Skip to main content

பச்சரிசியை சாப்பிடக் கூடாதா? - விவரிக்கும் மருத்துவர் சி.கே. நந்தகோபாலன்

Published on 17/10/2022 | Edited on 17/10/2022

 

 

Shouldn't you eat tamarind?- Dr. CK Nanthagopalan explains!



'ஓம் சரவண பவ' யூ-டியூப் சேனலுக்கு மருத்துவர் சி.கே. நந்தகோபாலன் சிறப்பு நேர்காணல் அளித்தார்.  அப்போது அவர் கூறியதாவது, "சாதம் பாத்திரத்தில் வடித்து பின்னர் வெளியேற்றும் போது அந்த தண்ணீருடன் சத்துகள் எல்லாம் வெளியேறி விடுகிறது என்கின்றனர். ஆனால், அப்படி இல்லை. சத்து வெளியேறவில்லை. நெல்லில் 'பி' சீரியஸ் வைட்டமின் இருக்கிறது. அது எங்கிருக்கிறது என்றால், தவுட்டில் இருக்கிறது. புழுங்கல் அரிசி நெல்லை வேகவைக்கும்போது, தவுட்டில் இருக்கும் 'பி' சீரியஸ் வைட்டமின் அரிசியில் இறங்கி விடுகிறது. எத்தனை வருடங்களுக்கு முன் இதை செய்திருக்கிறான் தமிழன். நினைத்துப் பார்க்கக்கூட முடியாது. 

 

ஆங்கில விஞ்ஞானத்தைப் பார்த்து அசந்துபோய் நிற்கும் இந்த உலக பொதுமக்கள்., தமிழனின் அறிவின் இயக்கத்தைப் பார்த்தால் தலை வணங்குவான். பச்சரிசியில் ஒன்றும் இல்லை. பச்சரிசியைச் சாப்பிட்டால் அரை மணி நேரத்தில் பசி எடுக்கும். மீண்டும் சாப்பிட வேண்டும். இதனால் சர்க்கரை உயரும். அரிசி ஏன் தலைசிறந்த தானியம் என்றால், அரிசியை வேகவைத்து அப்படியே சாப்பிடலாம். ஆனால், கோதுமையை அரைத்து மாவாக மாற்றி பின்னர் சப்பாத்தியாக செய்து சாப்பிடுகிறோம். அப்போது, சப்பாத்தியை செரிமானமாக்குவதற்கு ஜீரண மண்டலம் நீண்ட நேரம் எடுத்துக் கொள்ளும். அதனால் பசி எடுப்பதற்கு சிறிது நேரம் ஆகும். 

 

இதனால்தான் அரிசியையும், தவுடையும் அதில் இருக்கும் சத்துக்களையும் எடுத்து வந்தோம். இதை உங்களால் நினைத்துப் பார்க்க முடியுமா?. எல்லா தாவர வர்க்கத்தின் வேர்ப் பகுதியிலும் சுண்ணாம்பு சத்து உள்ளது.  உலகத்தில் எங்கு தாவரம் இருந்தாலும், கடலுக்கு கீழ் இருந்தாலும் கூட சரி அதில் சுண்ணாம்பு சத்து உள்ளது. அந்த செடி தனக்குத் தேவையான சத்துக்களை வேரில் இருந்து உறிஞ்சும்போது, வேர்களில் உள்ள சுண்ணாம்பு சத்து, அந்த சத்துக்களில் உள்ள விஷத் தன்மையை நீக்கிவிடும். இல்லையென்றால், இதை சாப்பிடும் நாம் இறந்துவிடுவோம். 

 

எங்கெல்லாம் நெற்பயிர் இருக்கிறதோ, அங்கெல்லாம் அர்சானிக் இருக்கும். அர்சானிக் என்பது விஷம். தலைசிறந்த சமையல் கலையும், தலைசிறந்த தமிழ் விஞ்ஞானமும் இருந்த பொழுதும், இந்த மதுமேகம் என்ற நோயும் இருந்திருக்கிறது. அதற்கு என்ன காரணம் என்றால், கிரகங்களின் ஆதிக்கம். நீ இந்த நோயால் அவதிப்பட வேண்டும் என்றால், அவதிப்பட வேண்டும். இதற்கு மருந்து வங்கபஸ்பம். வங்கம் என்றால் அலுமினியம். அதை செய்யக்கூடிய வல்லமை படைத்த ஆட்கள் இன்று நம்மிடையே இல்லை. ஏனென்றால் விஞ்ஞாத்தைத் தொலைத்துவிட்டு நிற்கிறோம். அதுவும் இயற்கையின் ஒரு விளையாட்டு. 

 

நம்முடைய வாழ்க்கை முறை மாறிவிட்டது. வெயிலில் யாரும் செல்வதில்லை; உழைப்பதில்லை. கணினி இருந்தால் போதும், வாழ்ந்துவிடலாம் என்று வந்துவிட்டோம். பணம் இருக்கோ, இல்லையோ கணினி வேண்டும். மொபைல் இல்லையென்றால் நீ இறந்து விடுவாய் (அல்லது) மனநல காப்பக்கத்தில் இருப்பீர்கள். நமது உடலில் கோடிக்கணக்கான மெக்கானிசம் வேலை செய்கிறது. நமது உடலுக்கு இரும்புச் சத்து தேவைப்படுகிறது; கால்சியம் அதிகமாக இருந்தால், அதை இரும்புச் சத்தாக மாற்றி எடுத்துக் கொள்ளும். 

 

இங்கிலாந்தில் இருக்கும் பிரபலமான பல்கலைக்கழகம் ஒன்று, கடந்த 1940- களில் ஒரு ஆராய்ச்சியை ஆரம்பித்தார்கள். என்ன ஆராய்ச்சி என்றால், ஒரு மனித அணுவுக்குள் என்னவெல்லாம் இருக்கிறது என்ற ஆராய்ச்சி நடைபெற்றது. சுமார் 70 ஆண்டுகள் தொடர்ந்து ஆராய்ச்சி நடைபெற்ற நிலையில், 2020- ஆம் ஆண்டு அது மூடப்பட்டது. ஆராய்ச்சியில் ஒரு செல்லில் 4,000 காம்போனென்ட்ஸ் உள்ளது தெரிய வந்தது." இவ்வாறு மருத்துவர் தெரிவித்தார்.

 

 

 

 

Next Story

“பெரிய இயக்குநர்கள் நேரடியாக அணுகுவார்கள்” - சரண்யா ரவிச்சந்திரன் பேட்டி!

Published on 18/07/2024 | Edited on 18/07/2024
 Saranya Ravichandran | Indian2 | Kamal Haasan | Shankar |

தமிழ்த் திரைப்படங்களில் குணச்சித்திர கதாபாத்திரத்தில் நடித்து வரும் சரண்யா ரவிச்சந்திரன் அண்மையில் வெளியான  இந்தியன் 2 படத்திலும் முக்கிய கதாபாத்திரத்தில் நடித்துள்ளார் . இந்நிலையில்  நக்கீரன் ஸ்டூடியோ வாயிலாக அவரை சந்தித்தபோது, அவரின் சினிமா வாழ்க்கை பற்றிய சுவாரசியமான தகவல்களையும் அனுபவங்களையும் பகிர்ந்துள்ளார். 

தொடக்கத்தில் வந்த பட வாய்ப்புகள் அணுகுமுறைகள் பற்றியும், தற்போது  வரும் பட வாய்ப்புகளின் அணுகுமுறையிலும் எந்த அளவிற்கு மாற்றம் உள்ளது என்ற கேள்வி குறித்து அவர் பதிலளிக்கையில் "மரியாதையில்தான் எல்லாம் உள்ளது, அவர்கள் மதிக்கவில்லை என்பதால்தான் நமக்கு திரைத்துறையில் நல்ல இடத்திற்குப் போக வேண்டும் என்ற வெறி வரும். அப்படிதான் அவர்கள் நம்மை புஷ் பண்ணிக் கொண்டு செல்வார்கள். சில சமயங்களில் இயக்குநர் அவரே வந்து அணுகாமல், ஏன்  உதவியாளரை அனுப்புகிறார் என்று தோன்றும், இயக்குநருக்குப் பல வழிகளில் அழுத்தம் இருக்கும், அடுத்த காட்சி குறித்த சிந்திப்பார்கள், ஆனால் சில பெரிய இயக்குநர் அவர்களாகவே வந்து நம்மிடம் அணுகுவார்கள், அது சில இயக்குநர்களின் ஸ்டைலாக இருக்கும் 

நான் முதல் படத்தில் நடிக்கும்போது படப்பிடிப்பில் என்னிடம் இயக்குநர் பேசவே இல்லை. நானே அவரை அழைத்து என்னுடைய சீன் எப்போது வரும், நான் இங்குதான் உட்கார்ந்திருப்பேன் என்னைத் தேடாதீர்கள் என்று சொல்லுவேன், ஆனால் நான் நடித்து முடித்தபோது  படப்பிடிப்பின் இடைவேளையில் அவரே என்னிடம் வந்து சாப்டிங்களா? என்றெல்லாம் பேசினார். நம்ம வேலையைச் சரியாக செய்யும்போது அவர்களே மரியாதை தருவார்கள்" என்று கூறினார்.

Next Story

நக்கீரனுக்குக் கிடைத்த வீடியோ ஆதாரம்; ஆபரேஷன் தியேட்டரில் ஆபாசம்; சிக்கிய மருத்துவர் சுப்பையா

Published on 15/06/2024 | Edited on 17/06/2024
Doctor Subbiah Shanmugam misbehaves with women in government hospital

நக்கீரன் அலுவலக முகவரிக்கு பெண் ஒருவரின் பெயரில், தலைநகரின் முக்கியப் பகுதியில் இருந்து ஒரு கொரியர் வந்தது. பிரித்து பார்த்த நமக்கு, அந்தக் கடிதம் இதயத் துடிப்பை அதிகரித்தது. அந்தக் கடிதத்துடன் ஒரு பெண் டிரைவும் இணைக்கப்பட்டிருந்தது. அதை சிஸ்டமில் போட்டுப் பார்த்தபோது, கடவுளாக மதிக்கும் மருத்துவர் ஒருவரின் செயல், நம்மை ஆட்டம்காண வைத்தது. அதுவும், மருத்துவமனைக்குள்ளே நடந்த அந்தச் சம்பவம் நம்மை நிலைகுலையச் செய்தது.

அந்தக் கடிதத்தில் இடம்பெற்றுள்ள தகவல்கள் பின்வருமாறு, இந்த பெண்ட்ரைவில், டாக்டர் சுப்பையா ஷண்முகம் மற்றும் ஆபரேஷன் தியேட்டர் செவிலியர் ஆகியோர் ராயப்பேட்டை அரசு மருத்துவமனை ஆபரேஷன் தியேட்டர் வளாகத்திற்குள், பாலியல் செயலில் ஈடுபடும் காட்சிகள் பதிவாகியுள்ளது. இந்தச் செயலை அம்பலப்படுத்துவதன் நோக்கம் திரு.சுப்பையாவின் தொடர்ச்சியான பொருத்தமற்ற நடத்தையை வெளிச்சத்திற்குக் கொண்டுவருவதாகும். பின்வரும் காரணங்களுக்காக அவர் தண்டிக்கப்பட வேண்டும் என மூன்று காரணங்கள் பட்டியலிடப்பட்டுள்ளது.

1. மருத்துவமனை அல்லது ஆபரேஷன் தியேட்டர் வளாகத்திற்குள், வேலை நேரத்தில் பாலியல் செயல் நிகழ்ந்ததால் அது தண்டனைக்குரியது. அவர், ஏழை புற்றுநோய் நோயாளிகளுக்கு சிகிச்சை நடக்கும்போது மேற்பார்வையிடவோ அல்லது அறுவை சிகிச்சைகள் செய்யவோ வேண்டிய நேரத்தில், இதுபோன்ற செயலில் ஈடுபட்டது அவமானகரமானது.

2. மாணவர்களுக்கு கற்பிக்கும் அரசாங்க ஆசிரியராகவும், தேசிய மாணவர் அமைப்பில் ஒரு முக்கிய நபராகவும் இருப்பதால், அவரது தவறான செயல்கள் மாணவர்களுக்கு தவறான முன்மாதிரியாக அமைந்துவிடும் அபாயமும் இருக்கின்றன.

3. அவர் தனது பெண் துணை ஊழியர்கள், முதுகலை மாணவர்கள் மற்றும் மருத்துவமனை ஊழியர்களிடமிருந்து, அதே பாலியல் சலுகைகளை எதிர்பார்க்கிறார். அவர் தனது அதிகாரத்தையும் அரசியல் செல்வாக்கையும் பயன்படுத்தி அவர்களை அச்சுறுத்துகிறார். சம்மதிக்க மறுப்பவர்கள் மறைமுகமாக சிக்கலை எதிர்கொள்கிறார்கள். தொடர்ந்து துன்புறுத்தலுக்கு உள்ளாக்கப்படுகிறார்கள். அவர் மருத்துவமனையில் உள்ள அனைத்து பிரிவுகளையும் சேர்ந்த பெண்களுக்கு பாலியல் தொல்லை கொடுக்கிறார். தூய்மைப் பணியாளர்கள் முதல் உதவி பேராசிரியர்கள் வரை 16 முதல் 60 வயது வரையிலான அனைத்து பெண்களும் இவரால் பாலியல் அச்சுறுத்தல்களை எதிர்கொள்கின்றனர்.

அவருக்கு அறநெறி குறித்து எந்தக் கவலையும் இல்லை. அவர் கண் வைத்துவிட்டால் எந்தப் பெண்ணும் பாதுகாப்பாக இருக்க முடியாது. பெண்கள் மற்றும் மனிதகுலத்தின் நலனுக்காக, அவர் தண்டிக்கப்பட வேண்டும். தார்மீக அடிப்படையில் அவர் அரசு மற்றும் மாணவர் அமைப்பிலிருந்து, அனைத்து பதவிகளிலிருந்தும் வெளியேற்றப்பட வேண்டும். ஊடகங்கள் தங்கள் கடமையை செய்யும் என நம்புவதாக" அந்தக் கடிதம் பல ரகசியங்களை அம்பலப்படுத்தியுள்ளது.

புற்றுநோய் நிபுணரான மருத்துவர் சுப்பையா சண்முகம், கீழ்ப்பாக்கம் அரசு மருத்துவமனை புற்றுநோய்த்துறைத் தலைவராக பணியாற்றியவர். 2017 முதல் 2020 வரை ஆர்.எஸ்.எஸ்-ன் மாணவர் அமைப்பான ஏபிவிபி-யின் தேசியத் தலைவராக இருந்துள்ளார். இவருக்கும், அவர் வசிக்கும் குடியிருப்பில் இரண்டாம் தளத்தில் வசித்துவந்த மூதாட்டிக்கும் இடையே பார்க்கிங்கில் வாகனம் நிறுத்துவது தொடர்பாக, கடந்த 2020- ஆம் ஆண்டு ஜூலை மாதம் தகராறு ஏற்பட்டது. இதில் ஆத்திரமடைந்த மருத்துவர் சுப்பையா சண்முகம், மூதாட்டியின் வீட்டு வாசலில் சிறுநீர் கழித்தது பெரும் சர்ச்சையை ஏற்படுத்தியது. இது தொடர்பான, சிசிடிவி காட்சிகள் வெளியான நிலையில், அவர் மீது பெண்களைத் துன்புறுத்துதல், கரோனா விதிமீறல் உள்ளிட்ட மூன்று பிரிவுகளின் கீழ் வழக்குப்பதிவு செய்யப்பட்டது. ஆனால், அதிமுக ஆட்சியில் கைது நடவடிக்கை எடுக்கப்படாமல் இருந்த நிலையில், இரண்டு ஆண்டுகள் கழித்து.. திமுக அரசு பதிவியேற்ற பிறகு, அவரை காவல்துறையினர் கைது செய்தனர். அதேபோல, முதலமைச்சர் வீடு முன் ஆர்ப்பாட்டம் நடத்திய ஏபிவிபி அமைப்பினரை சிறையில் சென்று சந்தித்த மருத்துவர் சுப்பையா சண்முகம், கீழப்பாக்கம் புற்றுநோய் பிரிவு துறைத் தலைவர் பொறுப்பில் இருந்து இடைநீக்கம் செய்யப்பட்டிருந்தார் என்பது குறிப்பிடத்தக்கது.

இந்த நிலையில், சர்ச்சைக்குரிய இந்தக் கடிதம் மற்றும் வீடியோ குறித்து மருத்துவர் சுப்பையா ஷண்முகத்திடம் நாம் தொடர்புகொண்டு பேசியபோது, "அது சித்தரிக்கப்பட்டது. அதுக்கும் எனக்கும் சம்மந்தமில்லை. அனுப்பிய ஆள் யாரென்று விசாரித்து, முழு பின்னணியை விசாரித்து எழுதுவதுதான் பத்திரிகை தர்மம். நான் ஒழுங்கா வேலை பார்க்காட்டியும் திட்டுவேன். அதன்பொருட்டு என்னைப் பிடிக்காதவர்கள் எங்கேயாவது எதையாவது வீடியோ எடுத்து MORPH செய்து போட்டுவிடுகிறார்கள். முழு வீடியோ கிடைத்தால் சொல்லமுடியும் என்றார். அப்போது குறுக்கிட்ட நிரூபர், அந்த வீடியோ இரண்டு மணி நேரம் ஓடுகிறது. அதில் இருப்பது நீங்கள்தானே, அதேபோல சிறுநீர் கழித்த விவகாரத்திலும் உங்களது பெயர் அடிபட்டதே எனக் கேட்க, பதிலளித்த மருத்துவர் சுப்பையா ஷண்முகம், அதில் இருப்பது நான் கிடையாது. சிறுநீர் கழித்த விவகாரத்திலும் நான் சம்மந்தப்படவில்லை. நான் உங்களைப் பார்த்தது கிடையாது. வேண்டுமானால், நேரில் வாங்க பேசலாம்" என முடித்துக்கொண்டார்.