Skip to main content

டி.எஸ்.பி. அலுவலகத்திற்கு வெளியே தர்ணாவில் ஈடுபட்ட பெண்! 

Published on 05/10/2021 | Edited on 05/10/2021

 

The woman involved in the struggle  outside the office od DSP

 

கடலூர் மாவட்டம், திட்டக்குடி அருகே உள்ள மேலக்கல் பூண்டி கிராமத்தைச் சேர்ந்தவர் தங்கதுரை(42). இவரது மனைவி பாரதி(34). இவர்களுக்கு 12 ஆண்டுகளுக்கு முன்பு திருமணம் நடைபெற்றுள்ளது. இவர்களுக்கு ஒரு மகள் உள்ளார்.

 

தங்கதுரை, வெளிநாட்டில் பணிபுரிந்து வந்துள்ளார். அப்போது மனைவி பாரதியிடம், அவரது நகையை அடகு வைத்து வீடு கட்டுமாறு கூறியுள்ளார். கணவரின் பேச்சை நம்பி பாரதி தனது பெற்றோர் திருமணத்தின்போது போட்ட நகைகள் அனைத்தையும் அடமானம் வைத்து வீடு கட்டியுள்ளார். இந்த நிலையில், கடந்த ஆண்டு வெளிநாட்டில் இருந்து தங்கதுரை சொந்த ஊருக்கு திரும்பி வந்துள்ளார். அப்போது நகையை மீட்டு தருமாறு கணவரிடம் கேட்டுள்ளார். அதற்கு கணவர் மறுப்பு தெரிவித்துள்ளார். இதனால் கணவன் மனைவி இருவருக்கும் இடையே அவ்வப்பொழுது தகராறு ஏற்பட்டுள்ளது. 

 

அதேபோல், கடந்த 26ஆம் தேதி கணவன் மனைவி இருவருக்கும் இடையே மீண்டும் நகை பிரச்சனையால் தகராறு ஏற்பட்டுள்ளது. அப்போது தங்கத்துரை, தனது மனைவி பாரதியை அடித்து துன்புறுத்தியுள்ளார். இதனால் தனது கணவர் மீது நடவடிக்கை எடுக்குமாறு ராமநத்தம் காவல் நிலையத்தில் புகார் அளித்துள்ளார். அவரது புகாரை போலீசார் வாங்க மறுத்ததாக கூறப்படுகிறதே. அதேபோல் பாரதியும், தனது செல்போன் மூலம் மாவட்ட காவல் கண்காணிப்பாளரிடம் முறையிட்டுள்ளார்.

 

இதையடுத்து மாவட்ட எஸ்.பி. சக்தி கணேசன், ராமநத்தம் போலீசாருக்கு பாரதி கணவர் மீது வழக்குப் பதிவு செய்து உரிய நடவடிக்கை எடுக்குமாறு உத்தரவிட்டுள்ளார். அதன்படி கடந்த செப்டம்பர் 27ம் தேதி பாரதி கணவர் தங்கதுரை மீது வழக்குப் பதிவு செய்துள்ளனர். இந்த நிலையில், நேற்று காலை 10 மணி அளவில் திட்டக்குடி டி.எஸ்.பி. அலுவலகத்திற்கு வந்த பாரதியும் அவரது தாய் வசந்தாவும் தர்ணா போராட்டத்தில் ஈடுபட்டனர். 

 

இதுகுறித்து பாரதி கூறும்போது, “ராமநத்தம் போலீசார் என் கணவருக்கு ஆதரவாக செயல்படுகின்றனர். புகார் கொடுத்த என்னையே மிரட்டுகின்றனர். எனது புகார் மீது உரிய நடவடிக்கை எடுக்கவில்லை. எனது கணவரை கைது செய்யவில்லை. எனவேதான் எனது கணவர் மீது நடவடிக்கை எடுக்கக் கோரி டி.எஸ்.பி. அலுவலகம் முன்பு தர்ணா போராட்டத்தில் ஈடுபட்டுள்ளேன்” எனக் கூறினார். 

 

பாரதியின் தர்ணா போராட்டம் குறித்து தகவலறிந்த திட்டக்குடி டி.எஸ்.பி. சிவா, பாரதியை ராமநத்தம் காவல் நிலையத்திற்கு வரவழைத்து விசாரித்து நடவடிக்கை எடுப்பதாக உறுதி அளித்தார். அதனைத் தொடர்ந்து பாரதி, தர்ணா போராட்டத்தை கைவிட்டார்.

 

 

சார்ந்த செய்திகள்

Next Story

“எதிரணியாக இருந்தாலும் அடையாளம் காட்டுங்கள் வாக்கு சேகரிக்கிறேன்” - தங்கர்பச்சான்

Published on 26/03/2024 | Edited on 26/03/2024
Cuddalore Constituency pmk  candidate director Thangabachan launched  campaign

கடலூர் தொகுதி பாமக வேட்பாளர் இயக்குநர் தங்கபாச்சன் அவரது மாந்தோப்பில் பிரச்சாரத்தை துவக்கி பாமக மற்றும் கூட்டணி கட்சியினரை உற்சாகப்படுத்தினார்.

கடலூர் மக்களவை தொகுதி பாமக வேட்பாளர் இயக்குநர் தங்கர்பாச்சன் செவ்வாய்க்கிழமை அவரது சொந்த ஊரான பத்திரக்கோட்டையில் உள்ள அவரது மாந்தோப்பில் தேர்தல் பிரச்சாரத்தை துவக்கினார். அப்போது அவர் பேசியதாவது கும்பல், கும்பலாக கூடி பேசாமல், தனித்தனியாக வீடு, வீடாக வாக்கு சேகரிப்பில் ஈடுபட வேண்டும். இந்த தேர்தல் மிகப்பெரிய மாற்றத்தை ஏற்படுத்தும், என்னிடம், எதிரணியராக இருந்தாலும் அடையாளம் காட்டுங்கள், அவர்களிடம் நான் பேசி வாக்கை பெறுகிறேன்.

நான் கடந்த 15 ஆண்டுகளுக்கு மேலாக பாட்டாளி மக்கள் கட்சியுடன் தொடர்பில் இருந்து வருகிறேன். தற்போது  அரசியலுக்காக வெளியே வந்துள்ளேன். பாட்டாளி மக்கள் கட்சியின் வெற்றிக்கு அனைவரும் உறுதி ஏற்க வேண்டும். சமூக வலைத்தளங்களில் பரப்புவதை மட்டும் நமது நோக்கமாக இருக்கக் கூடாது, அது வாக்காக மாறாது. கட்சியின் கொள்கைகளை மக்களிடத்தில் கொண்டு போய் சேர்த்தால் பல லட்சம் வாக்குகளாக மாறும். இந்தத் தொகுதியில் அன்புமணி மைத்துனர் நிற்பதாக கூறி வருகிறார்கள். யார் நிற்பதை பற்றியும் கவலைப்பட தேவையில்லை. தேர்தல் பணியை மேற்கொள்ளுங்கள் என்றார். இவருடன் பாட்டாளி மக்கள் கட்சியின் மாவட்ட செயலாளர் ஜெகன் மற்றும் கூட்டணி கட்சிகளின் நிர்வாகிகள் உடன் இருந்தனர்.

Next Story

கடலூர் பாராளுமன்ற தொகுதி காங்கிரஸ் வேட்பாளர் வேட்பு மனு தாக்கல்

Published on 26/03/2024 | Edited on 26/03/2024
Cuddalore Parliamentary Constituency Congress candidate filing nomination

கடலூர் பாராளுமன்ற தொகுதியில் இந்தியா கூட்டணியில் திமுக தலைமையில் காங்கிரஸ் கட்சியின் சார்பில் எம்.கே.விஷ்ணு பிரசாத் வேட்பாளராக அறிவிக்கப்பட்டார்.  இதனைத் தொடர்ந்து இவர் கடலூர் மாவட்டத்தில் உள்ள தமிழக வேளாண் மற்றும் உழவர் நலத்துறை அமைச்சர், தொழிலாளர் நலத்துறை அமைச்சர், காங்கிரஸ் கட்சியினர், கூட்டணி கட்சியினர் உள்ளிட்ட அனைத்து முக்கிய நிர்வாகிகளையும் சந்தித்து ஆதரவு திரட்டினார்.

இதனைத் தொடர்ந்து செவ்வாய்க்கிழமை மதியம் கடலூர் மாவட்ட ஆட்சியர் அலுவலகத்தில் உள்ள தேர்தல் அலுவலரிடம் வேட்பு மனு தாக்கல் செய்தார். இவருடன் தமிழக வேளாண் மற்றும் உழவர் நலத்துறை அமைச்சர் எம் ஆர் கே பன்னீர்செல்வம், தமிழக தொழிலாளர் நலன் மற்றும் மேம்பாட்டு துறை அமைச்சர் சி.வெ கணேசன் காங்கிரஸ் கட்சியின் முன்னாள் மாநில தலைவர் கே எஸ் அழகிரி, காட்டுமன்னார்கோவில் சட்டமன்ற உறுப்பினர் சிந்தனைச் செல்வன் ஆகியோர் உடன் இருந்தனர்.

இதனைத் தொடர்ந்து  வேட்பாளர் வேட்பாளர் எம். கே. விஷ்ணு பிரசாத் செய்தியாளர்களை சந்தித்து பேசுகையில், “கடலூர் பாராளுமன்ற தொகுதியான நெய்வேலி சட்டமன்ற தொகுதியில் உள்ள என்.எல்.சி இந்தியா நிறுவனத்தில் வெளிமாநிலத்தில் உள்ளவர்கள் அதிக அளவில் பணியில் உள்ளனர். இதில் தமிழகத்தில் உள்ளவர்களை பணியாற்ற நடவடிக்கை எடுப்பேன். மேலும் கடலூர் தொகுதிக்கு நான் புதியது என்றாலும் இங்குள்ள அமைச்சர் எம் ஆர் கே பன்னீர்செல்வம் மற்றும் சி.வெ கணேசன் ஆகியவரின் அறிவுறுத்தல் படி  தேவையான அனைத்து திட்டங்களையும் செயல்படுத்த நடவடிக்கை மேற்கொள்வேன்” என கூறினார்

இந்நிகழ்வில் எம்எல்ஏக்கள் கடலூர் ஐயப்பன்,  நெய்வேலி சபா ராஜேந்திரன், விருதாச்சலம் ராதாகிருஷ்ணன், கடலூர் மாநகராட்சியின் துணை மேயர் தாமரைச்செல்வன், திமுக நகர செயலாளர் ராஜா மற்றும் கூட்டணி கட்சி நிர்வாகிகள் உடன் இருந்தனர்.