Skip to main content

மக்கள் குறைதீர் கூட்டத்திற்கு அதிவேகமாக வந்த ஆம்புலன்ஸ்! ஸ்ட்ரக்சரில் படுத்தபடி மனு கொடுத்த மூதாட்டி

Published on 08/08/2023 | Edited on 08/08/2023

 

Old lady who gave the petition to the Vellore collector lay in the structure
மாதிரி படம் 

 

வேலூர் மாவட்ட ஆட்சியர் அலுவலகத்தில் நேற்று (7ம் தேதி) மக்கள் குறைதீர்வு கூட்டம் நடைபெற்றது. இதற்கு மூதாட்டி ஒருவர் ஆம்புலன்ஸில் வந்து ஆட்சியரிடம் மனு கொடுத்தார். 

 

வேலூர் மாவட்டம், வசந்தபுரம் பகுதியைச் சேர்ந்த ஓய்வு பெற்ற பள்ளி தலைமை ஆசிரியர் வித்தியாவதி. இவருக்கு செந்தமிழ் செல்வி மற்றும் தமிழ்ச்செல்வி என இரண்டு மகள்கள் உள்ளனர். இருவருக்கும் திருமணம் ஆகிவிட்டது. மூத்த மகள் திருவண்ணாமலை மாவட்டம், செய்யாறு பகுதியில் வசித்து வருகிறார். வித்தியாவதியின் கணவர் இறந்துவிட்டதால் அவர் தனியாக வசித்து வருகிறார். 

 

இந்நிலையில் நேற்று மாவட்ட ஆட்சியர் அலுவலகத்தில் நடந்த குறைதீர் கூட்டத்திற்கு ஆம்புலன்ஸில் வந்து ஸ்ட்ரக்சரில் இருந்தபடியே வித்தியாவதி, ஆட்சியரைச் சந்தித்து ஒரு மனு கொடுத்தார். 

 

அந்த மனுவில், “மூத்த மகள் செந்தமிழ் செல்வி, எனது சொத்துக்களை உயில் எழுதுவதாகக் கூறி கடந்த 2020 ஆம் ஆண்டு குடியாத்தம் சார்பதிவாளர் அலுவலகத்துக்கு என்னைத் தூக்கி சென்று கட்டாயப்படுத்தி சொத்துக்களை ஏமாற்றி எழுதி வாங்கிக்கொண்டார். அதன்பின் என்னை கவனிக்காமல் கொடுமைப்படுத்தி வருகிறார். என்னை சிகிச்சைக்காக மருத்துவமனைக்கு கொண்டு செல்லாமல் கொலை செய்ய முயற்சிக்கிறார். என்னை ஏமாற்றி வாங்கிக் கொண்ட சொத்துக்களை மீட்டு தர வேண்டும். என்னை கொடுமைப்படுத்திய முதல் மகள் மீது உரிய நடவடிக்கை எடுக்க வேண்டும்” என வலியுறுத்தியுள்ளார். 

 

இந்த மனுவை பெற்றுக்கொண்ட மாவட்ட ஆட்சியர், இதனை விசாரித்து ஒரு மாத காலத்திற்குள் நடவடிக்கை மேற்கொள்ளப்படும் என உறுதி அளித்து அனுப்பி வைத்தார். மக்கள் குறைதீர்வுக் கூட்டத்திற்கு ஆம்புலன்ஸில் வந்து மனு கொடுத்த மூதாட்டியால் மாவட்ட ஆட்சியர் அலுவலகம் திடீரென பரபரப்பாகிவிட்டது. ‌

 

 

 

சார்ந்த செய்திகள்

 

Next Story

தம்பியின் உடலை மீட்டுத் தாருங்கள்; ஆட்சியர் காலில் விழுந்து கதறிய அக்கா

Published on 11/07/2024 | Edited on 11/07/2024
sister asked collector to return body of her brother who passed away in Malaysia

வேலூர் மாவட்டம் காட்பாடி அடுத்த சேவூர் பகுதியைச் சேர்ந்தவர் அனுன் தேவராஜ் (39). இவர் எலக்ட்ரீசியன் வேலை தேடி மலேசியா சென்ற நிலையில் அங்கு இன்று காலை திடீரென உயிரிழந்துள்ளார். அவரது உடலை மீட்டுத்தரக்கோரி இன்று காட்பாடி அடுத்த சேவூர் பகுதியில் நடைபெற்ற ஊரகப் பகுதிகளில் மக்களுடன் முதல்வர் நிகழ்ச்சியில் மனு அளிக்க வந்த உயிரிழந்த அணு தேவராஜன் சகோதரி விக்டோரியா மாவட்ட ஆட்சியர் சுப்புலட்சுமி காலில் விழுந்து கதறி விழுந்த காட்சி அனைவரையும் சோகத்தில் ஆழ்த்தியது.

“எப்படியாவது எனது தம்பியின் உடலை மீட்டுத் தாருங்கள்..” எனக் கோரிக்கை வைத்து மயக்கம் அடைந்து கீழே விழுந்ததால் அவரை மருத்துவர்கள் பரிசோதித்துப் பிறகு அங்கிருந்து ஆம்புலன்ஸ் மூலமாக மருத்துவமனைக்கு சிகிச்சையாக அழைத்துச் சென்றனர். இங்கிருந்து தூதரகத்திற்கு தகவல் கொடுக்கப்பட்டுள்ளது. விரைவில் நடவடிக்கை எடுக்கப்படும் என மாவட்ட ஆட்சியர் பதிலளித்துள்ளார்.

Next Story

நீர் நிலைகளில் குப்பை கொட்டுவதால் நிலத்தடி நீர்மட்டம் பாதிப்பு; பொதுமக்கள் வேதனை 

Published on 10/07/2024 | Edited on 10/07/2024
Damage to ground water table due to dumping of garbage in water bodies

வேலூர் மாவட்டம் வேலூர் மாநகராட்சிக்கு உட்பட்ட ஒன்றாவது மண்டலம் 15 வார்டு பகுதிகளில் உள்ள குப்பைகளைச் சேகரித்து அரசு முறையான இடம் தேர்வு செய்து அதற்கான இடத்தில் குப்பை கழிவுகளை கொட்டாமல் அதற்கான இடமும் தேர்வு செய்யாமல் காட்பாடி தாராப்படுவேடு ஏரியில் எடுத்துச் சென்று கொட்டி மலைபோல் குவித்து தீட்டு கொளுத்தி வருகின்றனர். இதனால் ஏரியில் நிலத்தடி நீர்மட்டம் பாதிக்கப்பட்டு ஏரியின் அருகாமையில் உள்ள குடியிருப்பு பகுதிகளில் புகைமண்டலமாக காட்சியளிப்பதால் துர்நாற்றம் வீசுகின்றது.

இதன் காரணமாக பொதுமக்கள் மிகுந்த பாதிப்புக்கு உள்ளாகின்றனர். எனவே சம்பந்தப்பட்ட அலுவலர்கள் மாநகராட்சி கழிவுகளை கொட்டுவதற்கு சரியான இடத்தை தேர்வு செய்து அதற்கான இடத்தில் குப்பைகளை கொட்டி பாதுகாப்பு ஏற்பாடுகள் செய்தால் பொதுமக்களுக்கு எந்தவித பாதிப்பும் ஏற்படாமல் இருக்கும் என அப்பகுதியில் பொதுமக்களும் விவசாயிகளும் கோரிக்கை வைக்கின்றனர்.