Skip to main content

மறைந்த மக்கள் மருத்துவருக்கு சொந்த ஊரில் நடந்த மவுன ஊர்வலம்...

Published on 30/01/2023 | Edited on 30/01/2023

 

People pay silent tribute to Pudukottai doctor Bhaskar

 

புதுக்கோட்டை மாவட்டம் கீரமங்கலத்தில் பிறந்த மருத்துவர் பாஸ்கரன் தனது மருத்துவப் பணியை மக்களுக்கான சேவையாக மட்டுமே செய்து வந்தார். அரசு மருத்துவமனையிலும் தனது தனியார் கிளினிக் வரும் அத்தனை பேரிடமும் கனிவான பேச்சாலேயே நோயை குணமாக்கும் சிறப்பைப் பெற்றிருந்தார். இதனாலேயே நோயாளிகள் அவரை தேடிச் சென்றனர். தன்னை தேடி வருவோரை நோயாளியாக பார்க்காமல் உறவாக பார்த்தார்.

 

மறமடக்கி, பட்டுக்கோட்டை, பேராவூரணி என பல்வேறு அரசு மருத்துவமனைகளில் பணி. எந்த ஊர் போனாலும் தனது சொந்த ஊரை மறக்கவில்லை. அதனாலேயே கீரமங்கலம் பகுதியை சேர்ந்த ஆயிரக்கணக்கான மக்கள் அவரை தேடிச் சென்றனர். சிகிச்சைக்கு வந்தால் சிகிச்சை மட்டும் கொடுக்காமல், ஊர் நடப்புகளையும் கேட்டு விசாரித்து விட்டு, மருந்து மாத்திரைகள் எழுதிக் கொடுத்துவிட்டு, “பஸ்க்கு பணம் இருக்கா.. இல்லைன்னா இந்தாங்க.. கொண்டுட்டு போங்க” என்று தன் பாக்கெட்டில் இருந்து பணம் எடுத்து கொடுத்து வழியனுப்பி வைத்த ஆயிரக்கணக்கான நிகழ்வுகளும் உண்டு..

 

“நம்ம ஊருக்காரங்க காலம்பூரா தோட்டத்திலேயே வேலை செஞ்சுட்டு, உடம்புக்கு முடியலன்னதும் நம்மள நம்பி வரும் போது அவங்ககிட்ட காசு பணத்தை பறிக்கலாமா? பாவமில்லயா.. அவங்க உயிரை காப்பாற்றும் வாய்ப்பு நமக்கு கிடைச்சிருக்கு. அதை சரியா செய்யணும்” என்று சொல்பவர், அவசரமாக அறுவை சிகிச்சை செய்ய வேண்டும் என்றால் கூட தனியார் மருத்துவமனையில் சேர்த்து அறுவை சிகிச்சை செய்து, அதற்கான கட்டணத்தை வாங்காமல் தன் சொந்த காசில் சாப்பாடும் வாங்கி கொடுத்துவிட்டு செல்வார்.

 

இப்படி புதுக்கோட்டை, தஞ்சை, திருவாரூர் மாவட்டத்தில் நூறு கிராமங்களுக்கு மேல் உள்ள மக்களின் நன்மதிப்பை பெற்ற மனிதநேய மருத்துவர் பாஸ்கரனை வாழும் கடவுளாகவே மக்கள் பார்த்தனர். பாக்கெட்டில் பணமில்லை என்றாலும் பாஸ்கர் டாக்டரிடம் நம்பி போகலாம் என்ற எண்ணம் நூறு கிராம மக்களிடமும் இருந்தது.

 

இப்படியான மருத்துவருக்கு தான் உடல்நலமின்றி, பின்பு சிகிச்சை பலனின்றி 29ந் தேதி இயற்கை எய்தினார். இந்த தகவல் காட்டுத் தீயாக பரவி, அன்று இரவில் இருந்து அவரது உடலைக் காண மக்கள் கூட்டம் கூட்டமாக மாலையோடு வந்து கதறி அழுது அஞ்சலி செலுத்திவிட்டு, இனி யாரை நம்பி மருத்துவத்திற்கு வருவோம் என்று சொல்லும் போது, அனைவரின் கண்களும் கலங்கின. ஒருவர் இறந்தால் உறவினர்கள், நண்பர்கள் வருவார்கள். ஆனால், மருத்துவர் பாஸ்கரன் இறப்பில் ஆயிரக்கணக்கான ஏழை மக்கள் கலந்து கொண்டனர். அப்போது தான் தெரிந்தது இவர் தான் மக்களை சம்பாதித்த மக்கள் மருத்துவர் என்று. 

 

பட்டுக்கோட்டையில் இறுதி அஞ்சலி ஊர்வலம் நடந்தாலும் கூட அவரது சொந்த ஊரான கீரமங்கலத்தில் மௌன அஞ்சலி ஊர்வலம் நடத்த வேண்டும் என்பது சுற்றுவட்டார மக்களின் கோரிக்கையாக இருந்தது. இதனால் கீரமங்கலம் கடைவீதியில் வர்த்தகர்கள் கடைகளை அடைத்து கருப்பு பட்டை அணிந்து ஆண்கள், பெண்கள் என ஆயிரத்திற்கும் மேற்பட்டோர் மௌன ஊர்வலத்தில் பங்கேற்றனர். கீரமங்கலம் பேருந்து நிலையத்தில் தொடங்கிய ஊர்வலம் கடைவீதி வழியாக 3 கி.மீ. சுற்றி மீண்டும் பேருந்துநிலையம் வந்தடைந்த பிறகு 2 நிமிடம் மௌன அஞ்சலி செலுத்தப்பட்டது.

 

இதுவரை யாருக்கும் இல்லாத அளவிற்கு சுற்றுவட்டார கிராமங்களில் இருந்து அவரால் பயனடைந்தவர்கள் கூட்டம் கூட்டமாக வந்து கலந்து கொண்டனர். அவர் படித்த பள்ளி ஆசிரியர்கள், பேரூராட்சி நிர்வாகத்தினர், அரசியல் கட்சி பிரமுகர்கள், அலுவலர்கள் என பலரும் கலந்து கொண்டனர்.

 

மருத்துவர் பாஸ்கரன் இறப்பு மக்களுக்கு ஈடு செய்ய முடியாத இழப்பு.

 


 

சார்ந்த செய்திகள்

 

Next Story

நக்கீரனுக்குக் கிடைத்த வீடியோ ஆதாரம்; ஆபரேஷன் தியேட்டரில் ஆபாசம்; சிக்கிய மருத்துவர் சுப்பையா

Published on 15/06/2024 | Edited on 17/06/2024
Doctor Subbiah Shanmugam misbehaves with women in government hospital

நக்கீரன் அலுவலக முகவரிக்கு பெண் ஒருவரின் பெயரில், தலைநகரின் முக்கியப் பகுதியில் இருந்து ஒரு கொரியர் வந்தது. பிரித்து பார்த்த நமக்கு, அந்தக் கடிதம் இதயத் துடிப்பை அதிகரித்தது. அந்தக் கடிதத்துடன் ஒரு பெண் டிரைவும் இணைக்கப்பட்டிருந்தது. அதை சிஸ்டமில் போட்டுப் பார்த்தபோது, கடவுளாக மதிக்கும் மருத்துவர் ஒருவரின் செயல், நம்மை ஆட்டம்காண வைத்தது. அதுவும், மருத்துவமனைக்குள்ளே நடந்த அந்தச் சம்பவம் நம்மை நிலைகுலையச் செய்தது.

அந்தக் கடிதத்தில் இடம்பெற்றுள்ள தகவல்கள் பின்வருமாறு, இந்த பெண்ட்ரைவில், டாக்டர் சுப்பையா ஷண்முகம் மற்றும் ஆபரேஷன் தியேட்டர் செவிலியர் ஆகியோர் ராயப்பேட்டை அரசு மருத்துவமனை ஆபரேஷன் தியேட்டர் வளாகத்திற்குள், பாலியல் செயலில் ஈடுபடும் காட்சிகள் பதிவாகியுள்ளது. இந்தச் செயலை அம்பலப்படுத்துவதன் நோக்கம் திரு.சுப்பையாவின் தொடர்ச்சியான பொருத்தமற்ற நடத்தையை வெளிச்சத்திற்குக் கொண்டுவருவதாகும். பின்வரும் காரணங்களுக்காக அவர் தண்டிக்கப்பட வேண்டும் என மூன்று காரணங்கள் பட்டியலிடப்பட்டுள்ளது.

1. மருத்துவமனை அல்லது ஆபரேஷன் தியேட்டர் வளாகத்திற்குள், வேலை நேரத்தில் பாலியல் செயல் நிகழ்ந்ததால் அது தண்டனைக்குரியது. அவர், ஏழை புற்றுநோய் நோயாளிகளுக்கு சிகிச்சை நடக்கும்போது மேற்பார்வையிடவோ அல்லது அறுவை சிகிச்சைகள் செய்யவோ வேண்டிய நேரத்தில், இதுபோன்ற செயலில் ஈடுபட்டது அவமானகரமானது.

2. மாணவர்களுக்கு கற்பிக்கும் அரசாங்க ஆசிரியராகவும், தேசிய மாணவர் அமைப்பில் ஒரு முக்கிய நபராகவும் இருப்பதால், அவரது தவறான செயல்கள் மாணவர்களுக்கு தவறான முன்மாதிரியாக அமைந்துவிடும் அபாயமும் இருக்கின்றன.

3. அவர் தனது பெண் துணை ஊழியர்கள், முதுகலை மாணவர்கள் மற்றும் மருத்துவமனை ஊழியர்களிடமிருந்து, அதே பாலியல் சலுகைகளை எதிர்பார்க்கிறார். அவர் தனது அதிகாரத்தையும் அரசியல் செல்வாக்கையும் பயன்படுத்தி அவர்களை அச்சுறுத்துகிறார். சம்மதிக்க மறுப்பவர்கள் மறைமுகமாக சிக்கலை எதிர்கொள்கிறார்கள். தொடர்ந்து துன்புறுத்தலுக்கு உள்ளாக்கப்படுகிறார்கள். அவர் மருத்துவமனையில் உள்ள அனைத்து பிரிவுகளையும் சேர்ந்த பெண்களுக்கு பாலியல் தொல்லை கொடுக்கிறார். தூய்மைப் பணியாளர்கள் முதல் உதவி பேராசிரியர்கள் வரை 16 முதல் 60 வயது வரையிலான அனைத்து பெண்களும் இவரால் பாலியல் அச்சுறுத்தல்களை எதிர்கொள்கின்றனர்.

அவருக்கு அறநெறி குறித்து எந்தக் கவலையும் இல்லை. அவர் கண் வைத்துவிட்டால் எந்தப் பெண்ணும் பாதுகாப்பாக இருக்க முடியாது. பெண்கள் மற்றும் மனிதகுலத்தின் நலனுக்காக, அவர் தண்டிக்கப்பட வேண்டும். தார்மீக அடிப்படையில் அவர் அரசு மற்றும் மாணவர் அமைப்பிலிருந்து, அனைத்து பதவிகளிலிருந்தும் வெளியேற்றப்பட வேண்டும். ஊடகங்கள் தங்கள் கடமையை செய்யும் என நம்புவதாக" அந்தக் கடிதம் பல ரகசியங்களை அம்பலப்படுத்தியுள்ளது.

புற்றுநோய் நிபுணரான மருத்துவர் சுப்பையா சண்முகம், கீழ்ப்பாக்கம் அரசு மருத்துவமனை புற்றுநோய்த்துறைத் தலைவராக பணியாற்றியவர். 2017 முதல் 2020 வரை ஆர்.எஸ்.எஸ்-ன் மாணவர் அமைப்பான ஏபிவிபி-யின் தேசியத் தலைவராக இருந்துள்ளார். இவருக்கும், அவர் வசிக்கும் குடியிருப்பில் இரண்டாம் தளத்தில் வசித்துவந்த மூதாட்டிக்கும் இடையே பார்க்கிங்கில் வாகனம் நிறுத்துவது தொடர்பாக, கடந்த 2020- ஆம் ஆண்டு ஜூலை மாதம் தகராறு ஏற்பட்டது. இதில் ஆத்திரமடைந்த மருத்துவர் சுப்பையா சண்முகம், மூதாட்டியின் வீட்டு வாசலில் சிறுநீர் கழித்தது பெரும் சர்ச்சையை ஏற்படுத்தியது. இது தொடர்பான, சிசிடிவி காட்சிகள் வெளியான நிலையில், அவர் மீது பெண்களைத் துன்புறுத்துதல், கரோனா விதிமீறல் உள்ளிட்ட மூன்று பிரிவுகளின் கீழ் வழக்குப்பதிவு செய்யப்பட்டது. ஆனால், அதிமுக ஆட்சியில் கைது நடவடிக்கை எடுக்கப்படாமல் இருந்த நிலையில், இரண்டு ஆண்டுகள் கழித்து.. திமுக அரசு பதிவியேற்ற பிறகு, அவரை காவல்துறையினர் கைது செய்தனர். அதேபோல, முதலமைச்சர் வீடு முன் ஆர்ப்பாட்டம் நடத்திய ஏபிவிபி அமைப்பினரை சிறையில் சென்று சந்தித்த மருத்துவர் சுப்பையா சண்முகம், கீழப்பாக்கம் புற்றுநோய் பிரிவு துறைத் தலைவர் பொறுப்பில் இருந்து இடைநீக்கம் செய்யப்பட்டிருந்தார் என்பது குறிப்பிடத்தக்கது.

இந்த நிலையில், சர்ச்சைக்குரிய இந்தக் கடிதம் மற்றும் வீடியோ குறித்து மருத்துவர் சுப்பையா ஷண்முகத்திடம் நாம் தொடர்புகொண்டு பேசியபோது, "அது சித்தரிக்கப்பட்டது. அதுக்கும் எனக்கும் சம்மந்தமில்லை. அனுப்பிய ஆள் யாரென்று விசாரித்து, முழு பின்னணியை விசாரித்து எழுதுவதுதான் பத்திரிகை தர்மம். நான் ஒழுங்கா வேலை பார்க்காட்டியும் திட்டுவேன். அதன்பொருட்டு என்னைப் பிடிக்காதவர்கள் எங்கேயாவது எதையாவது வீடியோ எடுத்து MORPH செய்து போட்டுவிடுகிறார்கள். முழு வீடியோ கிடைத்தால் சொல்லமுடியும் என்றார். அப்போது குறுக்கிட்ட நிரூபர், அந்த வீடியோ இரண்டு மணி நேரம் ஓடுகிறது. அதில் இருப்பது நீங்கள்தானே, அதேபோல சிறுநீர் கழித்த விவகாரத்திலும் உங்களது பெயர் அடிபட்டதே எனக் கேட்க, பதிலளித்த மருத்துவர் சுப்பையா ஷண்முகம், அதில் இருப்பது நான் கிடையாது. சிறுநீர் கழித்த விவகாரத்திலும் நான் சம்மந்தப்படவில்லை. நான் உங்களைப் பார்த்தது கிடையாது. வேண்டுமானால், நேரில் வாங்க பேசலாம்" என முடித்துக்கொண்டார்.

Next Story

மருத்துவர் சுப்பையா கொலை வழக்கு; உயர்நீதிமன்றம் அதிரடி தீர்ப்பு!

Published on 14/06/2024 | Edited on 14/06/2024
Doctor Subbiah case High Court action verdict

கன்னியாகுமரி மாவட்டம், அஞ்சுகிராமம் பகுதியில் உள்ள ரூபாய் 10 கோடி மதிப்பிலான 2.25 ஏக்கர் நிலம் தொடர்பான நிலத்தகராறில், கடந்த 2013 ஆம் ஆண்டு செப்டம்பர் மாதம் 9 ஆம் தேதி அன்று சென்னை ராஜா அண்ணாமலைபுரத்தில் பட்டப்பகலில் பொதுமக்கள் நடமாட்டமிக்க பகுதியில் நரம்பியல் மருத்துவர் சுப்பையா கூலிப்படையினரால் கொல்லப்பட்டார். இந்த சம்பவம் தமிழ்நாட்டையே உலுக்கியது. இது குறித்து தகவல் அறிந்து சம்பவ இடத்திற்கு விரைந்த காவல்துறை அதிகாரிகள், சம்பவம் நடந்த பகுதியில் இருந்த சிசிடிவி கேமராக்களை ஆய்வு செய்தனர். அதில் கொலை சம்பவம் தொடர்பான காட்சிகள் பதிவாகியிருந்தது.

அதனை அடிப்படையாகக் கொண்டு விசாரித்த காவல்துறையினர், ஜேம்ஸ் சதீஷ்குமார், பொன்னுசாமி, மேரி புஷ்பம், போரிஸ், வில்லியம்ஸ், பேசில், யேசுராஜன், முருகன், ஐயப்பன், செல்வ பிரகாஷ் உள்ளிட்ட 10 பேரை கைது செய்து விசாரணை நடத்தினர். பின்பு அவர்கள் நீதிமன்றத்தின் உத்தரவின் பேரில் சிறையில் அடைக்கப்பட்டனர். இது தொடர்பான வழக்கு விசாரணை சென்னை முதலாவது கூடுதல் அமர்வு நீதிமன்றத்தில் நடைபெற்றது. 

Doctor Subbiah case High Court action verdict

இதனிடையே, கைது செய்யப்பட்டவர்களில் ஒருவரான ஐயப்பன் என்பவர் அப்ரூவர் ஆனார். அதைத் தொடர்ந்து, அவர் அளித்த வாக்குமூலத்தை அடிப்படையாக வைத்து உறவினர்கள் 4 பேர், கூலிப்படையினர் 5 பேர் என மொத்தம் 9 பேர் குற்றவாளிகள் என்று நீதிபதி அல்லி கடந்த 2021 ஆம் ஆண்டு ஆகஸ்ட் மாதம் 4 ஆம் தேதி (04.08.2021) தீர்ப்பளித்தார். அதன்படி, பொன்னுசாமி, பாசில், வில்லியம்ஸ், ஜேம்ஸ் சதீஷ்குமார், போரிஸ், முருகன், செல்ல பிரகாஷ் ஆகிய 7 பேருக்குத் தூக்குத் தண்டனை விதிக்கப்பட்டது. மேலும், மேரி புஷ்பம், யேசுராஜன் ஆகிய இருவருக்கும் இரட்டை ஆயுள் தண்டனை விதிக்கப்பட்டது.

இந்தத் தீர்ப்பை எதிர்த்து சென்னை உயர்நீதிமன்றத்தில் மேல்முறையீடு செய்யப்பட்டது. இந்நிலையில் இந்த வழக்கில் உயர் நீதிமன்றம் இன்று (14.06.2024) அதிரடி உத்தரவை பிறப்பித்துள்ளது. அதில் மருத்துவர் சுப்பையா கொலை செய்யப்பட்ட வழக்கில் இருந்து குற்றவாளிகள் அனைவரும் விடுதலை செய்யப்பட்டுள்ளனர். அதன்படி 7 பேருக்கு விதிக்கப்பட்ட மரண தண்டனை, 2 பேருக்கான ஆயுள் தண்டனையைச் சென்னை உயர்நீதிமன்றம் ரத்து செய்துள்ளது.