Skip to main content

“இந்தியாவிலேயே நகைக்கடன் தள்ளுபடி செய்த ஒரே முதல்வர் மு.க.ஸ்டாலின்” - அமைச்சர் ஐ.பெரியசாமி  

Published on 30/12/2021 | Edited on 30/12/2021

 

"MK Stalin is the only Chief Minister in India who has waived jewelery loans" - Minister I. Periyasamy

 

சட்டமன்றத் தேர்தலின்போது தி.மு.க. ஏழை, எளிய விவசாயிகள் மற்றும் பொதுமக்கள் பயன்பெறும் வகையில் 5 பவுனுக்கு குறைவாக நகைக்கடன் பெற்றவர்களுக்கு தள்ளுபடி செய்யப்படும் என தேர்தல் வாக்குறுதி அறிவித்திருந்தது. அதன்படி முறையான பயனாளிகளுக்கு தள்ளுபடி செய்யப்பட்டு வருகிறது. கடந்த அ.தி.மு.க. ஆட்சியில் முறைகேடாக ஒரே ஆதார் அட்டையை வைத்து நூற்றுக்கணக்கான வங்கிகளிலும், ஒரே நபர் 500 பவுனுக்கு மேல் வங்கிகளில் 5 பவுன், 5 பவுனாக நகைகளை அடமானம் வைத்து கடன் பெற்றிருந்தது தெரியவந்தது. இதை அறிந்த தமிழக முதல்வர் மு.க.ஸ்டாலின் மற்றும் தமிழக கூட்டுறவுத்துறை அமைச்சர் ஐ.பெரியசாமி கூட்டுறவு வங்கிகளில் நகைக்கடன் பெற்றிருப்பவர்களை முறையாக ஆய்வு செய்ய உத்தரவிட்டனர். 

 

இதனையடுத்து அனைத்து கூட்டுறவு வங்கிகளிலும் கள ஆய்வு மேற்கொள்ளப்பட்டதில் திடுக்கிடும் தகவல்களும், முறைகேடுகளும் தெரியவந்தது. தமிழக முதல்வர் அறிவித்தபடி முறைப்படி நியாயமான பயனாளிகள் நகைக்கடன் தள்ளுபடியை பெற்று வருகின்றனர். அதேசமயம் எதிர்க்கட்சிகள், அனைவருக்கும் நகைக்கடன் தள்ளுபடி செய்ய வேண்டும் என கோரிக்கை விடுத்தனர். 

 

இந்த நிலையில் திண்டுக்கல்லில் உள்ள கலைஞர் மாளிகையில் கூட்டுறவுத்துறை அமைச்சர் ஐ.பெரியசாமி பத்திரிக்கையாளர்களை சந்தித்தார். அப்போது அவர், “கூட்டுறவு கடன் சங்கங்களில் சுமார் 48 லட்சம் பேருக்கு கடன் அளிக்கப்பட்டுள்ளது. இதில் 22 லட்சம் பேர் தான் முறைப்படி 5 பவுனுக்கு கீழ் கடன் பெற்றிருக்கிறார்கள். அவர்களில் 10 லட்சத்து 18 ஆயிரம் பேருக்கு கடன் தள்ளுபடி செய்யப்பட்தில் 50 சதவிகிதம் பேர் பயனடைந்துள்ளனர். 

 

சுதந்திரம் அடைந்ததிதிலிருந்து இந்தியாவில் எந்த ஒரு மாநிலத்திலும் நகைக்கடன் தள்ளுபடி செய்யவில்லை. தமிழக முதல்வர் மு.க.ஸ்டாலின் தான் தேர்தல் நேரத்தில் கொடுத்த வாக்குறுதியை நிறைவேற்றி இருக்கிறார். இந்த நகைக்கடன் தள்ளுபடியில் வருமான வரி கட்டும் அரசு ஊழியர்களுக்கு எப்படி கடன் தள்ளுபடி செய்ய முடியும். தற்காலிக அரசு பணியில் இருப்பவர்கள் அரசு ஊழியர்கள் இல்லை. ஆனால், வருமானவரி கட்டுபவர்களும், நகைக்கடன்களை கட்டி நகைகளை பெற்றவர்களுக்கு கடன் தள்ளுபடி கிடையாது. அவர்களுக்கு முறையாக கேட்கும்போது வட்டியில்லாமல் நகைக்கடன் வழங்கப்படும்.

 

கடந்த அ.தி.மு.க. ஆட்சியில் பயிர்க்கடன் வழங்கப்பட்டு தள்ளுபடி செய்யப்பட்டபோது சிறு, குறு விவசாயிகள், பெரு விவசாயிகள் என தரம் பிரிக்கப்பட்டு பயிர்க்கடன் தள்ளுபடி செய்தார்கள். ஆனால் தி.மு.க. தலைவர் கலைஞர் தமிழகத்தில் 22லட்சம் பேருக்கு பயிர்க்கடன்களை தள்ளுபடி செய்தார். விவசாயிகளுக்கு பயிர்க்கடன் தள்ளுபடி செய்யும் போது சிறு, குறு என பிரித்தவர்கள் இப்போது நகைக்கடனை அனைவருக்கும் தள்ளுபடி செய்ய வேண்டும் என்கின்றனர். இதில் என்ன நியாயம் இருக்கிறது. ஒரே குடும்பத்தைச் சேர்ந்தவர்கள் 400 பவுன் நகைகளை 5, 5 பவுனாக பிரித்து பல வங்கிகளில் கடன் வாங்கியுள்ளார்கள். அவர்களுக்கு எப்படி நகைக்கடன் தள்ளுபடி செய்ய முடியும். 5 கோடியே 85 லட்சம் ரூபாயை ஒரே நபர் 5 பவுன் நகைகளாக வைத்து கடன் உதவி பெற்றுள்ளார். தர்மபுரி சேலம் பகுதியில் நகைக்கடன் உரிமையாளர்கள் பான் புரோக்கர்கள் கூட்டுறவு வங்கிகளில் கடன் பெற்றுள்ளார்கள். இவர்களுக்கெல்லாம் கடன் தள்ளுபடி செய்ய சொல்லி எதிர்க்கட்சியைச் சேர்ந்த ஓ.பி.எஸ், இ.பி.எஸ். சொல்கிறார்கள். இது முறையா?

 

கூட்டுறவு வங்கிகளில் முறைகேடு செய்தவர்களுக்கு சட்டரீதியான நடவடிக்கை எடுக்கப்படும். தமிழகத்தில் மக்கள் நலனுக்கான மக்களாட்சி நடைபெற்று கொண்டு இருக்கிறது. அதற்கு அவப்பெயர் ஏற்படுத்தும் வகையில் மாற்றுக்கட்சியினர் பொய்யான பிரச்சாரங்களை சமூக வலைதளங்களிலும், ஊடகங்களிலும் சொல்லி வருகின்றனர். இதை தமிழக மக்கள் நம்ப தயாராக இல்லை” என்று கூறினார்.

 

நிகழ்ச்சியின்போது, திண்டுக்கல் கிழக்கு மாவட்ட தி.மு.க. துணைச் செயலாளர்கள் தண்டபாணி, நாகராஜன், முன்னாள் ஒன்றிய பெருந்தலைவர் சத்தியமூர்த்தி, முன்னாள் நகர்மன்றத்தலைவர் பசீர்அகமது, மாவட்ட தொண்டரணி துணை அமைப்பாளர் கும்மம்பட்டி விவேகானந்தன், ஆத்தூர் ஒன்றிய செயலாளர் முருகேசன் உட்பட கட்சி பொறுப்பாளர்கள் பெரும்பாலானோர் கலந்து கொண்டனர்.

 

 

சார்ந்த செய்திகள்

 

Next Story

“நல்லாட்சிக்குக் கிடைத்த நற்சான்றிதழ்” - முதல்வர் மு.க.ஸ்டாலின்!

Published on 14/07/2024 | Edited on 14/07/2024
Certificate for good governance Chief Minister MK Stalin

விக்கிரவாண்டி இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். இந்தத் தேர்தலில் பதிவான வாக்குகள் நேற்று (13.07.2024) எண்ணப்பட்டன. இதனையடுத்து 20 சுற்றுகள் முடிவில் திமுக வேட்பாளர் அன்னியூர் சிவா 1 லட்சத்து 24 ஆயிரத்து 53 வாக்குகள் பெற்று 67 ஆயிரத்து 757 வாக்குகள் வித்தியாசத்தில் வெற்றி பெற்றதாகத் தேர்தல் ஆணையம் அதிகாரப்பூர்வமாக அறிவித்தது.

இந்நிலையில் விக்கரவாண்டி இடைத்தேர்தலில் திமுக வெற்றி பெற்றது தொடர்பாக தமிழக முதல்வரும், திமுக தலைவருமான மு.க. ஸ்டாலின் திமுக தொண்டர்களுக்கு கடிதம் எழுதியுள்ளார். அதில், “விக்கிரவாண்டி தொகுதி இடைத்தேர்தல் களத்தில் உதயசூரியன் சின்னத்தில் போட்டியிட்ட திமுக வேட்பாளர் அன்னியூர் சிவா மகத்தான வெற்றி பெற்றிருக்கிறார். திமுக வேட்பாளருக்கு மக்கள் அளித்த வாக்குகள் 1,24,053. தனக்கு அடுத்தபடியாக வந்த பா.ம.க வேட்பாளரை  67,757 வாக்குகள் வித்தியாசத்தில் வெற்றி பெற்றிருக்கிறார். போட்டியிட்ட மற்ற வேட்பாளர்கள் கட்டுத்தொகையை இழந்திருக்கிறார்கள். 

Certificate for good governance Chief Minister MK Stalin

திராவிட மாடல் அரசு மக்களுக்கான அரசாக இருக்கிறது. தமிழ்நாட்டு மக்கள் திமுக மீது நம்பிக்கை வைத்திருக்கிறார்கள் என்பதைத்தான் இந்த இடைத்தேர்தல் வெற்றி எடுத்துக்காட்டுகிறது. மூன்றாண்டுகால நல்லாட்சிக்குக் கிடைத்த நற்சான்றிதழ்தான் இந்த மகத்தான வெற்றி. அதனை வழங்கிய விக்கிரவாண்டி தொகுதி வாக்காளர்களுக்கு என் மனமார்ந்த நன்றியை திமுக தலைவர் என்ற முறையிலும், தமிழ்நாட்டின் முதலமைச்சர் என்ற முறையிலும் உங்களில் ஒருவனான நான் தெரிவித்துக் கொள்கிறேன்.

விக்கிரவாண்டி இடைத்தேர்தல் களத்தில் போட்டியிடாமல் அதிமுக ஒதுங்கி நின்று, தனது கள்ளக்கூட்டணிக்கு ஆதரவான நிலைப்பாட்டை எடுத்தது. திமுக வெளிப்படையான ஜனநாயக நெறிமுறைப்படி களம் கண்டது. விக்கிரவாண்டியில் உள்ள 2 இலட்சத்து 34ஆயிரத்து 653 வாக்காளர்களையும் திமுக நிர்வாகிகள் வீடு வீடாகச் சென்று நேரில் சந்தித்து, மூன்றாண்டுகால திராவிட மாடல் அரசின் சாதனைகளை எடுத்துச் சொல்லி, அந்தத் திட்டங்களின் பயன்களை நேரடியாகப் பெற்றுள்ள மக்களிடம் உதயசூரியனுக்கு வாக்களிக்கக் கேட்டுக் கொண்டார்கள். திமுக இளைஞரணிச் செயலாளர் உதயநிதி தமது பரப்புரையில், விக்கிரவாண்டி தொகுதியில் நிறைவேற்றப்பட்ட திட்டங்கள், நிறைவேற்றப்படவிருக்கிற திட்டங்களைப் பட்டியலிட்டு வாக்கு சேகரித்தார். 

Certificate for good governance Chief Minister MK Stalin

திட்டங்களின் பயன்கள் எல்லாருக்கும் கிடைத்திடுவதை உறுதி செய்து, பாகுபாடின்றி அதனைச் செயல்படுத்தி வருகிறோம். இதே விக்கிரவாண்டி தொகுதியில் உள்ள வாக்காளர்களிடம் எடுக்கப்பட்ட ஒரு காணொலியைப் பார்க்கும் வாய்ப்பு அமைந்தது. அதில் மாற்றுக் கட்சியைச் சேர்ந்த ஒரு பெண்மணி, தன்னுடைய கட்சிக்குத்தான் ஓட்டுப் போடுவேன் என்று சொன்னபோதும், கலைஞர் மகளிர் உரிமைத் திட்டத்தின்கீழ் மாதம் 1000 ரூபாய் தனக்கு வந்து கொண்டிருக்கிறது என்பதை வெளிப்படையாகவே ஒப்புக்கொண்டார். இதுதான் திராவிட மாடல் அரசு. ஒருவர் எந்தக் கட்சிக்காரர் என்று பார்ப்பதில்லை. தமிழ்நாட்டு வாக்காளரான அவர், திட்டத்தில் பயன் பெறத் தகுதியுடையவரா என்பதை மட்டும் பார்த்து, அதன் பயனைக் கிடைக்கச் செய்கின்ற அரசுதான் உங்களில் ஒருவனான என் தலைமையிலான திமுக அரசு.

மிகவும் பிற்படுத்தப்பட்ட சமுதாயத்தைச் சேர்ந்தவர்கள், பட்டியல் இனத்தைச் சேர்ந்தவர்கள், பிற்படுத்தப்பட்ட சமுதாயத்தைச் சேர்ந்தவர்கள், சிறுபான்மைச் சமுதாயத்தினர் வசிக்கின்ற விக்கிரவாண்டி தொகுதியில் சமூகநீதிக் கொள்கை வழியாக அந்தந்தச் சமுதாயங்கள் கல்வியிலும் வேலைவாய்ப்பிலும் முன்னேற்றம் காண வழிவகுத்தவர் கலைஞர் என்பதைத் தொகுதிவாசிகள் மறந்துவிடவில்லை. மிகவும் பிற்படுத்தப்பட்ட சமுதாயம் என்கிற பிரிவை இந்தியாவிலேயே முதன்முறையாக உருவாக்கி, அவர்களுக்கு 20% இடஒதுக்கீடு வழங்கிய தலைவர் கலைஞரின் சமூகநீதிக் கொள்கையால் தலைமுறைகள் கடந்து அடைந்துள்ள முன்னேற்றத்தை அவர்கள் மறக்கவில்லை என்பதைத்தான் விக்கிரவாண்டி மக்கள் தந்துள்ள மகத்தான வெற்றி எடுத்துக் காட்டுகிறது. 

Certificate for good governance Chief Minister MK Stalin

பட்டியல் இனச் சமுதாயத்திற்கு 18% இடஒதுக்கீடு வழங்கியதுடன், அவர்களின் வளர்ச்சிக்காகப் பல திட்டங்களை வழங்கிய கலைஞரின் வழியில், கடந்த மூன்றாண்டு கால திராவிட மாடல் ஆட்சியில் ஆதிதிராவிடர் மற்றும் பழங்குடியினருக்கான பல்வேறு திட்டங்கள் செயல்படுத்தப்பட்டு, வளர்ச்சிப் பாதையில் அவர்களை அழைத்துச் செல்கிறது” எனக் குறிப்பிட்டுள்ளார்.

Next Story

“சூரியனை ஒருபோதும் மறைக்க முடியாது” - முதல்வர் மு.க. ஸ்டாலின்!

Published on 13/07/2024 | Edited on 13/07/2024
The sun can never be hidden Chief Minister M.K. Stalin

விக்கிரவாண்டி சட்டமன்றத் தொகுதி திமுக எம்.எல்.ஏ புகழேந்தி உயிரிழந்ததைத் தொடர்ந்து அந்தத் தொகுதிக்குக் கடந்த 10 ஆம் தேதி இடைத்தேர்தல் நடைபெற்றது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். இந்தத் தேர்தலில் பதிவான வாக்குகள் இன்று (13.07.2024) எண்ணப்பட்டன. அதன்படி காலை 8 மணிக்கு வாக்கு எண்ணிக்கை தொடங்கிய நிலையில் முதலில் தபால் வாக்குகள் எண்ணப்பட்டது.

இதனையடுத்து 20 சுற்றுகள் முடிவில் திமுக வேட்பாளர் அன்னியூர் சிவா 1 லட்சத்து 24 ஆயிரத்து 53 வாக்குகள் பெற்று 67 ஆயிரத்து 757 வாக்குகள் வித்தியாசத்தில் வெற்றி பெற்றதாகத் தேர்தல் ஆணையம் அதிகாரப்பூர்வமாக அறிவித்தது. அதே வேளையில் பாமக வேட்பாளர் சி.அன்புமணி 56 ஆயிரத்து 26 வாக்குகளும், நாதக வேட்பாளர் அபிநயா 10 ஆயிரத்து 479 வாக்குகளும் பெற்றனர். 

The sun can never be hidden Chief Minister M.K. Stalin

இதற்கிடையே விக்கிரவாண்டி இடைத்தேர்தலில் வெற்றி உறுதியான நிலையில் அக்கட்சியின் தலைவரும், தமிழக முதல்வருமான மு.க. ஸ்டாலின் சென்னையில் உள்ள அக்கட்சியின் தலைமை அலுவலகமான அறிவாலயத்திற்கு வருகை தந்துள்ளார். அங்குத் திரண்டிருந்த நிர்வாகிகள் மற்றும் தொண்டர்களுக்கு இனிப்புகளை வழங்கி கொண்டாடினார்.

இந்நிலையில் விக்கரவாண்டி தேர்தலில் திமுக வெற்றி பெற்றது தொடர்பாக முதல்வர் மு.க. ஸ்டாலின் எக்ஸ் சமூக வலைத்தளத்தில் வெளியிட்டுள்ள பதிவில், “எத்தனை பொய்களை ஒன்றாகத் தைத்துப் போர்வை நெய்தாலும், சூரியனை ஒருபோதும் மறைக்க முடியாது என்று விக்கிரவாண்டி மக்கள் உணர்த்தியுள்ளனர். அண்ணா அறிவாலயத்தில் பொங்கும் மகிழ்ச்சி தமிழ்நாடெங்கும் எதிரொலிக்கட்டும்!” எனக் குறிப்பிட்டுள்ளார். இது தொடர்பான காணொளி ஒன்றையும் அப்பதிவில் இணைத்துள்ளது குறிப்பிடத்தக்கது.