Skip to main content

‘மாபெரும் 7 தமிழ்க்கனவு’- தமிழக பட்ஜெட் இன்று தாக்கல்!

Published on 19/02/2024 | Edited on 19/02/2024
Maperum 7 Tamilkanavu Tamil Nadu budget tabled today

இந்த ஆண்டுக்கான தமிழக சட்டப்பேரவையின் முதல் கூட்டத்தொடர் கடந்த 12 ஆம் தேதி ஆளுநர் உரையுடன் தொடங்கி நடைபெற்று வருகிறது. அதன்படி ஆளுநர் ஆர்.என்.ரவி தனது உரையில், “அனைவருக்கும் வணக்கம், தமிழக மக்கள் அனைவருக்கும் ஆங்கில புத்தாண்டு வாழ்த்துகள். சட்டப்பேரவையின் நிகழ்ச்சியின் தொடக்கத்திலும் இறுதியிலும் தேசிய கீதம் பாட வேண்டும் என தொடர்ச்சியாக நான் முன்வைத்த கோரிக்கை புறக்கணிக்கப்பட்டுள்ளது. தமிழக அரசு தயாரித்த உரையில் இடம்பெற்றுள்ள சில வரிகள் உண்மைக்கு மாறாகவும் தார்மீகத்திற்கு முரணாகவும் உள்ளன. இத்தகைய உரைக்கு நான் குரல் கொடுப்பது அரசியலமைப்பை கேலிக்கூத்தாக்கும் செயலாகிவிடும் என்பதால், இத்துடன் என்னுடைய உரையை முடித்துக்கொள்கிறேன்” எனத் தெரிவித்து உரையாற்றத் தொடங்கிய 4 நிமிடங்களில் உரையை முடித்து தனது இருக்கையில் அமர்ந்து கொண்டார்.

அதனைத் தொடர்ந்து ஆளுநர் உரையின் தமிழாக்கத்தை சபாநாயகர் வாசித்தார். அப்போது, “மழை வெள்ள நிவாரண நிதியை மத்திய அரசிடம் இருந்து 50 கோடியை ஆளுநர் வாங்கித் தந்தால் நன்றாக இருக்குமென்று நாங்கள் கேட்கலாம். சாவர்க்கர், கோட்சே வழியில் வந்தவர்களுக்கு நாங்கள் சற்றே குறைந்தவர்கள் அல்ல... ஜன கன மன இனிமேல்தான் பாடுவோம்” என சபாநாயகர் பேசிக் கொண்டிருக்கும் போதே ஆளுநர் ஆர்.என். ரவி சட்டப்பேரவையில் இருந்து வெளிநடப்பு செய்திருந்தார்.

இதனையடுத்து இரண்டாவது நாளாக கடந்த 13 ஆம் தேதி சட்டப்பேரவை கூடியபோது மறைந்த முன்னாள் சட்டமன்ற உறுப்பினர்களுக்கு இரங்கல் தெரிவித்து தீர்மானம் வாசிக்கப்பட்டு இரண்டு நிமிடங்கள் மவுன அஞ்சலி செலுத்தப்பட்டது. மேலும் இந்திய ரிசர்வ் வங்கியின் முன்னாள் ஆளுநர் எஸ். வெங்கிடரமணன், புகழ்பெற்ற கண் மருத்துவர் எஸ்.எஸ். பத்ரிநாத், தமிழ்நாடு முன்னாள் ஆளுநர் எம். பாத்திமா பீவி, தமிழ்நாடு அரசின் முன்னாள் தலைமைச் செயலாளரும், ஒடிசா மாநில முன்னாள் ஆளுநருமான எம்.எம். இராஜேந்திரன், தேமுதிக நிறுவனத் தலைவரும், முன்னாள் எதிர்க்கட்சித் தலைவருமான விஜயகாந்த், ஆகியோருக்கும் இரங்கல் தீர்மானம் வாசிக்கப்பட்டது. மேலும் ஆளுநர் உரைக்கு நன்றி தெரிவிக்கும் தீர்மானத்தின் மீது விவாதம் நடைபெற்று வருகிறது. இதற்கு அமைச்சர்கள் பதிலுரை அளித்து வருகின்றனர்.

Maperum 7 Tamilkanavu Tamil Nadu budget tabled today

இந்நிலையில் 2024 - 2025 ஆம் ஆண்டுக்கான நிதிநிலை அறிக்கையை சட்டப்பேரவையில் தமிழக நிதித்துறை அமைச்சர் தங்கம் தென்னரசு இன்று (19.02.2024) காலை 10 மணியளவில் தாக்கல் செய்ய இருக்கிறார். புதிய அறிவிப்புகள் இந்த பட்ஜெட்டில் இடம்பெற வாய்ப்புள்ளதாக மக்கள் மத்தியில் எதிர்ப்பார்ப்புகள் எழுந்துள்ளன. நிதியமைச்சராக தங்கம் தென்னரசு தாக்கல் செய்யும் முதல் நிதிநிலை அறிக்கை இதுவாகும். நாளை வேளாண் நிதிநிலை அறிக்கை தாக்கல் செய்யப்பட உள்ளது. வேளாண் நிதிநிலை அறிக்கை விவாதம் இன்றி நிறைவேற்றப்படுகிறது. பொது நிதிநிலை அறிக்கையின் மீது விவாதம் 21 ஆம் தேதி காலை மற்றும் மாலை என இரு வேளைகளிலும் நடைபெற உள்ளது. பிப்ரவரி 22 ஆம் தேதி நிதி அமைச்சரின் பதிலுரையுடன் சட்டமன்ற கூட்டத் தொடர் நிறைவு பெறுகிறது. 

முன்னதாக தமிழ்நாடு பட்ஜெட் முத்திரைச் சின்னத்தை தமிழக அரசு வெளியிட்டிருந்தது. இதனையடுத்து இன்று தாக்கல் செய்யப்படவுள்ள பட்ஜெட்டில் இடம் பெறப்போகும் முக்கிய அம்சங்கள் என்ன என்பதை தமிழக அரசு அறிவித்திருந்தது. அதில், ‘சமூக நீதி, கடைக்கோடி மனிதருக்கும் நல வாழ்வு, உலகை வெல்லும் இளைய தமிழகம், அறிவுசார் பொருளாதாரம், சமத்துவ நோக்கில் மகளிர் நலம், பசுமைவழிப் பயணம், தாய்த் தமிழும் தமிழர் பண்பாடும் ஆகிய 7 முக்கிய அம்சங்கள் பட்ஜெட்டில் இடம்பெறும்’ என்று குறிப்பிடப்பட்டுள்ளது.

சார்ந்த செய்திகள்

 

Next Story

'மின் கட்டண உயர்வுக்கு அதிமுகவே காரணம்'- அமைச்சர் தங்கம் தென்னரசு பேட்டி

Published on 23/07/2024 | Edited on 23/07/2024
'The AIADMK is the reason for the increase in electricity tariff' - Minister Thangam Tennarasu interview


மின் கட்டண உயர்வுக்கு அதிமுகவே காரணம் எனத் தமிழக மின்துறை அமைச்சர் தங்கம் தென்னரசு தெரிவித்துள்ளார்.

சென்னை தேனாம்பேட்டையில் செய்தியாளர்களைச் சந்தித்த தமிழக மின்துறை அமைச்சர் தங்கம் தென்னரசு பேசுகையில், ''ஜெயலலிதா இருந்தவரை உதய் மின் திட்டத்தில் இணைவதற்கு எதிர்ப்பு இருந்தது. ஜெயலலிதா மருத்துவமனையில் இருந்த அன்றைய தினம் அமைச்சராக இருந்த பியூஸ்கொயல் சென்னைக்கு வந்து இந்தியாவிலேயே தமிழ்நாடு தனி மாநிலமாக இருக்கிறது. இங்க இருக்கக்கூடிய முதலமைச்சரை பார்க்கவே முடியவில்லை. அமைச்சர்களை கேட்டால் அவர்கள் எதையும் சொல்ல மாட்டேன் என்கிறார்கள் என்று சொல்லி விமர்சனம் செய்தார்கள். அன்றைய அமைச்சர் நத்தம் விஸ்வநாதன் பியூஸ் கோயல் மீது சீறிப்பாய்ந்த நிகழ்ச்சிகள் எல்லாம் அன்றைய தினத்தில் பத்திரிகைகளில் பெருவாரியாக வெளியே வந்திருக்கிறது.

கடந்த 2017 ஆம் ஆண்டு ஜனவரி மாதம் 9 ஆம் தேதி உதய் மின் திட்டத்தில் அன்றைய மின்துறை அமைச்சர் கையெழுத்திட்டு தமிழ்நாட்டையும் அதில் இணைத்துக் கொண்டதற்கு பிறகுதான் இந்த மின்சார கட்டணங்கள் என்பது உயர்ந்தது. ஒவ்வொரு வருடமும் மின்சார உயர்வுக்கு தமிழ்நாடு அரசு ஒப்புதல் தெரிவிக்கும் மிக முக்கியமான ஷரத் கொண்ட ஒப்பந்தத்தில் கையெழுத்திட்டது அன்றைய அதிமுக அரசு. ஏன் இந்த மின் கட்டணம் உயர்வு வேண்ட கூடிய சூழ்நிலை வந்தது. இதற்கான சீரழிவுக்கு யாரெல்லாம் காரணமாக இருந்திருக்கிறார்கள் என்று சொன்னால் கடந்த 2011-12 ஆண்டு வரை திமுக ஆட்சியில் இருந்தபோது மின்சார வாரியத்திற்கு ஒட்டுமொத்த நிதி இழப்பு 18,954 கோடியாக இருந்தது. பின் நாட்களில் 10 ஆண்டு காலம் அதிமுக ஆட்சியில் அவர்களின் திறனற்ற நிர்வாகத்தின் காரணமாக இந்த செலவு ஏறத்தாழ 94,313 கோடியாக அதிகரித்து. 2021 இல் நாங்கள் ஆட்சிப் பொறுப்பை ஏற்றுக் கொள்வதற்கு முன்பு வரை ஒரு லட்சத்து 13 ஆயிரத்து 76 கோடி ரூபாயாக தமிழ்நாடு மின்சார உற்பத்தி கழகத்தின் உற்பத்தி மற்றும் ஒட்டுமொத்த நிதி இழப்பு இருந்தது.

இதற்கு காரணம் யார்?  ஆனால் பின்னால் வந்த திமுக அரசு இந்த நிதி இழப்பினை 2021-22 இல் இருந்து 100% அரசாங்கம் ஏற்றுக் கொண்டுள்ளது. இந்த நிதியிழப்பை முந்தைய அரசு வழங்காத காரணத்தால் டி.என்.இ.பியின் கடன் 43,493 கோடி ரூபாய். இந்த 10 ஆண்டுகளில் மூன்று மடங்கு உயர்ந்து. 2022-ல் கடன் மட்டும் ஒரு லட்சத்து 59 ஆயிரத்து 723 கோடி ஆகும். இந்த தொடர்ச்சியான இழப்புகளை சரி கட்டுவதற்காக தான் இந்த மின் கட்டணம் உயர்த்தப்பட்டு வெளியிடப்பட்டுள்ளது. அதிலும் ஒரு கோடி வீட்டு இணைப்பு உள்ளவர்களுக்கு எந்த மாற்றமும் இல்லை. குறைந்த அளவில் தன் மின்சார கட்டணம் உயர்த்தப்பட்டுள்ளது. எந்த அளவிற்கு கட்டணம் உயர்த்தப்பட்டுள்ளது என்பதை நாங்கள் விலாவாரியாக கொடுத்திருக்கிறோம்'' என்றார்.

Next Story

“உரிமைக் குழு நோட்டீஸை ரத்து செய்தது தவறு” - உயர் நீதிமன்றம் அதிரடி!

Published on 09/07/2024 | Edited on 09/07/2024
It was wrong to cancel the rights committee notice High Court

கடந்த 2017ஆம் ஆண்டு தமிழக சட்டப்பேரவைக்குள் நுழைவதற்கு முன்பு குட்காவுடன் வந்து அப்போதைய எதிர்க்கட்சித் தலைவரும், தற்போதைய முதலமைச்சருமான மு.க. ஸ்டாலின் உள்ளிட்ட 18 திமுக எம்எல்ஏக்கள், ‘தமிழகம் முழுவதும் குட்கா விற்பனை அதிகரித்துள்ளது’ எனக் குறி முழக்கம் எழுப்பினர். இந்த விவகாரம் குறித்தும், சட்டப்பேரவைக்குள் குட்கா கொண்டு வந்ததாக தெரிவித்தும் சட்டப்பேரவை உரிமைக்குழு சார்பில் நடவடிக்கை எடுப்பதாக கூறி நோட்டீஸ் அனுப்பப்பட்டது. இதனையடுத்து சட்டப்பேரவை உரிமைக்குழு சார்பில் நடவடிக்கை எடுப்பதாக கூறி அனுப்பப்பட்ட நோட்டீஸை எதிர்த்தும் ரத்து செய்யக்கோரி வழக்கு தொடர்ந்திருந்தனர்.

இந்த வழக்கை விசாரித்த தலைமை நீதிபதி அமர்வு நோட்டீஸில் தவறுகள் இருந்தால் அதனை திருத்தி அனுப்பலாம். ஆனால் நோட்டீஸை ரத்து செய்ய முடியாது எனத் உத்தரவிட்டிருந்தது இதையடுத்து உரிமைக்குழு சார்பில் இரண்டாவது முறையாக நோட்டீஸ் அனுப்பப்பட்டது. இதனை எதிர்த்து மு.க. ஸ்டாலின் உள்ளிட்ட 18 திமுக எம்எல்ஏக்கள் வழக்குத் தொடர்ந்தனர். இந்த வழக்கை விசாரித்த உயர் நீதிமன்றம் நோட்டீஸை ரத்து செய்வதாக அறிவித்தது. அதே சமயம் இந்த நோட்டீஸை அனுப்பியதை ரத்து செய்ய முடியாது என கூறி சட்டப்பேரவை உரிமைக்குழு மற்றும் சட்டப்பேரவை செயலாளர் சார்பில் உயர் நீதிமன்றத்தில் மேல்முறையீட்டு மனுத் தாக்கல் செய்யப்பட்டது. இத்தகைய சூழலில் தான் இந்த வழக்கு உயர் நீதிமன்றத்தில் வழக்கு விசாரணை எஸ். எம். சுப்பிரமணியன் அமர்வில் நடைபெற்று வந்தது. கடந்த முறை விசாரணைக்கு வந்த போது நீதிபதி, “இந்த வழக்கை வாபஸ் பெற எதன் அடிப்படையில் முடிவெடுத்தீர்கள். எதன் அடிப்படையில் அரசாணை பிறப்பிக்கப்பட்டது” கேள்வி எழுப்பினார்.

இந்நிலையில் இந்த வழக்கு இன்று மீண்டும் விசாரணைக்கு வந்தது. அப்போது தமிழக அரசு சார்பில் ஆஜரான தலைமை வழக்கறிஞர் ராமன், “சட்டமன்றத்தில் நடைபெறக்கூடிய நிகழ்வுகளுக்கு சபாநாயகர் தான் முடிவெடுக்க முடியும். இது தொடர்பாக சபாநாயகரின் முடிவில் தலையிட முடியாது” என வாதிட்டார். அப்போது நீதிபதி, “சட்டமன்றமாக இருந்தாலும், நீதி நீதிமன்றமாக இருந்தாலும் தனித்தனி அமைப்புகளாக இருந்தாலும் ஒருவருக்கு ஒருவர் தலையிட முடியாவிட்டாலும் இதில் இறுதி முடிவு எடுக்கப்படாத சூழலில் இந்த வழக்கை வாபஸ் பெறுவதாக முடிவு எடுப்பது தவறு. இறுதி முடிவு எதுவும் எடுக்கப்படாமல் எதன் அடிப்படையில் வாபஸ் பெறுவதாக முடிவு எடுக்கப்பட்டது. உரிமைக் குழு நோட்டீஸை ரத்து செய்தது தவறு” எனக் கேள்வி எழுப்பினார். இவ்வாறு இருதரப்பு வாதங்கள் நிறைவடைந்த நிலையில் தீர்ப்பின் தேதியை குறிப்பிடப்படாமல் நீதிபதி வழக்கை ஒத்தி வைத்தார்.