Skip to main content

இரவல் தர மறுத்ததால் பைக்கை கொளுத்திய இளைஞர்

Published on 05/12/2022 | Edited on 05/12/2022

 

youth set the vehicle on fire

 

 

அரியலூர் மாவட்டம் ஜெயங்கொண்டம் நகரில் உள்ள சிதம்பரம் சாலை பகுதியில் வசித்து வருபவர் பஷீர் என்பவரது மகன் 23 வயது பக்ருதீன். அதே ஜெயங்கொண்டம் நகரில் உள்ள அடி பள்ளம் தெருவில் வசித்து வருபவர் இதயத்துல்லா என்பவரது மகன் 18 வயது உவைஸ் முகமது.  இவரது வீட்டுக்கு முன்பு இவருக்கு சொந்தமான இருசக்கர வாகனமும், இவரது நண்பர் அலெக்ஸ் பாண்டியன் என்பவரது வாகனமும் என இரண்டு வாகனங்கள் நிறுத்தப்பட்டிருந்தன.

 

இந்த நிலையில், நேற்று முன்தினம் விடிகாலை நேரத்தில் இரண்டு வாகனங்களும் தீப்பிடித்து எரிந்தன. இரவு நேரம் என்பதால் வீட்டில் அனைவரும் அயர்ந்து தூங்கிக் கொண்டிருந்தனர். அதிக வெளிச்சம் பரவியதை அடுத்து வீட்டிலிருந்தவர்கள் எழுந்து வந்து பார்த்தபோது இரண்டு வாகனங்களும் திகுதிகுவென எரிந்து கொண்டிருந்ததை அதிர்ச்சி அடைந்தனர். உடனடியாக தண்ணீரை ஊற்றி தீயை அணைத்துள்ளனர். இதில் ஒரு வாகனம் முற்றிலும் எரிந்து போக, மற்றொரு வாகனம் பாதி அளவு எரிந்த நிலையில் அணைக்கப்பட்டது.

 

இதுகுறித்து ஜெயங்கொண்டம் போலீசாருக்கு தகவல் தெரிவிக்கப்பட்டு அவர்கள் விரைந்து வந்து விசாரணை மேற்கொண்டனர். அப்பகுதியில் பொருத்தப்பட்டிருந்த கண்காணிப்பு கேமராவின் காட்சிகளை ஆய்வு செய்த போலீசார் அதன் அடிப்படையில் பக்ருதீனை கைது செய்து செய்துள்ளனர். பக்ருதீன் சம்பவத்தன்று விடியக் காலை மூன்று மணி அளவில் தனது நண்பருடன் இருசக்கர வாகனத்தில் உவைஸ் முகமது வீட்டுக்குச் சென்று காம்பவுண்ட் சுவர் ஏறிக் குதித்து அங்கு நின்று கொண்டிருந்த இரண்டு வாகனங்கள் மீதும் பெட்ரோல் ஊற்றி தீ வைத்து விட்டு மீண்டும் சுவர் ஏறிக் குதித்து தனது நண்பருடன் இருசக்கர வாகனத்தில் தப்பிச் செல்லும் காட்சிகள் பதிவாகியிருந்தது கண்டறியப்பட்டது. 

 

அதன் அடிப்படையில் பக்ருதீனை கைது செய்து அவரிடம் போலீசார் நடத்திய விசாரணையில், உவைஸ் முகமதுவிடம் இருசக்கர வாகனத்தை பக்ருதீன் இரவல் கேட்டுள்ளார். ஆனால் உவைஸ் முகமது தர மறுத்துவிட்டதால் கோபத்தில் இருவாகனங்களைக் கொளுத்தியதாக பக்ருதீன் போலீசாரிடம் தெரிவித்துள்ளார். ஆடு திருட்டு உட்பட பல்வேறு குற்ற வழக்குகள் அவர் மீது காவல் நிலையத்தில் ஏற்கனவே நிலுவையில் உள்ளது என்பதால் உவைஸ் முகமது தனது வாகனத்தைத் தராமல் மறுத்துள்ளார் வாகனம் தர மறுத்ததற்காக அந்த வாகனத்தை இரவு நேரத்தில் சென்று தீ வைத்துக் கொளுத்திய சம்பவம் ஜெயங்கொண்டம் நகரில் பெரும் பரபரப்பை ஏற்படுத்தி உள்ளது.

 

சார்ந்த செய்திகள்

Next Story

எல்.முருகன் மீது வழக்குப் பதிவு

Published on 29/03/2024 | Edited on 29/03/2024
Case registered against L. Murugan

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

அரசியல் கட்சிகள் தீவிரமான தேர்தல் பரப்புரையில் இறங்கிய நிலையில், மறுபுறம் தேர்தல் பறக்கும் படையினர் பல்வேறு இடங்களில் அதிரடி சோதனைகளில் இறங்கியுள்ளனர். இந்நிலையில், தேர்தல் நடத்தை வழிமுறைகளை மீறியதாக நீலகிரி பாஜக வேட்பாளர் எல்.முருகன் மீது வழக்குப் பதிவு செய்யப்பட்டுள்ளது.

கடந்த 25 ஆம் தேதி வேட்புமனு தாக்கல் செய்ய வந்த மத்திய இணை அமைச்சரும் நீலகிரி நாடாளுமன்றத் தொகுதி பாஜக வேட்பாளருமான எல்.முருகன் பல்வேறு கோவிலுக்கு சென்று வழிபாடு நடத்தியதுடன் உதகை அருகே உள்ள கிராமம் ஒன்றுக்குச் சென்று எந்த அனுமதியும் பெறாமல் 100க்கும் மேற்பட்டோர் ஆலோசனையில் ஈடுபட்டதாக கூறப்பட்டது. இதுகுறித்து தேர்தல் பறக்கும் படையின் தலைவராக உள்ள துணை வட்டாட்சியர் தனலட்சுமி தேனாடுகம்பை காவல் நிலையத்தில் புகார் அளித்திருந்தார். இந்த புகாரின் அடிப்படையில் தேர்தல் நடத்தைகளை மீறியதாக எல்.முருகன் மீது போலீசார் வழக்குப் பதிவு செய்யப்பட்டுள்ளது.

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.