Skip to main content

இந்தியாவில் மத சுதந்திரம் மோச நிலை? - அமெரிக்க ஆணையம் விசாரணை!

Published on 16/09/2023 | Edited on 16/09/2023

 

Is religious freedom in India bad? American commission investigation!

 

இந்தியாவில் மத சுதந்திரத்தின் நிலை குறித்து செப்டம்பர் 20 ஆம் தேதி அமெரிக்க சர்வதேச மத சுதந்திரத்திற்கான ஆணையம் விசாரணையை நடத்த உள்ளதாக அறிவித்துள்ளது. இது இந்திய அரசியல் தளத்தில் பரபரப்பைக் கிளப்பியுள்ளது. 

 

அமெரிக்க சர்வதேச மத சுதந்திரத்திற்கான ஆணையம் வாஷிங்டனில் இயங்கி வருகிறது. இதன் நோக்கம், உலக நாடுகளில் மத சுதந்திரம் எந்த நிலையில் இருக்கிறது என்பதனை அறிந்து அறிக்கை சமர்ப்பிக்கும். இந்த ஆணையம் கடந்த மே மாதம், 2023க்கான அறிக்கையை வெளியிட்டது. அதில், “2022இல் இந்தியாவில் மத சுதந்திரத்திற்கான நிலைமைகள் தொடர்ந்து மோசமடைந்து வந்துள்ளது” என்று கூறியுள்ளது. மேலும் அந்த அறிக்கையில், "இந்த ஆண்டில் இந்திய அரசு அதன் தேசிய, மாநில மற்றும் உள்ளூர் மட்டங்களில் மத மாற்றத்தை குறி வைத்த சட்டங்கள் உட்பட மத பாரபட்சமான கொள்கைகளை ஊக்குவித்து செயல்படுத்தியுள்ளது. தொடர்ந்து, மதங்களுக்கிடையேயான உறவுகள், ஹிஜாப் அணிவது மற்றும் பசுக்கொலை முதலானவை மற்றும் முஸ்லிம்கள், கிறிஸ்தவர்கள், சீக்கியர்கள், தலித்துகள் மற்றும் ஆதிவாசிகள் மீது (பழங்குடி மக்கள் மற்றும் பட்டியலிடப்பட்ட பழங்குடியினர்) மறைமுகமான தாக்கத்தை ஏற்படுத்துகிறது" எனக் கூறியுள்ளது. 4வது முறையாக அமெரிக்க சர்வதேச மத சுதந்திர ஆணையம் இந்தியாவை விமர்சித்துள்ளது.

 

ஆனால், இதற்கு இந்திய வெளியுறவுத்துறை மறுப்பு தெரிவித்தது. அதில், "சர்வதேச மத சுதந்திரத்திற்கான அமெரிக்க ஆணையம் இந்தியா குறித்து ஒருதலைபட்சமான கருத்துகளைத் தொடர்ந்து,  இந்த 2023 ஆண்டு அறிக்கையிலும் கூறி வருகிறது. இதுபோன்ற செயல் ஆணையத்தையே இழிவுபடுத்தும். எனவே, இந்த தவறான விளக்கத்தை நாங்கள் நிராகரிக்கிறோம். இத்தகைய முயற்சிகளில் இருந்து ஆணையம் வெளிவந்து இந்தியாவின் பன்மைத்துவம், அதன் ஜனநாயக நெறிமுறைகள் மற்றும் அதன் அரசியலமைப்பு வழிமுறைகள் பற்றி சிறந்த புரிதலை வளர்த்துக் கொள்ள வேண்டும் என வலியுறுத்துகிறோம்." என இந்திய வெளியுறவுத் துறை அமைச்சகம் பதிலளித்தது.

 

இந்த நிலையில் சர்வதேச மத சுதந்திரத்திற்கான அமெரிக்க ஆணையம் இந்தியாவை விசாரணை மேற்கொள்ளவிருப்பதாகத் தெரிவித்துள்ளது. அதன் அறிக்கையில், "பிரதமர் நரேந்திர மோடியும் ஜனாதிபதி ஜோ பைடனும் சமீபத்தில் இரண்டு வெற்றிகரமான இருதரப்பு சந்திப்புகளை நடத்தினர். இது நெருங்கிய உறவை பிரதிபலித்தது. ஆனாலும்,  மதமாற்ற எதிர்ப்புச் சட்டம், பசுவதை சட்டங்கள் போன்று சிவில் சமூக சட்டம் என இந்தியா மேற்கொண்டுள்ளது. இது குறித்து யு.எஸ்.சி.ஐ.ஆர்.எஃப். இந்தியாவில் விசாரணை மேற்கொள்ள உள்ளதாகவும் சொல்லப்படுகிறது.

 

எனவே, கீழ் குறிப்பிட்டுள்ள அனைவரும் ஆணையத்தின் முன்பு விளக்கமளிக்க அழைக்கப்பட்டுள்ளனர். அவர்களில், சிறுபான்மையினர் விவகாரங்களுக்கான ஐக்கிய நாடுகளின் சிறப்பு அறிக்கையாளர் பெர்னாண்ட் டி வரேன்ஸ், காங்கிரஸின் சட்ட நூலகத்தின் வெளிநாட்டு சட்ட நிபுணர் தாரிக் அகமது, சாரா யாகர் மனித உரிமைகள் கண்காணிப்பு வாஷிங்டன் இயக்குநர், சுனிதா விஸ்வநாத் இந்துக்கள் மனித உரிமைகளுக்கான செயல் இயக்குநர். மேலும் ஜார்ஜ் டவுன் பல்கலைக் கழகத்தில் பணிபுரியும் இந்திய அரசியல் பேராசிரியர்கள் இர்பான் நூருதீன், ஹமத் பின் கலீஃபா அல்தானி மூவரும் விளக்கமளிக்க வேண்டி அழைக்கப்பட்டுள்ளனர். இதனை புதன்கிழமை, செப்டம்பர் 20, வாசிங்டன் ஹார்ட் செனட் அலுவலக கட்டடத்தில் நடத்த உள்ளது என்றும் கூறப்படுகிறது. இந்தியாவின் மத சுதந்திரம் குறித்து விளக்கமளிக்க அமெரிக்க ஆணையம் அழைத்திருப்பது சலசலப்பை ஏற்படுத்தியுள்ளது.

 


 

சார்ந்த செய்திகள்

 

Next Story

“இந்தியா எதிரி நாடுதான் இருந்தாலும்...” - பாகிஸ்தான் எதிர்க்கட்சி தலைவர்

Published on 13/06/2024 | Edited on 13/06/2024
Pakistan Opposition Leader says Though India is an enemy country

இந்தியாவில் உள்ள 543 மக்களவைத் தொகுதிகளுக்கான தேர்தல் ஏப்ரல் 19ஆம் தேதி தொடங்கி ஏழு கட்டங்களாக நடைபெற்றது. கடைசிக் கட்டமாக ஜூன் 1ஆம் தேதி நடைபெற்று, முடிவுகள் ஜூன் 4ஆம் தேதியும் அறிவிக்கப்பட்டன. அதில், பா.ஜ.க தலைமையிலான தேசிய ஜனநாயகக் கூட்டணி மத்தியில் ஆட்சி அமைத்துள்ளது, தொடர்ந்து மூன்றாவது முறையாக நரேந்திர மோடி பிரதமராக பதவியேற்றுள்ளார். 

இந்த நிலையில், பாகிஸ்தானின் எதிர்க்கட்சித் தலைவர் சையத் ஷிப்லி ஃபராஸ், சமீபத்தில் நடந்து முடிந்த பொதுத் தேர்தலை இந்தியா சுதந்திரமாகவும் நியாயமாகவும் நடத்தியதற்காகப் பாராட்டியதோடு, தனது நாட்டிலும் இதேபோன்ற செயல்முறையை நடத்த விரும்புவதாகத் தெரிவித்தார்.

பாகிஸ்தான் செனட்டில் பேசிய பாகிஸ்தான் தெஹ்ரீக்-இ-இன்சாப் (பிடிஐ) தலைவர் சையத் ஷிப்லி ஃபராஸ், “எதிரி நாட்டின் உதாரணத்தை நான் மேற்கோள் காட்ட விரும்பவில்லை. இருந்தாலும் சமீபத்தில், அங்கு (இந்தியா) தேர்தல்கள் நடத்தப்பட்டன.  800 மில்லியனுக்கும் அதிகமான மக்கள் வாக்களித்தனர். ஆயிரக்கணக்கான மற்றும் லட்சக்கணக்கான வாக்குச் சாவடிகள் இருந்தன. சில வாக்குச் சாவடிகள் ஒரு இடத்தில் ஒரு வாக்காளருக்காகவும் அமைக்கப்பட்டன. ஒரு மாத காலப் பயிற்சி முழுவதும் இ.வி.எம்கள் மூலம் நடத்தப்பட்டது. மக்களவைத் தேர்தலில் முறைகேடு நடந்ததா என்று இந்தியாவில் இருந்து ஒரு குரல் கூட கேட்கவில்லை. 

எவ்வளவு சீராக மின்சாரம் பரிமாறப்பட்டது. நாமும் அதே நிலையில் இருக்க விரும்புகிறோம். இந்த நாடு சட்ட உரிமைக்காகப் போராடி வருகிறது. இங்கே, வாக்கெடுப்பில் தோற்றவர்கள் ஒப்புக்கொள்ள மாட்டார்கள். மேலும் வெற்றியாளரும் அவரது சொந்த விருப்பப்படி தேர்ந்தெடுக்கப்படுகிறார். இப்படியான அணுகுமுறை நமது அரசியல் அமைப்பை வெறுமையாக்கியுள்ளது” என்று கூறினார். 

Next Story

மோடி தொடர் பின்னடைவு; சவால் கொடுக்கும் முடிவு நிலவரம் !

Published on 04/06/2024 | Edited on 04/06/2024
Continued Modi backlash; Challenging decision situation

18வது மக்களவைத் தேர்தல் இந்தியா முழுவதும் ஒவ்வொரு மாநிலமாக 7 கட்டங்களாக நடைபெற்ற நிலையில் தேர்தலில் பதிவான வாக்குகள் இன்று எண்ணப்பட்டு முடிவுகள் வெளியாகி வருகின்றன.

இன்று வாக்கு எண்ணிக்கை நாள் என்பதால் வாக்கு எண்ணும் மையங்களில் மூன்றடுக்கு போலீஸ் பாதுகாப்பு போடப்பட்டுள்ளது. முகவர்கள் உரிய சோதனைக்கு பிறகு அனுமதிக்கப்பட்டு வாக்கு எண்ணிக்கை தொடங்கியது.  9.30 மணி நிலவரப்படி மொத்தமுள்ள 543 தொகுதிகளில் 283 தொகுதிகளில் பாஜக முன்னிலை வகித்து வருகிறது. காங்கிரஸ் 255 இடங்களிலும், மற்றவை 23 இடங்களிலும் முன்னிலை வகித்து வருகிறது. உத்தரப்பிரதேசம் மாநிலம் வாரணாசி தொகுதியில் பிரதமர் மோடியை விட காங்கிரஸ் வேட்பாளர் அஜய்ராய் 6000 வாக்குகள் வித்தியாசத்தில் முன்னிலையில் இருந்த நிலையில் தற்போது இரண்டாவது சுற்றிலும் மோடி பின்னடைவை சந்தித்துள்ளார். இரண்டாவது சுற்று முடிவில் காங்கிரஸ் வேட்பாளர் அஜய் ராய் 14,503 வாக்குகளும் மோடி 9,505  வாக்குகளும் பெற்றுள்ள நிலையில் மோடி பின்னடைவைச் சந்தித்துள்ளார்.