Skip to main content

2 ஆண்டுகள் தடைக்குப் பிறகு ட்ரம்ப் மீண்டும் என்ட்ரி 

Published on 27/01/2023 | Edited on 27/01/2023

 

Former US President Trump's social media accounts have been unbanned

 

அமெரிக்காவின் முன்னாள் அதிபர் ட்ரம்ப்பின் சமூக வலைதளக் கணக்குகளுக்கு விதிக்கப்பட்டிருந்த தடை 2 ஆண்டுகளுக்குப்  பிறகு நீக்கப்பட்டுள்ளது.

 

கடந்த 2020 ஆம் ஆண்டில் அமெரிக்காவில் அதிபர் தேர்தல் நடைபெற்றது. அதில் குடியரசுக் கட்சி சார்பாக மீண்டும் ட்ரம்ப் போட்டியிட்டு, ஜனநாயகக் கட்சி சார்பில் போட்டியிட்ட ஜோ பைடனிடம் தோல்வியடைந்தார். இதனைத் தொடர்ந்து அதிபர் தேர்தலில் முறைகேடு நடைபெற்றதாகக் கூறி ட்ரம்பின் ஆதரவாளர்கள் அமெரிக்காவின் கேப்பிட்டல் கட்டடத்தில் உள் நுழைந்து வன்முறையில் ஈடுபட்டனர். இது அமெரிக்க வரலாற்றில் கருப்பு நாளாகக் கருதப்படுகிறது. போராட்டத்தில் ஈடுபட்ட தனது ஆதரவாளர்களை ட்ரம்ப்  தனது சமூக வலைதளப் பக்கங்களில் பாராட்டியிருந்தார். இதற்கு சமூக வலைதளங்களின் மூலம் மக்களின் மத்தியில் வெறுப்பை விதைத்தாக கூறி ஃபேஸ்புக், ட்விட்டர் உள்ளிட்ட நிறுவனங்கள் ட்ரம்ப்பின் கணக்குகளுக்குத் தடை விதித்தது. 

 

இந்நிலையில் ஃபேஸ்புக் மற்றும் இன்ஸ்டாகிராமில் ட்ரம்ப்புக்கு விதிக்கப்பட்டிருந்த தடையை மெட்டா நிறுவனம் நீக்கியுள்ளது. இது குறித்து பேசிய மெட்டா சர்வதேச விவகாரங்களின் தலைவர் நிக் க்ளெக், “2021 அமெரிக்க கலவரத்திற்குப் பின்னர் முன்னாள் அதிபர் டொனால்ட் ட்ரம்ப் மீதான பேஸ்புக், இன்ஸ்டாகிராம் பயன்படுத்துவதற்கான தடை நீக்கப்படுகிறது. இருப்பினும் சில விதிமுறைகளும் விதிக்கப்படுகின்றன. மீண்டும் ஏதேனும் விதிமீறல்கள் இருந்தால் ஒவ்வொரு விதிமீறலுக்கும் இரண்டாண்டுகள் தடை விதிக்கப்படும்” எனத் தெரிவித்திருக்கிறார். 

 

இதனிடையே எலான் மஸ்க் ட்விட்டர் நிறுவனத்தை வாங்கிய பிறகு கடந்த அண்டு நவம்பர் மாதம் ட்ரம்ப்பின் ட்விட்டர் கணக்கிற்கான தடை நீக்கப்பட்டது. ஆனால், ட்ரம்ப் இன்று வரை ஒரு ட்விட்டர் பதிவும் கூட வெளியிடவில்லை. ட்ரம்பின் சமூக வலைதளக்கணக்குகளுக்கு தடை விதிக்கப்பட்டபோது ட்ரூத் என்று தனியாக ஒரு சமூக வலைதளத்தை தொடங்கினார் என்பது குறிப்பிடத்தக்கது. 

 

 

சார்ந்த செய்திகள்

 

Next Story

“‘மோடியின் குடும்பம்’ என்பதை நீக்குங்கள்” - பிரதமர் மோடி

Published on 12/06/2024 | Edited on 12/06/2024
PM Modi request to remove 'Modi family' from social media

ஏழு கட்டங்களாக நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றது. இதில் தேசிய ஜனநாயகக் கூட்டணியில் உள்ள பா.ஜ.க தனித்து 240 தொகுதிகளை மட்டுமே கைப்பற்றியிருந்தது.

ஆட்சி அமைக்க தனிப்பெரும்பான்மை கிடைக்காததால் தேசிய ஜனநாயகக் கூட்டணியில் உள்ள தெலுங்கு தேசம் கட்சி மற்றும் ஐக்கிய ஜனதா தளம் கட்சியுடன் சேர்ந்து கூட்டணி ஆட்சியை மத்தியில் பிரதமர் மோடி தலைமையிலான பாஜக அமைத்துள்ளது. இந்த நிலையில் பிரதமர் மோடி சமூக வலைதளங்களில் ‘மோடியின் குடும்பம்’ என்று வைத்திருப்பவர்கள் அதனை நீக்க வேண்டும் என்று கோரிக்கை வைத்துள்ளார். 

நாடாளுமன்றத் தேர்தல் பரப்புரையின் போது, பீகாரின் ராஷ்டிரிய ஜனதாதளம் கட்சியின் தலைவர் லாலு பிரசாத் யாதவ் பிரதமர் மோடிக்கு குடும்பம் இல்லை என்று விமர்சித்திருந்தார். அதற்கு, இந்தியாவே எனது குடும்பம் என்று பிரதமர் மோடி பதிலளித்தார். இதனைத் தொடர்ந்து பாஜக மற்றும் இந்துத்துவா அமைப்பினர் சமூக வலைதளங்களில் அவர்களது பெயருக்குப் பின்னால் ‘மோடியின் குடும்பம்’(மோடி கா பரிவார்) என்று மாற்றம் செய்துகொண்டனர். இந்த நிலையில்தான் பிரதமர் மோடி, ‘மோடியின் குடும்பம்’ என்பதை நீக்குமாறு கேட்டுக்கொண்டுள்ளார். 

மேலும், இந்தியா முழுவதும் இருக்கும் மக்கள் அனைவரும் என் மீதான பாசத்தின் காரணமாக சமூக வலைதள கணக்குக்குகளுக்கு பின் ‘மோடியின் குடும்பம்’ என்று  சேர்ந்தனர். அதிலிருந்து நான் நிறைய பலன் பெற்றேன். நமது தேசத்தின் முன்னேற்றத்திற்காகத் தொடர்ந்து பணியாற்றுவதற்கான ஆணையை மக்கள் நமக்கு வழங்கியுள்ளனர். நாம் அனைவரும் ஒரு குடும்பம் என்ற செய்தி திறம்படத் தெரிவிக்கப்பட்டுள்ளது. அதற்கு இந்திய மக்களுக்கு நன்றியை தெரிவித்துக்கொள்கிறேன். தற்போது, ‘மோடியின் குடும்பம்’ என்பதை நீக்குமாறு கேட்டுக்கொள்கிறேன். பெயர்கள் மாறலாம்; ஆனால் இந்தியாவின் முன்னேற்றத்திற்காக உழைக்கும் நாம் எப்போதும் ஒரே குடும்பம் என்ற வலிமையான உறவு அப்படியே இருக்கும் என்று தெரிவித்துள்ளார். 

Next Story

பாஜகவினருக்கு பிரதமர் மோடி முக்கிய அறிவுறுத்தல்!

Published on 11/06/2024 | Edited on 11/06/2024
Prime Minister Modi's important instructions to the BJP

நாட்டின் பிரதமராக மூன்றாவது முறையாக நரேந்திர மோடி பதவியேற்கும் விழா டெல்லியில் உள்ள குடியரசுத் தலைவர் மாளிகையில் நேற்று முன்தினம் (09.06.2024) நடைபெற்றது. இதன் ஒரு பகுதியாகக் குடியரசுத் தலைவர் திரௌபதி முர்மு, பிரதமராகப் பதவியேற்கும் மோடிக்கு பதவிப் பிரமாணமும், ரகசிய காப்பு பிரமாணமும் செய்து வைத்தார். அதனைத் தொடர்ந்து கேபினட் அமைச்சர்களும், தனிப்பொறுப்புடன் கூடிய இணையமைச்சர்கள், மற்றும் இணையமைச்சர்கள் பதவியேற்றனர். இதன் மூலம் பிரதமர் மோடி தலைமையில் 72 பேர் கொண்ட அமைச்சர்கள் பதவி ஏற்றனர். அதில் 30 கேபினட் அமைச்சர்கள், தனிப்பொறுப்புடன் கூடிய 5 இணையமைச்சர்கள் மற்றும் 36 இணையமைச்சர்கள் பதவி ஏற்றனர். இதனையடுத்து மத்திய அமைச்சர்களின் இலாகாக்கள் அதிகாரப்பூர்வமாக நேற்று (10.06.2024) அறிவிக்கப்பட்டன.

இந்நிலையில் பிரதமர் மோடி சமூக வலைத்தளத்தில் பாஜகவினரின் பெயருக்குப் பின்னால் ‘மோடியின் குடும்பம்’ எனக் குறிப்பிட்டிருப்பதை நீக்குமாறு அறிவுறுத்தியுள்ளார். இது தொடர்பாக அவர் எக்ஸ் சமூக வலைத்தளத்தில் வெளியிட்டுள்ள பதிவில், “தேர்தல் பிரச்சாரத்தின் மூலம், இந்தியா முழுவதும் உள்ள மக்கள் தங்கள் சமூக ஊடகங்களில் என் மீதான பாசத்தின் அடையாளமாக மோடியின் குடும்பம் (Modi Ka Parivar - மோடி கா பரிவார்) என சேர்த்தனர். அதிலிருந்து நான் நிறைய பலம் பெற்றேன். இந்திய மக்கள் தேசிய ஜனநாயகக் கூட்டணிக்குத் தொடர்ந்து மூன்றாவது முறையாகப் பெரும்பான்மையை வழங்கியுள்ளனர். இது ஒரு வகையான சாதனையாகும். மேலும் நமது தேசத்தின் முன்னேற்றத்திற்காகத் தொடர்ந்து பணியாற்றுவதற்கான ஆணையை எங்களுக்கு வழங்கியுள்ளனர். 

Prime Minister Modi's important instructions to the BJP

நாம் அனைவரும் ஒரே குடும்பம் என்ற செய்தி திறம்படத் தெரிவிக்கப்பட்டுள்ள நிலையில், இந்திய மக்களுக்கு மீண்டும் ஒருமுறை நன்றி தெரிவித்துக்கொள்கிறேன். மேலும் உங்கள் சமூக ஊடகப் பக்கத்தில் இருந்து மோடியின் குடும்பம் என்பதை நீக்குமாறு கேட்டுக்கொள்கிறேன். காட்சிப் பெயர் மாறலாம், ஆனால் இந்தியாவின் முன்னேற்றத்திற்காகப் பாடுபடும் ஒரு குடும்பம் என்ற நமது பிணைப்பு வலுவாகவும் உடைக்கப்படாமலும் உள்ளது” எனத் தெரிவித்துள்ளார்.

முன்னதாக பீகார் மாநில முன்னாள் முதல்வரான லாலு பிரசாத் யாதவ் பொதுக்கூட்டம் ஒன்றில் பேசும்போது ‘பிரதமர் மோடிக்கு குடும்பம் இல்லை’ எனத் தெரிவித்திருந்தார். இதனையடுத்து பாஜக தலைவர்கள் மற்றும் தொண்டர்கள் சமூக வலைத்தளத்தில் தளத்தில் தங்களது பெயருக்குப் பின்னால் ‘மோடியின் குடும்பம்’ எனக் குறிப்பிட்டு இருந்தது குறிப்பிடத்தக்கது.