Skip to main content

உயிர் அச்சத்தில் கிராம மக்கள்..! 

Published on 26/05/2021 | Edited on 26/05/2021

 

Villagers in fear for their lives ..

 

கள்ளக்குறிச்சி மாவட்டம், உளுந்தூர்பேட்டை தாலுகா பரிக்கல் கிராமத்தில் சுப்பிரமணியம், பாக்கியம் தம்பதிக்கு சொந்தமான கூரைவீடு ஒன்று உள்ளது. சில நாட்களுக்கு முன் மின் கம்பத்தில் மின்கசிவு ஏற்பட்டு பாக்கியத்திற்கு சொந்தமான கூரை வீடு தீப்பற்றி எரிந்தது. வீடு தீப்பற்றி எரிவதை அறிந்த பாக்கியம் சத்தம் போட்டதால் அக்கம்பக்கத்தில் இருந்து பொதுமக்களும் இளைஞர்களும் விரைந்துவந்து தீயை அணைக்க போராடினர். தீயை அணைத்துக்கொண்டிருக்கும்போது மின்சார கம்பத்தில் இருந்த லைன் வயர் அறுந்து விழுந்ததில் பாக்கியம் மகள் சுமதி, பேரன் திருமலை இருவர் மீதும் விழுந்தது. இதில் மின்சாரம் பாய்ந்து அவர்கள் தூக்கி வீசப்பட்டனர். உடனே இருவரையும் மீட்டு மருத்துவமனைக்கு ஆட்டோ மூலம் அனுப்பி வைத்தனர். 

 

மின்சார வயர் அறுந்ததற்கு காரணம், 200 அடி உள்ள இரண்டு மின்சார கம்பத்தில் போகும் வயர் லைன் நான்கு இடத்தில் பாதி பாதியாக பிணைப்பு இருந்ததால் அறுந்து விழுந்தது என்று பொதுமக்கள் குற்றம்சாட்டுகின்றனர். உடனடியாக நடவடிக்கை எடுக்க மின்சாரத்துறை அதிகாரிகளுக்கு மாவட்ட ஆட்சியர் ஆணை பிறப்பிக்க வேண்டும் என பொதுமக்கள் வலியுறுத்துகின்றனர். 

 

இருப்பினும் நேற்று அதே கம்பத்தில் இருந்து மின்கசிவு ஏற்பட்டு சுசீலாவுக்கு சொந்தமான வீட்டின் மீது விழுந்தது. அதனால் அங்கும் தீ விபத்து ஏற்பட்டது. அதனைத் தொடர்ந்து அக்கம்பக்கத்தினர் வந்து தீயை அணைத்தனர். இதேபோன்று நாளுக்கு நாள் அச்சத்தில் வாழும் பரிக்கல் கிராம மக்கள் உயிர் பலி வந்துவிடுமோ என்ற பயத்தில் உள்ளனர்.

 

தயவுகூர்ந்து மின்சாரத்துறை அதிகாரிகளும் வட்டார வளர்ச்சி அதிகாரிகளும் உளுந்தூர்பேட்டை சட்டமன்ற உறுப்பினரும் மாவட்ட ஆட்சியரும் பரிக்கல் கிராமத்தில் வாழும் மக்களின் உயிருக்கு ஆபத்து ஏற்படும் நிலையில் உள்ள இந்த மின்கம்பத்தில் மேலே செல்லும் பழைய வயரை மாற்றி, புதிதாக அமைத்து தர நடவடிக்கை எடுக்க வேண்டும். அதுமட்டுமின்றி பரிக்கலில் வாழும் மக்களின் உயிரைக் காப்பாற்ற வேண்டும் என பொதுமக்கள் கண்ணீரோடு கூறுகின்றனர்.

 

இரவில் படுத்து தூங்கும்போது என்னாகுமோ ஏதாகுமோ என்ற ஏக்கத்தில் இருக்கும் பரிக்கல் மக்கள் உயிருக்கு உத்தரவாதம் இல்லை; காப்பாற்றுங்கள் காப்பாற்றுங்கள் என இரவில் சத்தம் கேட்பதால் குழந்தைகள் முதல் பெரியவர்கள்வரை உறக்கம் இல்லாமல் வாழ்ந்துவருகின்றனர். இங்கு வாழும் மக்கள் உயிருக்குப் பாதுகாப்பு வேண்டும் என பொதுமக்கள் கோரிக்கை வைக்கின்றனர்.

 

 

சார்ந்த செய்திகள்

 

Next Story

கள்ளக்குறிச்சியில் 11 வட்டாட்சியர்கள் இடமாற்றம்; ஆட்சியர் அதிரடி !

Published on 13/07/2024 | Edited on 13/07/2024
11 tahsildar transferred in Kallakurichi

கள்ளக்குறிச்சி மாவட்டம் கருணாபுரம் பகுதியில் விஷச்சாராயம் குடித்து இதுவரை 60க்கும் மேற்பட்டோர் உயிரிழந்தனர். மேலும் சிலர் பல்வேறு மருத்துவமனையில் சிகிச்சை பெற்று வருகின்றனர். கள்ளக்குறிச்சி மாவட்டத்தில் புதிதாகப் பொறுப்பேற்ற மாவட்ட காவல் கண்காணிப்பாளர் உத்தரவின் பேரில் மாவட்டத்தில் உள்ள சாராய குற்றவாளிகள் தொடர்ந்து கைது செய்யப்பட்டு வருகின்றனர். அதே சமயம் இது தொடர்பான வழக்குகளை சிபிசிஐடி போலீசார் விசாரணை செய்து வருகின்றனர். இந்த சம்பவம் தொடர்பாக இதுவரை 22 பேர் கைது செய்யப்பட்டுள்ளனர்.

இந்த நிலையில், கள்ளக்குறிச்சியில் 11 வட்டாட்சியர்களை பணியிடை மாற்றம் செய்து மாவட்ட ஆட்சியர் பிரசாந்த் உத்தரவிட்டுள்ளார். சின்னசேலம், உளுந்தூர்பேட்டை உள்ளிட்ட  வட்டாட்சியர்களை மாற்றி உத்தரவிட்டுள்ளார். கள்ளச்சாராய விவகாரத்தில் முதல்வர் ஏற்கனவே இருந்த மாவட்ட ஆட்சியர் மற்றும் காவல் கண்காணிப்பாளர் இருவரையும் பணியிடை மாற்றம் செய்த நிலையில் தற்போது புதிய ஆட்சியர் 11 வட்டாட்சியர்களை மாற்றம் செய்துள்ளது குறிப்பிடத்தக்கது. 

Next Story

ரூ.11 லட்சம் மதிப்பிலான பணத்தால் சுவாமிக்கு அலங்காரம்; ஆச்சர்யமடைந்த பக்தர்கள்!

Published on 11/07/2024 | Edited on 11/07/2024
Swami was decorated with money worth Rs.11 lakh

கள்ளக்குறிச்சி மாவட்டம் சின்னசேலம் சிவன் கோவிலில் இன்று மாலை வாராகி அம்மனுக்கு சிறப்பு விளக்கு பூஜை நடைபெற்றது. இதில் பதினோரு லட்சம் மதிப்பிலான பணத்தாலும் நகைகளாலும் அம்மன் சிலை முழுவதும் அலங்காரம் செய்து சிறப்பு பூஜை செய்யப்பட்டது. இதில் சின்னசேலம் பகுதியைச் சேர்ந்த ஏராளமான பெண்கள் குத்து விளக்கு ஏற்றியும் வாழை இலையில் அரிசி தேங்காய் மஞ்சள் வாழைப்பழம் உள்ளிட்டவைகளை வைத்து தீபம் ஏற்றப்பட்டு சாமி தரிசனம் செய்தனர். இந்தச் சிறப்பு விளக்கு பூஜையில் கலந்து கொண்டார்.

10 நாட்களுக்குள் நினைத்த காரியங்கள் அனைத்தும் உடனடியாக நிறைவேறும் என்றும், ஜாதக ரீதியான தோஷங்கள் தொழில் பிரச்சனைகள் எதிரி தொல்லைகள் கண் திருஷ்டி குழந்தை இல்லாத தம்பிகளுக்கு ஒரு குழந்தை கிடைக்கும் கடன் பிரச்சினை தீரும் உள்ளிட்ட அனைத்து விதமான தோஷங்களும் நீங்கும் என்பது பக்தர்களின் நம்பிக்கையாக இருக்கிறது. இந்தப் பூஜையில் மந்திரங்கள் முழங்க அம்மன் சிலைக்கு சிறப்பு பூஜை செய்யப்பட்டது இதில் 500க்கும் மேற்பட்ட பெண்கள் கலந்து கொண்டு ஸ்வாமி தரிசனம் செய்தனர்.