Skip to main content

போராட்டத்தில் இறங்கிய மாற்றுத்திறனாளிகள்!

Published on 21/10/2019 | Edited on 21/10/2019

தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கம் சார்பில் கும்பகோணம் கோட்டாட்சியர் அலுவலகம் முன்பு பல்வேறு கோரிக்கைகளை முன்வைத்து காத்திருப்புப் போராட்டம் நடைபெற்றது.
 

காத்திருப்பு போராட்டத்தில் "மாற்றுத்திறனாளிகளுக்கு மாதம்தோறும் கோட்டாட்சியர் தலைமையில் நடைபெறும் குறைதீர் கூட்டத்தை அருதியிட்டு குறிப்பிட்ட தேதியில் காலைநேரத்தில் நடத்திட வேண்டும், இதில் மாற்றுத் திறனாளிகளுக்கான அடையாள அட்டை, ரயில் பாஸ், பஸ் பாஸ், பாதுகாவலர் பாஸ், உள்ளிட்டவைகளை வழங்கும் வகையில் மருத்துவர்களும் மற்ற அனைத்து துறை அதிகாரிகளும் அவசியம் கலந்து கொள்ள வேண்டும் என்ற நடைமுறையை அமல்படுத்திட வேண்டும். 
 

மாற்றுத் திறனாளிகளுக்கு இலவசமாக ஆடு, மாடுகள் இந்திரா குடியிருப்பு வீடுகள் கட்டிக் கொடுக்க வேண்டும். 100 நாள் வேலை திட்டத்தில் மாற்றுத் திறனாளிகளுக்கு நான்கு மணி நேர வேலை மட்டுமே தந்து அதோடு முழுமையான ஊதியத்தையும் வழங்க வேண்டும். பேரூராட்சி பகுதிகளிலும் 100 நாள் வேலை வழங்கவேண்டும். வங்கி கடன் வழங்கும் போது வங்கி மேலாளர்கள் மாற்றுத்திறனாளிகளை அலைக்கழிக்காமல் குறித்த நேரத்தில் கடன் வழங்க வேண்டும்," என்பன உள்ளிட்ட கோரிக்கைகளை வலியுறுத்தி முழக்கமிட்டனர். போராட்டத்தில் ஏராளமான மாற்றுத் திறனாளிகள் மற்றும் பாதுகாப்போர் கலந்து கொண்டனர்.

tamilnadu disability kumbakonam rto office strike


நீண்ட நேரத்திற்கு பிறகு கும்பகோணம் கோட்டாட்சியர் அலுவலக ஊழியர் ஒருவரை அனுப்பி பேச்சுவார்த்தைக்கு வரசொல்ல சொல்லி அனுப்பியிருக்கிறார். அந்த ஊழியரும் மாற்றுதிறனாளிகளிடம் வந்து அழைத்திருக்கிறார். மாற்றுத்திறனாளிகளோ, கோட்டாட்சியர் அலுவலகத்தின் வாசலில் தான் போராடுகிறோம். அவர் இருக்கும் மேல் தளத்திற்கு வரமுடியாமல் தான் கீழே நின்று போராடுகிறோம். அவரு வந்து எங்க குறையை கேட்ககூடாதா என கூறி அனுப்பிவிட்டனர். ஆர்,டி,ஓவும் கீழே இறங்கி வந்து மனு வாங்க மறுத்துவிட்டார்.

 

இதுகுறித்து மாற்றுத்திறனாளிகளின் மாநில துணைத் தலைவர் கணேசன் கூறுகையில், "சங்கம் சார்பில் பல்வேறு கோரிக்கைகளை பலமுறை அதிகாரிகளிடம் தெரிவித்தும் எவ்வித நடவடிக்கை எடுக்காமல் அலட்சியப்படுத்தி வந்தனர். இந்நிலையில் கோரிக்கைகளை நிறைவேற்றக் கோரி காத்திருப்பு போராட்டம் செய்தோம். 
 


அப்போது கோட்டாட்சியர் பேச்சுவார்த்தைக்கு அழைப்பதாக அழைத்ததின் பேரில் வந்தோம். ஆனால் கும்பகோணம் கோட்டாட்சியர் அலுவலகம் முதல் தளத்தில் செயல்படுவதால் மாற்றுத்திறனாளிகள் அதிகாரியை சந்திக்க லிப்ட் வசதி சாய்வு தள பாதையோ எவ்வித வசதியும் இல்லாமல் இருப்பதால் மாற்றுத்திறனாளிகள் கீழே இருப்பதாக குளிரூட்டப்பட்ட அறையில் அமர்ந்திருந்த கோட்டாட்சியரை சந்தித்து பொறுப்பாளர்கள் கோரிக்கையை கொடுக்க கீழே இருக்கிறார்கள் என்று சொன்னோம். ஆனால் மாற்றுத்திறனாளிகளை அலட்சியப் படுத்தும் நோக்கில் அவர்கள் வரவேண்டாம் நீங்கள் என்ன என்று பேசுங்கள் எனஅலட்சியப்படுத்தும் நோக்கில் கீழே இறங்கி வர மனமில்லாமல் அவர்களை போகச் சொல்லுங்கள் உங்களிடம் பேசுகிறேன், என்று சொன்னார்.
 

அதற்கு ஆத்திரமடைந்த மாற்றுத்திறனாளிகள் கடுமையான வாக்குவாதத்தில் ஈடுபட்டதால் தரை தளத்தில் இருந்த மாற்றுத்திறனாளிகளை சந்தித்து மனுக்களைப் பெற்று வரும் 22 ஆம் தேதி அனைத்து அலுவலர்களையும் சம்மபந்தப்பட்ட துறை அதிகாரிகளையும் அழைத்து பேசி கோரிக்கைகளை நிறைவேற்ற நடவடிக்கை எடுக்கப்படும், என உறுதியளித்துள்ளார்.
 


 

சார்ந்த செய்திகள்

 

Next Story

'பாஜகவின் அதிகார வெறி இதன் மூலம் தெரிகிறது''-செல்வப்பெருந்தகை பேட்டி

Published on 18/06/2024 | Edited on 18/06/2024
"BJP's hunger for power is evident through this" - Selvaperunthakai interview

மேற்கு வங்க மாநிலம் டார்ஜிலிங் மாவட்டத்தில் உள்ள பனிஷ்தேவா பகுதியில் கடந்த 17.06.2024 அன்று காலை 9 மணியளவில் நின்று கொண்டிருந்த சீல்டா - கஞ்சன்ஜங்கா எக்ஸ்பிரஸ் மீது அந்த வழியாக வந்த சரக்கு ரயில் மோதி ஏற்பட்ட பயங்கர விபத்தில் 5 பேர் உயிரிழந்த நிலையில் இந்த ரயில் விபத்து சம்பவம் பரபரப்பை ஏற்படுத்தியது.

இந்நிலையில் சென்னையில் செய்தியாளர்களைச் சந்தித்த தமிழக காங்கிரஸ் கமிட்டி தலைவர் செல்வப்பெருந்தகை பேசுகையில், ''உபகரணங்கள் வாங்குவதற்கு பதிலாக, பாதுகாப்பிற்கு செலவு செய்வதற்கு பதிலாக, ஆடம்பர வீடுகள் கட்டுவதும், சுற்றுலா மாளிகை கட்டுவதும், அந்தச் சுற்றுலா மாளிகை பங்களா வீடுகளுக்கு விலை உயர்ந்த பர்னிச்சர்களை வாங்குவதிலும் இவர்கள் கவனம் செலுத்துகிறார்கள். பாதுகாப்பு குறைபாடுகள் உள்ள இடத்தில் இவர்கள் கவனம் செலுத்தவில்லை என்று தொடர்ந்து 6 ஆண்டுகளுக்கு சிஏஜி அறிக்கை சொல்கிறது. ஆனால் மெத்தனபோக்கோடு இப்படி விபத்துகளை தொடர்ந்து பாஜக அரசு அனுமதித்து இருக்கிறது.

காங்கிரஸ் இயக்கத்தின் தலைவராகவும், ரயில்வேதுறை அமைச்சராகவும் இருந்த ஓ.வி.அழகேசன் அரியலூர் விபத்து ஏற்பட்டவுடன் பதவியை ராஜினாமா செய்தார். சாஸ்திரியும் ராஜினாமா செய்திருக்கிறார். மம்தா பானர்ஜியும் ரயில்வேதுறை அமைச்சராக இருந்த பொழுது விபத்து நடத்தவுடன் ராஜினாமா செய்தார். நிதிஷ்குமார் ரயில்வே துறை அமைச்சராக இருந்த பொழுது ராஜினாமா செய்தார். ஏன் பாஜக அமைச்சர்கள் மட்டும் ராஜினாமா செய்ய மறுக்கிறார்கள். பிடிவாதமாக இருக்கிறார்கள். அதிகார வெறி என்பது இதன் மூலமாக தெரிகிறது. ஆகவே இனி வரும் காலங்களில் இப்படிப்பட்ட விபத்துக்களை தவிர்க்க வேண்டும். சிஏஜி அறிவுரைகளை ஏற்றுக்கொள்ள வேண்டும். மக்களின் பாதுகாப்பிற்காக ஒதுக்கப்படும் லட்சக்கணக்கான கோடி நிதியை அதற்காக மட்டுமே பயன்படுத்த வேண்டும்''என்றார்.

Next Story

அடுத்த 3 மணி நேரத்தில் மழை; 5 மாவட்டங்களுக்கு அலர்ட்

Published on 17/06/2024 | Edited on 17/06/2024
nn

தமிழகத்தில் அடுத்த மூன்று மணி நேரத்தில் ஐந்து மாவட்டங்களில் மழைக்கு வாய்ப்பு இருக்கும் என சென்னை வானிலை ஆய்வு மையம் அறிவித்துள்ளது.

தமிழ்நாட்டில் 7 நாட்களுக்கு ஒரு இடங்களில் இடி மின்னலுடன் கூடிய மழைக்கு வாய்ப்பு இருக்கும் எனச் சென்னை வானிலை மையம் ஏற்கெனவே அறிவித்திருந்தது. வட தமிழக மாவட்டங்களில் குறிப்பாக உள் மாவட்டங்களில், மேற்குத் தொடர்ச்சி மலையை ஒட்டிய மாவட்டங்களில் மழை பெய்து வருகிறது. இந்நிலையில் இன்று சென்னை வானிலை ஆய்வு மையம் வெளியிட்ட அறிவிப்பின்படி தமிழகத்தில் அடுத்த 3 மணி நேரத்தில் மதுரை, தேனி, நெல்லை, திண்டுக்கல், குமரி ஆகிய 5 மாவட்டங்களில் மழைக்கு வாய்ப்பு இருக்கும் என அறிவிக்கப்பட்டுள்ளது.