Skip to main content

“தொழிலாளர்களுக்காகவே கண் கருவிழி  பதிவு கருவி கொண்டுவரப்பட்டிருக்கிறது” - அமைச்சர் ஐ.பெரியசாமி   

Published on 13/06/2024 | Edited on 13/06/2024
Iris recording equipment has been brought for  workers  says Minister I. Periyasamy

தமிழகத்தில் உள்ள நியாய விலைக் கடைகளில்  பொதுமக்களுக்கு ரேசன் பொருட்கள் வழங்கப்பட்டு வருகிறது. விரல் ரேகை  சரியாகப் பதிவு செய்ய முடியாத நபர்களுக்குக் கருவிழி மூலம் பதிவு செய்து ரேசன்  பொருட்கள் வழங்குவதற்குத் தமிழக அரசு சிறப்பான நடவடிக்கை எடுத்து  வருகிறது. அதன்படி நியாயவிலைக்கடைகளுக்கு கண் கருவிழி பதிவு செய்யும்  கருவி வழங்கும் விழா தாடிக்கொம்பில் நடைபெற்றது. 

நிகழ்ச்சிக்கு மாவட்ட  ஆட்சியர் பூங்கொடி தலைமை தாங்கினார். வருவாய் கோட்டாட்சியர் சக்திவேல்,  தாடிக்கொம்பு பேரூராட்சி மன்றத்தலைவர் கவிதாசின்னத்தம்பி, கிழக்கு மாவட்ட பொருளாளர் கு.சத்தியமூர்த்தி, தலைமை செயற்குழு உறுப்பினர் நடராஜன்,  ஒன்றிய செயலாளர் நெடுஞ்செழியன், அகரம் பேரூராட்சி மன்றத்தலைவர்  நந்தகோபால் ஆகியோர் முன்னிலை வகித்தனர். மாவட்ட வழங்கல் அலுவலர்  ஜெயசித்ரகலா வரவேற்று பேசினார். சிறப்பு விருந்தினராக ஊரக வளர்ச்சித்துறை  அமைச்சர் ஐ.பெரியசாமி கலந்து கொண்டு நியாய விலைக்கடை ஊழியர்களுக்கு  கருவிழி பதிவு செய்யும் கருவியை வழங்கினார். அதோடு அங்கிருந்த பொதுமக்களிடமும் கருவிழி பதிவு செய்தும் காண்பித்தார்.   

தமிழகத்தில் உள்ள நியாய விலைக் கடைகளில்  பொதுமக்களுக்கு ரேசன் பொருட்கள் வழங்கப்பட்டு வருகிறது. விரல் ரேகை  சரியாகப் பதிவு செய்ய முடியாத நபர்களுக்குக் கருவிழி மூலம் பதிவு செய்து ரேசன்  பொருட்கள் வழங்குவதற்குத் தமிழக அரசு சிறப்பான நடவடிக்கை எடுத்து  வருகிறது. அதன்படி நியாயவிலைக்கடைகளுக்கு கண் கருவிழி பதிவு செய்யும்  கருவி வழங்கும் விழா தாடிக்கொம்பில் நடைபெற்றது. 

Iris recording equipment has been brought for  workers  says Minister I. Periyasamy

ஒரு லட்சம் வீடுகள் இந்த வருடத்திற்கான இலக்காக  இருந்தாலும் எவ்வளவு பேருக்கு விரைவாக வீடுகள் கட்டிக் கொடுக்க  முடியுமோ அதன்படி எண்ணிக்கை அதிகமாக இருந்தாலும் பயனாளிகளுக்கு  விரைவில் கட்டிக் கொடுக்கப்படும். மாதந்தோறும் மக்களைச் சந்தித்து அவர்களுடைய குறைகளைக் கேட்டறிந்து அவற்றை நிவர்த்தி செய்யத்  திட்டமிட்டுள்ளோம். இடைத் தேர்தல் முடிந்த பின்பு அனைத்து பகுதிகளுக்கும்  சென்று பொதுமக்களிடம் இருந்து கோரிக்கை மனுக்களைப் பெற்று அவற்றை  உடனடியாக நிறைவேற்ற நடவடிக்கை எடுப்பேன்” என்று கூறினார்.  

அப்போது  அங்குக் கூடியிருந்த நூற்றுக்கணக்கான பொதுமக்கள் மகிழ்ச்சியில் கைதட்டி ஆரவாரம் செய்தனர். நிகழ்ச்சியில் துணைப் பதிவாளர் பொது விநியோகத்திட்டம் இரா.அன்புக்கரசன், பறக்கும்படை தாசில்தார் அபுரிஸ்வான், கூட்டுறவு ஒன்றிய  மேலாண்மை இயக்குநர் செல்வக்குமார், கூட்டுறவு சார்பதிவாளர் அன்பரசு,  மாவட்ட வர்த்தகர் அணி அமைப்பாளர் பொன்முருகன்,தாடிக்கொம்பு பேரூராட்சி  எழுத்தர் மகாலிங்கம், மீனவரணி அமைப்பாளர் தாடிக்கொம்பு முருகேசன்,   தாடிக்கொம்பு தொடக்க வேளாண்மை கூட்டுறவு கடன் சங்க செயலாளர் ரமேஷ்,  திண்டுக்கல் மாமன்ற உறுப்பினர் நெல்லை சுபாஷ் உட்பட திமுக நிர்வாகிகள்  மற்றும் இளைஞரணியினர், சார்பு அணியினர் பலர் கலந்து கொண்டனர்.

சார்ந்த செய்திகள்

 

Next Story

“உலக அளவில் முதல்வரின் காலை உணவுத்  திட்டம் பாராட்டப்பட்டு வருகிறது” - அமைச்சர் ஐ.பெரியசாமி  

Published on 15/07/2024 | Edited on 15/07/2024
breakfast program is being appreciated globally says Minister I. Periyasamy

தமிழகத்தில் அரசு தொடக்க பள்ளிகளில் செயல்படுத்தப்படும்,  முதலமைச்சரின் காலை சிற்றுண்டி திட்டம் வரும் கல்வியாண்டு முதல் 30,122  பள்ளிகளில் விரிவுபடுத்தப்பட்டு சிறப்பாக செயல்படுத்தப்பட்டு வருகிறது.  தமிழகத்தில் உள்ள அரசு தொடக்கப் பள்ளிகளில் 1 முதல் 5ம் வகுப்பு வரை  பயிலும் மாணவர்களுக்கு அனைத்து பள்ளி வேலை நாட்களிலும் காலை சிற்றுண்டி வழங்கும் திட்டம் கடந்த வருடம் ஆகஸ்ட் 25ம் தேதி முதல் தமிழக  முதல்வர் மு.க.ஸ்டாலினால் தொடங்கி வைக்கப்பட்டு இன்று வரை  சிறப்பாக  செயல்படுத்தப்பட்டு வருகிறது. இதன்மூலம் தமிழகத்தில் 17 லட்சம்  மாணவர்கள் பயன்பெற்றுள்ளார்கள். 

அரசு உதவி பெறும் தனியார் பள்ளிகளும்  இந்த திட்டத்தை தங்கள் பள்ளிகளுக்கும் செயல்படுத்த வேண்டும் என்று தமிழக  முதல்வரிடம் கோரிக்கை விடுத்ததை அடுத்து தமிழக முதல்வர்  பெருந்தலைவர் காமராஜர் பிறந்த நாள் அன்று அரசு உதவி பெறும்  தனியார் பள்ளிகளிலும் இந்த திட்டத்தை தொடங்க திட்டமிட்டு திருவள்ளுவர்  மாவட்டம் கடம்பத்தூர் ஊராட்சி ஒன்றியம் கீழச்சேரியில் உள்ள அரசு உதவி  பெறும் தனியார் பள்ளியான புனித அன்னாள் தொடக்கப் பள்ளியில் இத்திட்டத்தை  தொடங்கி வைத்தார்.   

breakfast program is being appreciated globally says Minister I. Periyasamy

அதைத்தொடர்ந்து தமிழகம் முழுவதும் அமைச்சர்கள்  சட்டமன்ற உறுப்பினர்கள், ஒன்றிய பெருந்தலைவர்கள் தங்கள் பகுதியில் உள்ள  அரசு உதவி பெறும் தனியார் பள்ளிகளில் இத்திட்டத்தை தொடங்கி வைத்தனர்.  இதன்மூலம் 3,995 அரசு உதவி பெறும் பள்ளிகளில் பயிலும் 2,23,536 மாணவ- மாணவியர்கள் பயன் பெறுகிறார்கள். திண்டுக்கல் மாவட்டத்தில் உள்ள ஆத்தூர்  சட்டமன்ற தொகுதிக்கு உட்பட்ட காந்திகிராமத்தில் உள்ள அரசு உதவி பெறும் தனியார் பள்ளியில் காலை சிற்றுண்டி திட்டம் தொடக்க விழா நடைபெற்றது.  விழாவிற்கு மாவட்ட ஆட்சியர் பூங்கொடி தலைமை தாங்கினார். மாவட்ட  ஊராட்சி முகமை திட்ட இயக்குநர் திலகவதி, ஒன்றிய பெருந்தலைவர்  மகேஸ்வரிமுருகேசன், ஒன்றிய செயலாளர்கள் முருகேசன், பாறைப்பட்டி  ராமன், காந்திகிராமம் அறக்கட்;டளை செயலாளர் சிவக்குமார் ஆகியோர் முன்னிலை வகித்தனர். ஊராட்சி மன்றத்தலைவர் தங்கமுனியம்மாள்  வரவேற்றார். நிகழ்ச்சியில் பெருந்தலைவர் காமராஜர் திருவுருவ படத்திற்கு மலர்  தூவி அஞ்சலி செலுத்தினார். 

அதைத் தொடர்ந்து பள்ளி மாணவ- மாணவியர்களுக்கு காலை சிற்றுண்டியை  அமைச்சர் ஐ.பெரியசாமி பரிமாறினார். அதன்பிறகு பேசிய அவர், “முத்தமிழ் அறிஞர் கலைஞர் முதல்வராக இருந்தபோது  தமிழகத்தில் யாரும் வெறும் வயிற்றுடன் படுக்க கூடாது என்ற நல்ல  எண்ணத்தில் ஒருகிலோ அரிசி ஒரு ரூபாய்க்கு என்ற திட்டத்தை அறிவித்து  அதன்மூலம் தமிழக மக்களின் வயிற்று பசியை போக்கினார். அவருடைய வழியில் வந்த  தலைவர் தமிழக முதல்வர் மு.க.ஸ்டாலின்  தொடக்கப்பள்ளிக்கு வரும் மாணவர்கள் வெறும் வயிற்றுடன் கல்வியை கற்கக்கூடாது என்ற நிலையை உருவாக்கி காலை  சிற்றுண்டி திட்டத்தை சிறப்பாக செயல்படுத்தியதோடும் இன்று அரசு உதவி  பெறும் தனியார் பள்ளிகளிலும் இந்தத் திட்டத்தை துவக்கி வைத்துள்ளார். 

breakfast program is being appreciated globally says Minister I. Periyasamy

உலக  அளவில் இந்தத் திட்டம் அனைவராலும் பாராட்டப்பட்டு வருகிறது. இத்திட்டம் மூலம் தொடக்கப்பள்ளியில் பயிலும் சிறுவர்கள் வயிற்றுப்பசி இல்லாமல்  நன்றாக படிக்கும் நிலைமை உருவாகி உயர்க்கல்வி கற்கும் அளவிற்கு மாணவர்கள் கல்வித்தரம் உயரும் என்றார். தமிழகத்தில் அனைவரின் நலன்  காக்கும் முதல்வராக தமிழக முதல்வர் மு.க.ஸ்டாலின் உள்ளார். தேர்தல் நேரத்தில் திமுக தலைவர் மு.க.ஸ்டாலின்  கொடுத்த வாக்குறுதிகள்  அனைத்தையும் நிறைவேற்றி வருவதோடு கடைக்கோடி மக்கள் வரை திட்டம்  செயல்பட பல்வேறு நடவடிக்கைகளை எடுத்து வருகிறார்” என்று கூறினார். அதன்பின் விழாவில் காந்திகிராமம் ஊராட்சியைச் சேர்ந்த 16 பேருக்கு  கலைஞரின் கனவு இல்லத்திட்டம் மூலம் வீடுகள் கட்டுவதற்கான ஆணையையும், ஊரக வீடுகள் பழுது நீக்கும் திட்டம் மூலம் 5 பேருக்கு ஆணையையும் வழங்கினார்.

Next Story

“வைகை அணையிலிருந்து ஆத்தூர் தொகுதிக்குக் குடிதண்ணீர் கொண்டுவரப்படும்” - அமைச்சர் ஐ.பெரியசாமி

Published on 11/07/2024 | Edited on 11/07/2024
 I. Periyasamy said Drinking water will be brought from Vaigai Dam to Attur Constituency

திண்டுக்கல் மாவட்டம் ஆத்தூர் சட்டமன்றத் தொகுதிக்கு உட்பட்ட என்.பஞ்சம்பட்டி, அம்பாத்துரை, செட்டியபட்டி ஆகிய மூன்று கிராம ஊராட்சிகளை உள்ளடக்கிய ஊரக பகுதியில் மக்களுடன் முதல்வர் நிகழ்ச்சி என்.பஞ்சம்பட்டி அரசு மேல் நிலைப்பள்ளியில் நடைபெற்றது. நிகழ்ச்சிக்கு மாவட்ட ஆட்சியர் பூங்கொடி தலைமை தாங்கினார். பழனி சட்டமன்றத் தொகுதி திமுக உறுப்பினரும், திண்டுக்கல் கிழக்கு மாவட்ட திமுக செயலாளருமான ஐ.பி.செந்தில்குமார், மாவட்ட ஊராட்சிக்குழு தலைவர் எம்.பாஸ்கரன், ஒன்றிய பெருந்தலைவர் மகேஸ்வரி முருகேசன், ஒன்றிய செயலாளர் முருகேசன். ஆத்தூர் நடராஜன், ஆகியோர் வருவாய் கோட்டாட்சியர் சக்திவேல் வரவேற்று பேசினார்.

இதையடுத்து பேசிய அமைச்சர் ஐ.பெரியசாமி, “தமிழக மக்கள் நலனுக்காக ஓய்வில்லாமல் உழைக்கும் ஒப்பற்ற தலைவராக தமிழக முதல்வர் மு.க.ஸ்டாலின் உள்ளார். திமுக ஆட்சிக்கு வரும் முன்னரே உங்கள் தொகுதியில் ஸ்டாலின் என்ற தலைப்பில் நடைபெற்ற நிகழ்ச்சியில் தமிழகம் முழுவதும் வளம் வந்த மு.க.ஸ்டாலின் மக்களின் குறைகளைத் தீர்க்க புகார்பெட்டி வைத்து அதன் மூலம் தமிழக மக்களின் குறைகளை நிவர்த்தி செய்தார். ஆட்சிக்கு வருவதற்கு முன்பே மக்களுக்கான நலத்திட்டங்களை செயல்படுத்தி தலைவர் நம் முதல்வர் மு.க.ஸ்டாலின். 

தற்போது அரசு துவக்கப் பள்ளியில் மாணவர்களுக்கு காலை சிற்றுண்டி வழங்கும் திட்டத்தை விரிவாக்கம் செய்து அரசு உதவிபெறும் பள்ளிகளுக்கும் செயல்படுத்த முடிவு செய்து வரும் திங்கள் கிழமை முதல் அரசு உதவிபெறும் பள்ளிகளில் படிக்கும் மாணவர்களுக்கும சிற்றுண்டி திட்டத்தை துவக்கி வைக்க உள்ளார். காரணம் எல்லாருக்கும் எல்லாம் கிடைக்க வேண்டும் என்ற நல்ல எண்ணத்தோடு மத, ஜாதி இன வேறுபாடின்றி செயல்படக்கூடிய ஒரேதலைவர் நம் முதல்வர் மு.க.ஸ்டாலின். சொல்வதை மட்டுமின்றி சொல்லாததையும் நிறைவேற்றி மக்கள் மனதில் 100 சதவீதம் நம்பிக்கை நட்சத்திரமாக நம் முதல்வர் உள்ளார்.

ஆத்தூர் தொகுதி மட்டுமின்றி திண்டுக்கல் மாவட்டத்தில் உள்ள முக்கிய நகரங்களின் குடிதண்ணீர் பிரச்சனையைத் தீர்க்க வைகை அணையிலிருந்து ரூ.565கோடி மதிப்பில் குழாய் மூலம் குடிதண்ணீர் கொண்டுவரும் திட்டம் செயல்பட உள்ளது. பொதுமக்களுக்கான நலத்திட்டங்களை, கோரிக்கை மனுக்களை நிறைவேற்றும் போது அவர்கள் தரும் ஆதரவுதான் எங்களைப் போன்ற அரசியல்வாதிகளுக்கு மென்மேலும் நலத்திட்டங்களை செயல்படுத்த ஊக்கம் தரும். நீங்கள்  சிரித்தால்தான் நாங்கள் சிரிக்க முடியும். நீங்கள் வருத்தப்பட்டால் நாங்களும் வருத்தத்துடன் செயல்பட வேண்டிய நிலைமை ஏற்படும்.

நான் பஞ்சம்பட்டிக்கு எப்போது வந்தாலும் பொதுமக்கள் விடுக்கும் கோரிக்கையை உடனுக்குடன் நிறைவேற்றி வருகிறேன். காரணம் எனக்கு என்றும் ஆதரவு தரும் கிராமங்களில் பஞ்சம்பட்டி ஊராட்சியும் ஒன்றும் இப்போது இந்தப் பள்ளிக்கு புதிய கட்டிடம் வேண்டுமென கோரிக்கை மனு கொடுத்துள்ளார்கள். இன்று இரவே அதற்கான பணிகள் தொடங்கும் இது உறுதி. மேலும் மாணவர்கள் நலன் கருதி கூடுதலாக கழிப்பறை வசதியும் செய்துகொடுக்க உத்தரவிட்டுள்ளேன். அந்தப் பணியும் விரைவில் தொடங்கும். இ-சேவை மையங்கள் மூலம் பொதுமக்கள் அனுப்பும் மனுக்கள் முறையாக தாலுகா அலுவலகங்களுக்கு வருவதில்லை. இதை மாவட்ட ஆட்சியர் கண்கானிக்க வேண்டும்.

காரணம் 7தொகுதிக்கும் கண்கானிக்க கூடியவர் நம்முடைய மாவட்ட ஆட்சியர். இனிமேல் இ-சேவை மையங்கள் மூலம் அனுப்பப்படும் மனுக்களுக்கு உரிய நடவடிக்கை எடுக்க அந்தந்தப் பகுதி வட்டாட்சியர்களுக்கு மாவட்ட ஆட்சியர் உத்தரவிட வேண்டும். இம்மாதிரி முகாம்கள் மூலம் தமிழகத்தில் ஒரே நாளில் லட்சகணக்கான மக்கள் பயன்பெருகிறார்கள். இந்தத் திட்டத்தை தொடர்ந்து வெற்றிகரமாக செயல்படுத்தி வரும் தமிழக முதல்வருக்கு எனது மனமார்ந்த நன்றியைத் தெரிவித்துக் கொள்கிறேன். அதன்பின்னர் பொதுமக்களின் கோரிக்கை மனுக்களை பதிவு செய்யும் இடங்களுக்கு சென்று அவர்களின் குறைகளை கேட்டறிந்ததோடு பதிவு செய்ய வேண்டும்’’ எனக் கூறினார்.