Skip to main content

தமிழ்நாட்டின் பிரபல கல்வி நிறுவனத்தில் நடந்த ராமர் கோயில் ஊர்வலம்! வீடியோ வெளியாகி பரபரப்பு!

Published on 23/01/2024 | Edited on 23/01/2024
Ram Temple Procession in Tamil Nadu's Famous Educational Institute! The video was released and the excitement!

அயோத்தியில் பாஜக கரசேவை நடத்தி பாபர் மசூதி இடிக்கப்பட்டது. அந்த இடத்தில் தான் ராமன் பிறந்தார் எனச்சொல்லி அங்கே தனியார் அமைப்பு பெரியளவில் கோவில் கட்டியுள்ளது. 

அயோத்தியில் நேற்று (22ம் தேதி) ராமர் கோயில் திறப்பு விழா நடைபெற்றது. அந்த கோவில் திறப்புவிழாவில் நாட்டின் பிரதமர் பங்கேற்றார். இது ஒரு புறம் ஆதரவையும் மற்றொருபுறம் விமர்சனத்தையும் ஏற்படுத்தி வருகிறது. மேலும், இந்தக் கோயில் திறப்பிற்காக ஒன்றியத்தின் கீழ்வரும் அரசு நிறுவனங்களுக்கு கோவில் திறப்பு நாளான ஜனவரி 22ஆம் தேதி அரை நாள் விடுமுறை அளிக்கப்பட்டிருந்தது. இதுவும் விமர்சனங்களுக்கு உள்ளானது.  

வேலூரில் உள்ள பிரபல கல்வி நிறுவனமான நிகர்நிலை பல்கலைக்கழகத்தில் ஆயிரக்கணக்கான உள்நாட்டு, வெளிநாட்டு மாணவர்கள் படிக்கின்றனர். இவர்கள் ஜனவரி 22 ஆம் தேதி இரவு கல்லூரி வளாகத்துக்குள் ஊர்வலம் நடத்தி ஜெய் ஸ்ரீ ராம் கோஷங்களை எழுப்பியுள்ளனர். அந்த வீடியோ சமூக வலைத்தளத்தில் வெளியாகி வேலூரில் ஆச்சர்யத்தையும், பரபரப்பையும் ஏற்படுத்தியுள்ளது.

தி.மு.க., அ.தி.மு.க. ஆகிய கட்சிகள் இருந்து 1984ல் கல்லூரியை துவங்கி, வேலூரை தலைமயிடமாகக் கொண்டு சென்னை, பெங்களுரூ, அமராவதி, போபால் உள்ளிட்ட பகுதிகளிலும், இந்தக் கல்லூரி செயல்பட்டு வருகிறது. இவ்வளவு பிரபலமான கல்லூரியில் தான் நேற்று இரவு மாணவர்கள் ஒன்று கூடி ஜெய் ஸ்ரீ ராம் என கோஷங்கள் எழுப்பி ஊர்வலமாக சென்றுள்ளனர். 

தமிழ்நாட்டில் ஒரு கல்வி நிறுவனத்திற்குள் அயோத்தி ராமர் கோயில் திறப்பு விழாவிற்கு மாணவர்கள் கோஷம் எழுப்பியபடி ஊர்வலமாக சென்ற நிகழ்வு பெரும் பரபரப்பை ஏற்படுத்தியுள்ள நிலையில், இது தொடர்பாக விசாரித்தபோது, அவரின் மகன் ஜி.வி.செல்வத்துக்கு அரசியல் ஆசை உள்ளது. கடந்த நாடாளுமன்ற தேர்தலின்போதே மகனை பாஜக சப்போர்ட்டில் நிறுத்த முயன்றார். அப்போது அதே பாஜக ஆதரவாளரான ஏ.சி.சண்முகம் நின்றது, மற்றொருபுறம் திமுக பொதுச்செயலாளர் துரைமுருகனின் மகன் கதிர்ஆனந்த் நின்றதால் பின்வாங்கினார். இப்போது வாய்ப்பு கிடைக்குமா என எதிர்பார்க்கலாம், அதற்காக இப்படி நடத்தியிருக்கலாம் என்கிறார்கள், அவரின் பின்னணி தெரிந்தவர்கள்.

சார்ந்த செய்திகள்

 

Next Story

‘அயோத்தி ராமருக்கு ஒரு மணி நேரம் ரெஸ்ட்’ - அறக்கட்டளை அதிரடி

Published on 17/02/2024 | Edited on 17/02/2024
 Trust Management announced Ayodhi Ram needs an hour every day

உத்தரப் பிரதேச மாநிலம் அயோத்தியில் 2,000 கோடி மதிப்பில் மிகப் பிரம்மாண்டமாக ராமர் கோவில் கட்டப்பட்டுள்ளது. இக்கோவிலுக்காக ஒதுக்கப்பட்ட 70 ஏக்கர் நிலத்தில் 2.7 ஏக்கர் நிலத்தில் மட்டுமே ராமர் கோவில் கட்டப்பட்டது. இதனையடுத்து பிரதமர் மோடி தலைமையில் கடந்த மாதம் 22 ஆம் தேதி ராமர் கோவில் திறப்பு விழா நடைபெற்றது.

அப்போது நடைபெற்ற சிறப்பு பூஜைக்கு பின்பு, குழந்தை ராமர் சிலை கண் திறக்கப்பட்டு பிரதிஷ்டை செய்யப்பட்டது. குழந்தை ராமருக்கு பிரதமர் மோடி முதல் பூஜை செய்து தீபாராதனை காட்டி வழிபாடு செய்தார். இதனையடுத்து கோவில் கருவறை திரைச்சீலை விலக்கப்பட்டு மக்கள் பார்வைக்குத் திறக்கப்பட்டது. அதனைத் தொடர்ந்து பொதுமக்கள், பக்தர்கள் மற்றும் பல்வேறு தரப்பினரும் ராமரை வழிபாடு செய்து வருகின்றனர்.

கோவிலுக்கு வரும் பக்தர்களின் கூட்டம் தொடர்ந்து அதிகரித்து வருவதால், அதிகாலை 4 மணிக்கு பூஜைகள் தொடங்கப்பட்டு, பக்தர்களுக்கான பொது தரிசன நேரம் காலை 6 மணியில் இருந்து இரவு 10 மணி வரை நீடிக்கப்பட்டது. இந்த நிலையில், அயோத்தி ராமர் கோவில் தினமும் மதியம் ஒரு மணி நேரம் மூடப்படும் என ராமர் கோவில் அறக்கட்டளை சார்பில் தெரிவிக்கப்பட்டுள்ளது.

இது குறித்து அயோத்தி ராமர் கோவில் தலைமை பூசாரி ஆச்சார்யா சத்யேந்திர தாஸ் கூறியதாவது, “ராம் லல்லா ஒரு 5 வயது குழந்தை. காலை 4 மணிக்கு தூக்கத்தில் இருந்து எழும் அவரால் நீண்ட நேரம் விழித்துக்கொண்டு இருக்க முடியாது. அதனால் ராமர் கோயில் கதவை மதியம் 12:30 முதல் 1:30 வரை மூடவுள்ளோம். அப்போதுதான் அவரால் ஓய்வெடுக்க முடியும்” என்று தெரிவித்தார்.

Next Story

‘மனிதம் தாண்டி புனிதம் இல்லை’ - ஒற்றுமைக்கு அடையாளமான இஸ்லாமிய குழந்தை! 

Published on 24/01/2024 | Edited on 24/01/2024
  Islamic child is a symbol of unity!

உத்தரப் பிரதேசம் மாநிலம் அயோத்தியில் பாபர் மசூதி இருந்த இடத்தில், ரூ. 2,000 கோடி மதிப்பில் மிகப் பிரம்மாண்டமாக ராமர் கோவில் கட்டப்பட்டுள்ளது. கோவிலுக்காக ஒதுக்கப்பட்ட மொத்த 70 ஏக்கர் நிலத்தில் 2.7 ஏக்கர் நிலத்தில் மட்டும் ராமர் கோவில் கட்டப்பட்டு, அதனை இந்தியப் பிரதமர் நரேந்திர மோடி, கடந்த 22ம் தேதி திறந்து வைத்தார். இந்தத் திறப்பு விழாவிற்காக, கோயில் அறக்கட்டளை சார்பாக நாடு முழுவதும் இருந்து 7 ஆயிரம் முக்கிய நபர்களுக்கு அழைப்பு விடுக்கப்பட்டது. 

அயோத்தியில் ராமர் கோயில் திறப்பிற்கு நாடு முழுவதும், ஒன்றிய அரசு நிறுவனங்களுக்கு அரை நாள் விடுப்பை அறிவித்தது ஒன்றிய அரசு. அதேபோல், உத்தரப் பிரதேச மாநிலம் கான்பூர் அரசு மருத்துவக் கல்லூரி மருத்துவமனையில் மட்டும் 30க்கும் மேற்பட்ட கர்ப்பிணிப் பெண்கள், ராமர் கோவில் திறப்பு நாளான ஜனவரி 22 ஆம் தேதி அன்று குழந்தை பெற்றுக்கொள்ள விருப்பம் தெரிவித்திருந்தனர். 

இப்படியான ஏற்பாடுகளுடன், ஜனவரி 22ம் தேதி கோவில் கருவறையில் நடைபெற்ற சிறப்பு பூஜையில் பிரதமர் நரேந்திர மோடி, ஆர்.எஸ்.எஸ் தலைவர் மோகன் பகவத், உத்தரப் பிரதேசம் முதல்வர் யோகி ஆதித்யநாத், உத்தரப் பிரதேச ஆளுநர் உள்ளிட்டோர் கலந்துகொண்டு கோயில் திறப்பு விழா நடைபெற்றது. ராமர் கோயில் திறப்பைத் தொடர்ந்து மகாராஷ்டிரா மாநிலம் மும்பையின் ஒரு இடத்தில் இஸ்லாமியர்கள் தாக்கப்பட்டதாகவும் வீடியோ தற்போது சமூக வலைத்தளங்களில் வைரலாகி வருகிறது. 

  Islamic child is a symbol of unity!

இந்நிலையில், உத்தரப் பிரதேசம் மாநிலம், ஃபிரோசாபாத் மாவட்டத்தில் வசித்து வரும் இஸ்லாம் மார்க்கத்தைச் சேர்ந்த ஃபர்சானா எனும் கர்ப்பிணிப் பெண்ணுக்கு பிரசவ வலி வந்து அவர் ஃபிரோசாபாத் மாவட்ட பெண்கள் மருத்துவமனையில் அனுமதிக்கப்பட்டார். அதனைத் தொடர்ந்து ஜனவரி 22ம் தேதி அவருக்கு ஆண் குழந்தை பிறந்தது. மாவட்ட மகளிர் மருத்துவமனையின் பொறுப்பாளர் மருத்துவர் நவீன் ஜெயின், “குழந்தையும் தாயும் நலமாக உள்ளனர்” என்று தெரிவித்தார். 

ராமர் கோயில் திறப்பு அன்று பிறந்த அந்தக் குழந்தைக்கு, அவரின் பாட்டி ஹுஸ்னா பானு, ‘ராம் ரஹிம்’ எனப் பெயர் சூட்டியுள்ளார். இது குறித்து ஹுஸ்னா பானு தெரிவிக்கையில், “இந்து - முஸ்லீம் ஒற்றுமையை பிரதிபலிக்கவே இந்தப் பெயரை சூட்டினேன்” எனத் தெரிவித்துள்ளார்.