Skip to main content

''தேர்தலில் போட்டியிடும் எண்ணம் இல்லை''- டி.டி.வி.தினகரன் பேட்டி

Published on 23/02/2024 | Edited on 23/02/2024
NN

வரும் நாடாளுமன்ற தேர்தலில் நான் போட்டியிடும் எண்ணம் இல்லை என டி.டி.வி.தினகரன் தெரிவித்துள்ளார்.

சிவகங்கையில் செய்தியாளர்களைச் சந்தித்த அமமுக கட்சியின் பொதுச்செயலாளர் டி.டி.வி தினகரன் பேசுகையில், ''போன மாதம் 29ஆம் தேதி வந்த பொழுதும் உங்களிடம் சொன்னேன் கூட்டணி எல்லாம் சில கட்சிகளோடு பேசிக் கொண்டிருக்கிறோம். அதெல்லாம் முடிவுக்கு வந்த பிறகு நானே சொல்வேன். வரும் மக்களவை தேர்தலில் போட்டியிடும் எண்ணம் எனக்கும் இல்லை. எங்களுடைய நிர்வாகிகள் நான் போட்டியிட வேண்டும் என விரும்புகிறார்கள். அவர்கள் வார்த்தைக்கு நாங்கள் மரியாதை கொடுக்க வேண்டியிருக்கிறது. ஆனால் தனிப்பட்ட முறையில் போட்டியிட எனக்கு விருப்பமில்லை.

வேண்டும் என்றால் பரிசீலித்து முடிவு செய்யலாம் என்று இருக்கிறேன். சிவகங்கை மாவட்டத்தில் பெரிய திருட்டுகள், கொடுமையான தாக்குதல்கள், கொலைகள் என எனக்கு தெரிந்த இந்த இரண்டு வருடத்தில் நிறைய நடந்திருக்கிறது.  வீட்டில் இருக்கும் முதியவர்கள், பெண்கள், குழந்தைகள் எல்லாம் தாக்கியது யார் என்று கண்டுபிடிக்க முடியாத அளவிற்கு உங்கள் மாவட்டத்தில் பிரச்சனைகள் இருக்கிறது. அந்த அளவிற்கு சட்டம் ஒழுங்கு சீர்கெட்டுள்ளது. சீர்கெடவில்லை என்று சொல்பவர்கள் போலீஸ் பாதுகாப்பு இல்லாமல் இங்கு வந்து இருந்தார்கள் என்றால் தெரியும் எதார்த்த நிலை. சண்டிகர் மேயர் தேர்தல் போல எங்கோ ஒரு இடத்தில் முறைகேடு நடந்தால் அது இந்தியா முழுமைக்கும் எல்லா இடத்திலும் நடந்தது என்று சொல்ல முடியாது. 2006 மாநகராட்சி தேர்தலில் திமுக கையில் கத்தியை எடுத்துக்கொண்டு மதுரையில், சென்னையில் தேர்தல் நடத்தியது தெரியாதா? திருமங்கலம் இடைத்தேர்தல் எப்படி நடந்தது என்று தெரியும்'' என்றார்.

சார்ந்த செய்திகள்

Next Story

தர்மத்துப்பட்டியில் டி.டி.விக்கு வந்த சோதனை 

Published on 13/04/2024 | Edited on 13/04/2024
The trial came to TTV in Dharmathuppatti

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி, முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களைத் தொடங்கியுள்ளன.

அதன்படி பல்வேறு அரசியல் கட்சிகள் தேர்தல் பரப்புரைகளை தீவிரமாக செய்து வரும் நிலையில், மறுபுறம் தேர்தல் பறக்கும் படையினர் தீவிர சோதனையில் ஈடுபட்டு வருகின்றனர். தொடர்ந்து எம்பிக்கள்,  அமைச்சர்கள் மற்றும் வேட்பாளர்களின்  வாகனங்களில் பறக்கும் படையினர் தீவிரமாக சோதனை நடத்தி வருகின்றனர். இந்நிலையில் அமமுக கட்சியின் பொதுச்செயலாளர் டி.டி.வி.தினகரனின் வாகனத்தில் தேர்தல் பறக்கும் படை அதிகாரிகள் சோதனையில் ஈடுபட்டனர். தேனியில் உள்ள தர்மத்துப்பட்டியில் பரப்புரையில் ஈடுபட்டிருந்த டி.டி.வி.தினகரன் பரப்புரையை முடித்துவிட்டு திரும்பிக் கொண்டிருந்தார். அப்போது செல்லும் வழியில் வாகனத்தை நிறுத்திய பறக்கும் படை அதிகாரிகள் அவரது வாகனத்தை சோதனை செய்தனர்.

Next Story

“குக்கர் மாதிரிதானே அவருடைய முகமும் குண்டா இருக்கு” - டிடிவி தினகரன் மனைவி கலகல பேச்சு!

Published on 12/04/2024 | Edited on 12/04/2024
His face is chubby like a cooker tTV Dhinakaran's wife's speech

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாக தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

அந்த வகையில் தேனி நாடாளுமன்ற தொகுதியில் தி.மு.க. சார்பில் தங்க தமிழ்ச்செல்வன். அதிமுக சார்பில் நாராயணசாமி, பாஜக கூட்டணி சார்பில் அமமுக பொதுச் செயலாளர் டி.டி.வி. தினகரன், நாம் தமிழர் கட்சி சார்பில் மதன் உட்பட நான்கு முனை போட்டியுடன் சுயேட்சைகளும் களமிறங்கி தேர்தல் களத்தில் வலம் வருகிறார்கள். அதே சமயம் பாஜக கூட்டணி சார்பில் களம் இறங்கியுள்ள டி.டி.வி தினகரன் தேனி தொகுதியில் பல இடங்களில் தேர்தல் பிரச்சாரம் மேற்கொண்டார். மேலும் கூட்டணி கட்சி வேட்பாளர்களுக்காக தமிழகத்தில் பல பகுதிகளில் டிடிவி பிரச்சாரம் செய்யப்போவதாகவும்,  எனது மனைவியும் தேர்தல் பிரச்சாரத்தில் ஈடுபடுவார் என்றும் சொல்லி இருந்தார். 

His face is chubby like a cooker tTV Dhinakaran's wife's speech

அதன் அடிப்படையில் தான் டிடிவி தினகரன் மனைவி அனுராதா தனது கணவருக்காக தேனி பாராளுமன்ற தொகுதியில் உள்ள பல பகுதிகளில் தேர்தல் களத்தில் வாக்காளர்களை சந்தித்து ஆதரவு திரட்டி வருகிறார். அதன்படி மதுரை மாவட்டம் உசிலம்பட்டி பகுதியில் டிடிவி தினகரனுக்கு ஆதரவாக அவரது மனைவி அனுராதா வாக்கு சேகரிப்பில் ஈடுபட்டபோது, “குக்கர் சின்னத்தை எல்லோரிடத்திலும் கொண்டு செல்லுங்கள். சின்னத்தில் குழப்பம் வராமல் பார்த்துக்கொள்ள வேண்டும். மற்றவருக்கும் சின்னத்தை எடுத்து சொல்லுங்கள். ஏனென்றால் இதற்கு முன் போட்டியிட்டபோது வேறொரு சின்னத்தில் டிடிவி தினகரன் போட்டியிட்டதால் இதை சொல்கிறேன். குக்கர் மாதிரிதானே அவருடைய முகமும் குண்டா இருக்கு”என கலகலப்பாக பேசி வாக்கு சேகரித்தார்.