நண்பர்கள், உதவியாளர்களுக்கு சொந்தமான வீடு, நிறுவனங்களிலும் தொடரும் ரெய்டு! (படங்கள்)

வருமானத்திற்கு அதிகமாக சொத்து சேர்த்த வழக்கில் அதிமுக முன்னாள் சுகாதாரத்துறை அமைச்சர் சி. விஜயபாஸ்கர் வீட்டில் லஞ்ச ஒழிப்புத்துறை போலீசார் கடந்த சில நாட்களாக சோதனை மேற்கொண்டனர். அதேபோல் மீண்டும் இன்று (22.10.2021) காலை முதலே அதிமுக முன்னாள் அமைச்சர் விஜயபாஸ்கருக்கு தொடர்புடைய நான்கு இடங்களிலும் லஞ்ச ஒழிப்புத்துறை சோதனை நடத்திவருகிறது.

சென்னை நந்தனம் எக்ஸ்டென்ஷன் 11வது தெரு, வெங்கடேஸ்வரா மருத்துவமனை பின்புறம் உள்ள விஜயபாஸ்கர் வீட்டில் சோதனை நடக்கிறது. ஆயிரம் விளக்கு பகுதியில் உள்ள விஜயபாஸ்கரின் உதவியாளர் சரவணன் என்பவருக்கு சொந்தமான சாசன் டெவலப்பர்ஸ் நிறுவனம் மற்றும் வீடுகளிலும் லஞ்ச ஒழிப்புத்துறையினர் சோதனை மேற்கொண்டு வருகின்றனர். மேலும், ஆயிரம் விளக்கு பகுதியில் உள்ள விஜயபாஸ்கரின் நண்பர் சந்திரசேகரின் ரியல் எஸ்டேட் நிறுவனம், மற்றொரு உதவியாளரான முருகனின் வீடு உள்ளிட்ட 4 இடங்களில் சோதனையானது நடைபெறுகிறது.