Skip to main content

13 பெண்கள்; 30 பாதிரியார்கள் - பெனிட்டிக் ஆன்டோ வழக்கில் அடுத்தடுத்து வெளியாகும் அதிர்ச்சி தகவல்கள் 

Published on 23/03/2023 | Edited on 23/03/2023

 

next shocking information in the benedict anto case

 

கன்னியாகுமரி மாவட்டம் விளவங்கோடு பகுதிக்கு உட்பட்ட கொல்லங்கோடு சூழால் பாத்திமா நகரைச் சோ்ந்தவா் பாதிரியார் பெனிட்டிக் ஆன்டோ. இவர் சர்ச்சுக்கு வரும் பெண்களிடம் தவறாகப் பேசி நெருங்கிப் பழகியதாகக் கூறி பல்வேறு வீடியோக்கள் வெளியாகின. நூற்றுக்கணக்கான பெண்களை இதுபோல திட்டம்போட்டு ஏமாற்றியுள்ளதாகவும் புகார் கூறப்பட்டது.

 

முதலில் பெண்களிடம் நல்லவர் போல பழகி அறிமுகமாகிக் கொள்ளும் பாதிரியார், நாளடைவில் தனது உண்மையான முகத்தைக் காட்டத் தொடங்கிவிடுவார். மெசேஜில் வசியம் செய்யும் வகையில் பேசி அவர்களை நம்ப வைத்து தன் வலையில் எளிதில் வீழ்த்திவிடும் பாதிரியார்., அவர்களுடன் தனியாக இருப்பதை பத்திரமாக வீடியோவாகவும் ஃபோட்டோவாகவும் எடுத்து வைத்திருந்துள்ளார். இதைத் தனது லேப்டாப்பில் பதிவேற்றம் செய்துகொண்ட பாதிரியார், யாருமில்லா தனியறையில் அமர்ந்து இதையெல்லாம் பார்த்து ரசிப்பது வழக்கமாம். அதுபோல், சம்பந்தப்பட்ட பெண்களை மீண்டும் கூப்பிட்டு மிரட்டி காரியம் சாதித்துக் கொண்டதாகவும் புகார் கூறப்பட்டது.

 

இப்படி பல பெண்களிடம் ஃபோனிலும் நேரிலும் பேசியுள்ள பாதிரியார்., அவர்களை தான் விரும்புவதை  போல செய்யச் சொல்லி அனைத்தையும் ஸ்க்ரீன்ஷாட்டுகளாக எடுத்து வைத்துக் கொண்டிருந்துள்ளார். 200 வீடியோக்களை தாண்டி பாதிரியார் பாதுகாத்திருந்த ஆபாச விளையாட்டுகள் அனைத்தும் சமீபத்தில் லீக்காகி தமிழகத்தையே அதிர வைத்தது. வீடியோ வெளியானதும் பாதிரியார் தலைமறைவானார். இதையடுத்து, அவரை தீவிர தேடுதலுக்கு பிறகு போலீசார் கைது செய்தனர். பாதிரியார் பெனிட்டிக் ஆன்டோ போலீசில் சிக்கியிருக்கும் நிலையில், அவரது ஆபாச லீலைகள் சங்கிலி தொடா் போல் நீண்டுகொண்டே போவது போலீசாரை வியப்பில் ஆழ்த்தியுள்ளது.

 

சைபா் க்ரைம் போலீசார் விசாரணை மேற்கொண்டபோது, "உண்மையை சொல்ல மறுத்த பாதிரியார்., பெண்கள் யாரையும் நான் கட்டாயப்படுத்தவில்லை. அவர்களே விருப்பப்பட்டுத்தான் அப்படி என்னிடம் நடந்து கொண்டார்கள்" எனக் கூறியுள்ளார். போலீசாரின் 9 மணி நேர தீவிர விசாரணையில் இதை மட்டும் தான் கூறியிருக்கிறார். இந்த நிலையில் நாகர்கோவில் ஜே.எம். 2 மாஜிஸ்திரேட் உத்தரவுப்படி 15 நாட்கள் நீதிமன்ற காவலில் நாகர்கோவில் சப்-ஜெயிலில் பாதிரியார் அடைக்கப்பட்டுள்ளாா். இதைத் தொடர்ந்து, பாதிரியாரின் தொடா்பில் இருந்த இளம் பெண்களும் குடும்ப பெண்களும் மற்ற இளம் பாதிரியார்களும் கலக்கத்தில் உள்ளனர்.

 

இது குறித்து நம்மிடம் பேசிய மலங்கரை கத்தோலிக்க சபையை சேர்ந்த மூத்த பாதிரியார் ஒருவர், "பெனிட்டிக் ஆன்டோவை மலங்கரை கத்தோலிக்க சபையில் இருந்து தற்காலிக நீக்கம் செய்தவுடன் அவர் தலைமறைவானார். இதைத் தொடர்ந்து கோட்டயத்தில் இருக்கும் மலங்கரை கத்தோலிக்க தலைமை சபைக்கு சுமார் 20-க்கும் மேற்பட்ட இளம் பாதிரியார்கள் சென்று இருக்கிறார்கள். இவர்கள் எல்லாம் பெனிட்டிக் ஆன்டோவுடன் சேர்ந்து திருத்தொண்டர் பட்டம் பெற்று பல்வேறு சபையில் பணியில் இருப்பவர்கள். இந்த விசயத்தில் இவா்களுக்கும் தொடர்பு இருக்குமா? என்ற சந்தேகம் எழுந்த நிலையில் அவா்களாக முன்வந்து நேரில் விளக்கம் கொடுத்ததாகக் கூறப்படுகிறது. எனக்கு தெரிந்தளவில் இளம் வயதிலே பாலியல் புகாரில் சிக்கிய முதல் பாதிரியார் இவா்தான். இவரால் ஒட்டு மொத்த மலங்கரை கத்தோலிக்க சபைக்கும் அவப்பெயர் ஏற்பட்டுள்ளது. பெனிட்டிக் ஆன்டோவை தற்காலிக நீக்கம் போதாது திருத்தொண்டர் பட்டத்தை திரும்ப பெற்று நிரந்தரமாக நீக்க வேண்டும்" என்றார் மலங்கரை கத்தோலிக்க சபையை சேர்ந்த மூத்த பாதிரியார்.

 

இந்த நிலையில் சைபர் க்ரைம் போலீசாரால் கைப்பற்றப்பட்டு இருக்கும் பாதிரியாருடைய 3 செல்போன்களில், ஒரு வாட்ஸ் அப் க்ரூப்பில் 30 பாதிரியார்களும் 13 பெண்களின் பெயர்களும் இருக்கிறது எனச் சொல்லப்படுகிறது. இந்த பெண்கள் யார் யார் என்ற விசாரணையும் தீவிரமாகியிருக்கிறது. அந்த க்ரூப்பில் ஆபாச படங்கள் மற்றும் வீடியோக்களை தவிர வேறு எதுவும் பகிரப்படவில்லையாம். அதில் பள்ளி, கல்லூரி மாணவிகளும் குடும்ப பெண்களின் வீடியோக்களும்தான் இருக்கின்றன எனும் தகவல் மேலும் பரபரப்பை அதிகரித்துள்ளது.

 

இந்த நிலையில் திருவனந்தபுரம் நெய்யாற்றின்கரையைச் சேர்ந்த பிரபல பெண் மருத்துவா் ஒருவர் பாதிரியாருடன் தொடர்பில் இருந்துள்ளார். அவர், பாதிரியார் பணிபுரிந்த சபைகளுக்கு அடிக்கடி வந்துள்ளார். அந்த பெண் மருத்துவர் இன்னொரு கிறிஸ்தவ பிரிவை சோ்ந்தவர். இந்த மருத்துவர், பாதிரியாரால் பாதிக்கப்பட்டு கருவுற்ற பெண்களின் கருவை கலைக்க உடந்தையாக இருந்திருப்பார் என்ற சந்தேகமும் ஏற்பட்டுள்ளது. இதற்கும் போலீஸ் விசாரணையில் முடிவு தெரிந்துவிடும் என்கின்றனர் விவரம் அறிந்தவர்கள்.

 

 

 

சார்ந்த செய்திகள்

 

Next Story

அண்ணனை கொலை செய்த தம்பி; உடந்தையாக இருந்த தாயும் கைது

Published on 22/07/2024 | Edited on 22/07/2024
The brother who attack his brother; The accomplice mother was also arrested

குடிபோதையில் தாயிடம் தகராறு செய்த அண்ணனை தம்பி கொலை செய்ததும், அதற்கு உடந்தையாக இருந்த தாயும் கைது செய்யப்பட்ட சம்பவம் திருச்சியில் பரபரப்பை ஏற்படுத்தியுள்ளது.

திருச்சி பீமநகர் சேர்ந்தவர் பர்வீன் பானு (வயது 48). இவருக்கு தமிமுன் அன்சாரி (வயது 33), சையது அபுதாஹிர் ( 29) ஆகிய 2 மகன்கள் உள்ளனர். இதில் மூத்த மகன் தமிமுன் அன்சாரி ஆட்டோ டிரைவராகவும், டீ மாஸ்டராகவும் பணிபுரிந்து வந்தார். இவருக்கு கடந்த 2017 ஆம் ஆண்டு திருமணம் நடைபெற்றது. 5 வயதில் ஆண் குழந்தை ஒன்று உள்ளது.

குடி போதைக்கு அடிமையான தமிமுன் அன்சாரியின் நடவடிக்கை பிடிக்காததால் அவரது மனைவி அவரை விட்டு பிரிந்து சென்று விட்டார். அதன் பின்னர் தினமும் தமிமுன் அன்சாரி தனது தாயிடம் குடிப்பதற்கு பணம் கேட்டு தகராறு செய்து வந்தார். நேற்று இரவு தனது தாயிடம் பணம் கேட்டு தகராறில் ஈடுபட்டு அடிக்க முயன்றதாக கூறப்படுகிறது.

இதனைக் கண்ட தம்பி சையது அபுதாஹிர் வீட்டில் இருந்த  அரிவாளால் தமிமுன் அன்சாரியின் தலையில் வெட்டினார். இருப்பினும் ஆத்திரம் அடங்காமல் அவரது கழுத்தில் மின்வயரை சுற்றி இறுக்கினார். இதில் மூச்சுத்திணறி சம்பவ இடத்திலேயே தமிமுன் அன்சாரி இறந்து விட்டார். விபரீதத்தை உணர்ந்த பர்வீன் பானு அதிகாலை 4 மணி அளவில் யாரும் அறியாத வகையில் சையது அபுதாகீருடன் சேர்ந்து தமிமுன் அன்சாரியின் உடலை அவரது ஆட்டோவிலேயே ஏற்றிக்கொண்டு கொள்ளிடம் ஆற்றில் நீரில் போட்டு விட்டு வர முடிவு செய்தார்.

அதன்படி கொள்ளிடம் ஆற்றுப் பாலத்தில் உடலை இறக்கும் போது இருசக்கர வாகனங்கள் வரவே உடலை அங்கேயே போட்டுவிட்டு ஆட்டோவில் தப்பி விட்டனர்.இதுகுறித்து தகவல் அறிந்த ஸ்ரீரங்கம் போலீசார் சம்பவ இடத்திற்கு விரைந்து சென்று இறந்த உடலை மீட்டு ஸ்ரீரங்கம் அரசு மருத்துவமனைக்கு அனுப்பி வைத்து தீவிர விசாரணை மேற்கொண்டனர்.பாலத்தில் இருந்த சிசிடிவி கேமரா பதிவினை ஆய்வு செய்து ஆட்டோ நம்பரை கண்டுபிடித்தனர். பின்னர் ஆட்டோ உரிமையாளர் யார்?  மாநகர  சிசிடிவி கேமரா பதிவின் அடிப்படையில் கொலையாளிகள் பர்வீன் பானு மற்றும் சையது அபுதாகிர் என உறுதி செய்தனர்.

இதனைத் தொடர்ந்து வீட்டில் பதுங்கி இருந்த இருவரையும் கைது செய்து தீவிர விசாரணை மேற்கொண்டு வருகின்றனர்.

Next Story

ரவுடி என்கவுண்டர்; ஆயுதங்களை ஒப்படைத்த போலீசார்

Published on 22/07/2024 | Edited on 22/07/2024

 

Rowdy Encounter; Surrender of arms to court

 

தமிழ்நாட்டில் பரபரப்பை ஏற்படுத்திய ஒரு சம்பவம் திருச்சி ரவுடி வண்ணாரப்பேட்டை துரை என்கிற துரைசாமி  என்கவுண்டர். கடந்த வாரம் புதுக்கோட்டை மாவட்டம் திருவரங்குளம் - வம்பன் இடையே தனியார் வேளாண் கல்லூரி எதிரே உள்ள வனத்துறைக்கு சொந்தமான தைலமரக்காட்டில் ரவுடி துரை என்கவுண்டர்  செய்யப்பட்டார்.

இது குறித்து ஆலங்குடி போலிசாரின் முதல் தகவல் அறிக்கையில்,  'திருவரங்குளம் - வம்பன் இடையே உள்ள தைலமரக்காட்டில் மர்ம நபர்கள் பதுங்கி இருப்பதாக தகவல் கிடைத்து ஆலங்குடி காவல் ஆய்வாளர் முத்தையா தலைமையிலான போலீசார் அங்கு சென்று சோதனை செய்தனர். அப்போது மறைந்திருந்த திருச்சி ரவுடி வண்ணாரப்பேட்டை துரை என்கிற துரைசாமி மற்றுமொரு நபர் போலீசாரை தாக்க முயன்ற போது போலீசார் சரணடையச் சொல்லியும் கேட்காமல் துரை நாட்டுத் துப்பாக்கியால் போலீசாரை நோக்கி சுட்டார். அரிவாளை காட்டி மிரட்டியதோடு பிடிக்க முயன்ற உதவி ஆய்வாளர் மகாலிங்கத்தை முயன்றார். ஆய்வாளர் முத்தையா தற்காப்பிற்காக சுட்டதால் ரவுடி துரை உயிரிழந்தார்.

உடனிருந்த நபர் தப்பி ஓடிவிட்டார்' என பதிவு செய்யப்பட்டிருந்தது. சம்பவ இடத்தை தொடர்ந்து போலீசார் பாதுகாத்து வரும் நிலையில் ரவுடி துரையிடம் இருந்து கைப்பற்றப்பட்ட சிங்கிள் பேரல் துப்பாக்கி மற்றும் அரிவாளை ஆலங்குடி போலீசார் இன்று ஆலங்குடி நீதிமன்றத்தில் ஒப்படைத்தனர். மேலும் சம்பவ இடத்தை மனித உரிமை அமைப்பினர் ஆய்வு செய்ய வேண்டியுள்ளதால் பாதுகாப்பு தொடர்கிறது.