கோவில் உண்டியல் பணம் திருட்டு... வீடியோவில் சிக்கிய அர்ச்சகர் மீது போலீசில் புகார்!

Photographer

Published on 30/07/2021 | Edited on 31/07/2021

Temple money theft ... Complaint to the police against the priest caught in the video!

தஞ்சாவூர் மாவட்டம் பேராவூரணியில் உள்ள நீலகண்ட பிள்ளையார் கோயில், பிரசித்தி பெற்ற ஆலயமாக கருதப்படுகிறது. இதனால் அந்தப் பகுதியில் பலருக்கும் நீலகண்டன் என்ற பெயர் வைக்கப்பட்டுள்ளது. சுப முகூர்த்த நாட்களில் ஒவ்வொரு நாளும் நூற்றுக்கணக்கான திருமணங்கள், காதணி விழாக்கள் நடக்கும். அரசியல்வாதிகள் கூட தங்கள் முதல் பிரச்சாரத்தை இங்கிருந்து தொடங்கிய சம்பவங்களும் உண்டு. இந்தப் பகுதியிலிருந்து வெளியூர், வெளி மாநிலங்களில் குளிர்பான கடை வைத்திருப்பவர்கள் கூட நீவி கூல்டிரிங்ஸ் என்ற பெயரிலேயே கடை வைப்பார்கள்.

இப்படி பிரசித்தி பெற்ற ஆலயத்தில், கடந்த 28ஆம் தேதி கோவில் நிர்வாக அதிகாரிகள் மற்றும் நிர்வாக குழுவினர் முன்னிலையில் 50க்கும் மேற்பட்டவர்கள் 3 காணிக்கை உண்டியல்களைத் திறந்து காணிக்கை பணத்தை எண்ணியபோது அதில் ரூ. 5.86 லட்சம் பணம் இருந்தது. ஆனால், அடுத்த நாள் சமூக வலைதளங்களில் வெளியான ஒரு வீடியோவில், உண்டியல் பணம் எண்ணும்போது அந்தக் கோயில் அர்ச்சகர் ஒருவர் உண்டியல் பணத்தைத் தனது சட்டை பாக்கெட்டில் வைக்கும் காட்சி வெளியாகி அதிர்ச்சியை ஏற்படுத்தியது. இதனைத் தொடர்ந்து சம்பந்தப்பட்ட அர்ச்சகர் மீது நடவடிக்கை எடுக்கக் கோரி கோவில் நிர்வாகத்தின் சார்பில் காவல் நிலையத்தில் புகார் கொடுக்கப்பட்டுள்ளது பரபரப்பை ஏற்படுத்தியுள்ளது.

விரிவான அலசல் கட்டுரைகள்

சார்ந்த செய்திகள்

ஜீவாதங்கவேல்

Photographer

Published on 26/04/2024 | Edited on 26/04/2024

young man who went to visit a relative's house passed away

ஈரோடு, சூரம்பட்டி, நேரு வீதியைச் சேர்ந்தவர் சுலோச்சனா (73). இவரது கணவர் மருதாசலம் (75). இவர்களுக்கு மூன்று மகன்கள் உள்ளனர். கடைசி மகன் மட்டும் திருமணம் ஆகி தனியாக வசித்து வருகிறார். மற்ற இரண்டு மகன்களும் பெற்றோர்களுடன் வசித்து வந்தனர். 2-வது மகன் மோகனுக்கு மது குடிக்கும் பழக்கம் உள்ளது. இந்த நிலையில், கடந்த 21ஆம் தேதி சித்தோடு, சாணார்பாளையத்தில் உள்ள தங்களது உறவினர் வீட்டு விசேஷத்துக்குச் சென்று வருவதாக கூறிச் சென்ற மோகன் அதன்பின் வீடு திரும்பவில்லை.

இதையடுத்து, பல்வேறு இடங்களில் மகனைத் தேடி வந்த தாய் சுலோச்சனா, நேற்று சித்தோடு பகுதியில் சென்று தன் மகன் குறித்து விசாரித்துள்ளார். அப்போது, கடந்த 21ஆம் தேதி மதுபோதையில் சித்தோடு வந்த மோகன் அங்குள்ள செல்போன் கடை முன்பாக மயங்கிக் கிடந்தவர், சிறிது நேரத்தில் இறந்து விட்டதாகவும், இதையடுத்து, அங்கிருந்தவர்கள் மோகனின் உடலை சித்தோடு அரசு மருத்துவக் கல்லூரி மருத்துவமனைக்கு அனுப்பி வைத்து விட்டதாகவும் தெரிவித்துள்ளனர்.

இதையடுத்து, சுலோச்சனா அரசு மருத்துவக் கல்லூரி மருத்துவமனைக்கு சென்று இறந்தது தனது மகன் மோகன் தான் என்பதை உறுதி செய்தார். இதுகுறித்து நேற்று அவர் அளித்த புகாரின் பேரில், சித்தோடு போலீசார் வழக்குப் பதிவு செய்து விசாரித்து வருகின்றனர்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 26/04/2024 | Edited on 26/04/2024

உலகின் மிகப்பெரிய ஜனநாயக திருவிழாவான இந்திய நாட்டின் 18ஆவது நாடாளுமன்றத் தேர்தல் நாடு முழுவதும் களைகட்டி வருகிறது. அதன்படி வாக்குப்பதிவானது முதற்கட்டமாக கடந்த ஏப்ரல் 19 ஆம் தேதி தொடங்கி வரும் ஜூன் 1 ஆம் தேதி வரை 7 கட்டமாக நடைபெற உள்ளது. தமிழ்நாடு உள்ளிட்ட 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு கடந்த 19 ஆம் தேதி வாக்குப்பதிவு நடைபெற்று முடிந்தது. இதன் ஒரு பகுதியாக நாடு முழுவதும் 13 மாநிலங்களில் உள்ள 87 மக்களவைத் தொகுதிகளில் இன்று (26.04.2024) 2ஆம் கட்ட வாக்குப்பதிவு நடைபெற்று வருகிறது.

இந்நிலையில் கர்நாடக மாநிலம் பெங்களூருவின் தெற்கு மக்களவைத் தொகுதி பாஜக வேட்பாளர் தேஜஸ்வி சூர்யா மீது போலீசார் வழக்குப்பதிவு செய்துள்ளனர். சமூக வலைத்தள பக்கமான எக்ஸ் வலைத்தள பக்கத்தில் மதரீதியாக வாக்கு சேகரிப்பது தொடர்பான வீடியோ ஒன்றை பாஜக வேட்பாளர் தேஜஸ்வி சூர்யா வெளியிட்டிருந்தார். இந்நிலையில் ஜெயநகர் போலீசார் அவர் மீது தற்போது வழக்குப்பதிவு செய்துள்ளனர். ஏற்கெனவே இன்று காலை மற்றொரு பாஜக வேட்பாளரான சுதாகர் மீது போலீசார் வழக்குப்பதிவு செய்திருந்தனர் என்பது குறிப்பிடத்தகுந்தது.