Skip to main content

’பயிரெல்லாம் கருகலையா...சும்மா வதந்திய கிளப்புறாங்களா....?’- அமைச்சர் காமராஜை விளாசும் விவசாயிகள்

Published on 17/09/2018 | Edited on 17/09/2018
theni

 

கடைமடை பகுதிகளில் கருகும் சம்பா பயிர்களை காப்பாற்ற தண்ணீர் கேட்டு விவசாயிகள் சாலைமறியலில் ஈடுபட்டனர். அதனால் நாகை – திருவாரூர் தேசிய நெடுஞ்சாலையில் பல மணிநேரம் போக்குவரத்து பாதிப்பு ஏற்பட்டது.

 

மேட்டூர்அணை எந்த ஆண்டும் நிகழாத வகையில்   நான்குமுறை அதன் முழு கொள்ளளவை எட்டியது இருந்தபோதிலும் டெல்டா மாவட்டங்களின் கடைமடை மாவட்டமான நாகை, திருவாரூர் மாவட்டத்திற்கு  போதுமான தண்ணீர் வந்து சேராத காரணத்தால், நேரடி நெல்விதைப்பு செய்த நெற்பயிர்கள  முற்றிலுமாக கருகி வருகின்றனர். 

 

thirumavalavan

 

இந்நிலையில் தண்ணீர் இல்லாமல் கருகும் நெற்பயிரை காப்பாற்ற முக்கொம்பு அணையில் இருந்து தண்ணீர் திறந்துவிட வலியுறுத்தி நாகையை அடுத்த சிக்கலில் தமிழ்நாடு விவசாய சங்கத்தினர் சாலை மறியல் போராட்டத்தில் ஈடுபட்டனர். இப்போராட்டத்தில் அச்சங்கத்தின் மாநில பொதுசெயலர்  சண்முகம் தலைமை தாங்கினார். அப்போது, கடைமடைக்கு விரைந்து தண்ணீர் திறந்துவிட வலியுறுத்தியும், வாய்க்கால்களை முறையாக தூர்வாராத மாவட்ட நிர்வாகத்தை கண்டித்தும் கண்டன முழக்கங்கள் எழுப்பினர். 

 

பின்னர் அரசு அதிகாரிகள் நடத்திய நீண்ட நேரபேச்சுவார்த்தைக்கு பிறகு உடன்பாடு ஏற்பட்டு போராட்டத்தை தற்காலிகமாக விளக்கிகொண்டனர். தொடர்ந்து முறையின்றி கடைமடை பகுதிகளுக்கு தண்ணீர் திறந்துவிடவும், கூடுதல் தண்ணீர் திறக்கவும் அவர்கள் கோரிக்கை வைத்துள்ளனர். 

 

விவசாயிகளின் போராட்டத்தால் நாகை முதல் திருவாரூர் தேசிய நெடுஞ்சாலையில் போக்குவரத்து பாதிக்கப்பட்டது. 

 

நாகை திருவாரூர் சாலையில் போராட்டம் நடந்துவந்த அதே நேரத்தில், உணவு அமைச்சர் காமராஜ், திருவாரூர் இடைத்தேர்தல் குறித்து வர்த்தகர்களிடம் ஆலோசனை நடத்தினார். அப்போது பத்திரிக்கையாளர்களும், வர்த்தகர்களும் சமுக ஆர்வளர்களும் காமாராஜிடம், "சம்பா பயிர்கள் கருகிவருகிறதே, தண்ணீர் கொண்டுவர முயற்சி மேற்கொள்ளக்கூடாதா ? விவசாயம் செழித்தால் தானே எங்களுக்கு வியாபாரம் நடக்கும் வர்த்தகம் செழிக்கும் என்றனர்.

 

அதற்கு பதிலளித்த காமராஜ் ,  பயிரெல்லாம் கருகல, சும்மா வதந்திய கிளப்புறாங்க, என்றார். வதந்தி என்றால் திருவாரூர் நாகை சாலையில் நடந்த போராட்டம் எதற்காக வதந்திக்காகவா, போராடத்தில் உள்ள விவசாயிகளுக்கு அதிகாரிகள் உத்தரவாதம் கொடுத்தது வேலை வெட்டியில்லாமலா அமைச்சர் பதில் கூறனும் "என்கிறார் திருவாரூர் விவசாய சங்க தலைவர் மாசிலாமணி. 

 


 

சார்ந்த செய்திகள்

 

Next Story

நாட்டு வெடி தயாரிக்கும் ஆலையில் விபத்து; ஒருவர் பலியான சோகம்! 

Published on 16/06/2024 | Edited on 16/06/2024
Thiruvarur district near Mannargudi Thiranagapuram incident

நாட்டு வெடி தயாரிக்கும் குடோனில் தீ விபத்து ஏற்பட்டு ஒருவர் பலியான சம்பவம் அப்பகுதி மக்களிடையே பெரும் அதிர்ச்சியையும் சோகத்தையும் ஏற்படுத்தி உள்ளது.

திருவாரூர் மாவட்டம் மன்னார்குடி அருகே கருத்தநாகபுரத்தில் தனியாருக்குச் சொந்தமான நாட்டு வெடி தயாரிக்கும் ஆலை ஒன்று செயல்பட்டு வந்தது. இந்த ஆலை விஜய செல்வகுமார் என்பவருக்கு சொந்தமானதாகும். இத்தகைய சூழலில் தான் வழக்கம் போல் இங்கு நாட்டு வெடிகள் தயாரிக்கும் பணி நடைபெற்று வந்தது. இந்நிலையில் எதிர்பாராத விதமாக திடீரென இந்த ஆலையில் இன்று மதியம் வெடி விபத்து ஏற்பட்டது. இந்த வெடி விபத்து ஏற்பட்டபோது ஆலையில் மூன்று பேர் வெடிகள் தயாரிக்கும் பணியில் ஈடுபட்டிருந்தனர் எனத் தகவல் வெளியாகியுள்ளது.

அதே சமயம் வெடி சத்தம் கேட்டு அக்கம் பக்கத்தில் உள்ளவர்கள் சம்பவ இடத்திற்கு விரைந்து வந்துள்ளனர். அப்போது ஆலையில் பணியில் ஈடுபட்டு சதீஷ்குமார் என்பர் சம்பவ இடத்திலேயே உயிரிழந்ததாக தெரியவந்துள்ளது. மேலும் இந்த வெடி விபத்தில் காயம் அடைந்த இரண்டு பேர் மன்னார்குடி அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். இந்த விபத்து குறித்து தகவல் அறிந்த மன்னார்குடி தீயணைப்பு துறை அதிகாரிகள் சம்பவ இடத்திற்கு விரைந்து வந்து தீயை அனைத்தனர். இந்தச் சம்பவம் குறித்து காவல்துறை அதிகாரிகள் உரிய விசாரணை நடத்தி வருகின்றனர். 

Next Story

திக்கெட்டும் பரவவேண்டும்; கலைஞர் பிறந்த மண்ணில் ஒரு பெண்ணின் சமூக புரட்சி!

Published on 15/06/2024 | Edited on 15/06/2024
Daughter performed funeral rites for mother in Tiruvarur
யமுனம்மாள்

திருவாரூர் மாவட்டம் நீடாமங்கலம் வட்டம் இராயபுரம் கிராமத்தைச் சேர்ந்தவர் பெருமாள். இவரின் மனைவி லெட்சுமி அம்மாள். இவர்களுக்கு பிறந்த சில ஆண், பெண் குழந்தைகள் ஏதோ ஒரு காரணத்தால் இறந்துபோக மிஞ்சியது யமுனம்மாள் என்கிற ஒரு பெண்குழந்தை மட்டுமே. யமுனம்மாள் சிறுவயதில் இருக்கும் போதே, இவரது தந்தை ஆண்வாரிசுக்காக இன்னொரு திருமணம் பண்ணிக்கவா என்று லட்சுமி அம்மாளிடம் கேட்க அவரும் மனமுவந்து தனது உறவுக்கார பெண்ணையே இரண்டாம் திருமணம் செய்துவைத்துவிட்டார்.

இதனைத் தொடர்ந்து லட்சுமி அம்மாள் தனது மகள் யமுனம்மாளை 10 ஆம் வகுப்புவரை படிக்கவைத்து திருமணமும் செய்துவைத்தார். பின்னர் லட்சுமியம்மாள் மகள் வீட்டிலேயே வசித்தார். இந்த நிலையில், வயது மூப்பின் காரணமாக ஜூன் 11 ஆம் தேதி லட்சுமியம்மாள் உயிரிழந்தார். இதையடுத்து மறுநாள் லட்சுமியம்மாளுக்கு இறுதி சடங்கு செய்யப்பட்டது. அப்போது லட்சுமியம்மாளுக்கு ஆண் வாரிசு இல்லாததால் யார் கொள்ளி போடுவது என்று ஒரு பிரச்சனை ஏற்பட்டது. சிலர் நாங்கள் செய்கிறோம் என்று முன்வர அங்கு சலசலப்பு ஏற்பட்டது. எனது தாய்க்கு நான்தான் ஒரே மகள் அதனால் நான் கொள்ளிவைக்கிறேன் என்று யமுனா முன்வந்துள்ளார். அப்போது ஊர் பெரியவர்கள் பெண்கள் மயானத்திற்கு வந்து கொள்ளி வைக்கக் கூடாது என்று கூறியுள்ளனர். என் தாய்க்கு நான் கொள்ளிவைபேன் என்று ஆவேசமாக கூறிய யமுனா அதற்கான ஏற்படுகளை செய்யத் தொடங்கினார்.

Daughter performed funeral rites for mother in Tiruvarur

அதன்படி தாயின் இறுதி ஊர்வலத்தின் முன்பாக தீச்சட்டி ஏந்தியபடியே மயானம் சென்றார். எரிக்க தயார் செய்யப்பட்ட தன்தாயிக்காக பனிக்குடம், மண்குடம் உடைத்து  இறுதிச் சடங்கை நிறைவேற்றினார். யமுனம்மாள் இந்தச் செயலை அக்கிராம மக்கள், வெளியூரில் இருந்து வந்த உறவினர்கள், நண்பர்கள் பலரும் அதிர்ச்சியுடனும் ஆச்சர்யத்துடனும் பார்த்தனர். 

ஆட்சியதிகாரம் மூலமாக பெண்களுக்கான உரிமைகள் வழங்கப்பட்ட தமிழ்நாட்டில் தான் இன்றளவும் பெண்களை மயனத்திற்கு வரக்கூடாது, ஆண் பிள்ளை இல்லாமல் இறந்துப்போன தங்கள் தாய் தந்தையருக்கு பென்கள் கொள்ளி வைக்கக்கூடாது என்கிற கட்டுப்பாடுகள் இன்றளவும் உள்ளன. ஆண் குழந்தைகளைப் பெற்றெடுக்காத தாய் தந்தையர் இறக்கும்போது, அவர்களுடைய பெண் பிள்ளைகள் தங்களது தாய் தந்தையருக்கு கொள்ளி வைக்க தங்களது உறவினர்களிடம் கெஞ்சும் நிகழ்வுகள் காணும் பொழுது இறப்பைத் தாண்டியும் அவர்களின் கெஞ்சல் மனதை உருக்க வைக்கும். ஆனால், கலைஞர் பிறந்த மண்ணில் காலத்தால் மறக்கமுடியாத சம்பவம் யமுனம்மாள் தனது தாய்க்கு இறுதி சடங்கு செய்துள்ளார். இது போன்ற நிகழ்வு திக்கெட்டும் பரவ வேண்டும் என்பதே எங்களின் வேண்டுகோள் என்கின்றனர் பெரியாரை பின்பற்றுவபவர்கள்.