Skip to main content

தேங்காய் உரிக்கும் பெண் தொழிலாளி கொலை!

Published on 02/09/2021 | Edited on 02/09/2021

 

salem district, women incident police investigation


சேலம் அருகே தேங்காய் உரிக்கும் பெண் கூலித்தொழிலாளி ஒருவரின் சடலம் முள் புதரில் இருந்து நிர்வாண நிலையில் கைப்பற்றப்பட்டுள்ளது. 

 

சேலம் மாவட்டம், நங்கவள்ளி அருகே உள்ள சூரப்பள்ளி பள்ளக்காரனூர் காட்டுவலவைச் சேர்ந்தவர் ராஜேந்திரன். தேங்காய் உரிக்கும் கூலித்தொழிலாளி. இவருடைய மனைவி பெரியக்காள் (வயது 38). இவர்களுக்கு இரண்டு மகன்கள் உள்ளனர். 

 

கடந்த செவ்வாய்க்கிழமை (ஆக. 31) மாலை 06.30 மணியளவில் பெரியக்காள், பால் வாங்க அருகில் உள்ள கடைக்குச் சென்றுவருவதாக கூறிவிட்டுச் சென்றார். நீண்ட நேரமாகியும் அவர் வீடு திரும்பவில்லை.

 

இந்நிலையில், அதே பகுதியில் உள்ள ஒரு முள்புதரில் பெரியக்காள் நிர்வாண நிலையில், சடலமாகக் கிடப்பதாக காவல்துறைக்குத் தகவல் கிடைத்தது. மனைவி அலங்கோலமான நிலையில் இறந்து கிடப்பதைப் பார்த்து அவருடைய கணவர் கதறி அழுதார்.

 

காவல்துறையினர் சடலத்தை மீட்டு உடற்கூராய்வுக்காக சேலம் அரசு மருத்துவமனைக்கு அனுப்பிவைத்தனர். பெரியக்காளின் உடலில் பல இடங்களில் ரத்தக் காயங்கள் இருந்தன. மர்ம நபர்கள் அவரை பாலியல் வன்புணர்வு செய்திருக்கலாம் என சந்தேகிக்கப்படுகிறது. 

 

சேலம் மாவட்ட எஸ்.பி. ஸ்ரீஅபிநவ், ஓமலூர் டி.எஸ்.பி. சங்கீதா, ஜலகண்டாபுரம் காவல் நிலைய காவல்துறையினர் ஆகியோர் சம்பவ இடத்தைப் பார்வையிட்டு விசாரணை நடத்தினர். 

 

முதற்கட்ட விசாரணையில், இந்தக் கொலைக்குத் தவறான தொடர்பு காரணமாக இருக்கலாம் என கருதுகிறார்கள். பெரியக்காள் தனது கணவருடன் தேங்காய் உரிக்கும் மண்டியில் கூலி வேலை செய்துவந்துள்ளார். அதே மண்டியில் சவுரியூரைச் சேர்ந்த லாரி ஓட்டுநர் சுரேஷ் (வயது 30) என்பவருடன் நெருங்கிப் பழகியுள்ளார். 

 

அவர்கள் இருவரும் அடிக்கடி தனிமையில் சந்தித்து நெருக்கமாக இருந்துள்ளனர். இதையறிந்த கணவர், அவரைப் பலமுறை கண்டித்துள்ளார். இந்த நிலையில்தான் அவர் பால் வாங்குவதற்காக வெளியே சென்றிருந்தபோது கொல்லப்பட்டிருப்பது தெரியவந்துள்ளது. 

 

இது ஒருபுறம் இருக்க, பெரியக்காளுடன் நெருங்கிப் பழகிவந்த ஆண் நண்பர் சுரேஷூம் திடீரென்று மாயமாகிவிட்டார். அதனால் அவர் மீது சந்தேகம் அதிகரித்துள்ளது. 

 

இந்த வழக்கு தொடர்பாக பெரியக்காள் கணவரிடம் காவல்துறையினர் தீவிர விசாரணை நடத்திவருவதோடு, தலைமறைவான சுரேஷையும் தேடிவருகின்றனர். 

 

 

சார்ந்த செய்திகள்

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.

Next Story

சிக்கிய 6 கோடி ரூபாய் தங்கம்! - அதிரடியில் தேர்தல் பறக்கும் படை 

Published on 25/03/2024 | Edited on 25/03/2024
6 crores of gold trapped! Election Flying Squad in action
மாதிரி படம் 

சேலம் அருகே, உரிய ஆவணங்களின்றி கூரியர் நிறுவன வாகனத்தில் கொண்டு செல்லப்பட்ட 6.20 கோடி ரூபாய் தங்க நகைகளைத் தேர்தல் பறக்கும் படை அதிகாரிகள் பறிமுதல் செய்தனர்.

நாடாளுமன்றத் தேர்தல் வரும் ஏப்ரல் 19ம் தேதி நடக்கிறது. இதையொட்டி வாக்காளர்களுக்கு அரசியல் கட்சிகள் சார்பில் பணம் உள்ளிட்ட பரிசுப் பொருட்கள் வழங்கப்படுவதைத் தடுக்கும் வகையில், தேர்தல் பறக்கும் படை அதிகாரிகள் தீவிரமாகக் கண்காணித்து வருகின்றனர். இந்நிலையில், சேலத்தை அடுத்துள்ள மல்லூர் பிரிவு சோதனைச் சாவடியில் தேர்தல் பறக்கும் படை அதிகாரி ரபீக் அஹ்மது தலைமையில் அலுவலர்கள் மார்ச் 23 ஆம் தேதி காலை வாகனச் சோதனையில் ஈடுபட்டு இருந்தனர்.

அப்போது, சேலத்திலிருந்து வந்த தனியார் கூரியர் நிறுவனத்திற்குச் சொந்தமான வாகனத்தை நிறுத்தி சோதனையிட்டனர். அதில் இருந்த 3 சாக்கு மூட்டைகளைப் பிரித்துப் பார்த்தனர். அவற்றில் 39 நகைப் பெட்டிகள் வைக்கப்பட்டிருந்தன. அந்தப் பெட்டிகளில் 6.20 கோடி ரூபாய் மதிப்பிலான 29 கிலோ புதிய தங்க நகைகள் இருந்தன. இந்த நகைகளைக் கொண்டு செல்வதற்கான உரிய ஆவணங்கள் இல்லாததால் அவற்றை தேர்தல் பறக்கும் படை அதிகாரிகள் பறிமுதல் செய்தனர். 

அவற்றை, நாமக்கல் மாவட்டம் ராசிபுரம் வட்டாட்சியர் அலுவலகத்தில் உள்ள உதவி தேர்தல் நடத்தும் அலுவலர் முத்துராமலிங்கத்திடம் ஒப்படைத்தனர். இதுகுறித்து அவர் கூறுகையில், ''பறிமுதல் செய்யப்பட்ட நகைகள் சேலத்தில் இருந்து திண்டுக்கல், மதுரை, புதுக்கோட்டை ஆகிய இடங்களில் உள்ள நகைக் கடைகளுக்குக் கொண்டு செல்லப்படுவதற்காக கூரியர் நிறுவனத்தின் மூலம் அனுப்பி வைத்துள்ளனர். ஆனாலும் இதற்கான உரிய ஆதாரங்கள் இல்லாததால் நகைகளைப் பறிமுதல் செய்து, அரசு கருவூலத்தில் ஒப்படைக்கப்பட்டுள்ளது. சம்பந்தப்பட்ட நிறுவனம், இந்த நகைகளுக்கான ஆதாரங்களைக் காண்பித்துவிட்டு பெற்றுச் செல்லலாம்'' என்றார்.