Skip to main content

மாணவர் வழிகாட்டி: தொலைதூர கல்வி முறையிலும் இன்ஜினியரிங் படிக்கலாம்! #6

Published on 22/08/2020 | Edited on 22/08/2020
students guidance

 

 

தொழிற்படிப்புகள் மட்டுமின்றி, எந்த ஒரு கல்வியையும் நேரடியாக வகுப்பறை பயிற்சி பெறுவதுதான் சிறந்தது. அங்கே, பல மாணவர்களின் சிந்தனைகளும் பகிர்ந்து கொள்ளவும், துறை சார்ந்த அறிவை விசாலாமாக்கி கொள்ளவும் கூடுதல் வாய்ப்பு கிடைக்கிறது. உரையாடலுக்கு வழிவகுக்கிறது. எனினும், பணிக்கு சென்றுகொண்டே உயர்கல்வியைத் தொடர விரும்புவோருக்காகவே இந்திய பல்கலைகளில் தொலைதூர கல்வித்திட்டமும் நடைமுறையில் இருக்கின்றன. கலைப்பாடப்பிரிவுகளை தொலைதூர கல்வித்திட்டத்தில் பயிலும் பலருக்கும் கூட, இன்ஜினியரிங் படிப்பையும் தொலைதூரக் கல்வி முறையில் படிக்க முடியும் என்ற தகவலை அறிந்து வைத்திருப்பதில்லை.

 

நேரடியாக கல்லூரி, பல்கலைகளில் சேர்ந்து படிக்கும்போது பி.இ., பி.டெக்., பாடப்பிரிவுகளில் சேர்ந்து பயில முடிகிறது. அதுவே தொலைதூரக் கல்வித்திட்டத்தில் இன்ஜினியரிங் பட்டப்படிப்பு படிப்போருக்கு ஏஎம்ஐஇ (AMIE - Associate Member of the Institution of Engineers) என்ற சான்றிதழ் வழங்கப்படுகிறது. உண்மையில், ஏஎம்ஐஇ படிப்பு என்பது பி.இ., பி.டெக்., படிப்புக்கு 100 சதவீதம் இணையானது. ஏஎம்ஐஇ பாடப்பிரிவில் சேர்ந்து படிக்கவும், 12ம் வகுப்பில் தேர்ச்சி பெற்றிருந்தாலே போதுமானது. 

 

ஏஎம்ஐஇ படிப்பில் கெமிக்கல் இன்ஜினியரிங், சிவில் இன்ஜினியரிங், கம்ப்யூட்டர் சயின்ஸ் அண்டு இன்ஜினியரிங், எலக்ட்ரிகல் இன்ஜினியரிங், எலக்ட்ரானிக் அண்டு கம்யூனிகேஷன் இன்ஜினியரிங், மெக்கானிக்கல் இன்ஜினியரிங், மெட்டீரியல்ஸ் அண்டு மெட்டலர்ஜிகல் இன்ஜினியரிங், மைனிங் இன்ஜினியரிங், புரடக்ஷன் இன்ஜினியரிங், டெக்ஸ்டைல் இன்ஜினியரிங் ஆகிய பத்து வகையான துறைகள் உள்ளன.

 

அடிப்படை கல்வித்தகுதி:

12ம் வகுப்பில் கணிதம், இயற்பியல், வேதியியல் அல்லது டிப்ளமோ படிப்பில் தேர்ச்சி பெற்றிருத்தல் வேண்டும்.

 

படிப்பின் கால அளவு:

ஏஎம்ஐஇ படிப்பு என்பது 6 ஆண்டுகள் படிக்கக் கூடியதாகும். கல்லூரிகளில் வழங்கப்படும் பி.இ., பி.டெக்., படிப்புகள் நான்கு ஆண்டுகள் கொண்டவை எனில், தொலைதூரக் கல்வித்திட்டத்தில் வழங்கப்படும் ஏஎம்ஐஇ படிப்பு கூடுதலாக 2 ஆண்டுகள் சேர்த்து படிக்க வேண்டிய சூழல் உள்ளது. தோல்வி அடைந்தவர்கள் தேர்ச்சி பெற அதிகபட்சம் 12 ஆண்டுகள் வரை கால அவகாசம் வழங்கப்படுகிறது. 

 

தேர்வு முறை: 

+2 கல்வித்தகுதியுடன் ஏஎம்ஐஇ படிப்பில் சேருவோர் பகுதி-அ பிரிவில் 10 தாள்களும், பகுதி-ஆ பிரிவில் 9 தாள்களும் என 6 ஆண்டுகளில் மொத்தம் 19 தாள்கள் தேர்வு எழுத வேண்டும். அதுவே, டிப்ளமோ கல்வித்தகுதியுடன் இப்படிப்பில் சேர்ந்து பயிலும் மாணவர்கள் பகுதி-அ பிரிவில் 4 தாள்களும், பகுதி-ஆ பிரிவில் 9 தாள்களும் என ஆறு ஆண்டுகளில் மொத்தம் 13 தாள்களும் தேர்வு எழுத வேண்டும். இது தவிர ஆய்வுக்கூடம் மற்றும் புராஜக்ட் தேர்வுகளும் இருசாராருக்கும் உண்டு.

 

வேலைவாய்ப்பு: 

நாம் முன்பே சொன்னதுபோல பி.இ., பி.டெக்., படிப்புகளுக்கு எந்த வகையிலும் ஏஎம்ஐஇ படிப்பும் குறைந்தது இல்லை. ஆகையால் இப்படிக்கும் அரசு மற்றும் தனியார் துறைகளில் ஏராளமான வேலைவாய்ப்புகள் கொட்டிக்கிடக்கின்றன. வெளிநாடுகளிலும் ஏஎம்ஐஇ படிப்பு செல்லத்தக்கது என்பதால், எந்த நாட்டிலும் வேலைவாய்ப்பை பெற முடியும். மேலும் விவரங்களை www.ieindia.org என்ற இணையதளத்தில் தெரிந்து கொள்ளலாம்.

 

 

 

Next Story

வெளியான தரவரிசை பட்டியல்; பொறியியல் கலந்தாய்வு தேதி அறிவிப்பு

Published on 10/07/2024 | Edited on 10/07/2024
Publishth Rank List; Date Notification of Engineering Consulate

தமிழகத்தில் பொறியியல் படிப்பிற்கான தரவரிசை பட்டியல் தற்போது வெளியிடப்பட்டுள்ளது.  

பொறியியல் கல்லூரிகளில் மாணவர்கள் சேர்க்கைக்கான விண்ணப்பப் பதிவு கடந்த மே மாதம் 6ஆம் தேதி (06.05.2024) முதல் கடந்த 6 ஆம் தேதி (06.06.2024) வரை நடைபெற்றது. இதில் 2 லட்சத்து 49 ஆயிரத்து 918 மாணவர்கள் விண்ணப்பம் பதிவு செய்தனர். தொடர்ந்து மாணவர்களின் கோரிக்கைகளை ஏற்று தமிழ்நாடு பொறியியல் சேர்க்கைக்கான விண்ணப்ப பதிவு 10.06.2024 மற்றும் 11.06.2024 என இரண்டு நாட்கள் மேலும் நீட்டிக்கப்பட்டது. இதுவரை தமிழக முழுவதும் 2.50 லட்சம் மாணவர்கள் பொறியியல் படிப்புக்கு விண்ணப்பித்துள்ளனர்.

இந்நிலையில் தமிழகத்தில் பொறியியல் படிப்பு மாணவர் சேர்க்கைக்கான தரவரிசை பட்டியல் வெளியிடப்பட்டுள்ளது. இதனை தொழில்நுட்ப கல்வி இயக்கக ஆணையர் வீரராகவராவ் வெளியிட்டுள்ளார். சான்றிதழ் பதிவேற்றிய ஒரு லட்சத்து 55 ஆயிரம் பேருக்கு கட் ஆப் நிர்ணயிக்கப்பட்டு, அதனடிப்படையில் தரவரிசை பட்டியல் தயாரிக்கப்பட்டுள்ளது. www.tneaonline.org  என்ற இணையதளத்தில் பொறியியல் தரவரிசை பட்டியல் வெளியாகியுள்ளது. அண்ணா பல்கலைக்கழகத்திற்கு உட்பட்ட கல்லூரிகளில் பி.இ மற்றும் பி.டெக் படிப்புகளுக்கான ஆன்லைன் கவுன்சில் ஜூலை 22 ஆம் தேதி தொடங்க உள்ளது என தொழில்நுட்ப கல்வி இயக்கக ஆணையர் வீரராகவராவ் அறிவித்துள்ளார். அரசுப் பள்ளி மாணவர்களுக்கான கலந்தாய்வு 22ஆம் தேதி தொடங்கி நடைபெறும் எனவும், பொதுப் பிரிவு மாணவர்களுக்கான கலந்தாய்வு 29 ஆம் தேதி தொடங்கி நடைபெறும் என்றும் அறிவிக்கப்பட்டுள்ளது.

Next Story

பொறியியல் படிப்பு; விண்ணப்பிக்க இன்றே கடைசி நாள்

Published on 11/06/2024 | Edited on 11/06/2024
Engineering Studies; Today is the last day to apply

பொறியியல் கல்லூரிகளில் மாணவர்கள் சேர்க்கைக்கான கால அவகாசம் நீட்டிக்கப்பட்ட நிலையில் இன்றுடன் விண்ணப்பிக்க கடைசி நாள் ஆகும்.

கடந்த ஜூன் 6 ஆம் தேதியுடன் பொறியியல் கல்லூரிகளில் மாணவர்கள் சேர்க்கைக்கு விண்ணப்பிப்பதற்கான கால அவகாசம் நிறைவடைந்தது. அதே சமயம் விண்ணப்பிக்க தவறிய மாணவர்களுக்கு மூலம் கூடுதல் அவகாசம் வழங்கப்பட்டிருந்தது.

அதன்படி தொழில்நுட்ப கல்வி இயக்ககத்தின் ஆணையர் வெளியிட்டிருந்த அறிவிப்பில்,'பொறியியல் கல்லூரிகளில் மாணவர்கள் சேர்க்கைக்கான விண்ணப்பப் பதிவு கடந்த மே மாதம் 6 தேதி (06.05.2024) முதல் கடந்த 6 ஆம் தேதி (06.06.2024) வரை நடைபெற்றது. இதில் 2 லட்சத்து 49 ஆயிரத்து 918 மாணவர்கள் விண்ணப்பம் பதிவு செய்துள்ளனர். அதில் 2 லட்சத்து 6 ஆயிரத்து 12 மாணவர்கள் விண்ணப்பக் கட்டணம் செலுத்தியுள்ளனர். தற்பொழுது மாணாக்கர்களின் கோரிக்கைகளை ஏற்றுத் தமிழ்நாடு மாணாக்கர் பொறியியல் சேர்க்கைக்கான விண்ணப்ப பதிவு நாளை (10.06.2024) மற்றும் நாளை மறுநாள் (11.06.2024) என இரண்டு நாட்கள் மேலும் நீட்டிக்கப்படுகிறது.

இதுவரை விண்ணப்பிக்கத் தவறிய மாணவர்கள் புதிதாக விண்ணப்பத்தினை www.tneaonline.org என்ற இணையதளம் வாயிலாகப் பதிவு செய்து, பதிவு கட்டணம் செலுத்தி தங்களது சான்றிதழ்களைப் பதிவேற்றம் செய்து கொள்ளலாம்' எனத் தெரிவித்திருந்தார். அதன்படி இன்று பொறியியல் கல்லூரிகளில் மாணவர்கள் சேர்க்கைக்கு விண்ணப்பிக்கக் கடைசி நாள் ஆகும். இதுவரை தமிழக முழுவதும் 2.50 லட்சம் மாணவர்கள் பொறியியல் படிப்புக்கு விண்ணப்பித்துள்ளனர் என்பது குறிப்பிடத்தகுந்தது.