Skip to main content

20 வருட சாதனையை முறியடித்த 21 வயது வீரர்! - சாதிக்கப் பிறந்தவன்!!

Published on 20/02/2018 | Edited on 22/02/2018

தடகளப் போட்டிகளில் கடந்த 20 ஆண்டுகளாக யாராலும் முறியடிக்கப்படாமல் இருந்த சாதனையை, 21 வயது ஓட்டப்பந்தய வீரர் முறியடித்து அனைவரின் பாராட்டுகளையும் பெற்றுள்ளார். 

 

அமெரிக்காவைச் சேர்ந்த ஓட்டப்பந்தய வீரர் மாரீஸ் கிரீனி. இவர் கடந்த 20 ஆண்டுகளுக்கு முன்பு 60 மீட்டர் தூரத்தை 6.39 விநாடிகளில் ஓடி உலகசாதனை படைத்திருந்தார். இதனைக் கடந்த ஞாயிற்றுக்கிழமை அமெரிக்காவின் அல்புகர்கியில் நடைபெற்ற தேசிய விளையாட்டுப் போட்டியில் கலந்துகொண்ட, கிறிஸ்டெய்ன் கோல்மேன் எனும் வீரர் முறியடித்துள்ளார்.

 

Cole

 

கடந்த ஆண்டு லண்டனில் வைத்து நடைபெற்ற உலக சாம்பியன்ஷிப் போட்டியில், வெள்ளிப்பதக்கம் வென்ற கிறிஸ்டெய்ன், ஞாயிற்றுக்கிழமை நடந்த போட்டியில் 60 மீட்டர் தூரத்தை வெறும் 6.34 விநாடிகளில் ஓடி முடித்து சாதனை படைத்தார். 

 

‘பந்தய தூரத்தை ஓடி முடிக்கையில் எனக்கு எல்லாம் மங்கலாக தெரிந்தது’ என தெரிவித்துள்ள கிறிஸ்டெய்ன், அடுத்த மாதம் இங்கிலாந்தில் நடைபெற இருக்கும் உலக சாம்பியன்ஷிப் போட்டியில் கலந்துகொள்ளும் அமெரிக்க அணிக்கு தலைமை தாங்குகிறார்.

 

கடந்த மாதம் தெற்கு கரோலினாவில் நடைபெற்ற போட்டியில், 60 மீட்டர் தூரத்தை 6.37 விநாடிகளில் கிறிஸ்டெய்ன் ஓடி முடித்தாலும், தொழில்நுட்ப காரணங்களால் அது கணக்கில் எடுத்துக்கொள்ளப் படவில்லை. 

 

20 ஆண்டுகளுக்கு முன்னர் ஒருவர் உருவாக்கிவைத்த சாதனையை, 21 ஆண்டுகளுக்குப் பிறகு முறியடித்த ஒருவரை சாதிக்கப் பிறந்தவர் என்று சொல்வதில் தப்பேதும் இல்லையே?

Next Story

அமெரிக்காவில் துப்பாக்கிச்சூடு; ஒருவர் பலியான சோகம்!

Published on 15/02/2024 | Edited on 15/02/2024
US Kansas City Super Bowl parade incident

அமெரிக்காவில் நிகழ்ந்த துப்பாக்கிச்சூட்டில் ஒருவர் பலியான சம்பவம் மக்கள் மத்தியில் சோகத்தை ஏற்படுத்தியுள்ளது.

அமெரிக்காவின் கன்சாஸ் நகரில் சீஃப்ஸ் சூப்பர் பவுல் என்னும் ரக்பி விளையாட்டு போட்டியின் வெற்றியை கொண்டாடும் விதமாக லட்சக்கணக்கான ரக்பி ரசிகர்கள் பேரணியாக சென்று கொண்டிருந்துள்ளனர். அப்போது இந்த பேரணியில் கலந்து கொண்ட ரக்பி ரசிகர்கள் மீது அடையாளம் தெரியாத மர்ம நபர்கள் திடீரென சூப்பாக்கிச்சூடு நடத்தியுள்ளனர்.

இந்த துப்பாக்கிச் சூட்டில் ஒருவர் கொல்லப்பட்டார். மேலும் 21 பேர் காயமடைந்துள்ளனர். பலரின் நிலைமை கவலைக்கிடமாக உள்ளதாகவும் கூறப்படுகிறது. இந்த துப்பாக்கிச் சூடு சம்பவம் தொடர்பாக சந்தேகத்தின் பேரில்  3 பேரை பிடித்து போலீசார் விசாரணை நடத்தி வருகின்றனர். ரக்பி விளையாட்டு போட்டியின் வெற்றியை கொண்டாடும் விதமாக பேரணி சென்றவர்கள் மீது துப்பாக்கிச்சூடு நடத்தப்பட்டது அமெரிக்காவில் அதிர்ச்சியையும், பரபரப்பையும் ஏற்படுத்தியுள்ளது. 

Next Story

பெற்ற குழந்தையை மைக்ரோவேவ் ஓவனில் வைத்துக் கொன்ற தாய்; விசாரணையில் திடுக்கிடும் தகவல்

Published on 13/02/2024 | Edited on 13/02/2024
The mother who lost her newborn baby in a microwave oven in america

அமெரிக்காவின் மிசோரி மாகாணம் கன்சஸ் பகுதியைச் சேர்ந்தவர் மரிகா தாமஸ் (26). இவருக்கு ஒரு மாதமே ஆன ஒரு பெண் குழந்தை இருந்தது. இந்த நிலையில், கடந்த 10 ஆம் தேதி அன்று மரிகா தாமஸ் தனது குழந்தையைத் தொட்டிலில் தூங்க வைப்பதாக நினைத்து உணவை சூடுபடுத்தப் பயன்படும் மைக்ரோவேவ் ஓவனில் வைத்துள்ளார்.

இதில், குழந்தையின் ஆடை மற்றும் குழந்தையைச் சுற்றி வைக்கப்பட்டிருந்த துணி வெப்பத்தால் கருகி எரிந்து புகை வாசனை வந்துள்ளது. புகை வாசனை வருவது குறித்து அக்கம்பக்கத்தினர் போலீசாருக்குத் தகவல் கொடுத்தனர். தகவல் அறிந்து விரைந்து வந்த போலீசார், மைக்ரோவேவ் ஓவனில் குழந்தை இருந்ததைக் கண்டு அதிர்ச்சியடைந்தனர். உடனடியாக குழந்தையை மீட்டு மருத்துவமனைக்கு சிகிச்சைக்காக அனுமதித்தனர். ஆனால், அந்த குழந்தையை பரிசோதித்த மருத்துவர்கள், அக்குழந்தை ஏற்கனவே இறந்துவிட்டதாகத் தெரிவித்தனர்.

இதனையடுத்து, இந்த சம்பவம் குறித்து வழக்குப்பதிவு செய்த போலீசார், மரிகா தாமஸை கைது செய்து விசாரணை நடத்தினர். போலீசார் நடத்திய முதற்கட்ட விசாரணையில், மரிகா தாமஸ் மனநலம் பாதிக்கப்பட்டவர் எனத் தெரியவந்தது. தொட்டிலில் தூங்க வைப்பதாக நினைத்து பெற்ற தாயே தனது குழந்தையை மைக்ரோவேவ் ஓவனில் வைத்துக் கொன்ற சம்பவம் அதிர்ச்சியை ஏற்படுத்தியுள்ளது.