Skip to main content

லஞ்சம் வாங்கிய நபருக்கு சிறை! 

Published on 22/09/2023 | Edited on 22/09/2023

 

Prison for the person who took the bribe!

 

கரூரை அடுத்த வெண்ணைமலையில், தொழிலாளர் துறை அலுவலகத்தில், தொழிலாளர் துணை ஆய்வாளராக பணியாற்றி வருபவர் தங்கையன் (வயது 58). இவர் கடவூர் வட்டம் தரகம்பட்டியில் செயல்படும் தனியார் பெட்ரோல் பங்கிற்கு ஆய்விற்கு செல்வது வழக்கம். 

 

அப்போது, அங்கு வேலை செய்பவர்களிடம் இவர் குறைவான சம்பளம் வழங்குவது போன்று ஆவணங்களில் கையெழுத்து பெற்றுக் கொண்டு, வழக்கு போட்டதாகவும், அதற்கு 10 மடங்கு அபராதம் கட்ட வேண்டும் என்றும், இல்லை என்றால் தன்னிடம் 25 ஆயிரம் ரூபாய் லஞ்சம் கொடுத்தால் வழக்கை முடித்து தருவதாகவும் கூறியதாக சொல்லப்படுகிறது. 

 

லஞ்சம் கொடுக்க மனம் இல்லாத தனியார் பெட்ரோல் பங்க் உரிமையாளர், லஞ்ச ஒழிப்புத் துறை போலீசாருக்கு புகார் அளித்துள்ளார். அதனைத் தொடர்ந்து வெண்ணைமலையில் உள்ள தொழிலாளர்த் துறை அலுவலகத்திற்கு மாறுவேடத்தில் வந்த லஞ்ச ஒழிப்புத்துறை அதிகாரிகள் லஞ்சம் பெறும் போது தங்கையனை கையும், களவுமாக கைது செய்து விசாரணை மேற்கொண்டனர். விசாரணையில், அவர் லஞ்சம் வாங்கியது உறுதிப்படுத்தப்பட்டு, நீதிமன்றத்தில் ஆஜர்படுத்தி சிறையில் அடைத்தனர்.  

 

 

 

சார்ந்த செய்திகள்

 

Next Story

10 மணி வரை மழை; நான்கு மாவட்டங்களுக்கு அலர்ட்

Published on 15/06/2024 | Edited on 15/06/2024
Rain till 10 p.m.; Alert for four districts

தமிழகத்தில் இரவு 10 மணி வரை 4 மாவட்டங்களில் மிதமான மழைக்கு வாய்ப்பு இருக்கும் என வானிலை ஆய்வு மையம் அறிவித்துள்ளது.

தமிழ்நாட்டில் 7 நாட்களுக்கு ஒரு இடங்களில் இடி மின்னலுடன் கூடிய மழைக்கு வாய்ப்பு இருக்கும் எனச் சென்னை வானிலை மையம் ஏற்கனவே அறிவித்திருந்தது. வட தமிழக மாவட்டங்களில் குறிப்பாக உள் மாவட்டங்களில், மேற்குத் தொடர்ச்சி மலையை ஒட்டிய மாவட்டங்களில் மழை பெய்து வருகிறது. இந்நிலையில் இன்று சென்னை வானிலை ஆய்வு மையம் வெளியிட்ட அறிவிப்பின்படி தமிழகத்தில் இரவு 10 மணி வரை சேலம், திண்டுக்கல், நாமக்கல், திருச்சி ஆகிய நான்கு மாவட்டங்களில் மிதமான மழைக்கு வாய்ப்பு இருக்கும் என அறிவிக்கப்பட்டுள்ளது.

Next Story

திருச்சியைச் சேர்ந்தவர் குவைத்தில் உயிரிழப்பு; துரை வைகோ எம்.பி உதவியால் சென்னை வந்த உடல்!

Published on 08/06/2024 | Edited on 08/06/2024
Duvakkudi Palanichami, who passed away in Kuwait, arrived in Chennai

திருச்சி நாடாளுமன்றத் தொகுதி துவாக்குடி நகராட்சி, பாரதிதாசன் தெருவைச் சேர்ந்த ரமீலா என்பவரது கணவர் பழனிசாமி(39). குவைத் நாட்டில் ஜூன் 5-ஆம் தேதி இரவு உயிரிழந்தார். மறைந்த பழனிசாமி அவர்களது மனைவி ரமீலா மறுமலர்ச்சி திமுக மகளிர் அணியில் பணியாற்றுகின்றார். ஆகவே, பழனிசாமி உடலை விரைந்து திருச்சி கொண்டு வரவேண்டும் என்பதற்காக துவாக்குடி நகரச்செயலாளர் மோகன் பெரியகருப்பன், மாவட்டச் செயலாளர் மணவை தமிழ்மாணிக்கம் மூலம் திருச்சி நாடாளுமன்ற உறுப்பினர் துரை வைகோவுக்கு தகவல் தெரிவித்தார்.

அவர் உடனடியாக தொலைபேசி வழியாக ரமீலாவிடம் தமது வருத்தத்தை பகிர்ந்து கொண்டார். இதன்பின்பு திருச்சி மாவட்ட ஆட்சியர் மா.பிரதீப்குமாருக்கும், சென்னையில் உள்ள குவைத் துணைத் தூதரகத்திற்கும் பேசிய பழனிச்சாமி  உடலை சொந்த ஊருக்கு அனுப்பிட முயற்சி மேற்கொண்டார். இதனிடையே அயலகத்தில் உள்ள மதிமுக இணையதளத்தைச் சேர்ந்த மினர்வா ராஜேஷ், பிரசாத் அவர்களையும் தொடர்பு கொண்டு, பழனிசாமி அவர்கள் பணியாற்றிய உணவு விநியோகிக்கும் நிறுவனத்தில் இருந்து போதிய சான்றிதழ்கள் பெற்றுத்தர உதவிட வலியுறுத்தினார்.

குவைத் நாட்டில் இதுபோன்ற சமூக நல உதவிகளை தாமாக முன்வந்து செய்திடும் சமூக ஆர்வலர் மதி மற்றும் பொறியாளர் கருணாநிதி ஆகியோரின் பங்களிப்பையும் அறிந்து, இருவரையும் எம்.பி. துரை வைகோ தொலைபேசி வழியாகப் பாராட்டினார். இன்று காலை சென்னை விமான நிலையத்திற்கு வந்த பழனிசாமி உடலை போதிய ஆவணங்களைப் பெற்றுத் தந்து, ஆம்புலன்ஸ் மூலம் துவாக்குடிக்கு கொண்டு செல்வதற்கு உதவிடுமாறு, விமான நிலைய அலுவலர்களில் ஒருவரான கஜேந்திரனை எம்.பி. துரை வைகோ கேட்டுக் கொண்டார்.

மேலும், திருச்சி தெற்கு மாவட்டச் செயலாளர் மணவை தமிழ்மாணிக்கம் அவர்களுடன், ரமீலா குடும்பத்தினரை சென்னைக்கு அழைத்து வந்து பழனிசாமி உடலைப் பெற்றுக் கொள்ள பணித்தார். இதனைத் தொடர்ந்து அனைத்து நடைமுறைகளும் முடிக்கப்பட்டு பழனிசாமி உடல், அவரது மகன் பிரவீன், அண்ணன் மகன்கள் செல்வகுமார், மணி, மைத்துனர் வினோத்குமார் ஆகியோரிடம் ஒப்படைக்கப்பட்டது.

விமான நிலையத்தில் மறைந்த பழனிசாமி உடலுக்கு மறுமலர்ச்சி திமுக  செங்கல்பட்டு வடக்கு மாவட்டச் செயலாளர் மாவை.மகேந்திரன், தென்சென்னை மேற்கு மாவட்டச் செயலாளரும், சென்னை மாநகராட்சி மாமன்ற உறுப்பினருமான சைதை சுப்ரமணி, திருச்சி தெற்கு மாவட்டச் செயலாளர் மணவை தமிழ்மாணிக்கம், துவாக்குடி நகரச் செயலாளரும், நகர்மன்ற உறுப்பினருமான மோகன் பெரியகருப்பன் ஆகியோர் மாலை அணிவித்து மரியாதை செலுத்தினார்கள்.

தொடர்ந்து தென்சென்னை மேற்கு மாவட்ட துணைச் செயலாளர் ஹரி, மாநிலப் பொறியாளர் அணிச் செயலாளர் ஹேமநாதன், பல்லாவரம் வடக்கு பகுதிச் செயலாளர் வீராக்குமார், பல்லாவரம் தெற்கு பகுதிச் செயலாளர் எஸ்.மார்ட்டின், பம்மல் தெற்கு பகுதிச் செயலாளர் பிரவீன், பம்மல் வடக்கு பகுதி இளைஞர் அணி துணை அமைப்பாளர் சீனிவாசன், சேகர், கே.எஸ்.பிரசாத் ஆகியோர் அவரது உடலுக்கு மலர்தூவி மரியாதை செய்தனர்.

ஜூன் 5-ஆம் தேதி மறைந்த பழனிசாமி உடல், திருச்சி எம்.பி. துரை வைகோவின் பெரும் முயற்சியால்தான் 8-ஆம் தேதி மதியம் சென்னைக்குக் கொண்டுவர முடிந்தது. இதைக் கண்டு பழனிசாமி குடும்பத்தினர்  கண்ணீர் மல்க நெகிழ்ந்தனர். இன்று இரவு துவாக்குடிக்கு வருகை தரும் திருச்சி எம்.பி. துரை வைகோ, மறைந்த  பழனிசாமி  குடும்பத்தினரிடம் இரங்கல் தெரிவிக்க உள்ளார்.