Breaking

கழிவறையில் ஹைடெக் திட்டம்; விளையாடிய எஸ்.ஐ குடும்பம்

Photographer

Published on 30/08/2023 | Edited on 30/08/2023

SI arrested for helping wife cheat in police exam

தமிழ்நாடு முழுவதும் கடந்த ஆகஸ்ட் 26 மற்றும் 27 ஆம் தேதி காவல்துறை உதவி ஆய்வாளர் பதவிக்கான எழுத்துத்தேர்வு நடைபெற்றது. திருவண்ணாமலை மாவட்டத்தில் 6 இடங்களில் இந்த தேர்வு நடைபெற்றது. திருவண்ணாமலை மாவட்டத்தில் சுமார் 5200 பேர் தேர்வு எழுதினர். திருவண்ணாமலை மாவட்ட தேர்வு கண்காணிப்பாளராகப் பொருளாதார குற்றப்பிரிவு ஐ.ஐீ சத்தியபிரியா நியமிக்கப்பட்டு இருந்தார். தேர்வு அறையில் சிசிடிவி கண்காணிப்பு கேமரா உட்பட தேர்வில் முறைகேடுகளைத் தடுக்க பல தனிப்படைகளும் அமைக்கப்பட்டு கண்காணிக்கப்பட்டன.

திருவண்ணாமலை கம்பன் கலைக்கல்லூரியில் தேர்வு எழுதினார் திருவண்ணாமலையைச் சேர்ந்த லாவண்யா. தேர்வு எழுதும்போது பாத்ரூம் செல்வதாக கூறிவிட்டு சென்றவர் சிறிது நேரம் கழித்து வந்துள்ளார். அப்போது அவர் கையோடு வினாத்தாளை கொண்டு வந்துள்ளார். இதனால் அதிர்ச்சியான தேர்வு அறை கண்காணிப்பாளர் இது குறித்து கேள்வி எழுப்பியதோடு அவரை தொடர்ந்து தேர்வு எழுத அனுமதிக்கவில்லை. இது குறித்து திருவண்ணாமலை எஸ்.பி கார்த்திகேயனுக்குத் தகவல் கூறியுள்ளனர். லாவண்யாவின் உள்ளாடைக்குள் இருந்து செல்போன் பறிமுதல் செய்துள்ளனர். எஸ்.பி நேரடியாக லாவண்யாவிடம் விசாரணை நடத்தியபோது, பாத்ரூமில் இருந்து தேர்வு வினாத்தாளை செல்போன் வாட்ஸ்அப் வழியாக வெளியே அனுப்பியதும், வாட்ஸ்அப் வழியாக வந்த பதில்களை வாங்கி வினாத்தாளில் குறித்து கொண்டதை கண்டறிந்தனர். அவரை விசாரணை வளையத்துக்குள் வைத்துக்கொண்டவர்கள் இவர் குறித்து விசாரணை நடத்தத் துவங்கினர்.

திருவண்ணாமலையைச் சேர்ந்த லாவண்யாவின் கணவர் சுமன் சென்னை விமான நிலைய காவல்நிலையத்தில் பாஸ்போட் ஆய்வு பிரிவில் உதவி ஆய்வாளராக இருப்பதும் தெரிய வந்தது. லாவண்யா யாருக்கு வாட்ஸ்அப் வழியாக கேள்வித்தாளை அனுப்பினார் என அவரது செல்போன் வாட்ஸ்அப்பில் ஆய்வு செய்தபோது, அது திருவண்ணாமலை மாவட்டம் செங்கத்தில் மருத்துவராக பணியாற்றும் கொட்டகுளம் கிராமத்தைச் சேர்ந்த ப்ரவின்குமார் மற்றும் விழுப்புரம் மாவட்டம் அவலூர்பேட்டை காவல்நிலையத்தில் உதவி ஆய்வாளராக பணியாற்றும் சிவக்குமாருக்கு என்பது தெரியவந்தது. இவர்களை தனிப்படையினர் அழைத்து வந்து விசாரித்தபோது, இவர்கள் லாவண்யா அனுப்பிய வினாத்தாளுக்கான பதிலை கூகுளில் தேடி லாவண்யாவுக்கு அனுப்பியதாக கூறினர். இதனால் இந்த இருவரும் கைது செய்யப்பட்டுள்ளனர்.

காவல் உதவி ஆய்வாளராக உள்ள சுமன், ஆயுதப்படை போலீசுக்கு தேர்வு எழுதி தேர்ச்சி பெற்றவர் பின்னர் உதவி ஆய்வாளர் பணிக்கு தேர்வு எழுதி வெற்றி பெற்று திருவண்ணாமலை, விழுப்புரம் என பணியாற்றியவர் இப்போது சென்னையில் பணியாற்றுகிறார். காவல்துறை உதவி ஆய்வாளர்களுக்கு தேர்வு நடந்த அதேநாளில் தீயணைப்புத்துறை அதிகாரி பணிக்கும் தேர்வு நடந்துள்ளது. அந்த தேர்வில் கலந்து கொண்டு மனைவி தேர்வு எழுதிய அதேநாளில் இவரும் தேர்வு எழுதியுள்ளார். இதற்கு துறையில் முறையாக அனுமதி வாங்கவில்லை எனக்கூறப்படுகிறது. அது மட்டுமல்ல தேர்வு முந்தைய தினம் மனைவி தேர்வு எழுதிய கல்லூரியின் மையத்துக்கு நேரடியாக வந்து எந்த அறை தனது மனைவி தேர்வெழுதும் அறை, அங்கிருந்து கழிவறை எவ்வளவு தூரத்தில் உள்ளது என பார்த்துவிட்டு சென்றுள்ளார். சுமன், திருவண்ணாமலை நகர காவல் ஆய்வாளராக உள்ள சுபாவின் நெருங்கிய உறவினர் என்பதும் தெரியவந்துள்ளது.

அதேபோல் தேர்வன்று காலை தேர்வு எழுதுபவர்களை சோதனை செய்து மையத்துக்குள் அனுப்புவது வழக்கம். லாவண்யா தேர்வு அறைக்குள் செல்ல வரிசையில் நின்றவரை சோதனை செய்தபோது அங்கிருந்த ஸ்பெஷல் ப்ரான்ஞ்ச் காவல் அலுவலர் ஒருவர், அது நம்ம எஸ்.ஐ மனைவி செக் செய்யாதிங்க எனச்சொல்ல அங்கு பணியில் இருந்தவர்களும் சோதனை செய்யாமல் அனுப்பியுள்ளனர். இதனாலேயே அவரது உள்ளாடைக்குள் இருந்த செல்போன் பறிமுதல் செய்யமுடியவில்லை என்கிறார்கள்.

மேலும் ஒருநாளைக்கு முன்பாகவே தேர்வு நடைபெறும் இடங்களை போலீஸார் தங்களது பாதுகாப்பின் கீழ் கொண்டுவந்த நிலையில் தேர்வு மையத்துக்கு சம்பந்தம்மில்லாத எஸ்.ஐ சுமன், தனது மனைவி தேர்வெழுதப்போகும் அறை எது? அங்கிருந்து கழிவறை எங்குள்ளது? எனச்சென்று பார்த்துவிட்டு எப்படி நடந்து கொள்ள வேண்டும் என மனைவிக்கு சில தகவல்களை சொன்னதாக விசாரணையில் தெரியவந்துள்ளது. சுமனை உள்ளே அனுமதித்தது யார்?, சுமனுக்கு அவரது மனைவி தேர்வு எழுதப்போகும் அறை ஒருநாள் முன்னதாக தெரியவந்தது எப்படி? இதற்கு உதவியது யார்? என்கிற கேள்விகள் எழுந்துள்ளது.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 26/04/2024 | Edited on 26/04/2024

Action by teachers on Students wrote 'Jai Sri Ram' in the answer sheet

உத்தரப் பிரதேச மாநிலம், ஜான்பூர் பகுதியில் வீர் பகதூர் சிங் புர்வன்சால் பல்கலைக்கழகம் ஒன்று இயங்கி வருகிறது. இந்த பல்கலைக்கழகத்தில் ஆயிரத்துக்கும் மேற்பட்ட மாணவர்கள் படித்து வருகின்றனர். இந்நிலையில், இந்த பல்கலைக்கழத்தில் பி-பார்ம் பயின்ற முன்னாள் மாணவர்களிடம் பணம் பெற்றுக்கொண்டு, அவர்கள் எழுதிய தேர்வில் அவர்களை தேர்ச்சி பெற வைப்பதாகக் குற்றச்சாட்டு எழுந்தது.

இது தொடர்பான புகாரை, பல்கலைக்கழகத்தின் மாணவர் சங்கத் தலைவர் திவ்யான்ஷு சிங், பல்கலைக்கழக துணைவேந்தரிடம் தெரிவித்துள்ளார். ஆனால், அவர் அளித்த புகார் மீது எந்தவித நடவடிக்கையும் எடுக்கப்படவில்லை என்று கூறப்படுகிறது. இதனையடுத்து, தகவல் அறியும் உரிமை சட்டத்தின் கீழ், முன்னாள் மாணவர்கள் முதலாமாண்டு தேர்வில் எழுதிய விடைத்தாள்களின் நகலை எடுத்து சரி பார்த்துள்ளார். அதில், ஜெய் ஸ்ரீ ராம் என்றும், ஜெய் ஹனுமான் என்றும், கிரிக்கெட் வீரர்களான விராட் கோலி, ரோஹித் ஷர்மா என்ற வார்த்தைகளை மட்டும் எழுதி விடைத்தாள்களை நிரப்பியுள்ளனர். அந்த விடைத்தாள்களுக்கு 56% மதிப்பெண்களை ஆசிரியர்கள் மூலம் பெற்றுள்ளனர்.

இதில் அதிர்ச்சியடைந்த மாணவர் சங்கத் தலைவர் திவ்யான்ஷு சிங், இந்த விடைத்தாள்களை முறைப்படி மீண்டும் திருத்த சொன்ன போது, அதில் அனைவருக்கும் பூஜ்ஜியம் மதிப்பெண்கள் மட்டுமே கிடைத்துள்ளது. இதனையடுத்து, விடைத்தாள்களின் நகலையும், முறைப்படி திருத்தப்பட்ட விடைத்தாள்களையும் எடுத்து பல்கலைக்கழகத் துணைவேந்தருக்கு அனுப்பி இது குறித்து முழுமையான விசாரணை நடத்த வேண்டும் எனக் கோரிக்கை வைத்துள்ளார்.

அதன் அடிப்படையில், இந்த விவகாரம் குறித்து விசாரணை நடத்தப்பட்டதில், இந்த முறைகேட்டில் 2 ஆசிரியர்களுக்கு சம்பந்தம் இருப்பதாக தெரியவந்தது. அதன் பேரில், மாணவர்களிடம் பணத்தைப் பெற்று கொண்டு அவர்களை தேர்ச்சி பெற வைத்த அந்த 2 ஆசிரியர்களை பணியிடை நீக்கம் செய்து உத்தரவிடப்பட்டது. மேலும், இந்த விவகாரம் குறித்து தொடர்ந்து விசாரணை நடத்தப்பட்டு வருகிறது. ஜெய் ஸ்ரீ ராம், ஜெய் ஹனுமான், கிரிக்கெட் வீரர்கள் பெயரை மட்டுமே எழுதி வைத்த மாணவர்களை தேர்ச்சி பெற வைத்த சம்பவம் பெரும் அதிர்வலைகளை ஏற்படுத்தியுள்ளது.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 21/04/2024 | Edited on 21/04/2024

Chitira Poornami Govt Transport Corporation Important Information

சித்ரா பௌர்ணமியை முன்னிட்டு திருவண்ணாமலைக்கு தமிழ்நாடு அரசு போக்குவரத்துக் கழகங்கள் மூலம் சிறப்பு பேருந்துகள் இயக்கப்பட உள்ளன என அரசு விரைவுப் போக்குவரத்துக் கழக மேலாண் இயக்குநர் தெரிவித்துள்ளார்.

இது குறித்து வெளியிடப்பட்டுள்ள செய்திக் குறிப்பில், “23.04.2024 (செவ்வாய் கிழமை) சித்ரா பௌர்ணமியை முன்னிட்டு திருவண்ணாமலைக்கு 22/04/2024 மற்றும் 23/04/2024 ஆகிய நாட்களில் சென்னையிலிருந்து திருவண்ணாமலைக்கும் மற்றும் பல்வேறு இடங்களிலிருந்து திருவண்ணாமலைக்கும் கூடுதலான பயணிகள் பயணம் மேற்கொள்வார்கள் என எதிர்பார்க்கப்படுகிறது. இதனை கருத்தில் கொண்டு தமிழ்நாடு அரசு போக்குவரத்துக் கழகங்கள் மூலம் தினசரி இயக்கப்படும் பேருந்துகளுடன் கூடுதலாக சிறப்பு பேருந்துகளை இயக்க திட்டமிடப்பட்டுள்ளது. அதன்படி சென்னை கிளாம்பாக்கத்திலிருந்து 22/04/2024 அன்று 527 பேருந்துகளும் மற்றும் 23/04/2024 அன்று 628 பேருந்துகளும் இயக்கப்பட உள்ளன.

மேலும் சென்னை மாதவரத்திலிருந்து 22/04/2024 அன்று 30 பேருந்துகளும் 23/04/2024 அன்று 30 பேருந்துகளும் தினசரி இயக்கக்கூடிய பேருந்துகளுடன் கூடுதலாக இயக்கப்படும். அதே போன்று தமிழகத்தின் பல்வேறு இடங்களிலிருந்து திருவண்ணாமலைக்கு 22/04/2024 அன்று 910 பேருந்துகளும் 23/04/2024 அன்று 910 பேருந்துகளும் தினசரி இயக்கக்கூடிய பேருந்துகளுடன் கூடுதலாக இயக்கப்படும்.

அரசு விரைவுப் போக்குவரத்துக் கழகம் மூலமாக இருக்கை மற்றும் படுக்கை வசதி கொண்ட குளிர்சாதனம் கொண்ட 40 பேருந்துகள் சென்னை கிளாம்பாக்கத்திலிருந்து திருவண்ணாமலைக்கு 22/04/2024 மற்றும் 23/04/2024 ஆகிய நாட்களில் இயக்க நடவடிக்கை மேற்கொள்ளப்பட்டுள்ளது. மேலும், சென்னை, மதுரை, சேலம், கோயம்புத்தூர், ஈரோடு, திருப்பூர், திருநெல்வேலி, நாகர்கோவில், தென்காசி, தூத்துக்குடி மற்றும் பெங்களூரு ஆகிய இடங்களிலிருந்து திருவண்ணாமலைக்கு அரசு பேருந்துகளில் முன்பதிவு செய்து பயணிக்கவும் வழிவகை செய்யப்பட்டுள்ளது. பயணிகள் கூட்ட நெரிசலைத் தவிர்க்கும் பொருட்டு தங்களது பயணத்திற்கு www.tnstc.in மற்றும் Mobile App மூலம் முன்பதிவு செய்து பயணிக்க கேட்டுக்கொள்ளப்படுகிறார்கள்.

இச்சிறப்பு பேருந்து இயக்கத்தினை கண்காணிக்க அனைத்து பேருந்து நிலையங்களிலும் போதிய அலுவலர்கள் நியமிக்கப்பட்டுள்ளனர். எனவே, பயணிகள் மேற்கூறிய வசதியினை பயன்படுத்தி தங்களது பயணத்தினை மேற்கொள்ள இதன் மூலம் தெரிவிக்கப்படுகிறது” எனத் தெரிவிக்கப்பட்டுள்ளது.