Skip to main content

இந்திய வரைபடம் போல் நின்ற மாணவ, மாணவிகள்... ஜி.டி.என் கல்லூரிக்கு உலக சாதனை விருது!

Published on 15/08/2022 | Edited on 15/08/2022

 

Students who stood like the map of India... World Achievement Award for GTN College!

இந்திய நாட்டின் சுதந்திர தினத்தை முன்னிட்டு திண்டுக்கல் ஜி.டி.என் கல்லூரி வளாகத்தில் ஜி.டி.என் கல்வி குழுமம் சார்பில் சுதந்திர தின விழா கொண்டாடப்பட்டது.

 

இதில் திண்டுக்கல் மாவட்டத்தைச் சேர்ந்த சுதந்திர போராட்ட தியாகிகள் வேடசந்தூர் கிருஷ்ணசாமி, சின்னாளப்பட்டி பூளூர் செட்டியார், சின்னாளப்பட்டி பகுதியைச் சேர்ந்த சுதந்திரப் போராட்ட தியாகி அண்ணாமலையின் மனைவி பொன்னி, வத்தலகுண்டு பகுதியைச் சேர்ந்த சுதந்திரப் போராட்ட தியாகி அழகர்சாமியின் மனைவி ஞானசுந்தரி, ஆத்தூர் பகுதியைச் சேர்ந்த சுதந்திரப் போராட்ட தியாகி கே.எம்.சடையாண்டியின் மகன் எஸ் பிச்சைமணி, நத்தம் பகுதியைச் சேர்ந்த சுதந்திரப் போராட்ட தியாகி பிச்சையின் மனைவி அரியநாச்சி ஆகியோர் திறந்த ஜீப்பில் அழைத்து வரப்பட்டனர்.

 

தொடர்ந்து நடைபெற்ற நிகழ்ச்சிக்கு ஜி.டி.என் கலைக்கல்லூரி முதல்வர் பாலகுருசாமி வரவேற்புரையாற்றினார். 75 அடி உயர கம்பத்தில் அமைக்கப்பட்ட தேசியக் கொடியை வேடசந்தூர் தியாகி கிருஷ்ணசாமி ஏற்றி வைத்து, தேசிய மாணவர் படையினரின் அணிவகுப்பு மரியாதையை ஏற்றுக் கொண்டார். 

 

விழாவில் ஜி.டி.என் கல்விக் குழும மாணவ, மாணவியர்கள் சுமார் 3,000 பேர் ஆரஞ்சு, வெண்மை மற்றும் பசுமை ஆகிய நிறங்களில் உடை அணிந்து மூவர்ணத்தில் இந்திய வரைபடம் போல் நின்றனர். மேலும் நடுவில் ஊதா நிறத்தில் உடை அணிந்து அசோகச் சக்கரம் போல் நின்ற மாணவர்கள் சுற்றி வந்த போது சக்கரம் சுழலுவது இருந்தது.

 

இந்த நிகழ்ச்சி ஆரஞ்சு உலக சாதனை பட்டியலில் இடம் பெற்றது. அதற்கான சான்றிதழை ஜி.டி.என் கல்லூரியின் செயலர் ரத்தினத்திடம் ஆரஞ்சு உலக சாதனை அமைப்பு சார்பில் கார்த்திகேயன் வழங்கினார். 

 

சார்ந்த செய்திகள்

Next Story

'எல்லாருமே திருடங்கதான்... சொல்லப் போனா...' - பாடலுக்கு நடனமாடியபடி வந்த சுயேச்சை வேட்பாளர்

Published on 28/03/2024 | Edited on 28/03/2024
Independent candidate danced to the song 'ellarume Thirudangathan... sollpona...'

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

நேற்று வேட்புமனு தாக்கல் முடிந்த நிலையில் இன்று மனுக்கள் பரிசீலனைக்கு எடுத்துக் கொள்ளப்பட இருக்கிறது. நேற்று முக்கிய கட்சிகளின் பிரமுகர்கள் முதல் சுயேச்சை வேட்பாளர்கள் எனப் பலர் இறுதி நாள் என்பதால் வேட்பு மனுக்களைத் தாக்கல் செய்தனர். வேட்புமனு தாக்கல் செய்ய வரும் சுயேச்சை வேட்பாளர்கள் மற்றும் அரசியல் கட்சியைச் சேர்ந்த வேட்பாளர்கள் சிலர் நூதன முறைகளில் வந்து வேட்புமனு தாக்கல் செய்வது முன்னரே பல தேர்தல்களில் நடந்துள்ளது.

தேர்தல் நேரங்களில் இதுபோன்ற நூதன சம்பவங்கள் நடைபெறுவது வழக்கம். அந்த வகையில் திண்டுக்கல்லில் வேட்புமனு தாக்கல் செய்ய வந்த சுயேச்சை வேட்பாளர் ஒருவர் 'எல்லாருமே திருடங்கதான் சொல்லப்போனால் குருடங்கதான்' என்ற பாடலை ஒலிக்கவிட்டபடி சாலையில் நடனமாடிக்கொண்டே வேட்புமனு தாக்கல் செய்ய வந்தார். இது தொடர்பான வீடியோ காட்சிகள் இணையத்தில் வைரலாகி வருகிறது.

Next Story

“எனதருமை மாணவச் செல்வங்களே...” - முதல்வர் வாழ்த்து

Published on 25/03/2024 | Edited on 25/03/2024
Chief Minister Stalin congratulates students appearing for 10th public exam

தமிழ்நாட்டில் 10 ஆம் வகுப்பு பொதுத் தேர்வு நாளை தொடங்கி ஏப்ரல் 8 ஆம் தேதி வரை நடைபெறவுள்ளது. இதற்காக மாநிலம் முழுவதும் 4,107 தேர்வு மையங்கள் அமைக்கப்பட்டுள்ளன. மாணவர்கள், தனித் தேர்வர்கள், சிறைக் கைதிகள் என மொத்தம் 9.38 லட்சம் பேர் தேர்வு எழுதுகின்றனர்.

முதல்நாளில் தமிழ் உள்ளிட்ட மொழிப் பாடங்கள் தேர்வு நடைபெறவுள்ளது.  செல்போன், உள்ளிட்ட மின்னணு சாதனப் பொருட்களைத் தேர்வு அறைக்குள் கொண்டு செல்லக் கூடாது என்று ஆசிரியர்கள் மற்றும் மாணவர்களுக்கு அறிவுறுத்தப்பட்டுள்ளது. முறைகேடுகளைத் தவிர்க்க மாநிலம் முழுவதும் 4 ஆயிரத்திற்கும் மேற்பட்ட பறக்கும் படைகள் அமைக்கப்பட்டுள்ளன.

இந்த நிலையில், 10 ஆம் வகுப்பு பொதுத் தேர்வு எழுதும் மாணவர்களுக்கு முதல்வர் ஸ்டாலின் வாழ்த்து தெரிவித்துள்ளார். இது தொடர்பாக அவர் வெளியிட்டுள்ள எக்ஸ் பதிவில், “பத்தாம் வகுப்புப் பொதுத்தேர்வை எழுதவுள்ள எனதருமை மாணவச் செல்வங்களே... All the best!  நீங்கள் பதற்றமின்றித் தேர்வை எதிர்கொள்ளத்தான் வினாத்தாளைப் படித்துப் பார்க்க முதலில் 10 நிமிடங்கள் வழங்கப்படுகிறது. அதை முழுமையாகப் பயன்படுத்திக் கொள்ளுங்கள்.

இதனை மற்றுமொரு தேர்வாகக் கருதி நம்பிக்கையோடு எழுதி வெற்றி பெறுங்கள். பெற்றோர்களும் உங்கள் பிள்ளைகள் உரிய நேரத்தில் தேர்வு மையத்துக்குச் சென்றிடுவதை உறுதி செய்யுங்கள்” எனக் குறிப்பிட்டுள்ளார்.