Skip to main content

பிரச்சனைகளுக்குக் காரணம் சாமி குத்தமா? அணுமின் நிலையத்தை மிரட்டும் யானைக்கல் பாறை!

Published on 11/05/2020 | Edited on 11/05/2020

 

Aanaikkal Paarai



"அதை உடைக்காதீங்க! உடைக்காதீங்க! என பல தடவை மன்றாடியும் பலனில்லாமல் உடைச்சீங்க.! அது சும்மா விட்டுச்சா? இப்ப நடக்கின்ற அத்தனை பிரச்சனைகளுக்கும் காரணம் அந்த பாறையை உடைச்சதனால் வந்த தெய்வ குத்தமே" என கூடங்குளம் அணுமின் நிலையத்தில் ஏற்படும் பிரச்சனைகளுக்கு புதியதோர் காரணத்தை அவ்வூரை சேர்ந்த முருக பக்தர்கள் முன் வைத்த நிலையில், அது சமூக வலைத்தளங்களில் வைரலாகி வருகின்றது.


திருநெல்வேலி மாவட்டம், ராதாபுரம் தாலுகாவிலுள்ள கூடங்குளத்தில் ரஷ்ய நாட்டின் ஒத்துழைப்போடு அணுவினை பிளந்து அதன் மூலம் மின்சாரம் தயாரிக்கும் கடந்த பல வருடங்களாக நடைப்பெற்று வருகின்றது. வெறும் அணு உலை மட்டுமல்லாது இந்தப் பகுதியினை அணு உலை பூங்காவாக மாற்ற ஆறு கட்டங்களில் கட்டுமானப் பணிகள் நடைப்பெற்று வருகின்றன. இந்தக் கட்டுமானப் பணிகளை செய்து வருவது லார்சன் டர்போ நிறுவனம். கடலிலிருந்து சுமார் 50 மீட்டர் தொலைவில் அதாவது மூன்று மற்றும் நான்காம் பகுதிகளினை யொட்டி யானை ஒன்று அமர்ந்திருப்பது போல் பாறை ஒன்று இயற்கையாகவே அமைந்திருக்க, தூத்துக்குடி, கன்னியாகுமரி மாவட்டம்  மற்றும் உள்ளூர் மக்கள் அதனை வணங்கி வருவது வழக்கம். அணுமின் நிலைய விரிவாக்கப் பணிகளில் இது உடைபடும் என்பதால், மக்கள் இதனை உடைக்கக் கூடாது என்று போர்க்கொடி உயர்த்திய நிலையில், கடந்த மார்ச் 8ம் தேதி அந்தப் பாறையை உடைத்து தகர்த்துள்ளது ஒப்பந்தம் எடுத்துள்ள லார்சன் டர்போ எனப்படும் L & T நிறுவனம்.

 

 


இது தெய்வ குத்தம் என அனைத்து ஆன்மீக அன்பர்களும் குற்றஞ்சாட்டிய நிலையில் தொழிலாளர் பிரச்சனை, வழக்குகள், வன்முறை என தடுமாறி வருகின்றது கூடங்குளம் அணுமின் நிலைய நிர்வாகம். இவ்வேளையில்,  “யானைக்கல் பாறை அது வெறும் பாறை அல்ல. அது எங்கள் வழிபாட்டு தெய்வம், எங்கள் நம்பிக்கை, புராதான சின்னம் என மக்கள் கோரிக்கை வைத்தும் கூடங்குளம் அணுமின் நிலைய நிர்வாகம் அவற்றையெல்லாம் பொருட்படுத்தாது பல தடங்கள்களையும் மீறி மார்ச் 8ம் தேதி யானைக்கல் பாறையை உடைத்தது. அதன் பின்னர், நடக்கின்ற சம்பவங்களை பார்த்தால் கூடங்குளம் அணுமின் நிலைய நிர்வாகம் பல குளறுபடிகளையும், சிக்கல்களையும், பல பிரச்சனைகளையும் சந்தித்து வருகின்றது. இதற்கு காரணம்! தெய்வீக யானைக்கல் பாறையை தொட்டதே.! இதனால் L&T கம்பெனியும் சொல்லொண்ணா துயரத்தை அடைந்து வருவதும் எங்களுக்கு தெரியவருகின்றது. மக்களின் இறை நம்பிக்கை, தெய்வ சக்தியோடு விளையாடாதீர்கள். பின் வினையை அனுபவிப்பீர்கள். கூடங்குளம் அணுமின் நிலைய நிர்வாகம் தனது தவறை உணரவேண்டும். திருச்செந்தூர் முருகப் பெருமான் பவனி வந்த யானை பாறையாக மாறியதாகவே மக்கள் இன்றுவரை நம்பி வணங்கி வருகின்றனர். அந்த தெய்வீக யானைக்கல் பாறையை மீண்டும் அதே இடத்தில் நிறுவப்பட வேண்டும். அவ்விடத்தை ஒரு கோவிலாக கட்டி பராமரிக்க வேண்டும். எம் பெருமான் திருச்செந்தூர் முருகன் திருவருளால் அனைவரும் காக்கப்படுவோம்." என கூடங்குளம் தொடங்கி மாவட்டம் ஆன்மிக அன்பர்களிடம் வைரலாக பரவி வருகின்றது.


 

 

Aanaikkal Paarai


 

கூடங்குளத்தினை சேர்ந்த சமூக ஆர்வலர் ரவியோ., "முருகன் - வள்ளி, தெய்வானை திருமணத்தில் கன்னியாகுமரியில் மச்சேந்திரன் எனும் பரத மன்னனின் மகளான பிறந்த தெய்வாணையை திருமணம் செய்ய திருவிளையாடல்கள் நடத்தும் நோக்கில் இந்திரனின் ஐராவதம் யானையில் வைத்து தெய்வாணையை அழைத்து வருகின்றார் முருகக் கடவுள். கூடங்குளம் அருகில் இடிந்தகரை வரும் பொழுது ( புராணத்தில் விடிந்த கரை ) சூரியன் உதித்து இரவுப் பொழுது விடிந்ததால் யானையை அங்கேயே நிறுத்தி வைத்து விட்டு, தெய்வாணைய அழைத்துக் கொண்டு மயில் மீது திருச்செந்தூர் சென்று விடுவார் கடவுள். அந்த ஐராவத யானையே கல்லாக மாறி யானைக்கல் பாறையாய் மாறியது. மாசித்திருவிழாவின் 8ம் நாள் விழாவும், ஆனி மற்றும் ஆடி மாதக் கடைசி வெள்ளிக் கிழமைகளில் இங்கு குளித்து யானைக்கல் பாறைக்கு பூஜை புனஸ்காரங்களை செய்வோம். இப்பொழுது அதற்கு வழியில்லாமல் போய்விட்டது. புனித இடம் அருகில் ஐந்து கிமீ சுற்றளவில் எந்த கட்டிடமும் இருக்கக் கூடாது என்பது உள்ளிட்ட விதிகளையும் அளித்து எத்தனையோ தடவை மன்றாடி பார்த்துவிட்டோம். இப்பொழுது அதனை உடைத்து விட்டனர். அந்த குத்தம்தான் அவங்களை பாடாய் படுத்துது." என்கிறார் அவர். பிரச்சனைகளுக்குக் காரணம் சாமி குத்தமாக  இருக்குமோ..? என பட்டிமன்றத்தை துவங்கி விட்டனர் ஏனைய பொது மக்கள். 

 

 

சார்ந்த செய்திகள்

 

Next Story

மாஞ்சோலை விவகாரம்; புலிகள் பாதுகாப்பு ஆணையம் தமிழக வனத்துறைக்குக் கடிதம்!

Published on 05/07/2024 | Edited on 05/07/2024
Manjolai Affair Tiger Conservation Commission letter to Tamil Nadu Forest Dept

திருநெல்வேலி மாவட்டம் மேற்குத் தொடர்ச்சி மலையில் உள்ள சுமார் 75,000 ஏக்கர் பரப்பளவு காடுகளில் 8,000 ஏக்கர் நிலப்பரப்பு தனியார் தேயிலைத் தோட்ட நிறுவனத்திற்காக 99 ஆண்டுகளுக்கு குத்தகைக்கு விடப்பட்டது. இந்தக் குத்தகை 2028 ஆம் ஆண்டில் முடிவடைகிறது. மாஞ்சோலை, மணிமுத்தாறு, ஊத்து உள்ளிட்ட பல்வேறு இடங்களில் தொழிலாளர்கள் தங்கி அங்குள்ள தேயிலைத் தோட்டங்களில் பணியாற்றி வந்தனர். குத்தகை முடிவதற்கு முன்பாகவே தனியார் நிறுவனம் ஒன்று தங்களுடைய பணியை நிறுத்திக் கொள்வதாக தகவல் வெளியாகி இருந்தது.

இதனையடுத்து, அங்கு பணியாற்றும் ஊழியர்கள் தங்களுடைய நலனுக்காக விருப்ப ஓய்வு பெற்றுக் கொள்ளலாம் என இதற்கான அறிவிப்பை தனியார் நிறுவனம் நோட்டீஸ் வாயிலாக வெளியிட்டது. மேலும், அங்கு பணியாற்றி வரும் தொழிலாளர்களை வெளியேற்றும் நடவடிக்கையிலும் அந்தத் தனியார் தேயிலைத் தோட்ட நிறுவனம் ஈடுபட்டு வருகிறது. அதுமட்டுமல்லாமல் மாஞ்சோலை தேயிலைத் தோட்டத்தில் இருந்து ஆகஸ்ட் 7ஆம் தேதிக்கு முன்னதாக தொழிலாளர்கள் வெளியேற வேண்டும் எனவும் நோட்டீஸ் அனுப்பியிருந்தது. 

அதே சமயம் மாஞ்சோலை மக்களை அங்கிருந்து வற்புறுத்தி வெளியேற்றுவதாக தேசிய புலிகள் பாதுகாப்பு ஆணையத்திற்கு புதிய தமிழகம் கட்சியின் தலைவர் கிருஷ்ணசாமி கடிதம் எழுதியிருந்தார். இந்நிலையில் மாஞ்சோலை விவகாரத்தில் தமிழக வனத்துறையிடம் தேசிய புலிகள் பாதுகாப்பு ஆணையம் அறிக்கை கேட்டுள்ளது. இது தொடர்பாக தமிழக வனப்பாதுகாவலருக்கு தேசிய புலிகள் பாதுகாப்பு ஆணையம் கடிதம் எழுதியுள்ளது.

அந்தக் கடிதத்தில், “திருநெல்வேலி மாவட்டம் அம்பாசமுத்திரம் தாலுகாவில் உள்ள மாஞ்சோலை, காக்காச்சி, நாலமூக்கு, ஊத்து மற்றும் குதிரைவெட்டி கிராமங்களில் உள்ள பாரம்பரிய பழங்குடி மக்களை வலுக்கட்டாயமாக வெளியேற்றுவது தொடர்பாக கிருஷ்ணசாமியின் கடிதம் வரப்பட்டுள்ளது. எனவே, இது குறித்த உண்மை நிலை மற்றும் அது தொடர்பாக எடுக்கப்பட்ட நடவடிக்கை அறிக்கையை விரைவில் அளிக்குமாறு கேட்டுக்கொள்ளப்படுகிறது” எனத் தெரிவிக்கப்பட்டுள்ளது. 

Next Story

நெல்லை மேயர் சரவணன் ராஜினாமா!

Published on 03/07/2024 | Edited on 03/07/2024
Nellai Mayor Saravanan resigns

கோவை மேயராக பதவி வகித்து வந்த கல்பனா ஆனந்த குமார் தனது பதவியை ராஜினாமா செய்துள்ளார். மாநகராட்சி ஆணையர் சிவகுரு பிரபாகரனிடம் தனது ராஜினாமா கடிதத்தை தனது உதவியாளர் மூலம் வழங்கினார். மேயர் பதவியில் இருந்து கல்பனா ராஜினாமா செய்தது குறித்து மாநகராட்சி ஆணையர் சிவகுரு பிரபாகரன் தெரிவிக்கையில், “உடல் நிலை மற்றும் குடும்பச் சூழ்நிலை போன்ற தனிப்பட்ட காரணங்களுக்காக மேயர் பதவியில் இருந்து கல்பனா ஆனந்த குமார் ராஜினாமா செய்வதாக கடிதம் அனுப்பியுள்ளார்” எனத் தெரிவித்துள்ளார்.

இந்நிலையில் நெல்லை மாநகராட்சி மேயராக இருந்த சரவணன் தனது பதவியை ராஜினாமா செய்துள்ளார். மாநகராட்சி ஆணையரிடம் தனது ராஜினாமா கடிதத்தை சரவணன் அளித்துள்ளதாகவும் தகவல் வெளியாகியுள்ளது. இந்தக் கடிதத்தில் தனிப்பட்ட காரணங்களுக்காக மேயர் பதவியில் இருந்து ராஜினாமா செய்வதாக குறிப்பிடப்பட்டுள்ளதாகக் கூறப்படுகிறது. 

Nellai Mayor Saravanan resigns

நெல்லை மாநகராட்சியில் மொத்தம் 55 வார்டுகள் உள்ளது. இதில் 16 வது வார்டு கவுன்சிலராக திமுகவைச் சேர்ந்த சரவணன் போட்டியிட்டு வெற்றி பெற்றார். இதனையடுத்து நெல்லை மாநகராட்சி மேயராக கடந்த 2022 ஆம் ஆண்டு மார்ச் மாதம்  சரவணன் என்பவர் தேர்வு செய்யப்பட்டார். அப்போது முதல், மேயர் மற்றும் கவுன்சிலர்கள் இடையே தொடர்ந்து மோதல் போக்கு நிலவி வந்தது. மேலும் இது குறித்து திமுக தலைமைக்கும் நெல்லை மாநகராட்சி கவுன்சிலர்கள் கையெழுத்திட்டு மேயருக்கு எதிராகப் புகார் மனு அளித்திருந்தனர். அதே சமயம் மேயருக்கு எதிராக நம்பிக்கையில்லாத் தீர்மானம் கொண்டு வரக்கோரி கவுன்சிலர்கள் சார்பில் மாநகராட்சி ஆணையரிடம் மனு அளித்திருந்தனர். இதையடுத்து மேயர் மீதான நம்பிக்கையில்லாத் தீர்மானம் கொண்டு வரப்பட்டது குறிப்பிடத்தக்கது.

அதே சமயம் கோவை, நெல்லை என அடுத்தடுத்து ஒரே நாளில் இரு மேயர்கள் ராஜினாமா செய்த சம்பவம் அரசியல் வட்டாரத்தில் பெரும் பரபரப்பை ஏற்படுத்தி உள்ளது. இதற்கிடையே கோவை, நெல்லை மேயர்கள் மீதான புகார் குறித்து அமைச்சர் கே.என்.நேரு விசாரணை நடத்தி இருந்தார். இதனையடுத்து முதல்வர் மு.க.ஸ்டாலின் அறிவுறுத்தலின் படி இரு மேயர்களும் ராஜினாமா செய்துள்ளதாக தகவல் வெளியாகியுள்ளது.