பெர்குசன் ஆகியோர் தலா 1 விக்கெட்டுகளை எடுத்தனர். இதன் மூலம், சென்னை சூப்பர் கிங்ஸ் அணியை வீழ்த்தி பெங்களூர் அணி அபாரமாக வெற்றி பெற்றது.

Next Story

ரசிகர்களுக்கு சஸ்பென்ஸ் வைத்த சி.எஸ்.கே!

Published on 12/05/2024 | Edited on 12/05/2024
CSK kept the fans in suspense

உலக அளவில் புகழ்பெற்ற கிரிக்கெட் தொடரான ஐ.பி.எல். டி20 தொடர் கடந்த 2008 ஆம் ஆண்டு முதல் நடைபெற்று வருகிறது. இதன் 17 ஆவது சீசன் இந்த ஆண்டு (2024) மார்ச் மாதம் தொடங்கி நடைபெற்று வருகிறது. இத்தகைய சூழலில் சென்னை சேப்பாக்கம் ஸ்டேடியத்தில் இன்று (12.05.2024) நடைபெற உள்ள ஆட்டத்தில் சென்னை சூப்பர் கிங்ஸ் - ராஜஸ்தான் ராயல்ஸ் அணிகள் மோதுகின்றன. அரையிறுதி போட்டிக்குச் செல்ல சென்னை அணிக்கு இந்த இந்த ஆட்டம் முக்கியமான ஒன்று ஆகும். இதனால் ரசிகர்கள் இடையே பலத்த எதிர்பார்ப்பு நிலவுகிறது.

இந்நிலையில் இன்று நடைபெற உள்ள போட்டிக்கு பின்னர் சென்னை சூப்பர் கிங்ஸ் அணியின் ரசிகர்களை ஸ்டேடியத்தில் சிறிது நேரம் காத்திருக்கும்படி சென்னை சூப்பர் கிங்ஸ் அணியின் நிர்வாகம் சார்பில் தெரிவிக்கப்பட்டுள்ளது. சென்னை அணியின் ரசிகர்களுக்கு ஸ்பெஷலான ஒன்று இருக்கிறது எனவும் சிஎஸ்கே அணி தனது எக்ஸ் சமூக வலைத்தளத்தில் பதிவிடப்பட்டுள்ளது. சென்னையில் நடைபெறும் கடைசி லீக் போட்டி என்பது குறிப்பிடத்தக்கது.

அதே சமயம் இன்றைய போட்டி முடிந்ததும் ஐபிஎல் கிரிக்கெட் தொடரில் இருந்து ஓய்வு அறிவிப்பை தோணி அறிவிக்க வாய்ப்பு இருபதாக ரசிகர்கள் கவலை தெரிவித்துள்ளனர்.  அதே சமயத்தில் சென்னையில் கடைசி  மேட்ச் நடந்து முடியும் பொழுது அனைத்து பார்வையாளர்களுக்கும் டீ சர்ட், பந்துகள் தரப்படுவது வழக்கம். அதேபோல் அனைவருக்கும் மைதானத்தை சுற்றி வந்து டாடா காட்டிவிட்டு நன்றி சொல்வதும் வழக்கம். இதனால் கூட ரசிகர்களை ஸ்டேடியத்தில் காத்திருக்க சிஎஸ்கே நிர்வாகம் கூறியிருக்கலாம் என்று ரசிகர்களால் யூகிக்கப்படுகிறது.