Skip to main content

சென்னையில் ரயில் எஞ்சின் தடம் புரண்டு விபத்து!

Published on 15/02/2024 | Edited on 15/02/2024
Train derailment accident in Chennai
மாதிரிப்படம்

சென்னை சென்ட்ரல் அருகே ரயில் எஞ்சின் தடம் புரண்டு விபத்து நிகழ்ந்துள்ளது.

சென்னை சென்ட்ரல் ரயில் நிலையம் அருகே உள்ள சாணிகுளம் என்ற இடத்தில் நள்ளிரவு ஒரு மணியளவில் காலியாக ரயில் ஒன்று சென்று உள்ளது. அப்போது எதிர்பாராதவிதாக இந்த ரயிலின் எஞ்சின் தண்டாவளத்தில் இருந்து விலகி கீழே இறங்கியுள்ளது.

இந்த சம்பவம் குறித்து தகவல் அறிந்து சம்பவ இடத்திற்கு வந்த ரயில்வே ஊழியர்கள், தடம் புரண்ட ரயில் பெட்டியின் சக்கரத்தை தண்டவாளத்திற்கு உயர்த்தும் பணியில் ஈடுபட்டனர். ரயில் எஞ்சின் மற்றும் தண்டவாளம் சீரமைப்பு பணிகள் நள்ளிரவு 01.15 மணி முதல் அதிகாலை 3 மணிவரை  நடைபெற்றது. ரயில் தடம் புரண்ட சம்பவம் ரயில்வே துறையினர் மத்தியில் பரபரப்பை ஏற்படுத்தி இருந்தது.

சார்ந்த செய்திகள்

 

Next Story

காவிரி விவகாரம்; சிதம்பரத்தில் ரயில் மறியல் போராட்டம்!

Published on 16/07/2024 | Edited on 16/07/2024
Train picket struggle in Chidambaram over Cauvery issue

கர்நாடக அரசு காவிரியில் தண்ணீர் திறக்கக் கோரியும், நடவடிக்கை எடுக்காத மத்திய பாஜக அரசைக் கண்டித்தும் தமிழ்நாடு விவசாய சங்கத்தின் சார்பில் ரயில் மறியல் போராட்டம் நடைபெற்றது. மறியலில் ஈடுபட  சிதம்பரம் காந்தி சிலையிலிருந்து தமிழ்நாடு விவசாய சங்க கடலூர் மாவட்ட செயலாளர் சரவணன் தலைமையில் 100-க்கும் மேற்பட்டவர்கள் ஊர்வலமாக சிதம்பரம் ரயில் நிலையம் சென்றனர். அங்கு சென்னையிலிருந்து திருச்சி செல்லும் சோழன் எக்ஸ்பிரஸ் ரயிலை மறித்து மறியல் செய்தனர்.

இதில் விடுதலை சிறுத்தைகள் கட்சியின் மாவட்டச்செயலாளர் அரங்க தமிழ்ஒளி, நகர செயலாளர் ஆதிமூலம், இந்திய கம்யூனிஸ்ட் கட்சியின் விவசாய சங்க மாநில நிர்வாகி மணிவாசகம், மாவட்ட நிர்வாகிகள் சேகர், தமீம்முன் அன்சாரி, விவசாய தொழிலாளர் சங்க மாவட்ட செயலாளர் பிரகாஷ், சிதம்பரம் நகர மன்றத் துணைத் தலைவர் முத்துக்குமரன், மார்க்சிஸ்ட் கம்யூனிஸ்ட் கட்சியின் முன்னாள் மாநில குழு உறுப்பினர் மூசா, மார்க்சிஸ்ட் கம்யூனிஸ்ட் கட்சி  சிதம்பரம் நகர செயலாளர் ராஜா , மாவட்ட செயற்குழு உறுப்பினர் தேன்மொழி உள்ளிட்ட 100-க்கும் மேற்பட்டவர்கள் கலந்துகொண்டனர். இந்த போராட்டத்தில் அசம்பாவிதம் ஏற்படாத வகையில் சிதம்பரம் ஏ.எஸ்.பி ரகுபதி தலைமையில் காவல்துறையினர் பலத்த பாதுகாப்பு பணியில் ஈடுபட்டனர்.

Next Story

‘பயணிகளின் கவனத்திற்கு’ - மின்சார ரயில் சேவையில் மாற்றம்!

Published on 13/07/2024 | Edited on 13/07/2024
'Attention of passengers'- change in Chennai electric train service!

பராமரிப்புப் பணி காரணமாக சென்னை கடற்கரை - தாம்பரம் இடையேயான மின்சார ரயில்கள் அனைத்தும் எழும்பூரில் இருந்து நாளை (14.07.2024) இயக்கப்படும் என அறிவிப்பு வெளியாகியுள்ளது. இந்நிலையில் மின்சார ரயில் பயணிகள் நலன் கருதி சென்னை கடற்கரை முதல் எழும்பூர் ரயில் நிலையம் வரை நாளை கட் சர்வீஸ் பேருந்துகளை இயக்க சென்னை மாநகர் போக்குவரத்துக் கழகம் நடவடிக்கை எடுத்துள்ளது.

இது தொடர்பாக சென்னை மாநகர் போக்குவரத்துக் கழகம் வெளியிட்டுள்ள அறிவிப்பில், “நாளை (14.07.2024) தென்னக ரயில்வேயின் பராமரிப்பு பணிகள் சென்னை கடற்கரை ரயில் நிலையத்திற்கும் பூங்கா ரயில் நிலையத்திற்கும் இடையே நடைபெற உள்ளது. இதனால் தென்னக ரயில்வே சென்னை கடற்கரை ரயில் நிலையத்திலிருந்து தாம்பரம் ரயில் நிலையம் வரை இயக்கப்படும் ரயில்கள் அனைத்தும் எழும்பூர் இரயில் நிலையத்திலிருந்து  இயக்கப்படும் என்று அறிவித்துள்ளது. 

'Attention of passengers'- change in Chennai electric train service!

பயணிகள் நலன் கருதி மாநகர் போக்குவரத்துக் கழகம் கடற்கரை ரயில் நிலையம் முதல் எழும்பூர் ரயில் நிலையம் வரை கட் சர்வீஸ் பேருந்துகளை இயக்கப்படவும், முக்கிய பேருந்து நிலையங்களில் அலுவலர்களை நியமித்து பேருந்துகள் இயக்கத்தினை கண்காணிக்கவும் நடவடிக்கை எடுக்கப்பட்டுள்ளது” எனத் தெரிவிக்கப்பட்டுள்ளது.