Skip to main content

மர்மமான முறையில் உயிரிழந்த மேயரின் மருமகள்; மேயர் கொடுத்த வினோத விளக்கம்

Published on 01/02/2024 | Edited on 01/02/2024
nn

சேலம் மேயரின் மருமகள் மர்மமான முறையில் உயிரிழந்த நிலையில் அவரது உறவினர்கள், மேயர் மீதும் அவருடைய மகன் மீதும் குற்றச்சாட்டை தெரிவித்து போராட்டத்தில் ஈடுபட்டதால் பரபரப்பு ஏற்பட்டுள்ளது. இந்த சம்பவத்தில் சேலம் மேயர் அளித்துள்ள வினோத விளக்கம் பெண்ணின் உறவினர்களுக்கு அதிர்ச்சியை ஏற்படுத்தியுள்ளது.

திமுகவைச் சேர்ந்த ராமச்சந்திரன் சேலம் மாநகராட்சியின் மேயராக உள்ளார். இவருடைய மகன் சுதர்சன்பாபு. 15 வருடங்களுக்கு முன்பு சுதா என்ற பெண்ணை திருமணம் செய்து கொண்டார். இவர்களுக்கு ஒரு பெண் குழந்தை உள்ளது. கடந்த இரண்டு ஆண்டுகளாக சுதர்சன் பாபுவிற்கும் சுதாவிற்கும் இடையே கருத்து வேறுபாடு ஏற்பட்டதாகக் கூறப்படுகிறது. இந்த நிலையில் சேலம் கோரிமேட்டில் இருந்த சுதாவிற்கு திடீரென உடல்நலக் கோளாறு ஏற்பட்டதாக ஆரம்ப சுகாதார நிலையத்திற்கு கொண்டுவரப்பட்டார். ஆனால் அங்கு பரிசோதித்த மருத்துவர்கள் சுதா உயிரிழந்து விட்டதாகத் தெரிவித்தனர்.

இந்த தகவல் சுதாவின் உறவினர்களுக்கு தெரியவர, அங்கு அவர்கள் ஒன்று கூடினார்கள். தன்னுடைய சகோதரிக்கு சாப்பாடு போடாததால் இறந்து விட்டார் என்கிற குற்றச்சாட்டுகளை அடுக்கினர். செய்தியாளர்களைச் சந்தித்த சுதாவின் சகோதரர், ''அவரை அடித்துக் கொடுமைப்படுத்தி சாப்பாட்டை போடாமல் கொன்று விட்டார்கள். ஒரு சின்ன பஞ்சாயத்து வச்சு உன்னுடைய அக்காவை கூட்டிக்கொண்டு போய்விடு என என்னிடம் சொல்லி இருந்தால் என்னுடைய அக்காவை காப்பாற்றி இருப்பேன். ஒரு நாய்க்கு போடுகின்ற சோறைக் கூட என் அக்காவிற்கு போடவில்லை' என ஆதங்கமாகத் தெரிவித்தார்.

அதேபோல் அவருடைய மறைவிற்கு மேயர் வரவில்லை, மேயரின் மனைவி வரவில்லை. சுதர்சன் பாபு வரவில்லை. குழந்தையையும் ஏற்காட்டில் ஹாஸ்டலில் சேர்த்து விட்டார்கள். அந்த குழந்தைக்கு ஆசை இருக்காதா அம்மாவை பார்க்க வேண்டும்' எனத் தங்களது ஆதங்கத்தை வெளிப்படுத்தினர்.

the mayor's daughter-in-law who died mysteriously; A strange explanation given by the mayor

இது சேலத்தில் பரபரப்பை ஏற்படுத்திய நிலையில், மேயர் ராமச்சந்திரன் ‘தன்னுடைய மருமகளுக்கு வெற்றிலை பாக்கு புகையிலை பழக்கம் இருப்பதால் அவருக்கு உடல்நிலை மோசமடைந்துள்ளது. ஆனால் எனது மருமகளுடைய தம்பி மற்றும் அவரது உறவினர்கள் என்னை பற்றியும் எனது குடும்பத்தை பற்றியும் பத்திரிகை மற்றும் ஊடகங்களுக்கு தவறான தகவலை தந்ததாக தெரியவந்தது. எனது பொது வாழ்விற்கு களங்கம் ஏற்படுத்த வேண்டும் என்ற நோக்கில் தவறான செய்தி பரப்புகிறார்கள்' என விளக்கம் அளித்துள்ளார். அதேநேரம் மருத்துவமனை தரப்பில் கொடுக்கப்பட்டுள்ள பிரேதப் பரிசோதனை அறிக்கையில் அவருக்கு சர்க்கரை நோய் மற்றும் உடலில் ரத்தம் குறைவாக இருந்ததாகத் தெரிவிக்கப்பட்டுள்ளது.

சார்ந்த செய்திகள்

 

Next Story

காணாமல் போன இளம்பெண்; கண்டுபிடித்துத் தரக்கோரி காவல் நிலையம் முற்றுகை

Published on 23/07/2024 | Edited on 23/07/2024
Missing Girl; Find out and lay siege to the police station

புதுக்கோட்டை மாவட்டம் ஆலங்குடி காவல் சரகத்திற்கு உட்பட்ட ஒரு கிராமத்தைச் சேர்ந்த 19 வயது இளம்பெண் கடந்த 19 ந் தேதி திடீரென காணாமல் போன நிலையில் உறவினர், தோழிகள் வீடுகளில் எல்லாம் தேடிய உறவினர்கள் ஆலங்குடி காவல் நிலையத்தில் புகார் கொடுத்துள்ளனர். பெண்ணை காணவில்லை என்று பெற்றோர் புகார் கொடுத்திருந்த நிலையில் ஆலங்குடி போலீசார் அந்த பெண் பயன்படுத்திய செல்போன் எண் அணைத்து வைக்கப்பட்டிருந்ததால் அவர் யாருக்கெல்லாம் போனில் பேசியுள்ளார் என்ற விபரங்களை சேகரித்து சில குறிப்பிட்ட எண்ணில் உள்ளவர்களிடம் விசாரணை செய்து வருகின்றனர்.

இந்நிலையில் புகார் கொடுத்து சில நாட்களாகியும் இளம்பெண்ணை கண்டுபிடித்துத் தரவில்லை என்று இன்று செவ்வாய்க் கிழமை மாலை ஆலங்குடி காவல் நிலையம் முன்பு திரண்ட இளம்பெண்ணின் உறவினர்கள் ஆண்கள் பெண்கள் என ஏராளமானோர் முற்றுகை போராட்டத்தில் ஈடுபட்டனர். இதையடுத்து நடந்த சமாதானப் பேச்சுவார்த்தையில் செல்போன் விபரங்கள் சேகரிக்கப்பட்டு தொடர் விசாரனை நடப்பதால் விரைவில் மீட்கப்படுவார் என்று போலீசார் உறுதி அளித்ததால் முற்றுகை போராட்டத்தை கைவிட்டு கலைந்து சென்றனர். இதனால் அங்கு சிறிது நேரம் பரபரப்பு ஏற்பட்டிருந்தது.

Next Story

தேள் கடித்ததில் அலட்சியம் ; சிறுவன் உயிரிழப்பால் சோகத்தில் மூழ்கிய கிராமம்

Published on 23/07/2024 | Edited on 23/07/2024
Negligence in scorpion stings; The village is plunged into grief due to the death of the boy

தேள் கடித்தும் அலட்சியமாக இருந்த பள்ளி மாணவன் உயிரிழந்த சம்பவம் திருவள்ளூரில் பரபரப்பை ஏற்படுத்தியிருக்கிறது.

திருவள்ளூர் மாவட்டம் பொன்னாங்குளம் பகுதியைச் சேர்ந்த சிறுவன் ஜோதி ராமன். அந்த பகுதியில் உள்ள பள்ளியில் ஆறாம் வகுப்பு பயின்று வந்தார். இந்நிலையில் வீட்டருகே நண்பர்களுடன் ஜோதி ராமன் விளையாடிக் கொண்டிருந்தாக கூறப்படுகிறது. அப்பொழுது கருந்தேள் ஒன்று ஜோதி ராமனை கடித்துள்ளது. ஆனால் அதைப் பெரிதாக எடுத்துக் கொள்ளாத சிறுவன் அதைப் பொருட்படுத்தாமல் விளையாடிக் கொண்டிருந்ததாகச் சொல்லப்படுகிறது.

இந்நிலையில் திடீரென மயக்கம் வருவதாக தன்னுடைய பெற்றோர்களிடம் சிறுவன் சொல்லியுள்ளான். உடனடியாக சிறுவன் விளையாடிக் கொண்டிருந்த இடத்திற்கு சென்ற பெற்றோர் ஆய்வு செய்ததில் அங்கு கருந்தேள் ஒன்று இருந்தது. உடனடியாக சிறுவனை திருவள்ளூர் அரசு மருத்துவக் கல்லூரி மருத்துவமனைக்கு கொண்டு சென்று சேர்த்தனர். ஆனால் சிகிச்சை பலனின்றி சிறுவன் ஜோதி ராமன் உயிரிழந்தான். தேள் கடித்து ஆறாம் வகுப்பு சிறுவன் உயிரிழந்த சம்பவம் பொன்னாங்குளம் பகுதியில் பரபரப்பையும் சோகத்தையும் ஏற்படுத்தி இருக்கிறது.