Skip to main content

“1 முதல் 5  வேண்டாம்... 12 வரை விரிவாக்குங்கள்...” - வைரலாகும் அமைச்சர் பிடிஆரின் பரிந்துரை 

Published on 26/08/2023 | Edited on 26/08/2023

 

Minister PTR video on breakfast scheme goes viral

 

காலை உணவுத் திட்டத்தை அனைத்து அரசுப் பள்ளிகளுக்கும் விரிவுபடுத்தும் நோக்கில், நாகை மாவட்டம் திருக்குவளையில் கலைஞர் படித்த அரசு நடுநிலைப் பள்ளியில் நேற்று முதல்வர் ஸ்டாலின் தொடங்கி வைத்தார். தமிழ்நாடு முழுவதும் 31 ஆயிரம் அரசுப் பள்ளிகளில் 17 லட்சம் மாணவர்கள் பயன்பெறும் வகையில் திட்டம் விரிவாக்கம் செய்யப்பட்டுள்ளது. இந்த திட்டத்தை தொடங்கி வைத்து மாணவர்களுடன் முதல்வர் ஸ்டாலின் அமர்ந்து உணவு அருந்தினார். இதேபோன்று தமிழகத்தின் அனைத்து பகுதிகளிலும் உள்ள எம்.எல்.ஏக்கள். எம்.பிக்கள். அமைச்சர்கள் என அனைவரும் தங்கள் தொகுதிகளுக்கு உட்பட்ட பள்ளியில் இத்திட்டத்தை தொடங்கி வைத்து மாணவர்களுடன் அமர்ந்து உணவு சாப்பிட்டனர். 

 

அந்த வகையில் மதுரையில் உள்ள ஒரு அரசுப் பள்ளியில் அமைச்சர் பழனிவேல் தியாகராஜன் காலை உணவுத் திட்டத்தைத் தொடங்கி வைத்து மாணவர்களுடன் அமர்ந்து உணவருந்தினார். அப்போது அவர் மாணவர்களிடம் நடந்துகொண்ட விதம் பலரையும் ஆச்சரியத்தில் ஆழ்த்தியுள்ளது. மாணவர்களிடம் அமைச்சர் பிடிஆர், அனைவரும் நன்றாக சாப்பிடுங்கள் என்றார். மேலும் பக்கத்தில் இருந்த மாணவரிடம், “என்ன படிக்கிற, நல்லா படி, நல்லா சாப்பிடு” என்று கூறிக்கொண்டிருந்தார். அப்போது அதே பள்ளியைச் சேர்ந்த இடைநிலை வகுப்பு மாணவர்கள் அங்கு வந்தனர். அவர்களிடம் வகுப்பு குறித்தும் சாப்பிட்டீர்களா என்றும் கேட்டறிந்தார்.

 

பிறகு, 1 முதல் 5 ஆம் வகுப்பு வரை இருக்கும் பள்ளிகளில் மாணவர்களுக்குக் காலை உணவு தரப்படுகிறது. ஆனால் உயர்நிலை மற்றும் மேல்நிலையில் இருக்கும் பள்ளிகளில், ‘5 ஆம் வகுப்பு மாணவர்களுக்கு மட்டும் காலை உணவு கொடுப்பது மாதிரியும், மற்ற மாணவர்களுக்குக் கொடுக்க முடியாத சூழலும் ஏற்படுகிறது’ என்று கூறிய அவர், அருகே இருந்த மதுரை மேயர் இந்திராணியை அழைத்து, “இது தொடர்பாக மாவட்டத்தில் உள்ள அனைத்து உயர்நிலைப்பள்ளி, மேல்நிலைப் பள்ளிகளின் பட்டியலை எடுத்து நகர்மன்ற கூட்டத்தில் தீர்மானம் நிறைவேற்றுங்கள். பொது ஆர்வலர்கள் யாரெல்லாம் மாணவர்களுக்குச் சாப்பிடுவதற்கு நிதி கொடுக்கிறார்களோ கொடுக்கட்டும். நான் இந்த பள்ளிக்குப் பணம் கொடுக்கிறேன். அப்படி கிடைக்கும் பணத்தை வைத்து இதே ஒப்பந்ததாரரிடம் கொடுத்து அனைத்து மாணவர்களுக்கும் சேர்த்துச் சமைக்கச் சொல்லுவோம். ஒரே பள்ளியில் ஒருவருக்கு உணவு அளித்தும் ஒருவருக்கு உணவு அளிக்காமலும் இருப்பது சரியாக இருக்காது” என்றார். 

 

அப்போது 7 ஆம் வகுப்பு படிக்கும் மாணவர் ஒருவர் காலையில் சாப்பிடாமல் பள்ளிக்கு வந்ததால் தலைவலி, மயக்கம் ஏற்பட்டதாக கூறினார். அவருக்கு உடனடியாக சாப்பாடு கொடுக்கச் சொன்ன அமைச்சர் பிடிஆர், அந்த மாணவன் சாப்பிடும் வரை அவர் பக்கத்தில் உட்கார்ந்து அவரைப் பற்றிய விவரங்கள் கேட்டுக்கொண்டு முழு சாப்பாட்டையும் சாப்பிட வைத்தார். அப்போது அந்த மாணவரிடம், “என்னடா இவ்வளவு ஒல்லியாக இருக்க. ஒழுங்கா சாப்பிட மாட்டாயா? தினமும் சாப்டுவியா இல்லையா? உன்ன மாதிரி குழந்தைகள் தான் நம் எதிர்காலம். நீ சரியா சாப்டாம இப்படி இருந்தால் வயசான காலத்துல நாங்க எல்லாம் என்னப் பன்றது” என்று கேட்டார். அதற்கு, ‘கடந்த வருடம் மஞ்சள் காமாலை வந்தது’ என்றார் அந்த மாணவர். உடனடியாக உதவியாளரை அழைத்து, “இந்த பையன் ரொம்ப ஊட்டச்சத்து குறைபாடோட இருக்கான். இவனை நம்ம டீன் கிட்ட காட்டி தேவையான சிகிச்சை அளிக்க சொல்லுங்கள்” என்றார். பிறகு “இந்த பள்ளிக்கு மருத்துவ முகாம் ஒன்று நடத்துவோம்” என்றும் கூறினார். இது தொடர்பான வீடியோ வைரலாகி வரும் நிலையில் அமைச்சர் பிடிஆரின் பரிந்துரைக்கு சமூக வலைத்தளங்களில் லைக்ஸ்கள் குவிந்து வருகின்றன.

 

 

 

சார்ந்த செய்திகள்

Next Story

'சாதனைகளைச் சொல்லி வாக்கு கேட்டுள்ளோம்'-அமைச்சர் அன்பில் மகேஷ் பேட்டி

Published on 19/04/2024 | Edited on 19/04/2024
'We have asked for votes by telling achievements'- Minister Anbil Mahesh interviewed

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெற்றது.

தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்றது. பதற்றமான வாக்குச்சாவடிகளில்  பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று முடிந்துள்ளது.

பள்ளிக்கல்வித்துறை அமைச்சரும், திருச்சி தெற்கு மாவட்ட திமுக செயலாளருமான அன்பில் மகேஷ் பொய்யாமொழி திருச்சி கிராப்பட்டி லிட்டில் பிளவர் மேல்நிலைப் பள்ளியில் வரிசையில் நின்று வாக்களித்தார். வாக்களித்த பின்னர் அமைச்சர் அன்பில் மகேஷ் பொய்யாமொழி செய்தியாளர்களிடம் பேசுகையில், ''பொறுப்பாக மனிதன் வரவேண்டும் என்றாலும், பொறுப்புக்கு மனிதன் வரவேண்டும் என்று சொன்னாலும் பள்ளிக்கூடத்திற்கு வந்தே ஆக வேண்டும். நான் வேட்பாளராக வாக்களித்துள்ளேன். சட்டமன்ற உறுப்பினராக வாக்களித்துள்ளேன். இப்போது பள்ளிக் கல்வித்துறை அமைச்சராக பள்ளியில் வாக்களிப்பது புது அனுபவமாக உள்ளது. எங்கள் சாதனைகளை சொல்லி வாக்கு கேட்டுள்ளோம். பயனாளிகளான மக்கள் எங்களுக்கு ஆதரவு தருவார்கள். அதிகப்படியான வாக்குகள் வித்தியாசத்தில் வெற்றி பெறுவோம் என்ற நம்பிக்கை உள்ளது''என்றார்.

Next Story

''40 தொகுதிகளிலும் வெற்றி பிரகாசமாக உள்ளது''- அமைச்சர் துரைமுருகன் பேட்டி

Published on 19/04/2024 | Edited on 19/04/2024
nn

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெற்றது.

தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்றது. பதற்றமான வாக்குச்சாவடிகளில்  பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று முடிந்துள்ளது.

முன்னதாக அரக்கோணம் நாடாளுமன்ற தொகுதிக்குட்பட்ட வேலூர் மாவட்டம் காட்பாடி, காந்தி நகர் தனியார் பள்ளியில் அமைக்கப்பட்டுள்ள பூத் எண் 155 ல் திமுக பொதுச்செயலாளர், நீர்வளத்துறை அமைச்சர் துரைமுருகன், அவரது மகனும், வேலூர் நாடாளுமன்ற தொகுதி திமுக வேட்பாளருமான கதிர் ஆனந்த் ஆகியோர் குடும்பத்தோடு வந்து வாக்களித்தனர்.

பின்னர் செய்தியாளர்களுக்கு அமைச்சர் துரைமுருகன் அளித்த பேட்டியில், 'காலையிலிருந்து எட்டுத்திக்கும் என்னோடு தொடர்பு கொண்டு பேசிக் கொண்டிருக்கிறார்கள். முதலமைச்சரும் பேசிக்கொண்டிருக்கிறார்.

அரக்கோணம் நாடாளுமன்றத்தில் எப்படி இந்திய கூட்டணிக்கு பிரகாசமாக தெரிகிறதோ அதேபோல் 40 தொகுதிகளிலும் எங்களுக்கு பிரகாசமாக இருப்பதாக கூறியிருக்கிறார்கள். இந்தியா கூட்டணி அமைக்கப்பட்ட பிறகு முதல் கட்ட தேர்தல் தமிழகத்தில் நடைபெறுகிறது. முதல் வெற்றியும் இங்குதான் கிடைக்கும். நிச்சயமாக மத்தியில் ஒரு மாற்றம் இருக்கும் என்பது என்னுடைய கணிப்பு.

மேகதாது கட்டக் கூடாது என்பது கர்நாடகாவின் தயவு அல்ல அது தமிழகத்தின் உரிமை. 25 ஆண்டாக இந்தத் துறையை கவனிக்கிறேன் எனக்கு சாதாரணமான செய்தி சிவக்குமார் புதிதாக வந்ததால் அது அவருக்கு புதிதாக தெரியும். இந்தியா கூட்டணி ஆட்சிக்கு வந்தால் கர்நாடகாவிற்கு எந்த அளவுக்கு உரிமை உள்ளதோ அதே அளவுக்கு தமிழகத்திற்கும் உரிமை உள்ளது. கர்நாடக மக்களை தேர்தல் நேரத்தில் உற்சாகப்படுத்துவதற்காக சிவகுமார் இப்படி பேசுகிறார்.

இன்னமும் மலை கிராமங்களுக்கு ஓட்டு பெட்டிகளை கழுதைகள் மீது கொண்டு செல்வது வருத்தப்பட வேண்டிய செய்திதான். காரணம் இந்தியா ஒரு பெரிய நாடு பல்வேறு மூலை முடுக்குகள் உள்ளது. தேர்தல் ஆணையம் எப்போதும் சரியாக இருக்காது. ஆளும் கட்சிக்கு சாதகமாக தான் இருக்கும். நதிநீர் இணைப்புக்கு  தமிழகம் எப்போதும் தயார். அதை நாங்கள் வரவேற்கிறோம் அதனால் தமிழகத்திற்கும் பயன் உள்ளது. வாக்குச்சீட்டு முறை வேண்டாம். இயந்திர வாக்குப்பதிவு முறையே தேவை. இன்றைய காலகட்டத்தில் இயந்திர வாக்குப்பதிவு முறையே சிறந்ததாக உள்ளது. வாக்குச்சீட்டு முறை தேவையில்லை'' என கூறினார்.