Skip to main content

மு.க.ஸ்டாலினுக்கு கமல்ஹாசன் பிறந்தநாள் வாழ்த்து!

Published on 01/03/2020 | Edited on 01/03/2020

திமுக தலைவர் மு.க.ஸ்டாலினின் 67- வது பிறந்த நாளை முன்னிட்டு பல்வேறு அரசியல் கட்சித் தலைவர்களும் அவருக்கு வாழ்த்துக்களை தெரிவித்து வருகின்றனர்.

mkstalin birthday makkal needhi maiam kamalhassan tweet

அதன் தொடர்ச்சியாக மக்கள் நீதி மய்யம் கட்சித் தலைவரும், நடிகருமான கமல்ஹாசன் தனது ட்விட்டர் பதிவில், "அன்பு சகோதரர் ஸ்டாலினுக்கு இனிய பிறந்த நாள் வாழ்த்துக்கள். தமிழகத்தில் நடக்கும் அநீதிகளுக்கு எதிராகவும், மக்களுக்காகவும் உங்கள் குரல் இன்னும் நிறைய நாட்கள் ஒலித்திட எனது வாழ்த்துக்கள்" என்று குறிப்பிட்டுள்ளார். 
 

சார்ந்த செய்திகள்

 

Next Story

‘கல்கி படத்தில் நடிக்கச் சம்மதிக்க ஒரு வருடம் எடுத்துக் கொண்டது ஏன்?’ - கமல்ஹாசன் தகவல்

Published on 25/06/2024 | Edited on 25/06/2024
Kamal Haasan informs Why did he take a year to act in Kalki?

தெலுங்கு முன்னணி நடிகரான பிரபாஸ் கதாநாயகனாக நடித்திருக்கும் படம், ‘கல்கி 2898 ஏ டி’. இயக்குநர் நாக் அஸ்வின் இயக்கும் இப்படத்தை வைஜெயந்தி மூவிஸ் தயாரிக்கிறது. இந்தப் படத்தில் அமிதாப் பச்சன், கமல்ஹாசன், தீபிகா படுகோன், திஷா பதானி, அன்னா பென் உள்ளிட்ட பல முன்னணி நட்சத்திரங்கள் நடிக்கின்றனர். பான் இந்தியா படமாக உருவாகும் இப்படம் தெலுங்கு, தமிழ், கன்னடம், ஹிந்தி உள்ளிட்ட மொழிகளில் திரைக்கு வரவிருக்கிறது.

இந்தியா முழுவதும் பெரும் எதிர்பார்ப்பில் இருக்கும் இந்தப் படத்தின் டிரைலர் சமீபத்தில் வெளியாகி ரசிகர்கள் மத்தியில் பெரும் வரவேற்பை பெற்றது. அந்த டிரைலரில், வயதான தோற்றத்தில் ஏற்று நடித்திருக்கும் கமல்ஹாசன் இந்தப் படத்தில் வில்லனாக நடிக்கிறார் என்று கூறப்படுகிறது. இந்தப் படம் வருகிற ஜூன் 27ஆம் தேதி திரைக்கு வெளிவர இருக்கிறது. 

விரைவில் வெளியாகவுள்ள இப்படத்தின் புரோமோசனுக்காக படக்குழு பல இடங்களில்  பேட்டி அளித்து வருகின்றனர். அந்த வகையில் சில தினங்களுக்கு முன்பு மும்பையில் இப்படத்தின் படக்குழு புரோமோசன் பணியில் ஈடுபட்டது. அதில், பிரபாஸ், கமல்ஹாசன், அமிதாப் பச்சன், தீபிகா படுகோன் உள்ளிட்டோர் கலந்துகொண்டனர். அப்போது, கமல்ஹாசனின் தேர்வு குறித்து தலைப்பு எழுந்தது. அதற்கு பிரபாஸ், ‘இந்தப் படத்தில் கமல்ஹாசனை நடிக்க வைக்கவும், அவரிடம் சம்மதம் வாங்கவும் ஒரு வருட காலமாக காத்திருந்தோம். ஒரு கட்டத்தில், என்னை ஏன் தொந்தரவு செய்கிறீர்கள், என்னை விட்டுவிடுங்கள் என்று கமல்ஹாசன் நினைத்திருப்பார்’ என்று கூறினார்.

அதற்குப் பதிலளித்த கமல்ஹாசன், “இது தொந்தரவு பற்றிய கேள்வி அல்ல. அப்போது, சுயசந்தேகத்தை தந்தது. இந்தப் படத்தில் அமிதாப் இதைச் செய்கிறார், பிரபாஸ் அதைச் செய்கிறார். ஆனால், நான் என்ன செய்ய போகிறேன். அதுதான் காரணம். நான் இதற்கு முன்பு வில்லனாக நடித்ததில்லை. அப்படி வில்லனாக நடித்திருந்தாலும், மனநோயாளி கதாபாத்திரத்தில்தான் நடித்திருக்கிறேன். ஆனால், இந்தப் படம் முற்றிலும் வேறு” என்று கூறினார். 

Next Story

‘தி.மு.க. கூட்டணியில் இணைந்தது ஏன்?’ - கமல்ஹாசன் விளக்கம்

Published on 10/03/2024 | Edited on 10/03/2024
Why joined to the DMK alliance KamalHaasan explained

நாடாளுமன்ற மக்களவைப் பொதுத் தேர்தல் விரைவில் நடைபெற உள்ளது. இதனை முன்னிட்டு அரசியல் கட்சிகள் சார்பில் தேர்தல் பணிகளை மேற்கொள்வதற்காக பல்வேறு குழுக்கள் அமைக்கப்பட்டு தீவிர ஆலோசனைகள் நடத்தப்பட்டு வருகின்றன. மேலும், நாடாளுமன்றத் தேர்தலுக்கான பணிகளை அரசியல் கட்சிகள் கடந்த ஒரு மாத காலமாகத் தீவிரப்படுத்தி வருகின்றன. இத்தகைய சூழலில் இந்தியத் தேர்தல் ஆணையமும் மக்களவைத் தேர்தல் முன்னேற்பாடுகள் குறித்து தொடர்ந்து ஆய்வுகளை நடத்தி வருகிறது. விரைவில் தேர்தல் அறிவிக்கப்படலாம் எனவும் கூறப்படுகிறது. கூட்டணிக் கட்சிகளிடையே தொகுதிப் பங்கீடுகள் பற்றிய பேச்சுவார்த்தையும் நடைபெற்று வருகிறது. ஒரு சில கட்சிகளில் வேட்பாளர்களும் அறிவிக்கப்பட்டு வருகிறது.

அந்த வகையில் தி.மு.க. கூட்டணி சார்பில் தமிழகம் மற்றும் புதுச்சேரிக்கான 40 மக்களவைத் தொகுதிகளுக்கான தொகுதி பங்கீடுகள் இறுதி செய்யப்பட்டுள்ளன. அதன்படி தி.மு.க. 21 தொகுதிகளிலும், காங்கிரஸ் கட்சி புதுச்சேரியின் 1 ஒரு மக்களவை தொகுதி உட்பட 10  தொகுதிகளிலும், மார்க்சிஸ்ட் கம்யூனிஸ்ட் கட்சி 2 தொகுதிகளிலும், இந்திய கம்யூனிஸ்ட் கட்சி 2 தொகுதிகளிலும், வி.சி.க. 2 தொகுதிகளிலும், இந்திய யூனியன் முஸ்லீம் லீக் கட்சி, கொ.ம.தே.க., ம.தி.மு.க. ஆகிய மூன்று கட்சிகளும் தலா ஒரு தொகுதியிலும் போட்டியிட உள்ளன. அதே சமயம் மக்கள் நீதி மய்யத்திற்கு ஒரு மாநிலங்களவை தொகுதி ஒதுக்கப்பட்டு அதிகாரப்பூர்வமாக ஒப்பந்தம் கையெழுத்தாகி இருந்தது.

இந்நிலையில் மக்கள் நீதி மய்யம் தி.மு.க. கூட்டணியில் இணைந்தது குறித்து அக்கட்சியின் தலைவர் கமல்ஹாசன் ஒரு நிமிடம் 11 விநாடிகள் ஓடக்கூடிய வீடியோ ஒன்றை வெளியிட்டுள்ளார். அதில், “கூட்டணி நிலை என்பது ஒரு அவசர நிலை. இது தமிழ்நாட்டிற்கும், தேசத்திற்கும் பயனுள்ளதாக அமைய வேண்டும். எதிர்வாத சக்திகளுக்கு கை கூடி விடக்கூடாது என்பதற்கான முடிவு இது. இந்த அரசியலை மாற்றுவதற்கான ஒரு வாய்ப்பை உங்களுக்கு அளித்திருக்கிறது சரித்திரம். எந்த கட்சியாக இருந்தாலும், எதிர்க்கட்சியாக இருந்தாலும், இந்த நேரத்தில் அனைவருமே என்னுடைய சகோதரர்கள் தான். தேசத்திற்காக நாமெல்லாம் ஒரே மேடையில் அமர வேண்டும். அதுதான் என்னுடைய அரசியல்” எனத் தெரிவித்துள்ளார்.