Skip to main content

ஒட்டுமொத்த மாணவர்களையும் கலங்க வைத்த ஆசிரியரின் மரணம்!

Published on 05/01/2024 | Edited on 05/01/2024
passed away of the teacher who disturbed all the students

புதுக்கோட்டை மாவட்டம் குளமங்கலம் வடக்கு கிராமத்தைச் சேர்ந்தவர் மதி. பிரபாகரன் (வயது 40). ஏழ்மையான விவசாயக் குடும்பத்தில் பிறந்து அரசுப் பள்ளிகளில் படித்து முதல் தலைமுறை பட்டதாரியாகி போட்டித் தேர்வை எதிர்கொண்டு சமூக அறிவியல் பட்டதாரி ஆசிரியராக கீரமங்கலம் அரசு ஆண்கள் மேல்நிலைப் பள்ளியில் பணியில் சேர்ந்தார்.

பள்ளியில் ஆசிரியராகப் பணி ஏற்ற பிறகு தனது பாடத்தில் கவனம் செலுத்துவதுடன், தனது வகுப்பு மாணவர்கள் மட்டுமின்றி பள்ளியில் உள்ள அத்தனை மாணவர்களிடமும் பாசமாக இருந்துள்ளார். பள்ளி நிர்வாகப் பணிகளிலும் தன்னை ஈடுபடுத்திக் கொண்டவர் மாணவர்களை போட்டித் தேர்வுகளுக்குத் தயாராகும் வழிமுறைகளையும் சொல்லிக் கொடுத்து பள்ளி மட்டுமின்றி பள்ளிக்கு வெளியே பெற்றோர்களிடமும் நற்பெயரையும் சம்பாதித்து வைத்துள்ளார். சில ஆண்டுகளுக்கு முன்பு திருமணமாகி 2 வயதில் ஒரு ஆண் குழந்தை உள்ளது.

சில நாட்களாக சோல்டர் வலி ஏற்பட்டு சிகிச்சைக்கு சென்று வந்தவருக்கு வியாழக்கிழமை இரவு திடீரென வயிற்றுவலியும் ஏற்பட கீரமங்கலத்தில் ஒரு தனியார் கிளினிக்கில் முதலுதவி சிகிச்சை பெற்று அறந்தாங்கி தனியார் மருத்துவமனைக்கு சென்றவருக்கு நாடித் துடிப்புகள் குறையத் தொடங்கி இருந்தது. அறந்தாங்கியில் அவசரச் சிகிச்சை அளித்து மேல்சிகிச்சைக்காக ஆம்புலன்சில் திருச்சி கொண்டு செல்லும் வழியில் பரிதாபமாக உயிரிழந்துள்ளார்.

passed away of the teacher who disturbed all the students

அதிகாலையில் ஒரு இளம் ஆசிரியரின் மரணச் செய்தி கேட்டு ஆசிரியர்களும், மாணவர்களும், பெற்றோர்களும் கலங்கிப் போனார்கள். உயிரிழந்த ஆசிரியரின் உடல் அவரது சொந்த ஊருக்குக் கொண்டு வரும் முன்பே கலங்கிய கண்ணீரோடும், கைகளில் மாலையோடும் காத்திருந்தனர் மாணவர்கள். “எல்லாருகிட்டயும் அன்பை கொட்டி பேசுவீங்ளே சார், எல்லாரும் நல்லா படிச்சு என்னைப் போல போட்டித் தேர்வுல பாசாகி வேலைக்கு வரணும். அதுக்கு போட்டித் தேர்வுகளை எப்படி எதிர்கொள்ளணும் என்று சொல்லிக் கொடுத்தீங்க... இனி யாரு சார் சொல்லிக் கொடுப்பாங்க...” என்று கதறி அழுத மாணவர்களைத் தேற்றினர். பள்ளிக்கூடத்தில் மாணவர்களுக்கு உதவிகள் செய்ததோட வெளியிலயும் நட்பா பழகுவார் எங்க சார் என்றனர்.

இதே போல சக ஆசிரியர்களும், உறவினர்களும், நண்பர்களும் பிரபாகரன் இழப்பை ஏற்க முடியல என்றனர். சமீப காலமாக நல்ல மருத்துவர்களை, நல்ல மாணவர்களை, நல்ல விளையாட்டு மாணவர்களை இழந்து வந்த நாம் நல்ல ஆசிரியரையும் இழந்துவிட்டோம் என்று கதறினர் சில இளைஞர்கள்.

சார்ந்த செய்திகள்

Next Story

வாழைமரம் தோரணங்களோடு தயாரான மாதிரி வாக்குப் பதிவு மையம்!

Published on 18/04/2024 | Edited on 18/04/2024
Voting registration center ready with banana trees

உலகின் மிகப்பெரிய ஜனநாயக திருவிழாவான இந்திய நாட்டின் 18ஆவது நாடாளுமன்றத் தேர்தல் நாடுமுழுவதும் களைகட்டி வருகிறது. அதன்படி முதற்கட்டமாக ஏப்ரல் 19 ஆம் தேதி(நாளை) தமிழ்நாட்டில் வாக்குப்பதிவு நடைபெறவுள்ளது. நாடாளுமன்றத் தேர்தல் பரபரப்புரை பரபரப்புகள் அடங்கியுள்ள நிலையில் ஆங்காங்கே வாக்குச் சாவடிகள் தயாராகிவிட்டது. மாதிரி வாக்குச் சாவடி என்று ஒவ்வொரு சட்டமன்றத் தொகுதிக்கும் சில வாக்குச் சாவடிகள் அமைக்கப்பட்டுள்ளது.

Voting registration center ready with banana trees

புதுக்கோட்டை மாவட்டம் கீரமங்கலம் அரசு ஆண்கள் மேல்நிலைப் பள்ளியில் உள்ள வாக்குச் சாவடியில் ஒரு வாக்குச் சாவடியைத் தேர்வு செய்து மாதிரி வாக்குச் சாவடியாக அமைக்கப்பட்டுள்ளது. வாக்குப் சாவடிக்கு முன்பு வாழை மரம், தோரணங்கள் கட்டி வாசலில் வண்ணக் கோலமிட்டு பூ, பழம் தாம்பூலம் தட்டுடன் இனிப்பு வழங்கி வாக்குப் பதிவுக்கு வரும் வாக்காளர்களை வரவேற்று வாக்குப் பதிவுக்கு அனுப்பும் வண்ணம், வாக்குப் பதிவு மையத்திற்குள் விழா கூடம் போல அலங்காரம் செய்யப்பட்டுள்ளது.

ஏற்பாடுகளை கீரமங்கலம் பேரூராட்சி செயல் அலுவலர் இளவரசி மற்றும் பேரூராட்சி பணியாளர்கள் செய்துள்ளனர்.

Next Story

17 ஆம் நூற்றாண்டைச் சேர்ந்த போர் வீரனின் நடுகல் கண்டுபிடிப்பு!

Published on 18/04/2024 | Edited on 18/04/2024
17th century warrior headstone Kantipudi

சேலம் மாவட்டம், மாதநாயக்கன்பட்டி பெருந்தலைவர் காமராசர் நினைவு அரசு மேல்நிலைப்பள்ளி தொன்மை பாதுகாப்பு மன்றத்தின் தலைவர் தலைமை ஆசிரியர், பொறுப்பு ஆசிரியர்களாக அன்பரசி, விஜயகுமார் ஆகியோர் உள்ளனர். இப்பள்ளி மாணவர்கள் கொடுத்த தகவலின்படி ஆசிரியர்களும், மாணவர்களும் களப்பயணத்தின் போது வீரனின்  நடுகல்  ஒன்று கண்டறியப்பட்டது.

பொது ஆண்டு 17 ஆம் நூற்றாண்டைச் சேர்ந்த இந்த நடுகல்லில் எழுத்துகள் எதுவும் இல்லை. கல்பூமியின் மேற்பரப்பில் 2 அடி உயரமும் 1.5  அடி அகலம் கொண்டது. இந்த நடுகல்லை சுற்றி கல்திட்டை போன்ற அமைப்பும் உள்ளது . நடுகல்லில் போர் வீரனின் சிற்பம்  உள்ளது.
வேட்டைக்கு சென்று இறந்ததற்காக எடுக்கப்பட்ட நடுகல்லாக இருக்கலாம். ஆலிடாசனம் நிலையில் வில்லில் நாணில் அம்பு எய்துவது போன்றும், இடுப்பில் குரு வாளும், காதில் பத்ர குண்டலமும்,   கழுத்தில் சரப்பளி, சவுடி, முத்தாரம் அணிகலன் அணிந்திருப்பது  போன்றும் கையில் தோள்வளை  இருப்பது போன்ற உருவமைப்பு உள்ளது.

17th century warrior headstone Kantipudi

இப்பகுதி தாருகாவனத்திற்க்கு அருகில் இருப்பதால்  இந்த வீரன் வேட்டுவ தலைவனாக இருக்கலாம். இந்த நடுகல் எல்லாம் அவர்களின் நினைவைப் போற்றும் வகையில் வைக்கப்பட்டதாகும்.  தொன்மை பாதுகாப்பு மன்றத்தின் சார்பாக தொல்லியல் சார்ந்த வரலாற்று தகவல்களையும், அதனை பற்றிய விழிப்புணர்வையும் இன்றை இளைய தலைமுறை மாணவர்களுக்கு கொண்டு சேர்ப்பது தான் தொன்மை பாதுகாப்பு மன்றத்தின் நோக்கமாகும் என்கின்றனர் தொன்மை பாதுகாப்பு மன்ற ஆசிரியர்கள்.