Skip to main content

சென்னை கடற்கரை - தாம்பரம் இடையேயான ரயில் சேவை ரத்து

Published on 03/10/2023 | Edited on 03/10/2023

 

train service between Chennai Beach and Tambaram has been cancelled

 

சென்னை கடற்கரை - தாம்பரம் இடையேயான இரவு நேர ரயில் சேவை ரத்து செய்யப்பட்டுள்ளதாக தெற்கு ரயில்வே அறிவித்துள்ளது.

 

இது குறித்து தெற்கு ரயில்வே விடுத்துள்ள அறிவிப்பில், “சென்னை கடற்கரை - தாம்பரம் இடையேயான ரயில் வழித்தடத்தில் நடைபெற்று வரும் தண்டவாள பராமரிப்பு பணிகள் காரணமாக இரவு நேர ரயில் சேவைகள் ரத்து செய்யப்படுகிறது. அதன்படி, சென்னை கடற்கரையில் இருந்து இரவு 11.59 மணிக்கு தாம்பரம் செல்லும் ரயில் இன்று (03.10.2023) முதல் அக்டோபர் 17 ஆம் தேதி வரை ரத்து செய்யப்படுகிறது. அதே போன்று தாம்பரத்தில் இருந்து இரவு 11.40 மணிக்கு புறப்பட்டு சென்னை கடற்கரை நோக்கி செல்லும் ரயில் இன்று முதல் அக்டோபர் 17 ஆம் தேதி வரை ரத்து செய்யப்படுகிறது.

 

மேலும் சென்னை கடற்கரையில் இருந்து இரவு 11.35 மணிக்கு புறப்பட்டு தாம்பரம் செல்லும் ரயில் அக்டோபர் 8 ஆம் தேதி முதல் அக்டோபர் 15 ஆம் தேதி வரை ரத்து செய்யப்படுகிறது. அதே போன்று தாம்பரத்தில் இருந்து இரவு 11.35 மணிக்கு புறப்பட்டு சென்னை கடற்கரை நோக்கி செல்லும் ரயில் அக்டோபர் 8 ஆம் தேதி முதல் அக்டோபர் 15 ஆம் தேதி வரை என மொத்தம் 4 ரயில்களின் சேவை ரத்து செய்யப்படுகிறது” என தெரிவிக்கப்பட்டுள்ளது. 

 

 

சார்ந்த செய்திகள்

 

Next Story

ஆம்ஸ்ட்ராங் கொலை வழக்கு; 3 பேரை காவலில் எடுத்து விசாரிக்க மனு!

Published on 22/07/2024 | Edited on 22/07/2024
Armstrong case Petition to take 3 people into custody and investigate

பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் (வயது 52) என்பவர் கடந்த 5 ஆம் தேதி (05.07.2024) அன்று மாலை கொலை செய்யப்பட்டார். இது குறித்து செம்பியம் காவல் நிலையத்தில் வழக்குப்பதிவு செய்து விசாரணை நடைபெற்று வருகிறது. இந்த கொலைக்கான காரணத்தைக் கண்டறிந்து சம்மந்தப்பட்ட குற்றவாளிகளை உடனடியாக கைது செய்ய சென்னை பெருநகர காவல் ஆணையாளர் உத்தரவிட்டிருந்தார்.

அந்த உத்தரவின்படி தனிப்படைகள் அமைக்கப்பட்டு ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி என 14 குற்றவாளிகள் கைது செய்யப்பட்டனர். இத்தகைய சூழலில் தனிப்படை போலீசார் தீவிர விசாரணை செய்து இந்தக் கொலை வழக்கில் சம்பந்தப்பட்ட திருவள்ளூர் மாவட்டம் கடம்பத்தூர் பகுதியைச் சேர்ந்த கோதண்டராமன் என்பவரது மகன் ஹரிதரன் (வயது 37) என்பவரை நேற்று முன்தினம் (20.07.2024) கைது செய்தனர்.

மேலும் இது தொடர்பான விசாரணையில் கைது செய்யப்பட்ட ஹரிதரன் வழக்கறிஞராக பணியாற்றி வருவதும், இவர் அதிமுகவின் கடம்பத்தூர் ஒன்றிய குழு உறுப்பினராக உள்ளதும் தெரியவந்தது. இந்நிலையில் ஆம்ஸ்ட்ராங் கொலை வழக்கில் கைதான பொன்னை பாலு, அருள், திருமலையை மீண்டும் காவலில் எடுத்து விசாரிக்க போலீஸ் சார்பில் மனுத்தாக்கல் செய்யப்பட்டுள்ளது. 

Next Story

சட்டமன்ற தேர்தலுக்குத் தயாராகும் திமுக; இன்று முக்கிய ஆலோசனை!

Published on 21/07/2024 | Edited on 21/07/2024
DMK prepares for assembly elections Important advice today

தமிழக முதல்வரும், திமுக தலைவருமான மு.க.ஸ்டாலின் தமிழகத்தில் 2026 ஆம் ஆண்டு நடைபெற உள்ள சட்டமன்ற தேர்தலை எதிர்கொள்ளும் வகையில் திமுகவில் ஒருங்கிணைப்புக்குழு அமைக்கப்பட்டு அதற்கான பணிகளை இந்த குழு மூலம் மேற்கொள்ளப்படும் என நேற்று (20.07.2024) அறிவித்திருந்தார். இது குறித்து முதல்வர் மு.க.ஸ்டாலின் வெளியிட்டிருந்த அறிவிப்பில், ‘2024 நாடாளுமன்றத் தேர்தலுக்கு முன்பாக திமுகவின்  கட்சிப் பணிகளை ஒருங்கிணைக்கவும், மேற்பார்வையிடவும் அமைக்கப்பட்ட ஒருங்கிணைப்புக்குழு தனது பணிகளை மிகச் சிறப்பாகச் செய்தது.

அதே வகையில் வரவிருக்கும் 2026 சட்டமன்றத் தேர்தலை எதிர்கொள்ளும் பொருட்டு, திமுகவில் மேற்கொள்ள வேண்டிய மாறுதல்கள் - அமைப்பு ரீதியான சீரமைப்புகளைக் திமுக தலைவருக்கும் தலைமைக்கும் பரிந்துரைக்கவும், தேவையான நடவடிக்கைகளை மேற்கொள்ளவும் ‘ஒருங்கிணைப்புக்குழு’ அமைக்கப்படுகிறது. அதன்படி, அமைச்சர்கள் கே.என்.நேரு, எ.வ.வேலு, தங்கம் தென்னரசு, உதயநிதி ஸ்டாலின் மற்றும் திமுக அமைப்புச் செயலாளர் ஆர்.எஸ்.பாரதி ஆகியோர் இந்தக் குழுவில் இடம்பெற்றுள்ளனர். இவர்கள் கட்சியில் மேற்கொள்ள வேண்டிய மாற்றங்கள், அமைப்பு ரீதியான சீரமைப்புகளைப் பரிந்துரைப்பது உள்ளிட்ட நடவடிக்கைகளை மேற்கொள்வார்கள்' எனத் தெரிவிக்கப்பட்டிருந்தது.

இந்நிலையில் இந்நிலையில் 2026 ஆம் ஆண்டிற்கான சட்டமன்ற தேர்தலுக்கான திமுகவின் ஒருங்கினைப்புக் குழுவின் ஆலோசனைக் கூட்டம் இன்று (21.07.2024) மாலை நடைபெற உள்ளது. சென்னையில் உள்ள திமுக தலைமை அலுவலகமான அண்ணா அறிவாலயத்தில் நடைபெறும் இந்தக் கூட்டத்தில் முக்கிய முடிவு எடுக்கப்படும் எனத் தகவல் வெளியாகியுள்ளது.