Skip to main content

ரூ. 16.30 கோடியில் உயர்மட்ட பாலம்; பணியைத் தொடங்கி வைத்த அமைச்சர் 

Published on 19/12/2023 | Edited on 19/12/2023
minister inaugurated the construction of a high-level bridge near Panruti

பண்ருட்டி அருகே ஏரிப்பாளையம் - செம்மேடு கிராமங்களுக்கு இடையே நெடுஞ்சாலைத்துறை நபார்டு கிராம சாலைகள் திட்டத்தின் கீழ் ரூ. 16.30 கோடி மதிப்பீட்டில் உயர்மட்ட பாலம் கட்டும் பணியைத் தொடங்கி வைக்கும் நிகழ்ச்சி நடைபெற்றது. நிகழ்ச்சிக்கு கடலூர் மாவட்ட ஆட்சியர் அருண் தம்புராஜ் தலைமை தாங்கினார்.

இதில் சிறப்பு அழைப்பாளராகத் தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ. கணேசன் அடிக்கல் எடுத்து வைத்துப் பணியைத் தொடங்கி வைத்தார். முன்னதாக பண்ருட்டி அருகே உள்ள மருங்கூர் அரசு மேல்நிலைப் பள்ளியில் நடைபெற்ற நிகழ்ச்சியில், மாணவ மாணவிகளுக்கு விலையில்லா மிதிவண்டி வழங்கும் நிகழ்ச்சி நடைபெற்றது. இதில் கலந்துகொண்டு மாணவ மாணவிகளுக்கு விலையில்லா மிதிவண்டிகளை வழங்கினார்.

அப்போது அவர் பேசுகையில், “தமிழ்நாடு முதலமைச்சர் ஆட்சி பொறுப்பேற்றது முதல் பொதுமக்கள் நலன் கருதி அவர்களின் வாழ்வாதாரத்தை உயர்த்தும் வகையில் அரசுப் பள்ளி மாணவர்களுக்கு முதலமைச்சரின் காலை உணவுத் திட்டம், அரசுப் பள்ளியில் 6 முதல் 12-ம் வகுப்பு வரை பயின்று உயர்கல்வி செல்லும் மாணவிகளுக்கு மாதம் ரூ. 1000 உதவித்தொகை வழங்கும் புதுமைப்பெண் திட்டம் என மாணவ - மாணவிகளின் நலன் கருதி பல்வேறு திட்டங்களைச் செயல்படுத்தி வருகிறார். கடலூர் மாவட்டத்தில் 2023-24 ஆம் ஆண்டில் 11 ஆம் வகுப்பு பயிலும் மாணவ - மாணவிகள் 2069 பேருக்கு விலை இல்லா மிதிவண்டி வழங்கப்பட உள்ளது.

மேலும் ஏரிப்பாளையம் - செம்மேடு கிராமத்திற்கு இடையே கெடிலம் ஆற்றில் தற்போது உள்ள பாலம் 1974 ஆம் ஆண்டு கட்டப்பட்டது. பாலம் பழுதடைந்த நிலையில் உள்ளதால் தற்போது நெடுஞ்சாலைத்துறை நபார்டு கிராம சாலைகள் திட்டம் மூலம் எட்டு கண்கள் கொண்ட 19 மீட்டர் நீளம் 12 மீட்டர் அகலத்தில் உயர்மட்ட பாலமாக கட்டப்பட உள்ளது. இப்பாலம் அமைப்பதன் மூலம் 10 கிராமங்களைச் சேர்ந்த மக்கள் பயனடைவார்கள் மேலும் மழைக் காலங்களில் போக்குவரத்திற்கு இடையூறின்றி செல்லும் வகையில் மக்களுக்கு பயனுள்ளதாக இருக்கும்” எனக் கூறினார்.

இந்நிகழ்ச்சியில் நெய்வேலி சட்டமன்ற உறுப்பினர் சபா. ராஜேந்திரன், பண்ருட்டி ஒன்றிய குழு தலைவர் சபா.பாலமுருகன், மாவட்ட முதன்மை கல்வி அலுவலர் பழனி, நபார்டு கிராம சாலைகள் அலகின் கோட்ட பொறியாளர் வெள்ளிவேல் மற்றும் உள்ளாட்சி அமைப்புகளின் பிரதிநிதிகள் அரசு அலுவலர்கள் கலந்து கொண்டனர்.

சார்ந்த செய்திகள்

 

Next Story

தொடர் கனமழை; இடிந்து விழுந்த பாலம்!

Published on 30/06/2024 | Edited on 30/06/2024
Continuous heavy rain Collapsed bridge

நாட்டின் வடக்கு மற்றும் வடகிழக்கு மாநிலங்களில் தொடர்ந்து கனமழை பொழிந்து வருகிறது. அந்த வகையில் மணிப்பூர் மற்றும் சிக்கிம் ஆகிய மாநிலங்களின் பல்வேறு பகுதிகளில் வெள்ளம் சூழ்ந்துள்ளது. இதனால் ஆற்றில் வெள்ளப்பெருக்கு ஏற்பட்டுள்ளன. இந்நிலையில் மணிப்பூர் மாநிலத்தில் உள்ள இம்பால் நதியின் குறுக்கே கட்டப்பட்டிருந்த பாலம் திடீரென உடைந்தது. இது தொடர்பான காட்சிகள் வெளியாகி மக்கள் மத்தியில் பதைபதைப்பை ஏற்படுத்தியுள்ளன.

அதே போன்று டீஸ்டா நதியில் ஏற்பட்ட வெள்ளப்பெருக்கு காரணமாக சிக்கிமில் உள்ள தேசிய நெடுஞ்சாலை எண் 10 சேதம் அடைந்துள்ளது. அதோடு தேசிய நெடுஞ்சாலையின் ஒரு பகுதி வெள்ளத்தில் அடித்துச் செல்லப்பட்டதால் போக்குவரத்து நிறுத்தம் செய்யப்பட்டுள்ளது. இதன் காரணமாக அவ்வழியாக வரும் வாகனங்கள் மாற்றுப்பாதையில் இயக்கப்படுவதாக சிக்கிம் மாநில அரசு அதிகாரிகள் தகவல் தெரிவித்துள்ளனர்.

முன்னதாக பீகார் மாநிலத்தில் உள்ள மதுபானி மாவட்டத்தின் ஆற்றின் குறுக்கே ரூ.3 கோடி செலவில் பாலம் ஒன்று கட்டப்பட்டு வந்தது. இந்தப் பாலத்தின் ஒரு பகுதி திடீரென இடிந்து விழுந்தது. ஆற்றின் நீர்மட்டம் அதிகரித்ததன் காரணமாக இந்தப் பாலம் இடிந்து விழுந்ததாகக் கூறப்பட்டது. மேலும் பீகாரில் 11 நாட்களில் தொடர்ச்சியாக 5 பாலங்கள் இடிந்து விழுந்த சம்பவம் அம்மாநிலத்தில் பெரும் அதிர்ச்சியை ஏற்படுத்தி இருந்தது குறிப்பிடத்தக்கது. 

Next Story

11 நாட்களில் 5 பாலங்கள்; பீகாரில் தொடர் அதிர்ச்சி சம்பவம்!

Published on 29/06/2024 | Edited on 29/06/2024
5 bridges in 11 days in Bihar

பீகார் மாநிலத்தில், முதல்வர் நிதிஷ்குமார் தலைமையிலான ஐக்கிய ஜனதா தளம் மற்றும் பா.ஜ.க கூட்டணி ஆட்சி நடைபெற்று வருகிறது. இந்த நிலையில், மதுபானி மாவட்டத்தின் ஆற்றின் குறுக்கே ரூ.3 கோடி செலவில் பாலம் ஒன்று கட்டப்பட்டு வருகிறது. 

கடந்த 2021ஆம் ஆண்டு முதல் கட்டப்பட்டு வரும் இந்தப் பாலத்தின் ஒரு பகுதி திடீரென இடிந்து விழுந்தது. ஆற்றின் நீர்மட்டம் அதிகரித்ததன் காரணமாக இந்தப் பாலம் இடிந்து விழுந்ததாகக் கூறப்படுகிறது. பீகாரில் தொடர்ச்சியாக பாலங்கள் இடிந்து விழும் சம்பவங்கள் அம்மாநிலத்தில் பெரும் அதிர்ச்சியை ஏற்படுத்தியுள்ளது.

கடந்த ஜூன் 18ஆம் தேதி, அராரியா மாவட்டத்தில் பத்ரா ஆற்றின் குறுக்கே ரூ.12 கோடி செலவில் கட்டப்பட்டு வந்த பாலம் இடிந்து விழுந்தது. இன்னும் சில தினங்களில் இந்த மேம்பால திறப்பு விழா நடைபெறுவதாக இருந்த நிலையில், இந்தப் பாலம் இடிந்து விழுந்தது என்பது குறிப்பிடத்தக்கது. அதனைத் தொடர்ந்து, கடந்த ஜூன் 22ஆம் தேதி, 40 ஆண்டுகள் பழமையான கந்தக் ஆற்றின் மீதிருந்தப் பாலம் ஒன்று இடிந்து விழுந்தது. ஜூன் 23ஆம் தேதி, கிழக்கு சம்பாரானில் சுமார் ரூ.1.5 கோடி மதிப்பில் கட்டப்பட்டு வந்த பாலம் இடிந்து விழுந்தது. 

கடைசியாக ஜூன் 27ஆம் தேதி கிஷன்கஞ்சில் உள்ள கன்கை மற்றும் மகாநந்தா இணைக்கும் துணை நதியின் கட்டப்பட்ட பாலம் இடிந்து விழுந்தது. இந்த நிலையில், மதுபானி ஆற்றில் கட்டப்பட்டு வந்த பாலம் இடிந்து விழுந்துள்ளது. பீகாரில் கடந்த 11 நாட்களில் தொடர்ச்சியாக 5 பாலங்கள் இடிந்து விழுந்த சம்பவம் அம்மாநிலத்தில் பெரும் அதிர்ச்சியை ஏற்படுத்தியுள்ளது.