Skip to main content

தயாரிப்பாளர் வீடுகளில் நடைபெற்ற ரெய்டு - 200 கோடி ரூபாய் மறைப்பு; 26 கோடி பறிமுதல்!

Published on 06/08/2022 | Edited on 06/08/2022

 

ரகத

 

வருமான வரித்துறையினர் கடந்த 2ம் தேதி தமிழ்நாட்டின் முன்னணி திரைப்பட தயாரிப்பாளர்கள் வீட்டில் அதிரடியாகச் சோதனை நடத்தினர். சமீபத்தில் வெளியான படங்களின் வருமானத்தில் வரி ஏய்ப்பு செய்துள்ளதாக வந்த புகாரின் அடிப்படையில் தயாரிப்பாளர்களின் வீட்டில் சோதனை நடைபெற்றதாக அதிகாரிகள் தெரிவித்திருந்தனர். குறிப்பாகத் தமிழ் திரைத்துறையில் முன்னணி தயாரிப்பாளர்களாக இருக்கும் அன்புச்செழியன், கலைப்புலி எஸ். தாணு, எஸ். ஆர் பிரபு, ஞானவேல் ராஜா உள்ளிட்டோரின் வீடு மற்றும் அவர்களுக்குச் சொந்தமான இடங்களில் காலை முதலே வருமான வரித்துறையினர் அதிரடியாகச் சோதனை நடத்தினார்கள்.

 

 
இன்னும் சில முன்னணி தயாரிப்பாளர்களின் பெயர்களும்  இந்த சோதனையில் இருப்பதாகக் கூறப்பட்ட நிலையில் தற்போது அந்த சோதனையில் கைப்பற்றப்பட்ட ஆவணங்கள் மற்றும் பணம் தொடர்பான விவரங்களை வருமானவரித்துறை அதிகாரிகள் வெளியிட்டுள்ளார்கள். குறிப்பாக சினிமா பைனாஸ்சியர் அன்புச்செழியன் 200 கோடி ரூபாய் வருமானத்தை மறைத்துள்ளதாக கூறப்படுகிறது. மேலும் தயாரிப்பாளர்களிடம் இருந்து கணக்கில் வராத 26 கோடி ரொக்கம் மற்றும் மூன்று கோடி ரூபாய் மதிப்புள்ள நகைகள் சோதனையில் கைப்பற்றப்பட்டுள்ளதாக வருமானவரித்துறை அதிகாரிகள் தெரிவித்துள்ளார்கள். 

 

 

சார்ந்த செய்திகள்

 

Next Story

மோசடியில் மஞ்சும்மல் பாய்ஸ் தயாரிப்பாளர்கள் ; போலீஸ் அறிக்கையில் அதிர்ச்சி!

Published on 29/05/2024 | Edited on 29/05/2024
manjummel boys producers fraud case update

இயக்குநர் சிதம்பரம் இயக்கத்தில் சௌபின் ஷாஹிர், ஸ்ரீநாத் பாசி, பாலு வர்கீஸ் உள்ளிட்ட பலர் நடிப்பில் கடந்த பிப்ரவரி 22 ஆம் தேதி வெளியான மலையாளப் படம் ‘மஞ்சும்மல் பாய்ஸ்’. பரவா பிலிம்ஸ் தயாரிப்பில் உருவாகியிருந்த இப்படத்திற்கு சுஷின் ஷ்யாம் இசையமைத்திருந்தார். இப்படம் கொடைக்கானலில் நடந்த உண்மைச் சம்பவத்தைத் தழுவி எடுக்கப்பட்டிருந்தது. 2006 ஆம் ஆண்டு கொடைக்கானலுக்கு சுற்றுலா வரும் கேரள இளைஞர்கள், ஒரு இக்கட்டான சூழ்நிலையில் சிக்கி அதிலிருந்து எப்படி மீள்கின்றனர் என்ற சம்பவத்தை அடிப்படையாகக் கொண்டு உருவாக்கப்பட்டிருந்தது.

சர்வைவல் த்ரில்லர் ஜானரில் வெளியான இப்படம் பெரும் வரவேற்பைப் பெற்றது. தமிழிலும் ரசிகர்கள் பாராட்டி வந்தனர். குணா குகையில் நடக்கும் கதை என்பதால் கமல் நடித்த குணா பட பாடலான ‘கண்மணி அன்போடு காதலன்...’ பாடலை முக்கியமான இடத்தில் பயன்படுத்தியிருந்தது படக்குழு. இப்படம் உலகம் முழுவதும் ரூ.200 கோடிக்கு மேல் வசூலித்து மலையாள திரையுலகில் ரூ.200 கோடி கிளப்பில் இணைந்த முதல் படம் என்ற சாதனையை படைத்தது. இதனிடையே கேரளா அரூர் பகுதியைச் சேர்ந்த சிராஜ் என்பவர் இப்படத்தின் தயாரிப்பு நிறுவனமான பரவா பிலிம்ஸ் பங்குதாரர் ஷான் ஆண்டனி, லாபத்தில் பங்கு தருவதாக கூறி ஏமாற்றி விட்டதாக எர்ணாகுளம் கீழமை நீதிமன்றத்தில் மனு தாக்கல் செய்திருந்தார். அந்த மனுவில், “ மஞ்சும்மல் பாய்ஸ் படத்திற்காக ரூ.7 கோடியை முதலீடு செய்தேன். பட தயாரிப்பு நிறுவனத்தின் பங்குதாரர் ஷான் ஆண்டனி லாபத்தில் 40 சதவீதம் பங்கு தருவதாக கூறியிருந்தார். ஆனால் இதுவரை எனக்கு ஒரு ரூபாய் கூட பணம் தரவில்லை. லாபம் மட்டும் இல்லாமல் முதலீடு செய்த பணத்தை கூட திருப்பி தரவில்லை” என குற்றம் சாட்டியிருந்தார். 

இந்த வழக்கை விசாரித்த நீதிமன்றம் படத்தின் தயாரிப்பாளர்களான சவுபின் ஷாஹிர், ஷான் ஆண்டனி, பாபு ஷாஹிர் ஆகியோரின் வங்கிக் கணக்கை முடக்க உத்தரவிட்டது. மேலும் தயாரிப்பாளர்கள் மீது வழக்குப்பதிவு செய்து விசாரணை நடத்த காவல்துறையினருக்கு உத்தரவிட்டிருந்தது. அதன்படி வழக்கு பதிவு செய்து விசாரணை நடத்திய காவல் துறையினர், நீதிமன்றத்தில் அறிக்கை தாக்கல் செய்தனர். அதில், தயாரிப்பாளர்கள் முன்கூட்டியே இந்த மோசடி செய்ய திட்டமிட்டுள்ளதாக குறிப்பிடப்பட்டுள்ளது. மேலும் “படப்பிடிப்பு தொடங்குவதற்கு முன்பே முதற்கட்ட படப்பிடிப்பு முடிந்துவிட்டதாக மனு தாரரிடம் தயாரிப்பாளர்கள் கூறியுள்ளனர். படத்தின் பட்ஜெட் ரூ. 18.65 கோடி மட்டுமே. ஆனால், ரூ. 22 கோடி என தயாரிப்பாளர்கள் பொய் சொல்லியுள்ளனர். மனு தாரர் குறிப்பிட்டது போல தயாரிப்பு நிறுவனம் பணத்தை மனுதாரருக்கு திரும்ப கொடுக்கவில்லை” என குறிப்பிடப்பட்டுள்ளது. இதனிடையே தயாரிப்பாளர்களை கைது செய்ய உயர்நீதிமன்றம் தற்காலிக தடை விதித்ததுள்ளது குறிப்பிடத்தக்கது. 

Next Story

பிரபல தனியார் கல்விக் குழுமத்தில் வருமான வரித்துறையினர் சோதனை!

Published on 17/05/2024 | Edited on 17/05/2024
Income tax officials raid the famous private women education group

நாமக்கல் மாவட்டம் திருச்செங்கோடு அருகே உள்ள எளையம்பாளையம் பகுதியில் பிரபல தனியார் மகளிர் கல்விக் குழுமம் ஒன்று இயங்கி வருகிறது. இந்த கல்வி நிறுவனத்தின் சார்பில் மருத்துவக் கல்லூரி, பொறியியல் கல்லூரி, கலை மற்றும் அறிவியல் கல்லூரி, ஆசிரியர் பயிற்சி கல்லூரி, செவிலியர் கல்லூரிகள் இயங்கி வருகிறது. இந்தக் கல்வி நிறுவனத்தில் தமிழகம் மட்டுமின்றி இந்தியா முழுவதும் இருந்து ஏராளமான மாணவிகள் படித்து வருகின்றனர்.

இத்தகைய சூழலில் இந்த கல்வி நிறுவனத்தில் வரி ஏய்ப்பு செய்ததாக புகார் எழுந்தது. இதனையடுத்து இந்தக் கல்வி நிறுவனத்தில் நேற்று (16.05.2024) காலை முதல் வருமான வரித்துறை அதிகாரிகள் திடீர் சோதனையில் ஈடுபட்டனர். மேலும் கல்லூரியின் தாளாளர் கருணாநிதி இல்லத்திலும், அவருக்கு தொடர்புடைய இடங்களில் வருமான வரித்துறை அதிகாரிகள் சோதனை மேற்கொண்டனர். இந்நிலையில், கல்வி நிறுவனத்தில் இரண்டாவது நாளாக இன்று (17.05.2024) 30க்கும் மேற்பட்ட வருமான வரித்துறை அதிகாரிகள் சோதனை மேற்கொண்டு வருகின்றனர். இச்சம்பவம் திருச்செங்கோட்டில் பெரும் பரபரப்பை ஏற்படுத்தியுள்ளது.

நாமக்கல் நாடாளுமன்றம் மக்களவைத் தொகுதியின் வாக்கு எண்ணும் மையம் இந்த கல்லூரி வளாகத்தில் அமைக்கப்பட்டுள்ளதும், கல்லூரி தாளாளர் கருணாநிதி, அதிமுக முன்னாள் எம்.பி. தம்பிதுரையின் நெருங்கிய உறவினர் என்பதும் குறிப்பிடத்தக்கது. அதே சமயம் நாமக்கல் மாவட்டம் கந்தம்பாளையத்தில் செயல்பட்டு வரும் பிரபல தனியார் பள்ளியின் தலைவர் கோல்டன் ஹார்ஸ் ரவி என்பவர் வீட்டிலும் வருமான வரித்துறையினர் சோதனை மேற்கொண்டு வருகின்றனர்.