Skip to main content

ஏரியில் குடியேறி சமைத்து உண்ட விவசாயிகள். – அதிர்ச்சியான அதிகாரிகள்...

Published on 04/11/2019 | Edited on 04/11/2019

திருவண்ணாமலை மாவட்டம் செங்கம் அடுத்த கரியமங்கலம் ஏரிக்கு, செங்கம் ஏரியில் இருந்து வரும் உபரி தண்ணீர் வருவதற்கான காய்வாய் இருந்தது. தற்போது அந்த கால்வாய் இல்லை, பலவித ஆக்கிரமிப்புகளால் கால்வாய் இல்லாததால் கரியமங்கலம் ஏரிக்கு வரவேண்டிய தண்ணீர் வருவதில்லை.

 

thiruvannamalai farmers protest in lake

 

 

இதுப்பற்றி விவசாய குறை தீர்வு கூட்டத்தில் செங்கம் தாசில்தாரிடம் பலமுறை முறையிட்டுள்ளார்கள் கரியமங்கலம் விவசாயிகள், அதேபோல் ஏரியை பராமரிக்கும் பொதுப்பணித்துறை அதிகாரிகளிடமும் முறையிட்டுள்ளார்கள். மேலும் மாவட்ட ஆட்சியர் அலுவலகத்தில் நடைபெறும் விவசாயிகள் குறை தீர்வு கூட்டத்தில் ஆட்சியர் கந்தசாமியிடமும் முறையிட்டுள்ளார்கள், நடவடிக்கை என்பது எடுக்கவேயில்லை.

தற்போது மழைக்காலம் தொடங்கி மழை பெய்து வருகிறது. செங்கம் ஏரியில் இருந்து வரவேண்டிய தண்ணீர் கரியமங்கலம் ஏரிக்கு வரவேயில்லையாம். தற்போதும், நீர் வரத்து கால்வாயை சரிசெய்ய வேண்டும் என மக்கள் முறையிட்டுள்ளார்கள். இப்போதும் அதிகாரிகள் அசைந்துக்கொடுக்கவில்லை.

அதிகாரிகளின் செயலை கண்டித்து நவம்பர் 4ந்தேதி, கரியமங்கலம் கிராம விவசாயிகள், ஏரியில் குடியேறி உணவு சமைத்து உண்ணும் போராட்டத்தில் ஈடுப்பட்டனர். இதனை அறிந்து அதிர்ச்சியான பொதுப்பணித்துறை அதிகாரிகள், செங்கம் பொதுப்பணித் துறை உதவி பொறியாளர் ராஜாராம்மையை விவசாயிகளிடம் பேச அனுப்பினர். அவர் வந்து போராட்டம் நடத்திய விவசாயிகளிடம் உங்களின் கோரிக்கையை நிச்சயம் நிறைவேற்றி தருகிறேன்.  ஆக்ரமிப்புகளை அகற்றி கால்வாயை சரிசெய்து விரைவில் தருகிறோம் எனச்சொல்லி உத்தரவாதம் தந்ததன் அடிப்படையில் காலை முதல் மதியம் வரை நடைபெற்ற போராட்டம் முடிவுக்கு வந்தது.

 

 

சார்ந்த செய்திகள்

 

Next Story

காதல் திருமணம் செய்த இரண்டே நாளில் சடலமாக மீட்கப்பட்ட இளைஞர்!

Published on 08/07/2024 | Edited on 08/07/2024
young man passed away two days after his love marriage

திருவண்ணாமலை மாவட்டம் ஆரணியை அடுத்த சொரக்காபாளையம் கிராமத்தைச் சேர்ந்தவர் தமிழரசன் மகன் அஜித். இவர் தனியார் வங்கியில் பணியாற்றி வருகிறார். உதகையை சேர்ந்த ஜான்சன் என்பவரின் மகள் ராதிகா சென்னையில் உள்ள ஒரு தனியார் நிறுவனத்தில் வேலைசெய்து வந்துள்ளார். இந்த நிலையில் அஜித்துக்கும் ராதிகாவிற்கும் பழக்கம் ஏற்பட்டுள்ளது. நாளடைவில் இந்தப் பழக்கம் காதலாக மாறியுள்ளது.

இதனைத் தொடர்ந்து கடந்த 3 ஆம் தேதி ராதிகாவை அஜித் தனது வீட்டிற்கு அழைத்து சென்றுள்ளார். பின்னர் அவர்களின் குலதெய்வம் கோவிலில் அஜிதிற்கும், ராஜிகாவிற்கும் தமிழரசன் திருமணம் செய்து வைத்துள்ளார். இதையடுத்து 5 ஆம் தேதி பதிவு திருமணம் செய்வதற்கான தகவல்களை விசாரித்து வருவதற்காக அஜித் வீட்டில் இருந்து கிளம்பி தனியாக சென்றுள்ளார். ஆனால் அவர் நீண்ட நேரமாகியும்  வீடு திரும்பாததால், சந்தேகமடைந்த போலீசார், ஆரணி தாலுகா காவல்நிலையத்தில் புகார் கொடுத்தனர். அதன் பேரில் வழக்குப் பதிவு செய்த போலீசார் காணமால் போன அஜித்தை தேடி வந்தனர். 

இந்த நிலையில் அத்திமூரை அருகே உள்ள காட்டுப்பகுதியில் இளைஞர் ஒருவரின் உடல் மரத்தில் தொங்கிக்கொண்டிருப்பதாக போலீசாருக்கு தகவல் கிடைத்துள்ளது. உடனடியாக சம்பவ இடத்திற்கு விரைந்து சென்று மரத்தில் தொங்கிக்கொண்டிருப்பது அஜித்  என்பதை உறுதிசெய்த போலீசார் உடலை மீட்டு பிரேதப் பரிசோதனைக்காக மருத்துவமனைக்கு அனுப்பி வைத்தனர்.

திருமணமான இரண்டே நாளில் அஜித் மரத்தில் பிணமாக தொங்கியது பெரும் பரபரப்பை ஏற்படுத்தியுள்ளது. அஜித் தற்கொலை செய்துகொண்டாரா? அல்லது வேறு எதாவது பிரச்சனையா என்று போலீசார் தீவிரமாக விசாரணை நடத்தி வருகின்றனர். 

Next Story

லஞ்சம் கேட்டதால் விவசாயி தீக்குளிப்பு; தி.மலையில் பரபரப்பு

Published on 02/07/2024 | Edited on 02/07/2024
 Farmer tried to set himself on fire after asking for bribe; There is excitement in T. Malai

தனது நிலத்திற்கு சிட்டா மற்றும் அடங்கல் கொடுக்க கிராம நிர்வாக அலுவலர் லஞ்சம் கேட்டதால் விவசாயி உடலில் பெட்ரோல் ஊற்றி தீக்குளிக்க முயன்ற சம்பவம் திருவண்ணாமலையில் பரபரப்பை ஏற்படுத்தியுள்ளது.

திருவண்ணாமலை அடுத்த தேவனாம்பட்டு கிராமத்தில் செயல்பட்டு வரும் கிராம நிர்வாக அலுவலகத்தில் ஊதிரம்பூண்டி கிராமத்தை சேர்ந்த விவசாயி ராமகிருஷ்ணன் என்பவர் தனது நிலத்துக்கான சிட்டா மற்றும் அடங்கல் கேட்டு மனு கொடுத்துள்ளார்.

ஊதிரம்பூண்டி கிராமத்தில் விவசாயி ராமகிருஷ்ணனுக்கு நான்கு ஏக்கர் விவசாய நிலம் உள்ளதாக கூறப்படுகிறது. நான்கு ஏக்கரில் ஆட்டுப் பண்ணை வைத்து விவசாயம் செய்து வருகிறார். கடந்த ஒரு மாதமாக தேவனாம்பட்டு கிராம நிர்வாக அலுவலர் காந்தி என்பவரிடம் சிட்டா மற்றும் அடங்கல் கேட்டு மனு கொடுத்துள்ளார். அந்த மனுவின் மீது எந்த நடவடிக்கையும் எடுக்காமல் கிராம நிர்வாக அலுவலர் கிடப்பில் போட்டுள்ளார்.

இந்நிலையில் இன்று மீண்டும் விவசாயி ராமகிருஷ்ணன் கிராம நிர்வாக அலுவலர் காந்தியை நேரில் சந்தித்து தனது நிலத்திற்கு சிட்டா மற்றும் அடங்கல் கொடுக்கும்படி வலியுறுத்தியுள்ளார். அதெல்லாம் கொடுக்க முடியாது, பணம் தந்தால் தான் வேலை நடக்கும் என சொன்னதோடு ஒருமையில் பேசியதால் மனமுடைந்த விவசாயி கிராம நிர்வாக அலுவலகத்திற்கு வெளியே தனது உடலில் பெட்ரோல் ஊற்றி தீக்குளித்துள்ளார்.

அவரின் அலறல் கேட்டு அக்கம் பக்கத்தில் இருந்தவர்கள் ஓடிவந்து உடலில் தீப்பற்றி எரிந்ததை கண்டு தீயை அணைத்து உடனடியாக வாழையிலை, வாழை சாறு உள்ளிட்டவற்றை உடல் மீது ஊற்றி திருவண்ணாமலை அரசு மருத்துவக்கல்லூரி மருத்துவமனைக்கு அழைத்து வந்து சிகிச்சைக்காக அனுமதித்தனர். அங்கு சிகிச்சை அளித்த மருத்துவர்கள் உடனடியாக வேலூர் சி.எம்.சி மருத்துவமனைக்கு மேல் சிகிச்சுக்காக அனுப்பி வைத்துள்ளனர்.

விவசாயி ராமகிருஷ்ணன் சிட்டா மற்றும் அடங்கல் கேட்டு கிராம நிர்வாக அலுவலர் காந்தி கொடுக்க மறுத்ததால் தீக்குளித்த சம்பவம் பெரும் பரபரப்பை ஏற்படுத்தி உள்ளது. மேலும் சம்பவம் குறித்து கலசப்பாக்கம் காவல் நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர்.

லஞ்சம் கேட்டு கிராம நிர்வாக அலுவலர் விவசாய நிலத்திற்கு சிட்டா மற்றும் அடங்கல் கொடுக்க மறுத்ததால் பெட்ரோல் ஊற்றி தீக்குளித்த சம்பவம் பெரும் பரபரப்பை ஏற்படுத்தியுள்ளது.