Skip to main content

ஊருக்குள் புகுந்த ஒற்றை யானை ;10 மணிநேரம் போராடி விரட்டிய வனத்துறை

Published on 15/05/2024 | Edited on 15/05/2024
A single elephant entered the town; the forest department fought for 10 hours to chase it away

ஈரோடு மாவட்டம் சத்தியமங்கலம் புலிகள் காப்பகத்தில் மொத்தம் 10 வனச்சரகங்கள் உள்ளன. இங்கு யானை, புலி, சிறுத்தை, கரடி, காட்டெருமை உட்பட பல்வேறு வன விலங்குகள் வசித்து வருகின்றன. குறிப்பாக யானைகள் அதிக அளவில் வசித்து வருகின்றன. தற்போது வனப்பகுதியில் கடும் வறட்சி நிலவுவதால் வனப்பகுதியில் உள்ள நீர்நிலைகள் வறண்டு காணப்படுகிறது. இதனால் வனவிலங்குகள் உணவு தண்ணீரைத் தேடி கிராமத்துக்குள் வருவது தொடர்கதை ஆகி வருகிறது.

குறிப்பாக கடந்த சில நாட்களாகவே யானைக் கூட்டங்கள், ஒற்றை யானைகள் வனப் பகுதியை விட்டு வெளியேறி கிராமத்துக்குள் புகுந்து விளை நிலங்களை தொடர்ந்து சேதப்படுத்தி வருகிறது.  ஈரோடு மாவட்டம் அந்தியூர் அருகே உள்ள எண்ணமங்கலம் கிராமம், செலம்பூர் அம்மன் கோவில் வனப்பகுதி ஒட்டி அமைந்துள்ளது. இந்நிலையில் வனப்பகுதியில் இருந்து நேற்று அதிகாலை தண்ணீர் மற்றும் உணவைத் தேடி வெளியேறிய ஒற்றை ஆண் காட்டு யானை அங்குள்ள விவசாய நிலங்களுக்குள் புகுந்து அங்கும் இங்கும் ஓடியது.

இதைக்கண்ட விவசாயிகள் அந்தியூர் வனத்துறையினருக்கு தகவல் தெரிவித்தனர். தொடர்ந்து வனத்துறையினர் மற்றும் விவசாயிகள் ஒன்றிணைந்து சத்தம் எழுப்பி யானையை வனப்பகுதிக்குள் விரட்ட முயன்றனர். இதனால் ஆவேசமடைந்த அந்த ஒற்றை யானை ஒவ்வொரு விவசாய தோட்டத்துக்குள் புகுந்து விவசாய நிலங்களை சேதப்படுத்தியது. மேலும் அங்கு விவசாயிகள் மக்காச்சோளம், முட்டைக்கோஸ் அதிக அளவில் பயிரிட்டிருந்தனர். அந்தத் தோட்டத்துக்குள் யானை புகுந்து பயிர்களை சேதப்படுத்தியது.  சுமார் 10 மணி நேரம் அந்த ஒற்றைக் காட்டு யானை வனத்துறையினர் மற்றும் விவசாயிகளுக்கு போக்குக் காட்டி அங்கும் இங்கும் ஓடியது. பின்னர் ஒரு வழியாக அந்த ஒற்றைக் காட்டு யானை வனப்பகுதிக்குள் சென்றது. அதன் பின்னரே விவசாயிகள் மற்றும் வனத்துறையினர் நிம்மதி பெரும் மூச்சு விட்டனர்.

இதேபோல் சத்தியமங்கலம் வனச்சரகத்திற்குட்பட்ட கொண்டப்ப நாயக்கன்பாளையம் வனப்பகுதியில் இருந்து வெளியேறிய ஆண் காட்டு யானை ஒன்று பெரும்பள்ளம் அணை அருகே உள்ள தரிசு நிலங்களில் பகல் நேரங்களில் நடமாடி வருகிறது. உடல் நலம் குன்றியதால் தீவனம் ஏதும் உட்கொள்ளாமல் பகல் நேரங்களில் தரிசு நிலைகளில் சுற்றி வருகிறது. இதனால் அந்தப் பகுதியில் கால்நடைகளை மேய்ப்பவர்கள் அதிர்ச்சி அடைந்துள்ளனர். குடிநீருக்காக அந்த யானை கடந்த சில நாட்களாக பெரும்பள்ளம் மலைப் பகுதியில் சுற்றி வருகிறது. எனவே அந்தப் பகுதியில் செல்பவர்கள் கவனத்துடன் செல்ல வேண்டும் என வனத்துறையினர் எச்சரிக்கை விடுத்துள்ளனர்.

சார்ந்த செய்திகள்

 

Next Story

தாளவாடி அருகே சிறுத்தை தாக்கி 2 ஆடுகள் பலி

Published on 22/07/2024 | Edited on 22/07/2024
2 goats attacked in leopard attack near Thalavadi

சத்தியமங்கலம் புலிகள் காப்பகத்தில் மொத்தம் 10 வனச்சரகங்கள் உள்ளன இதில் ஏராளமான வனவிலங்குகள் வசித்து வருகின்றன.தாளவாடி  வனச்சரகத்தில் உட்பட்ட வனப்பகுதியில் இருந்து வெளியேறும் சிறுத்தை, மற்றும் புலிகள்  அவ்வப்போது விவசாய தோட்டத்துக்குள் புகுந்து ஆடு, மாடு , காவல் நாய்களை வேட்டையாடுவது தொடர்கதையாகி வருகிறது.

இந்நிலையில்  தாளவாடி வனச்சரகத்திக்கு உட்பட்ட ராமபுரம் கிராமத்தைச் சேர்ந்த ஜமீல் ஷெரீப், 5 ஆடுகளை வழக்கம்போல தனது நிலத்தில் மேய்ச்சலுக்கு விட்டிருந்தார். நேற்று மாலை  ஆட்டை பிடிக்கச் சென்றபோது தனது 2 ஆடுகள் கடிபட்டு இறந்து கிடந்தது. இதுபற்றி தாளவாடி வனத்துறையினர் தகவலளித்தார் சம்பவ இடத்திற்கு வந்த வனத்துறை இறந்த  ஆடுகளை ஆய்வு செய்தனர் அப்போது வனப்பகுதியில்  இருந்து வெளியேறிய சிறுத்தை ஆடுகளை கடித்துக் கொன்றது  தெரியவந்தது. சிறுத்தை ஆடுகளை கடித்து கொன்ற சம்பாதித்தால் அவர் விவசாயிகள் பீதி அடைந்துள்ளனர்.சிறுத்தையை கூண்டு வைத்து பிடிக்க வேண்டும் என கோரிக்கை வைத்துள்ளனர்.

Next Story

நாட்டுத் துப்பாக்கியுடன் சுற்றித்திரிந்த இருவர்; சுற்றிவளைத்த வனத்துறை!

Published on 22/07/2024 | Edited on 22/07/2024
Two people were arrested for roaming around in the forest

திருப்பத்தூர் மாவட்டம் ஆலங்காயம் அடுத்த நரசிங்கபுரம் காப்புகாடு நீலிகொல்லி வனப்பகுதியில் நாட்டுத் துப்பாக்கியுடன் இருவர் சுற்றித் திரிவதாக வனத்துறையினருக்கு தகவல் கிடைத்துள்ளது. தகவலின் பேரில் வன அலுவலர் சேகர் தலைமையிலான வனத்துறையினர் வனப்பகுதியில் ரோந்து பணியில் ஈடுபட்டனர்.

அப்போது நீலிக்கொல்லி வனப்பகுதியில் நாட்டுத் துப்பாக்கியுடன் சுற்றி திரிந்த பூங்குளம் பகுதியை சேர்ந்த சேட்டு மற்றும் மிட்டூர் அடுத்த மல்லாண்டியூர் பகுதியைச் சேர்ந்த குமரேசன் ஆகிய இருவரை கைது செய்து விசாரணை மேற்கொண்டனர். 

அதில், இருவரும் வனப்பகுதிகளில் வனவிலங்குகளை வேட்டையாடி வருவது தெரிய வந்தது. இதனைத் தொடர்ந்து அவர்களிடமிருந்த ஒரு நாட்டுத் துப்பாக்கி, மற்றும் ஹெட் லைட் மருந்து, இரும்பு கம்பிகள் ஆகியவற்றை பறிமுதல் செய்து இருவரையும் நீதிமன்றத்தில் ஆஜர் படுத்தப்பட்டு சிறையில் அடைத்தனர்.