Skip to main content

முதல் விண்வெளி வீராங்கனையை அறிவித்தது ஐக்கிய அரபு அமீரகம்! 

Published on 12/04/2021 | Edited on 12/04/2021

 

first uae women astronaut

 

ஐக்கிய அரபு அமீரகம், தொடர்ந்து விண்வெளி ஆராய்ச்சியில் தீவிரம் காட்டி வருகிறது. இதுவரை அமெரிக்கா, இந்தியா, ரஷ்யா, ஐரோப்பிய ஒன்றியம் ஆகிய நாடுகள் மட்டுமே செவ்வாய் கிரகத்திற்கு விண்கலத்தை அனுப்பியிருந்த நிலையில், சமீபத்தில் ஐக்கிய அரபு அமீரகமும் இந்த சாதனையை நிகழ்த்தியது. ஐக்கிய அரபு அமீரகம், கடந்த 2020ஆம் ஆண்டு அனுப்பிய விண்கலம், இந்த ஆண்டு பிப்ரவரி மாதம் செவ்வாய் கிரகத்தை சென்றடைந்தது.

 

இதேபோல் கடந்த சில வருடங்களாக ஐக்கிய அரபு அமீரகம், பெண்கள் முன்னேற்றத்திற்கான சீர்திருத்தத்தை மேற்கொண்டு வருகிறது. கடந்த வருடம் தனியார் நிறுவனங்களில் வேலை பார்க்கும் ஆண் மற்றும் பெண்களுக்கு சமமான ஊதியத்தை வழங்கும் சட்டத்தை ஐக்கிய அரபு அமீரகம் அமல்படுத்தியது. அமீரகத்தின் செவ்வாய் கிரகத்திற்கு விண்கலத்தை அனுப்பும் திட்டத்திற்கு, சாரா அல் அமிரி எனும் பெண் அமைச்சர் தலைமை தாங்கினார். இவர் அமீரக அமைச்சரவையில், நவீன அறிவியல் துறை அமைச்சராக இருப்பது குறிப்பிடத்தக்கது. 

 

இந்தநிலையில், ஐக்கிய அரபு அமீரகம் சார்பில் விண்வெளிக்குச் செல்லும் முதல் வீராங்கனையை அந்நாடு அறிவித்துள்ளது. நோரா அல்-மெட்ரூஷி என்னும் 27 வயதான பெண், ஐக்கிய அரபு அமீரகத்தின் சார்பில் முதல் பெண்ணாக விண்வெளிக்குச் செல்லவுள்ளார். மெக்கானிக்கல் இன்ஜினியரிங் படித்துள்ள அவர், தற்போது பெட்ரோலிய கட்டுமான நிறுவனத்தில் பணியாற்றி வருகிறார். 

 

ஐக்கிய அரபு அமீரகம், தாங்கள் எண்ணெய் வளத்தை சார்ந்திருப்பதைக் குறைக்கும் விதமாக, அறிவியல் மற்றும் தொழில்நுட்ப திறன்களை வளர்த்துக்கொள்ள முயன்று வருகிறது. அதற்கு விண்வெளி திட்டங்களைப் பயன்படுத்தி வருகிறது. ஐக்கிய அரபு அமீரகம், 2024ஆம் ஆண்டு நிலவுக்கு விண்ணூர்தியை அனுப்பவும், 2117ஆம் ஆண்டில் செவ்வாய் கிரகத்தில் குடியேற்றங்களை ஏற்படுத்தவும் திட்டமிட்டுள்ளது குறிப்பிடத்தக்கது.

 

 

சார்ந்த செய்திகள்

Next Story

சகோதரிகள் இருவரை 5 பேர் கூட்டுப் பாலியல் வன்கொடுமை; 17 வயது சிறுவன் உள்ளிட்ட மூவர் கைது!

Published on 21/03/2024 | Edited on 21/03/2024
 Police arrested 4 people for misbehaving with two sisters

அருப்புக்கோட்டை - கல்லூரணியைச் சேர்ந்த பெண் ஒருவர், அருப்புக்கோட்டை டவுன் காவல் நிலையத்தில் அளித்த புகார் மனுவில், ‘என்னுடைய தங்கை,  அருப்புக்கோட்டை பெர்கின்ஸ்புரத்தில் வசித்து வருகிறார். நாங்கள் இருவரும் குறிஞ்சாங்குளத்தில் உள்ள தனியார் பனியன் கம்பெனியில் வேலை பார்த்து வருகிறோம்.

இந்நிலையில், எனது சம்பளப் பணத்தை வாங்குவதற்காக அருப்புக்கோட்டையில் உள்ள என்னுடைய தங்கை வீட்டிற்குச் சென்றபோது, எங்களுக்கு அறிமுகமான ராஜ்குமார் என்பவர் எங்களிடம், ‘உங்க மாமாவுக்கு ஆக்ஸிடன்ட் ஆயிருச்சு.’ என்று கூறி, எங்களை அழைத்துக் கொண்டு வாழ்வாங்கி காட்டுப் பகுதிக்கு கூட்டிச் சென்றார்.  அங்கு  மறைந்திருந்த  நான்கு பேரும், ராஜ்குமாரை தாக்குவது போல் தாக்கி, அவர் கண் முன்னே எங்கள் இருவரையும் கூட்டுப் பாலியல் பலாத்காரம் செய்துவிட்டனர்.’  எனக் குறிப்பிட்டிருந்தார். அவர் அளித்த புகாரின் அடிப்படையில், ராஜ்குமார் உள்ளிட்ட 5 பேர் மீது காவல்துறையினர் வழக்குப்பதிவு செய்து விசாரித்தனர். டிஎஸ்பி ஜெகந்நாதன் தலைமையில், இன்ஸ்பெக்டர் பாலமுருகன் உள்ளிட்ட காவல்துறையினர், இளம் பெண்களை அழைத்துச் சென்று விசாரணை  நடத்தினர்.

இதனைத் தொடர்ந்து, சேதுராஜபுரத்தைச் சேர்ந்த ராஜ்குமார் (வயது 24) என்பவரைப் பிடித்து விசாரித்தபோது, ராஜ்குமாரும், இளம் பெண்களை பாலியல் பலாத்காரம் செய்த மற்ற நான்கு பேரும் கூட்டாளிகள் என்பதும், அதிலொருவன் 17 வயது சிறுவன் என்பதும் தெரிய வந்துள்ளது. தொடர்ந்து ராஜ்குமார் அளித்த தகவலின் அடிப்படையில், அந்த 17 வயது சிறுவன், ராமச்சந்திராபுரத்தைச் சேர்ந்த சுந்தரலிங்கம் (வயது 26), சூரநாயக்கன்பட்டியைச் சேர்ந்த பாலாஜி (வயது 26) மற்றும் இளம் பெண்களை அழைத்துச் சென்ற ராஜ்குமார்(24) ஆகிய நான்கு பேரையும் கைது செய்தனர். தலைமறைவான பந்தல்குடியைச் சேர்ந்த கார்த்திக் என்ற இளைஞரைத் தேடி வருகின்றனர்.

Next Story

துக்க வீட்டிற்கு வந்த பெண்களுக்கு நேர்ந்த சோகம்; திட்டக்குடியில் பரபரப்பு

Published on 19/03/2024 | Edited on 19/03/2024
Six women were injured in an electric shock at a funeral home and were admitted to hospital

கடலூர் மாவட்டம் திட்டக்குடி அருகே உள்ள கீழ் செறுவாய் கிராமத்தைச் சேர்ந்தவர் 30 வயது முருகானந்தம். கடந்த சில நாட்களுக்கு முன்பு சென்னையில் ஒரு விபத்தில் மரணமடைந்தார். அவரது உடலைச் சொந்த கிராமமான கீழ் செறுவாய் கிராமத்திற்கு அவரது உறவினர்களால் கொண்டு வரப்பட்டு அஞ்சலிக்காக பிரீசர் பாக்ஸில் வைக்கப்பட்டது.

இந்த நிலையில், இறந்து போன முருகானந்தம் உடலுக்கு உறவினர்கள் மற்றும் கிராம மக்கள் அஞ்சலி செலுத்த வருகை தந்தனர். அவர்களில் சிலர் சவப்பெட்டியை சுற்றிலும் நின்று கொண்டு ஒப்பாரி வைத்து அழுது கொண்டிருந்தனர். அப்போது சவப்பெட்டியில் இருந்து மின் கசிவு ஏற்பட்டுள்ளது. இதை யாரும் எதிர்பாராத நிலையில் அதே கிராமத்தைச் சேர்ந்த பெண்கள் மீது மின்சாரம் தாக்கியுள்ளது. இதில் கனகவல்லி, ராஜாம்பாள், லலிதா, கௌரி, மகேஸ்வரி, கருப்பாயி உட்பட ஆறு பேர் காயமடைந்தனர்.

உடனே அக்கம்பக்கத்தினர் அவர்களை மீட்டு சிகிச்சைக்காக திட்டக்குடி அரசு மருத்துவமனைக்கு கொண்டு வந்து சேர்த்தனர். அவர்களுக்கு மருத்துவர்கள் உரிய சிகிச்சை அளித்து வருகின்றனர். இந்த சம்பவம் குறித்து தகவல் அறிந்த திட்டக்குடி போலீசார் சம்பவ இடத்திற்குச் சென்று விசாரணை நடத்தி வருகின்றனர். துக்கம் விசாரிக்க வந்த இடத்தில் சவப்பெட்டியில் ஏற்பட்ட மின் கசிவு காரணமாக பெண்கள் படுகாயம் அடைந்த சம்பவம் அந்த கிராம மக்கள் மத்தியில் பெரும் அதிர்ச்சியை ஏற்படுத்தி உள்ளது.