Skip to main content

9 மாதங்களுக்கு முன்பு காணாமல் போன பள்ளி மாணவி நடுக்காட்டில் எலும்புக்கூடாகக் கண்டெடுப்பு

Published on 03/02/2023 | Edited on 03/02/2023

 

A schoolgirl who went missing 9 months ago was found as a skeleton in the middle of the forest

 

அரூர் அருகே கடந்த 9 மாதங்களுக்கு முன்பு காணாமல் போன பள்ளி மாணவியின் உடல் காட்டின் மையப்பகுதியில் எலும்புக்கூடுகளாகக் கண்டுபிடிக்கப்பட்டது பரபரப்பை ஏற்படுத்தியுள்ளது.

 

தருமபுரி மாவட்டம் அரூர் அருகே உள்ள எஸ்.அம்மாபாளையம் முள்ளிக்காடு பகுதியைச் சேர்ந்தவர் விவசாயி பெருமாள். இவருடைய மகள் ஞானசௌந்தர்யா கோயம்புத்தூரில் கடந்த 9 மாதங்களுக்கு முன்பு பன்னிரண்டாம் வகுப்பு படித்து வந்துள்ளார். பொதுத்தேர்வை முடித்துவிட்டு தனது சொந்த கிராமத்தில் நடைபெற்ற கோவில் திருவிழாவிற்கு வந்து பங்கேற்றுள்ளார்.

 

திருவிழா நடைபெறும் பொழுது இவர் காணாமல் போனதாகவும், தனது மகளை எங்கு தேடியும் கிடைக்கவில்லை எனவும் தெரிவித்து இவருடைய பெற்றோர் கோட்டப்பட்டி காவல்நிலையத்தில் புகார் மனுவை அளித்துள்ளனர்.  காவல்துறையினர் மற்றும் இவருடைய பெற்றோர், உறவினர்கள் என அனைவரும் கோயம்புத்தூர், திருப்பூர், அரூர் உள்ளிட்ட பல்வேறு பகுதிகளில் எங்கு தேடியும் மாணவி குறித்து எந்த ஒரு தகவலும் சேகரிக்க முடியவில்லை.

 

bb

 

தன்னுடைய மகள் உயிரோடுதான் யாருடைய பாதுகாப்பிலோ உள்ளார் என எண்ணியிருந்த இவருடைய தந்தை பெருமாளுக்கு பக்கத்து கிராமத்தைச் சேர்ந்த ஒருவர், எஸ்.அம்மாபாளையம் அருகே உள்ள மலைப்பகுதியில் ஒரு சடலம் தூக்கில் தொங்கியபடி இருந்ததாகவும், ஆனால் உடலில் தசைப்பகுதிகள் எதுவும் இல்லாமல் ஒரு சில எலும்புக்கூடுகள் மட்டுமே இருப்பதாகத் தெரிவித்துள்ளார். தனது மகளாக இருக்குமோ என எண்ணி இவருடைய தந்தை மற்றும் உறவினர்கள் அங்குச் சென்று பார்த்தபோது தனது மகள் தான் என்று உறுதி செய்தனர்.

 

இது குறித்து கோட்டப்பட்டி காவல்துறையினருக்கு தகவல் அளித்ததன் பெயரில் மருத்துவக் குழுவினர் வரவழைக்கப்பட்டு சோதனை செய்து, அங்கு இருந்த எலும்புக்கூடுகள், அவர் பயன்படுத்திய வாட்ச் உள்ளிட்டவற்றை சேகரித்து டிஎன்ஏ சோதனை மற்றும் உடற்கூராய்விற்காக எடுத்துச் சென்றனர். இந்த பெண்ணின் மரணத்தில் சந்தேகம் உள்ளதாகவும், இது கொலையா? தற்கொலையா? என்ற கோணத்திலும் போலீசார் விசாரணை நடத்தி வருகின்றனர்.

 

கடந்த, 9 மாதங்களுக்கு முன்பு காணாமல் போன பெண்ணின் உடல் அடர்ந்த காட்டுப்பகுதியில் எலும்புக்கூடுகளாக மட்டுமே கிடைத்திருப்பது பெரும் அதிர்ச்சியை ஏற்படுத்தியுள்ளது. இதனால் அப்பகுதியில் பெரும் பரபரப்பு நிலவியது.

 

 

சார்ந்த செய்திகள்

 

Next Story

கால் இன்றி அவதிப்படும் பள்ளிச் சிறுவன்; உதவிக்கரம் நீட்டிய ஊராட்சி மன்ற தலைவர்!

Published on 03/06/2024 | Edited on 03/06/2024
panchayat president bought four-wheeled sky for student suffering from leglessness

ராணிப்பேட்டை மாவட்டம் வாலாஜாபேட்டை அடுத்த வங்கூர் ஊராட்சிக்குட்பட்ட நாராயணக்குப்பம் பகுதியைச் சேர்ந்த கூலித் தொழிலாளி கங்காதரன். இவரது மனைவி நதியா. இந்த தம்பதிக்கு பத்தாம் வகுப்பு படிக்கும் ஒரு மகளும், எட்டாம் வகுப்பு படிக்கும் ஜீவா என்ற ஒரு மகனும் உள்ளனர்.

கடந்த ஐந்து வருடங்களுக்கு முன்பு ஜீவாவிற்கு வலது காலில் லேசாக புண் காயம் ஏற்பட்டதாக தெரிகிறது. அந்த காயம் நாளடைவில் பெரியதாக உருவாகி வலது கால் முழுவதுமாக சேதமடைந்துள்ளது. ஜீவாவை அவரது பெற்றோர்கள் பல்வேறு மருத்துவமனைகளில் அழைத்துச் சென்று காட்டியபோது, காயம் உள்ளுக்குள் அதிகமாகி கால் சேதம் அடைந்துள்ளதாகவும் உடனடியாக அறுவை சிகிச்சை செய்து முட்டி வரை காலை அகற்ற வேண்டும் இல்லையேல் உயிருக்கே ஆபத்து என மருத்துவர்கள் தெரிவித்துள்ளனர். இதைக்கேட்டு பெற்றோர்கள் அதிர்ச்சியடைந்து, கண்ணீர் விட்டுள்ளனர். மகனின் உயிர் முக்கியம் என மருத்துவர்களின் ஆலோசனையின் பேரில் சிறுவனின் கால் முட்டி வரை அறுவை சிகிச்சை மூலமாக துண்டிக்கப்பட்டுள்ளது.

மற்ற சிறுவர்களைப் போல் வெளியில் செல்ல முடியாமல் ஜீவா வீட்டிலேயே முடங்கி கிடந்ததார். சிறுவனின் சிகிச்சைக்காக மருத்துவமனைக்கு அழைத்துச் செல்லும்போதும், அவன் பள்ளிக்கு செல்லும்போது பெரும் சிரமத்தை சந்தித்துள்ளார்கள். 13 வயது சிறுவனை தூக்கிக்கொண்டு சுமந்து செல்லும் காட்சி பார்ப்போரை கண்கலங்க வைத்தது.

இதனைக் கண்ட அந்த கிராமத்தின் வங்கூர் ஊராட்சி மன்ற தலைவர் அம்சவேணி பெரியசாமி, சிறுவனுக்கு ரூபாய் ஒரு லட்சம் மதிப்பிலான பேட்டரியில் இயங்கும் நான்கு சக்கர வாகனத்தை சொந்த செலவில் வாங்கி கொடுத்துள்ளார்.  வரும் 10-ஆம் தேதி பள்ளிகள் திறக்க உள்ள நிலையில் தானும் மற்ற சிறுவர்களை போல் எவ்வித சிரமமும் இன்றி பள்ளிக்குச் செல்லப் போவதாக சிறுவன் ஜீவா மகிழ்ச்சி பொங்க கூறினார். தன் எதிர்காலம் முடங்கி விட்டதாக எண்ணி இதுநாள் வரை வீட்டில் முடங்கி கிடந்த சிறுவனுக்கு உதவிக்கரம் நீட்டிய ஊராட்சி மன்ற தலைவரை அப்பகுதி மக்கள் வெகுவாக பாராட்டுகளை தெரிவித்தனர்.

மிகவும் ஏழ்மை நிலையில் உள்ள சிறுவன் ஜீவாவின் குடும்பத்திற்கு தமிழக அரசு சார்பில் உதவிகளை செய்ய வேண்டுமென அவரது பெற்றோர்கள்  ஆதங்கத்தோடு கண்ணீர் மல்க கோரிக்கை விடுத்தனர்.

Next Story

சிறார் சட்டத்தில் உள்ள திருத்தம்; புனே விபத்து சம்பவத்தில் நீதிமன்றத்தை நாடும் காவல்துறை

Published on 25/05/2024 | Edited on 25/05/2024
 Amendment of Juvenile Act; Police moves court in Pune accident case

மகாராஷ்டிரா மாநிலம், புனேவில் உள்ள கல்யாணி நகர் பகுதியைச் சேர்ந்தவர் விஷால் அகர்வால். ரியல் எஸ்டேட் தொழிலதிபரான இவருக்கு வேந்தாந்த் அகர்வால் என்ற 17 வயது மகன் உள்ளார். இவர் கடந்த 19ஆம் தேதி அதிகாலை 3 மணியளவில் தனது நண்பர்களுடன், தனியார் ஹோட்டலில் மது அருந்திவிட்டு தனது தந்தையின் சொகுசு வாகனத்தில் அதிவேகமாக வந்துள்ளார்.

அப்போது கல்யாணி நகர் ஜங்சன் பகுதியில் வேந்தாந்த் அகர்வால் அதிவேகமாக ஓட்டி வந்த கார், முன்னே சென்ற பைக் மீது மோதி விபத்துக்குள்ளானது. இந்தக் கோர விபத்தில், பைக்கில் பயணித்த ஐ.டி ஊழியர்களான அனுஷ் மற்றும் கோஷ்டா ஆகிய 2 பேரும் தூக்கி வீசப்பட்டு மற்றொரு காரில் விழுந்தனர். இந்தச் சம்பவத்தில் படுகாயமடைந்த ஐ.டி. ஊழியர்களான 2 பேரும் ரத்த வெள்ளத்தில் சம்பவ இடத்திலேயே பரிதாபமாக உயிரிழந்தனர். இதனைக் கண்ட அங்கிருந்தவர்கள், விபத்தை ஏற்படுத்திய சிறுவன் வேந்தாந்த் அகர்வாலைப் பிடித்து வைத்து போலீசாருக்கு தகவல் கொடுத்தனர். தகவல் அறிந்து விரைந்து வந்த போலீசார், வேந்தாந்த் அகர்வாலைக் கைது செய்து விசாரணை நடத்தினர்.

இதனையடுத்து, கைது செய்யப்பட்ட வேந்தாந்த் அகர்வாலைக் காவல் நிலையத்திற்கு அழைத்துச் சென்று பீட்சா, பிரியாணி வழங்கப்பட்டதாகக் கூறப்படுகிறது. இது தொடர்பான புகைப்படங்கள் சமூக வலைத்தளங்களில் வெளியாகி பெரும் சர்ச்சையை ஏற்படுத்தியது. இதனையடுத்து, 20ஆம் தேதி சிறார் தொடர்பான குற்றங்களை விசாரிக்கும் சிறப்பு  நீதிமன்றத்தில் வேதாந்த் அகர்வால் ஆஜர்படுத்தப்பட்டார். அங்கு அவரை விசாரித்த நீதிமன்றம், அவருக்குச் சம்பவம் நடந்த 15 மணி நேரத்தில் ஜாமீன் வழங்கியது. விபத்தை ஏற்படுத்தி ஐ.டி ஊழியர்கள் உயிரிழந்த சம்பவத்திற்கு, சிறுவனுக்கு உடனடியாக ஜாமீன் வழங்கியது கடும் விமர்சனங்கள் எழுந்தது.

தொடர் விமர்சனங்களின் விளைவாக, அந்தச் சிறுவனுக்கு அளிக்கப்பட்ட ஜாமீன் ரத்து செய்யப்பட்டு சிறார் முகாமில் அடைக்கப்பட்டுள்ளார். இதனையடுத்து, இந்தச் சம்பவம் தொடர்பாக, போலீசார் சிறுவனின் தந்தை விஷால் அகர்வாலைக் கைது செய்து சிறையில் அடைத்தனர். இதற்கிடையே, சிறுவன் வேந்தாந்த் அகர்வாலுக்கு மது வழங்கியதற்காக ஹோட்டல் உரிமையாளர் மற்றும் மேலாளர்கள் உட்பட 3 பேரை போலீசார் கைது செய்து விசாரணை நடத்தி வருகின்றனர்.

இந்நிலையில் இந்த சம்பவத்தில் ஈடுபட்ட சிறுவனைப் பெரியவராகக் கருதி விசாரணை நடத்த வேண்டும் என விபத்தில் உயிரிழந்தவர்களின் குடும்பத்தினர் கோரிக்கை வைத்துள்ளனர். இதன் காரணமாக இது குறித்து புனே மாவட்ட காவல்துறை நீதிமன்றத்தை நாடி உள்ளது. இந்தியாவையே உலுக்கிய நிர்பயா வழக்கில் 17 வயது சிறுவனும் குற்றவாளியாக அடையாளம் காணப்பட்டான். அப்பொழுது கொடூரமான குற்றங்களைச் செய்யும் ஒரு சிலர் தங்களுக்கு 18 வயது பூர்த்தி அடையவில்லை என்பதைக் காரணம் காட்டி தப்புவதைத் தடுப்பதற்காக நடவடிக்கைகள் எடுக்க வேண்டும் என பல்வேறு கோரிக்கைகள் எழுந்திருந்தது.

அந்த கோரிக்கையின் அடிப்படையில் கடந்த 2015 ஆம் ஆண்டு பெண்கள் மற்றும் குழந்தைகள் மேம்பாட்டு அமைச்சகம் சிறார் நீதி சட்டத்தில் ஒரு முக்கிய திருத்தத்தைக் கொண்டு வந்தது. திருத்தப்பட்ட சட்டத்தின் 15 வது பிரிவில் கடும் குற்றங்களில் ஈடுபடும் சிறுவர்கள் 16 வயதைக் கடந்திருந்தால் அவர்கள் பெரியவர்களாகக் கருதி வழக்கை நடத்தலாம் எனத் திருத்தம் கொண்டு வரப்பட்டது. குற்றம் நிரூபிக்கப்பட்டால் ஐந்து ஆண்டுகள் வரை தண்டனை வழங்கப்படும் எனப் பரிந்துரைக்கப்பட்டது. மகாராஷ்டிராவில் மது அருந்துவதற்குக் குறைந்தபட்சம் 25 வயதை அடைந்திருக்க வேண்டும். ஆனால் சிறுவன் நண்பருடன் சேர்ந்து மது அருந்தியதோடு ஓட்டுநர் உரிமம் கூட இல்லாமல் வாகனத்தை அதிவேகமாக இயக்கி இருவரின் உயிர் இழப்புக்குக் காரணமாகியுள்ளான். இது கொடூரமான குற்றம் என்பதால் சிறுவனை வயதுக்கு வந்த பெரியவராகக் கருதி வழக்கு நடத்த வேண்டும் எனக் கோரிக்கை எழுந்துள்ளது.

The website encountered an unexpected error. Please try again later.