Skip to main content

திடீர் உள்வாங்கல் - சலனமற்ற கடலால் மக்கள் அச்சம்

Published on 22/12/2023 | Edited on 22/12/2023
Sudden inundation-people fear the restless sea

நாகையில் கடல் உள்வாங்கியுள்ளது மக்கள் மற்றும் மீனவர்கள் இடையே ஒருவித அச்சத்தை ஏற்படுத்தியுள்ளது.

கடந்த பத்து நாட்களாக நாகை மாவட்டம் வேதாரண்யம் சுற்றுவட்டாரப் பகுதிகளில் மிதமான மழை பொழிந்து வந்தது. இந்தநிலையில் நேற்று முதல் மழை குறைய தொடங்கியது. இன்று காலை முதல் மழை முழுவதுமாக நின்று விட்ட நிலையில், வேதாரண்யம் பகுதியில் உள்ள கண்ணகி கடற்கரை பகுதியில் காலை முதலே சுமார் 100 அடி தூரத்திற்கு கடல் உள்வாங்கியுள்ளது.

இதனால் சேரும் சகதியுமாகக் கடல் பகுதி உள்ளது. அதேபோல் கடலில் அலைகள் இன்றி அமைதியாகக் காணப்படுகிறது. திடீரென கடல் உள்வாங்கியது அந்த பகுதியில் உள்ள மக்களுக்கும் மீனவர்களுக்கும் ஒருவித அச்சத்தை ஏற்படுத்தி இருக்கிறது. பருவநிலை மாற்றத்தால் கடல் உள்வாங்குவது வழக்கம் தான், ஆனால் அலைகள் ஏற்படாதது அங்கு ஒரு வித அச்சத்தை ஏற்படுத்தி உள்ளது என மக்கள் தெரிவித்து வருகின்றனர்.

சார்ந்த செய்திகள்

 

Next Story

ராமேஸ்வரம் மீனவர்கள் 9 பேர் கைது!

Published on 23/07/2024 | Edited on 23/07/2024
9 Rameswaram fishermen arrested

தமிழகம் மற்றும் புதுவைச் சேர்ந்த மீனவர்கள் எல்லை தாண்டி மீன் பிடித்ததாகக் கூறி இலங்கை கடற்படையால் கைது செய்யப்படும் சம்பவம் தொடர்ந்து நிகழ்ந்து வருகிறது. அதோடு மீனவர்களின் படகுகளைப் பறிமுதல் செய்து அரசுடைமையாக்குவது போன்ற நடவடிக்கைகளையும் இலங்கை அரசு மேற்கொண்டு வருகிறது. இதனால் மீனவர்களின் வாழ்வாதாரம் வெகுவாக பாதிக்கப்படும் சூழலும் நிலவி வருகிறது.

இத்தகைய சூழலில் வழக்கம் போல் ராமேஸ்வரத்தைச் சேர்ந்த மீனவர்கள் சுமார் 600 பேர் மீன்பிடிக்கக் கடலுக்குச் சென்றனர். அதன்படி நெடுந்தீவு அருகே மீனவர்கள் மீன்பிடித்து விட்டு இன்று (23.07.2024) அதிகாலை 03:00 மணியிலிருந்து 04:00 மணிக்குள் கரை திரும்பிக் கொண்டிருந்தனர். அப்போது அங்கு ரோந்து வந்த இலங்கை கடற்படையினர் ராமேஸ்வரத்தைச் சேர்ந்த மீனவர்கள் 9 பேரை எல்லை தாண்டி மீன் பிடித்ததாகக் கூறி கைது செய்தனர்.

அதனைத் தொடர்ந்து கைதான 9 மீனவர்களையும் காங்கேசன் துறைமுகத்திற்கு அழைத்துச் செல்லப்பட்டதாகத் தகவல் வெளியாகியுள்ளது. இந்த விசாரணைக்குப் பிறகு யாழ்ப்பாணத்தில் உள்ள மீன்வளத்துறை அதிகாரிகளிடம் மீனவர்கள் ஒப்படைக்கப்பட உள்ளதாகவும் கூறப்படுகிறது. மேலும் மீனவர்களின் 2 விசைப்படகுகளையும் இலங்கைக் கடற்படையினர் சிறை பிடித்து பறிமுதல் செய்துள்ளனர். எல்லை தாண்டி மீன் பிடித்ததாகக் கூறி தமிழக மீனவர்கள் 9 பேர் கைது செய்யப்பட்ட சம்பவம் மீனவர்கள் மத்தியில் பெரும் அதிர்ச்சியை ஏற்படுத்தியுள்ளது.

Next Story

ராமேஸ்வரம் மீனவர்களுக்கு மீண்டும் நீதிமன்றக் காவல் விதிப்பு!

Published on 18/07/2024 | Edited on 18/07/2024
Rameswaram Fishermen remanded in court

தமிழகம் மற்றும் புதுவைச் சேர்ந்த மீனவர்கள் எல்லை தாண்டி மீன் பிடித்ததாகக் கூறி இலங்கை கடற்படையால் கைது செய்யப்படும் சம்பவம் தொடர்ந்து நிகழ்ந்து வருகிறது. அதோடு மீனவர்களின் படகுகளைப் பறிமுதல் செய்து அரசுடைமையாக்குவது போன்ற நடவடிக்கைகளையும் இலங்கை அரசு மேற்கொண்டு வருகிறது. இதனால் மீனவர்களின் வாழ்வாதாரம் வெகுவாக பாதிக்கப்படும் சூழலும் நிலவி வருகிறது.

இத்தகைய சூழலில் தான கடந்த ஜூன் 22 ஆம் தேதி (22.06.2024) காலை வழக்கம் போல் ராமநாதபுரம் மற்றும் புதுக்கோட்டை மாவட்டத்தைச் சேர்ந்த 600க்கும் மேற்பட்ட விசைப்படகில் சுமார் 2 ஆயிரம் மீனவர்கள் மீன்பிடிக்கக் கடலுக்குச் சென்றனர். அதன்படி கச்சத்தீவு - நெடுந்தீவு இடையே மீனவர்கள் மீன்பிடித்து கொண்டிருந்தனர். அப்போது அங்கு ரோந்து வந்த இலங்கை கடற்படையினர் ராமேஸ்வரத்தைச் சேர்ந்த மீனவர்கள் 22 பேரைக் கைது செய்தனர். 

Rameswaram Fishermen remanded in court

அதாவது கச்சத்தீவு அருகே மீன்பிடித்துக் கொண்டிருந்த போது எல்லை தாண்டி மீன் பிடித்ததாகக் கூறி மீனவர்கள் கைது செய்யப்பட்டனர். அதனைத் தொடர்ந்து கைதான 22 மீனவர்களையும் காங்கேசன் நீதிமன்றத்தில் ஆஜர்படுத்தினார். அதன் பிறகு யாழ்ப்பாணம் சிறையில் அடைத்தனர். மேலும் தமிழக மீனவர்களின் 3 விசைப்படகுகளையும் இலங்கைக் கடற்படையினர் சிறை பிடித்து பறிமுதல் செய்தனர். எல்லை தாண்டி மீன் பிடித்ததாகக் கூறி தமிழ்நாடு மீனவர்கள் 22 பேரைக் கைது செய்யப்பட்ட சம்பவம் மீனவர்கள் மத்தியில் அதிர்ச்சியை ஏற்படுத்தி இருந்தது.

அதே சமயம் தமிழக மீனவர்கள் நீதிமன்றத்தில் ஆஜர் படுத்தியபோது கடந்த 5ஆம் தேதி வரை யாழ்ப்பாணம் சிறையில் அடைக்க நீதிமன்றம் உத்தரவு பிறப்பித்திருந்தது. அதனைத் தொடர்ந்து கடந்த 5 ஆம் தேதி நீதிமன்றத்தில் 2வது முறையாக மீனவர்கள் ஆஜர்படுத்தப்பட்டனர். அப்போது ஜூலை 18 வரை நீதிமன்ற காவலை நீட்டித்து நீதிபதி உத்தரவு பிறப்பித்திருந்தார்.

இந்நிலையில் மூன்றாவது முறையாக இன்று (18.07.2024) மீண்டும் ராமேஸ்வரம் மீனவர்கள் நீதிமன்றத்தில் ஆஜர்படுத்தப்பட்டனர். அப்போது இந்த வழக்கை விசாரித்த நீதிபதி மூன்றாவது முறையாக மீண்டும் ஜூலை 24 ஆம் தேதி வரை நீதிமன்ற காவலில் வைக்க உத்தரவு பிறப்பித்துள்ளார்.