Skip to main content

இந்தியா, பாகிஸ்தான் பயணிகளுக்கான தடையை நீட்டித்தது கனடா!

Published on 22/05/2021 | Edited on 22/05/2021

 

CANADA

 

இந்தியாவில் கரோனா இரண்டாவது அலை தீவிரமானதையடுத்து, இந்தியாவில் இருந்து தங்கள் நாடுகளுக்கு கரோனா பரவமால் தடுக்க நியூசிலாந்து, கனடா உள்ளிட்ட பல்வேறு நாடுகள், இந்தியாவில் இருந்துவரும் பயணிகள் விமானங்களுக்குத் தடை விதித்தன. அதேபோல் பாகிஸ்தானிலும் கரோனா அதிகரித்துவந்ததால் கனடா, ஐக்கிய அரபு அமீரகம் உள்ளிட்ட நாடுகள் பாகிஸ்தானிலிருந்து வரும் பயணிகள் விமானங்களுக்குத் தடை விதித்தன.

 

இந்தநிலையில், இந்தியா, பாகிஸ்தான் நாடுகளிலிருந்து தங்கள் நாட்டுக்கு பயணிகள் வருவதற்கான தடையைக் கனடா 30 நாட்களுக்கு நீட்டித்துள்ளது. இதன்மூலம் ஜூன் 21ஆம் தேதிவரை, இந்தியா மற்றும் பாகிஸ்தானிலிருந்து பயணிகள் யாரும் கனடா செல்ல முடியாது. இந்தியா, பாகிஸ்தான் நாடுகளில் இருந்துவரும் பயணிகள் விமானத்திற்குத் தடை விதிக்கப்பட்டதிலிருந்து, கனடாவிற்கு வரும் வெளிநாட்டு பயணிகளில் கரோனா பாதிக்கப்பட்டு வருபவர்களின் எண்ணிக்கை குறைந்துள்ளதாக கனடா தெரிவித்துள்ளது.  

 

மேலும், கரோனாவிலிருந்து கனடா நாட்டினரைப் பாதுகாக்கவும், வெளிநாட்டிலிருந்து கனடாவிற்குள் கரோனா, மரபணு மாற்றமடைந்த கரோனாக்கள் கனடாவிற்குள் பரவும் ஆபத்தைக் கையாளுவதற்காகவும் இந்தத் தடை அமலில் இருக்கும் எனவும் அந்தநாடு கூறியுள்ளது. 

 

 

சார்ந்த செய்திகள்

 

Next Story

IND vs ZIM : ஜிம்பாப்வேவை வீழ்த்தி சாதனைப் படைத்த இந்தியா!

Published on 10/07/2024 | Edited on 10/07/2024
IND vs ZIM : India beat Zimbabwe to record

இந்தியா - ஜிம்பாப்வே அணிகளுக்கு இடையே 5 போட்டிகள் டி20 தொடர் நடைபெற்று வருகிறது. அதன்படி கடந்த 6 ஆம் தேதி (06.07.2024) நடைபெற்ற முதல் போட்டியில் இந்திய அணி தோல்வியடைந்தது. இதனையடுத்து 7 ஆம் தேதி (07.07.2024) நடைபெற்ற இரண்டாவது போட்டியில் இந்திய அணி 100 ரன்கள் வித்தியாசத்தில் அபார வெற்றி பெற்றது. இதன் மூலம் 5 போட்டிகள் கொண்ட தொடரை 1-1 என இந்தியா அணி சமன் செய்திருந்தது.

இந்நிலையில் இந்தியா - ஜிம்பாப்வே அணிகளுக்கு இடையேயான மூன்றாவது டி20 போட்டி இன்று (10.07.2024) நடைபெற்றது. இதில் டாஸ் வென்ற இந்திய அணி முதலில் பேட்டிங்கை தேர்வு செய்தது. அதன்படி இந்திய அணி முதலில் களமிறங்கியது. 20 ஓவர்கள் முடிவில் 4 விக்கெட்டுகளை இழந்து இந்திய அணி 182 ரன்கள் குவித்தது. அதிகபட்சமாக இந்திய அணியின் கேப்டன் சுப்மன் கில் 49 பந்துகளில் 66 ரன்கள் எடுத்தார். ருதுராஜ் ருதுராஜ் கெயிக்வாட் 28 பந்துகளில் 49 ரன்களும், ஜெய்ஸ்வால் 27 பந்துகளில் 36 ரன்களும் எடுத்தனர்.

இதன் மூலம் ஜிம்பாப்வே அணிக்கு 183 ரன்களை இலக்காக இந்திய அணி நிர்ணயித்தது. அதன் பின்னர் 183 ரன்கள் எடுத்தால் வெற்றி என்ற இலக்குடன் ஜிம்பாப்வே அணி களமிறங்கியது. இறுதியாக 20 ஓவர்களில் 6 விக்கெட் இழப்புக்கு 159 ரன்கள் மட்டுமே எடுக்க முடிந்தது. இதனால் இந்திய அணி 23 ரன்கள் வித்தியாசத்தில் வெற்றிபெற்றது. இதன் மூலம் 5 போட்டிகள் கொண்ட தொடரில் 2-1 என்ற கணக்கில் இந்தியா முன்னிலை வகிக்கிறது. அதே சமயம் இந்த போட்டியில் இந்திய அணி வென்றதன் மூலம் டி20 கிரிக்கெட்டில் 150 வெற்றிகளை ஈட்டிய முதல் அணி என்ற சிறப்பையும் இந்தியா பெற்றுள்ளது குறிப்பிடத்தக்கது. இந்த தொடரின் 4வது போட்டி வரும் 13ஆம் தேதி (13.07.2024) நடைபெற உள்ளது. 

Next Story

நெருங்கும் ஒலிம்பிக் திருவிழா; இந்தியா வெளியிட்ட முக்கிய அறிவிப்பு

Published on 09/07/2024 | Edited on 09/07/2024
 the approaching Olympic festival; Important announcement

சர்வதேச விளையாட்டுத் திருவிழாவான 33வது ஒலிம்பிக் போட்டி வருகிற ஜூலை 26ஆம் தேதி, பிரான்ஸ் நாட்டின் பாரிசில் நடைபெற உள்ளது. ஜூலை 26ஆம் தேதி தொடங்கும் இந்த ஒலிம்பிக் போட்டி ஆகஸ்ட் 11ஆம் தேதி வரை நடைபெறவுள்ளது. இந்தச் சர்வதேச போட்டியில், உலகம் முழுவதும் உள்ள 10,500 வீரர், வீராங்கனைகள் பங்கேற்க உள்ளனர்.

இந்நிலையில் ஒலிம்பிக் தேசியக் கொடியை பி.வி.சிந்து ஏற்றுவார் என அறிவிப்பு வெளியாகியுள்ளது. ஐந்து முறை ஒலிம்பிக் பங்கேற்பாளராக இருந்த சரத் கமல் தேசியக்கொடி ஏந்தி செல்வார் என ஏற்கனவே அறிவிக்கப்பட்டிருந்த நிலையில் தற்போது ஒலிம்பிக் தேசியக் கொடியை பி.வி.சிந்து ஏற்றி வைப்பார் என்று அறிவிக்கப்பட்டுள்ளது. இந்திய அணியின் தலைவராக மேரி கோம் ஏற்கனவே அறிவிக்கப்பட்ட நிலையில் தற்போது துப்பாக்கி சுடுதல் வீரர் ககன் நரங் தலைவராக செயல்படுவார் எனவும் அறிவிப்பு வெளியாகியுள்ளது.

 the approaching Olympic festival; Important announcement

இந்த ஒலிம்பிக் போட்டியில் மகளிர் வீராங்கனைகளை பி.வி.சிந்து வழி நடத்துவார் என்றும் அறிவிக்கப்பட்டுள்ளது. இந்தியாவின் சார்பில் பங்கேற்கும் தடகள வீரர்கள் மற்றும் பேட்மிட்டன் போட்டி வீரர்களுக்கான பட்டியல் வெளியிடப்பட்டுள்ளது. பாரிஸ் ஒலிம்பிக் போட்டிகளுக்கு இன்னும் இருபது நாட்களே இருக்கக்கூடிய நிலையில், பல்வேறு தடகளவீரர்கள் தங்கள் இறுதிக் கட்ட பயிற்சிக்காக வெளிநாடுகள் சென்றுள்ளனர். இந்நிலையில் இந்த இரண்டு முக்கிய அறிவிப்புகளை இந்திய ஒலிம்பிக் சங்கம் வெளியிட்டுள்ளது.