Skip to main content

ஓயாத மணல் திருட்டு... கண்டுகொள்ளாத வருவாய் மற்றும் காவல்துறை..!!! 

Published on 20/02/2019 | Edited on 20/02/2019

 

    அரசிற்கு சொந்தமான இடத்தில் தொடர்ந்து மணல் திருட்டு நடைப்பெற்று வருவதாகவும், அதற்கு உள்ளூர் வருவாய்த்துறையும், காவல்துறையும் உடந்தையாக இருக்கின்றார்கள் என மாவட்ட நிர்வாகத்தினை நோக்கி பல புகார் மனுக்கள் அனுப்பப்பட்டும் எவ்வித நடவடிக்கையும் இல்லை என்பதால் அரசிற்கு எதிரான கோபத்தில் இருக்கின்றார் படுக்கப்பத்து மக்கள்.

 

    தூத்துக்குடி மாவட்டம் சாத்தான்குளம் வட்டம், படுக்கப்பத்து கிராமத்தில் அரசிற்கு சொந்தமான நீர்ப்பிடிப்புப் பகுதி சுமார் 25 ஏக்கர் நிலப்பரப்பு உள்ளது. இதில் கடந்த 17/02/2019 இரவு முதல் தொடர்ச்சியாக 30க்கும் மேற்பட்ட லாரிகள் மற்றும் 4 பொக்லைன் இயந்திரம் மூலம் சட்ட விரோத மணல் திருட்டு நடைப்பெற்றதால் அங்குள்ள பொதுமக்களால் மாவட்ட நிர்வாகத்திற்கு தகவல் கொடுக்கப்பட்டது. ஆனால் பயனில்லை. 

 

Sand

"இது தொடர்பாக சாத்தான்குளம் வட்டாட்சியரிடம் பேசினோம். அவரோ, " எங்க ஊர் பொதுமக்களின் வேண்டுகோள் படி குளத்தை சுத்தம் செய்ய சொன்னேன் என்றும் வேலையை உடனே நிறுத்துகிறேன், மண் அள்ள சொல்லவில்லை" என்று சொல்ல, தட்டார்மடம்  காவல்நிலைய அதிகாரிகளோ, "தாசில்தார் அனுமதியோடு சீட்டு போட்டு தான் மணல் அள்ளுகிறார்கள்" என்று சொல்லுகிறார்கள். 

''எங்களின் தொடர் அழுத்தத்தால் திருச்செந்தூர்  கோட்டாட்சியர்  இரவோடு இரவாக சம்பவ இடத்தைப் பார்வையிட்டு 4 லாரிகள் மற்றும் 4 பொக்லைன் இயந்திரத்தை கைப்பற்றி பிர்க்கா ஆய்வாளர் முன்னிலையில்  சம்பவ இடத்திலேயே நிறுத்தி சென்றார். எனினும் காவல்துறை ஆதரவுடன் இன்று வரை மணல் திருட்டு நடைபெறுகின்றது. இதனால் மணல் திருட்டில் அரசுக்கு பல கோடி இழப்பு என்பதனைக் காட்டிலும் அப்பகுதியின் நீர் வாழ்வாதாரம் முற்றிலும் பாதிக்கப்படும். அரசு உடனடியாக நடவடிக்கை எடுக்காவிடில் தொடர் போராட்டம் தான்" என்கின்றனர் படுக்கப்பத்து கிராம மக்கள். இதனால் அப்பகுதியில் பரப்பரப்பு நிலவி வருகின்றது.

கடக்கும் முன் கவனிங்க...

கடக்கும் முன் கவனிங்க...

விரிவான அலசல் கட்டுரைகள்

சார்ந்த செய்திகள்

சார்ந்த செய்திகள்

Next Story

கூலாக வந்து கொள்ளை; சிசிடிவி காட்சிகளை வைத்து போலீசார் விசாரணை

Published on 24/11/2023 | Edited on 24/11/2023

 

Cool and booty; Police are investigating with CCTV footage

 

கேஸ் சிலிண்டர் பழுது நீக்குவதாக கூறி தூத்துக்குடியில் வீட்டிற்கு வந்த நபர் பெண்ணிடம் நகையை பறித்துக் கொண்டு ஓடிய சம்பவம் பரபரப்பை ஏற்படுத்தியுள்ளது. இது தொடர்பான சிசிடிவி காட்சிகள் தற்போது வெளியாகி உள்ளது.

 

தூத்துக்குடி மாவட்டம் திருச்செந்தூர் அருயுகேள்ளது ஆறுமுகநேரி. இந்த பகுதியை சேர்ந்தவர் சாந்தி. இவருடைய கணவர் ராஜ்குமார் வெளியூரில் பணியாற்றி வரும் நிலையில் சாந்தி தனது இரண்டு குழந்தைகளுடன் வீட்டில் தனியாக வசித்து வந்தார். இந்நிலையில் அந்தப் பகுதியில் சாலையில் நடந்து வந்த இளைஞர் ஒருவர், கேஸ் சிலிண்டர் பழுது பார்ப்பதாக கூறியுள்ளார். அதற்கு சாந்தி, தங்கள் வீட்டில் பழுது பார்க்கும் வேலை இல்லை என பதில் அளித்துள்ளார். அதனைத் தொடர்ந்து அங்கிருந்து நகன்ற அந்த நபர் மற்ற வீடுகளில் கேஸ் சிலிண்டர் பழுது பார்க்கும் வேலை இருக்கிறதா என கேட்டுள்ளார்.

 

அதன் பிறகு சாந்தி தனிமையில் இருப்பதை தெரிந்து கொண்ட அந்த இளைஞர் மீண்டும் வாசலில் நின்றுள்ளார். தொடர்ந்து வெளியே வந்த சாந்தி என்ன என கேட்டபோது நகைகளை கழட்டி தருமாறு கத்தியைக் காட்டி மிரட்டி உள்ளார். சாந்தி கூச்சலிட்ட நிலையில் கையில் இருந்த கத்தியால் சாந்தியினுடைய கையில் கீறிவிட்டு அவர் கழுத்தில் இருந்த 16 சவரன் தாலிச் சங்கிலி மற்றும் ஐந்து சவரன் செயின் ஆகியவற்றை பறித்துக் கொண்டு ஓட்டம் பிடித்தார்.

 

தொடர்ந்து ரத்த காயங்களுடன் வெளியே வந்த சாந்தியை அக்கம்பக்கத்தினர் காயல்பட்டினம் அரசு மருத்துவமனையில் சிகிச்சைக்காக சேர்த்தனர். சம்பவம் குறித்து காவல் நிலையத்தில் புகார் அளிக்கப்பட்டது. புகாரை தொடர்ந்து போலீசார் விசாரணை நடத்தினர். வீட்டிலிருந்த சிசிடிவி காட்சிகளை பார்த்ததில் மர்ம நபர் வரும் காட்சிகள் பதிவாகியுள்ளது. அந்த சிசிடிவி காட்சிகளை அடிப்படையாகக் கொண்டு போலீசார் வழக்குப்பதிவு செய்து விசாரணை மேற்கொண்டு வருகின்றனர். அந்த நபர் நகைகளை கொள்ளையடித்ததோடு மட்டுமல்லாமல் வீட்டிற்கு முன் இருந்த இருசக்கர வாகனத்தையும் எடுத்துக்கொண்டு தப்பிக்கும் காட்சிகள் பரபரப்பை ஏற்படுத்தியுள்ளது.

 

 

விரிவான அலசல் கட்டுரைகள்

Next Story

மணல் லாரிகளை எம்.எல்.ஏ மிரட்டுகிறார்; மாநில லாரி உரிமையாளர்கள் சங்கம்

Published on 24/11/2023 | Edited on 24/11/2023

 

Truck Owners Association President alleges that MLA  threatening sand trucks

 

வேலூர் மாவட்டம் கந்தநேரியில் உள்ள அரசு மணல் கிடங்கில் இருக்கும் ஆற்று மணலை முறையாக ஆன்லைன் மூலம் பதிவு செய்து மணல் எடுக்க அனுமதிக்கப்பட்ட லாரிகளுக்கு 3 தினங்களுக்கு மேலாக மணல் கொடுக்காமல் காத்துக் கிடக்க வைத்துவிட்டு, மணல் எடுக்க பதிவு செய்யாத லாரிகளுக்கு இரவு பகலாக கள்ளத்தனமாக அரசு அதிகாரிகளின் துணையோடு, லோடு லோடாக மணல் கடத்தப்படுவதை தடுத்து நிறுத்தி நடவடிக்கை எடுத்து முறையாகப் பதிவு செய்த லாரிகளுக்கு மணல் வழங்கிட வேண்டும் என்பதை வலியுறுத்தி, தமிழ்நாடு மாநில மணல் லாரி உரிமையாளர்கள் சங்க கூட்டமைப்பினர் வேலூர் மாவட்ட ஆட்சியர் குமாரவேல் பாண்டியனிடம் மனு அளித்தனர்.

 

Truck Owners Association alleges that MLA  threatening sand trucks

 

அதன் பின்னர் அவர்கள் செய்தியாளர்களுக்கு அளித்த பேட்டியில், “தமிழகத்தில் நிலவி வரும் ஆற்று மணல் தட்டுப்பாட்டை பயன்படுத்திக் கொண்டு வேலூர் கந்தனேரி மணல் குவாரியில் திமுகவைச் சேர்ந்த எம்.எல்.ஏ ஒருவரும், ஒன்றிய கவுன்சிலரும் சேர்ந்து உள்ளூர் ரவுடிகளை வைத்துக் கொண்டும் அரசு அதிகாரிகளோடு கைகோர்த்துக் கொண்டும், ஆன்லைன் மூலம் பதிவு செய்த லாரிகள் வாரக்கணக்கில் நின்று கொண்டிருக்க, இரவு நேரங்களில் சட்ட விரோதமாக அனுமதி பெறாத லாரிகளில் டன் கணக்கில் மணல் கடத்துகிறார்கள். 

 

ஆகவே இதுபோன்று அநீதி இழைப்பதை தடுத்து நிறுத்தி, ஆன்லைன் மூலம் பதிவு செய்து மணல் எடுக்க காத்துக் கொண்டிருக்கும் லாரிகளுக்கு காவல்துறை முன்னிலையில் மணல் வழங்கிட வேண்டும். அதேபோன்று மணல் கடத்தலில் ஈடுபடும் உள்ளூர் குண்டர்களுக்கு துணை போகும் அரசு அதிகாரிகள் மீது நடவடிக்கை எடுக்க வேண்டும். மணல் கிடங்கில் உள்ள சிசிடிவி கேமராவை ஆய்வு செய்து அவர்கள் மீது சட்ட நடவடிக்கை எடுக்க காவல்துறைக்கு பரிந்துரை செய்ய வேண்டும்” எனத் தெரிவித்தனர்.

 

 

விரிவான அலசல் கட்டுரைகள்