Skip to main content

"இந்த கோயிலுக்கு வந்ததால் ‘பீஸ்ட்’ பட வாய்ப்பு கிடைத்தது" - சுஜாதா பாபு பகிரும் சுவாரஸ்யமான தகவல்கள்

Published on 19/10/2022 | Edited on 19/10/2022

 

"I came to this temple....I got an opportunity to film Beast"- Sujata Babu shares interesting facts!

'ஓம் சரவண பவ' யூ-டியூப் சேனலுக்கு பிரபல தனியார் தொலைக்காட்சியின் செய்தி வாசிப்பாளரும், நடிகையுமான சுஜாதா நேர்காணல் அளித்தார். அப்போது அவர் கூறியதாவது "செங்கல்பட்டு மாவட்டம், புதுப்பாக்கத்தில் உள்ள ஸ்ரீ ராம வீர ஆஞ்சநேயர் கோயில் அமைந்துள்ளது. இந்தக் கோயில் வண்டலூர்- கேளம்பாக்கம் சாலையில் அமைந்துள்ளது. இக்கோயிலில் மூன்று தினங்கள் விஷேசமாகக் கொண்டாடுகிறது. வாரந்தோறும் ஆஞ்சநேயர் கோயிலில் சிறப்பு பூஜைகள் நடைபெறும். பக்தர்களும் வருவார்கள். இன்னும் விஷேசமான நாட்கள் என்றால், கார்த்திகைத் திருநாள் இக்கோயிலில் சிறப்பாகக் கொண்டாடப்படுகிறது. கார்த்திகை மாதம்தான் இக்கோயிலில் குடமுழுக்கு நடைபெற இருக்கிறது. ஆஞ்சநேயர் ஜெயந்தி, ஸ்ரீ ராம நவமி ஆகிய நாட்கள் இக்கோயிலில் சிறப்பாகக் கொண்டாடப்படுகிறது. 

 

அந்த நாட்களில் கோயிலில் பக்தர்கள் கூட்டம் அதிகமாக இருக்கும். ஆனால், தற்போது குட முழுக்கு பணிகள் நடைபெற்று வருவதால் கூட்டம் குறைவாகவே உள்ளது. நாம் ஒரு கோயிலுக்கு செல்கிறோம்; ஒரு சுவாமியை நமஸ்காரம் செய்கிறோம் என்றால், அது சாதாரண விஷயம் கிடையாது. எவ்வளவோ மக்கள் எவ்வளவோ நாட்கள் திரும்பத் திரும்ப அந்தக் கோயிலுக்கு சென்று தனது மன பாரங்களை இறக்கி வைப்பார்கள். நமக்கு ஒரு நல்லது நடக்க வேண்டும் என்று பிரார்த்தனை செய்வார்கள். உலகத்திற்கு நல்லது நடக்க வேண்டும் என்று பிரார்த்தனை செய்வார்கள். அந்த பிரார்த்தனைகள் திரும்பத் திரும்ப வரும்போது, இந்த இடத்தில் ஒரு நல்ல பாசிடிவ் வைப்ஸ் கிடைக்கும். 

 

அடிக்கடி நான் இக்கோயிலுக்கு வருவது மன அமைதியைத் தருகிறது. பொதுவாக, இந்த கோயிலில் ஆஞ்சநேயருக்கு ஸ்ரீ ராம ஜெயம் எழுதுவோம். நாம் அவர்கிட்ட கூறினால் போதும், நமக்கு என்ன வேலை செய்ய வேண்டுமோ, அதை செய்து முடிப்பார். நாம் ஆஞ்சநேயர் என்று எழுதுவதற்கு பதில், ஸ்ரீ ராம ஜெயம் எழுதி ஆஞ்சநேயருக்கு மாலையாக அணிவிக்கலாம். துளசி மாலையையும் போடலாம். சனிக்கிழமை அன்று துளசி மாலை போடுவது, வெற்றிலை மாலை போடுவது இங்கு ரொம்ப விஷேசம். அதேபோல், வெண்ணை காப்பு செய்வார்கள். எதுவாக இருந்தாலும் நம் மனது ஒன்றி இக்கோயிலில் வழிப்பட்டோம் என்றால் கண்டிப்பாக நல்லது நடக்கும் என்பது என்னுடைய நம்பிக்கை. 

 

அதேபோல், கோயிலில் வழங்கப்படும் பிரசாதங்களும் நன்றாக இருக்கும்.  அதேபோல், இக்கோயிலில் தேங்காய் கட்டிவிட்டு செல்வார்கள். இந்த தேங்காய் கட்டுவது எதற்கு என்றால் இளநீர் முதலில் எடை அதிகமாக இருக்கும்; அது காய்ந்த பிறகு எடை குறைவாக இருக்கும். காற்று அல்லது தண்ணீரில் அடித்துச் சென்றாலும், அது எந்த இடத்திற்கு போகிறதோ, அது வளர ஆரம்பிக்கும். நமது வாழ்க்கையிலும் அந்த வளர்ச்சி வர வேண்டும் என்பதற்காக, இந்த மட்டைத் தேங்காய்யைக் கட்டுகிறார்கள். பின்பு, 45 நாட்கள் கழித்து நமக்கு உண்டான பிரார்த்தனை நிறைவேறும் என்பது ஐதீகம். கடவுள் மேல் நமது பாரத்தைப் போட்டுவிட்டு எப்படியாவது இந்த வேலை நடக்க வேண்டும் என்று நினைக்கும் போது அந்த பாசிட்டிவ் வைப்ஸ் எங்கிருந்தாலும், நல்ல காரியத்தைக் கண்டிப்பாக நடத்திக் கொடுத்து விடுவார்கள். 

 

அதற்காகத்தான் இந்த மட்டை தேங்காயைக் கட்டி வழிபாடு செய்கிறார்கள். 45 நாட்களுக்குப் பிறகு அந்த மட்டை தேங்காயை உடைத்து ஆஞ்சநேயருக்கு அர்ச்சனை செய்து அதை வீட்டுக்கு எடுத்துச் சென்று சுவீட் செய்து சாப்பிட்டோமேயானால் அந்த வேலையும் நடக்கும். நமது மனசும் ரொம்ப திருப்தியாக இருக்கும். அதனால், நான் அடிக்கடி வந்து செல்லும் கோயில் புதுப்பாக்கம் ஆஞ்சநேயர் கோயில். கார்த்திகை மாதம் இக்கோயிலில் குடமுழுக்கு விழா நடைபெறவிருப்பதால், அதற்கான ஏற்பாடுகள் நடைபெற்று வருகின்றன. இதனால், ஆஞ்சநேயரைப் பார்க்க முடியவில்லை. 

 

குடமுழுக்கு முடிந்த பிறகு நான் இக்கோயிலுக்கு வருவேன். சனிக்கிழமை கோயிலுக்கு வரும்போது, அர்ச்சகர் தண்ணீரை எடுத்து நமது முகத்தில் தெளிப்பார். அந்த தண்ணீர் தெளிக்கும்போது, பார்த்தால் நமது மனதில் இருக்கும் பிரச்சனைகள், நமது மனதில் இருக்கும் சந்தேகங்கள், நமது மனதில் இருக்கும் பயம் எல்லாமே உடனடியாக விடுபட்டுவிடும். 

 

நான் சினிமாவில் நடிக்கலாம் என்று யோசித்துக் கொண்டிருக்கும்போது, எந்த மாதிரியான வாய்ப்புகள் நமக்கு கிடைக்கும்? நாம் வெளியே சொல்ல இன்னும் ஆரம்பிக்கவில்லையே, இப்போது செய்தி வாசிப்பாளராகத்தானே  இருக்கிறோம். யார்கிட்ட போய் சொல்வது? எப்படி சினிமா துறைக்குள் செல்வது என்று யோசித்துக் கொண்டிருந்தேன். பின்னர், இக்கோயிலுக்கு வந்தேன். பிரார்த்தனை செய்தேன். கோயிலுக்கு வந்துவிட்டு வீட்டுக்குச் சென்ற இரண்டாவது நாளே, எனக்கு சன் பிக்சர் நிறுவனத்தில் இருந்து தொலைபேசியின் மூலம் அழைப்பு வந்தது. அதற்குப் பிறகுதான்  ‘பீஸ்ட்’ படத்தில் நடித்தேன்". எனக் கூறினார். 


 

Next Story

பார் மேற்கூரை இடிந்து 3 பேர் உயிரிழப்பு; 12 பேர் மீது வழக்கு

Published on 29/03/2024 | Edited on 29/03/2024
Bar roof collapses, 3 lost live Case against 12 people

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதியில் மேற்கூரை இடிந்து விழுந்து ஏற்பட்ட விபத்தில் 3 பேர் உயிரிழந்த நிலையில் போலீசார் வழக்குப்பதிவு செய்து விசாரித்து வருகின்றனர்.

சென்னை ஆழ்வார்பேட்டையில் தனியாருக்குச் சொந்தமாக இயங்கி வந்த பாரின் முதல் தளத்தின் மேற்கூரை நேற்று இரவு திடீரென யாரும் எதிர்பாராத விதமாக இடிந்து விழுந்தது. இதில் திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) லாலி (வயது 22) ஆகியோர் உயிரிழந்தனர். உயிரிழந்த 3 பேரின் உடல்களும் மீட்கப்பட்டுப் பிரேதப் பரிசோதனைகளுக்காக அரசு மருத்துவமனைக்கு கொண்டு செல்லப்பட்டது.

இந்த விபத்து குறித்து காவல்துறை உயர் அதிகாரி ஒருவர் செய்தியாளர்களைச் சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக் கொண்டுள்ளதாகத் தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார்.

தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் அதிர்ச்சியை ஏற்படுத்தியுள்ளது. இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின் போது ஏற்பட்ட அதிர்வின் காரணமாக இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகி உள்ளதாகவும் கூறப்பட்டது. இந்நிலையில் முதற்கட்டமாக 12 பேர் மீது வழக்குப் பதிவு செய்துள்ள அபிராமபுரம் போலீசார், பாரின் மேலாளர் சதீஷ் உட்பட ஐந்து பேரை பிடித்து விசாரணை நடத்தி வருகின்றனர்.

Next Story

கேளிக்கை விடுதி விபத்து; மெட்ரோ ரயில் நிர்வாகம் விளக்கம்!

Published on 28/03/2024 | Edited on 28/03/2024
Metro Rail Admin Explanation on Alwarpet hotel incident

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதி ஒன்று செயல்பட்டு வருகிறது. இந்த விடுதியின் முதல் தளத்தின் மேற்கூரை திடீரெனெ யாரும் எதிர்பாராத விதமாக இடிந்து விழுந்துள்ளது. அப்போது அங்கு இருந்த 3 பேர் உயிரிழந்தனர். திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) மற்றும் லாலி (வயது 22) ஆகியோர் உயிரிழந்ததாக போலீஸ் தரப்பில் இருந்து தகவல் தெரிவிக்கப்பட்டுள்ளது. மேலும் உயிரிழந்த 3 பேரின் உடல்களும் மீட்கப்பட்டு பிரேத பரிசோதனைகளுக்காக அரசு மருத்துவமனைக்கு கொண்டு செல்லப்பட்டுளளன.

இந்த கட்டட விபத்து குறித்து தகவல் அறிந்து சம்பவ இடத்திற்கு விரைந்து வந்த 20 பேர் கொண்ட தேசிய பேரிடர் மீட்பு படையினர் மீட்புப்பணியில் ஈடுபட்டுள்ளனர். இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின்போது ஏற்பட்ட அதிர்வின் காரணமாகக் இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகி இருந்தது.

இது விபத்து குறித்து சென்னை மாநகர கூடுதல் காவல் ஆணையர் பிரேமானந்த் சின்ஹா செய்தியாளர்களை சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக்கொண்டுள்ளதாக தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார். தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் சோகத்தையும் அதிர்ச்சியையும் ஏற்படுத்தியுள்ளது.

Metro Rail Admin Explanation on Alwarpet hotel incident

இந்நிலையில் இந்த விபத்து குறித்து சென்னை மெட்ரோ ரயில் நிறுவனம் விளக்கமளித்துள்ளது. இது குறித்து எக்ஸ் சமூக வலைத்தளத்தில் வெளியிட்டுள்ள பதிவில், “சென்னை ஆழ்வார்பேட்டையில் உள்ள தனியாருக்கு சொந்தமான பொழுதுபோக்கு கிளப்பில் உள்ள மெஸ்ஸானைன் தளம் இடிந்து விழுந்த சம்பவம் தொடர்பாக விளக்கமிக்க வேண்டிய தேவை உள்ளது. இந்த துரதிர்ஷ்டவசமான சம்பவம் தற்போது நடந்து கொண்டிருக்கும் மெட்ரோ ரயில் பணிகளால் அல்ல என்பதை  சென்னை மெட்ரோ ரயில் நிறுவனம் (CMRL) தெளிவுபடுத்த விரும்புகிறது.

ஏனெனில் மெட்ரோ ரயில் பணியானது, விபத்து நிகழ்ந்த கட்டிடத்திலிருந்து கிட்டத்தட்ட 240 அடி தொலைவில் உள்ளது. மேலும் விபத்து நிகழ்ந்த கட்டடத்தில் அதிர்வுகள் எதுவும் காணப்படவில்லை. சென்னை மெட்ரோ ரயில் நிறுவன அதிகாரிகள் சம்பவ இடத்தில் விசாரணை மேற்கொண்டு வருகின்றனர். மீட்புப் பணிகளில் தமிழ்நாடு தீயணைப்பு மற்றும் மீட்புப் பணி அதிகாரிகளுக்கு உதவி செய்ய உள்ளதாகவும் சென்னை மெட்ரோ ரயில் நிறுவனம் தெரிவிக்க விரும்புகிறது” எனத் தெரிவிக்கப்பட்டுள்ளது.