Skip to main content

கண்டித்த கணவனை கொலை செய்த மனைவி.... விசாரணையில் கடும் அதிர்ச்சிக்குள்ளான காவல்துறையினர்!

Published on 16/07/2021 | Edited on 16/07/2021

 

reprimanded husband passed away .... the policemen who were shocked at the investigation

 

திண்டுக்கல் மாவட்டத்தில் உள்ள நிலக்கோட்டை அருகே இருக்கும் குரும்பப்பட்டி கிராமத்தைச் சேர்ந்தவர் சென்ராயன். கடந்த சில மாதங்களுக்கு முன்பு அவரது வீட்டில் தூக்கிட்ட நிலையில் பிணமாக மீட்கப்பட்டார். தனது கணவர் தற்கொலை செய்துகொண்டதாக அவரது மனைவி வனிதா கொடுத்த புகாரின் அடிப்படையில், சந்தேக மரணமாக வழக்குப் பதிவுசெய்த நிலக்கோட்டை போலீசார் விசாரணை மேற்கொண்டுவந்தனர். இந்நிலையில் சென்ராயனின் தந்தை மொக்கை ராஜ், தனது மகன் சாவில் மர்மம் இருப்பதாக கூறி சென்னை உயர் நீதிமன்ற மதுரை கிளையில் மனு தாக்கல் செய்தார்.

 

இதனைத் தொடர்ந்து தீவிர விசாரணையில் ஈடுபட்ட நிலக்கோட்டை போலீசாருக்கு சென்ராயன் மனைவி வனிதாவின் நடவடிக்கையின் மேல் சந்தேகம் ஏற்பட்டது. வனிதாவிடம் தீவிர விசாரணை மேற்கொண்ட போலீசாருக்கு கடும் அதிர்ச்சி காத்திருந்தது. வனிதாவுக்கும் அதே பகுதியைச் சேர்ந்த அரசுப் பள்ளி ஆசிரியர் அய்யனார் என்பவருக்கும் திருமணத்தை மீறிய தொடர்பு இருந்துள்ளது. சென்ராயனுக்கு தெரியாமல் இருவரும் பல மாதங்கள் தனிமையில் வாழ்ந்துள்ளனர். ஒரு கட்டத்தில் விஷயம் சென்ராயனுக்கு தெரிய வரவே, அவர் வனிதாவை கண்டித்துள்ளார். தனது காதலுக்கு இடைஞ்சலாக கணவர் இருப்பதைப் பொறுத்துக்கொள்ள முடியாத வனிதா, சம்பவத்தன்று இரவு ஆண் நண்பர் அய்யனாரை வீட்டுக்கு வரவைத்துள்ளார்.

 

உறங்கிக்கொண்டிருந்த சென்ராயனை இருவரும் சேர்ந்து கொலை செய்துவிட்டு, சென்ராயன் தற்கொலை செய்துகொண்டதுபோல் தூக்கில் தொங்கவிட்டுள்ளனர். மறுநாள் காலை கணவர் தற்கொலை செய்துகொண்டதாக கதறி அழுது வனிதா நாடகமாடியுள்ளார். நிலக்கோட்டை போலீசார் விசாரணையில் வனிதா அனைத்தையும் ஒப்புக்கொண்டுள்ளார். இதனையடுத்து தற்கொலை வழக்கை கொலை வழக்காக மாற்றிய போலீசார், வனிதாவை கைது செய்து நிலக்கோட்டை நீதிமன்றத்தில் ஆஜர்படுத்தி, மதுரை மத்திய சிறையில் அடைத்தனர். இக்கொலை வழக்கில் தொடர்புடைய பழைய வத்தலக்குண்டு அரசு மேல்நிலைப் பள்ளியில் பணிபுரியும் ஆசிரியர் அய்யனாரை போலீசார் வலைவீசி தேடிவருகின்றனர். ஆண் நண்பருடன் சேர்ந்து கணவனைக் கொன்றுவிட்டு நாடகமாடிய பெண் கைது செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.

 

 

சார்ந்த செய்திகள்

 

Next Story

தகராறு செய்த மனைவி; திருமணம் செய்து வைத்த புரோக்கரை தாக்கிய கணவர்

Published on 17/07/2024 | Edited on 17/07/2024
 husband  beaten broker who had married him because his wife had a dispute

விழுப்புரம் மாவட்டம் வடவாம்பழத்தைச் சேர்ந்த ஜானகிராமன் மகன் சக்திவேல். இவர் கூலி தொழில் பார்த்துவருகிறார். இவருக்கும் அதே பகுதியைச் சேர்ந்த ஜெகதீஸ்வரி என்வருக்கும் கடந்த 12 ஆண்டுகளுக்கு முன்பு திருமணம் நடந்துள்ளது. சக்திவேல் - ஜெகதீஸ்வரி இருவருக்கும் அரசமங்கலத்தை சேர்ந்த பெருமாள் என்ற கல்யாண புரேக்கர் திருமணம் செய்துவைத்திருக்கிறார். 

இந்த நிலையில் கணவன் சக்திவேலுக்கும், மனைவி ஜெகதீஸ்வரிக்கும் இடையே அடிக்கடி தகராறு ஏற்பட்டு வந்துள்ளது. அதேபோன்று சம்பவத்தன்று இருவருக்கும் இடையே குடும்ப பிரச்சனை தொடர்பாகத் தகராறு ஏற்பட்டுள்ளது. ஒரு கட்டத்தில் தகராறு முற்றிக் கைகலப்பு நடந்ததாக கூறப்படுகிறது. இதனைத் தொடர்ந்து மனைவி ஜெகதீஸ்வரி கோபித்துக்கொண்டு தாய் வீட்டிற்குச் சென்றுள்ளார். 

இதனால் ஆத்திரமடைந்த சக்திவேல் இருவருக்கும் வரன் பார்த்து திருமணம் செய்துவைத்த புரோக்கர் பெருமாளை தாக்கியுள்ளார். அரசமங்கலம் ரேஷன் கடையில் நின்றுக்கொண்டிருந்த அவரை சக்திவேல், “நீ தான எனக்குப் பெண் பார்த்து திருமணம் செய்து வச்ச, இப்போ பாரு என் மனைவி அடிக்கடி சண்டை போடுறா..” என்று ஆபாச வார்த்தையில் புரோக்கர் பெருமாளை திட்டி தாக்கியதாகக் கூறப்படுகிறது. இதனைத் தொடர்ந்து புரோக்கர் பெருமாள் கொடுத்த புகாரின் பேரில் சக்திவேல் மீது வழக்குப் பதிவு செய்த போலீசார், அவரை கைது செய்து விசாரணை நடத்தி வருகின்றனர். 

Next Story

ரீல்ஸ் வெளியிட்ட மனைவி; துண்டுதுண்டாக வெட்டி படுகொலை செய்த கணவர்

Published on 15/07/2024 | Edited on 15/07/2024
husband incident wife because release instagram reels

ஒடிசாவைச் சேர்ந்தவர் பிரதீப் போலா. இவருக்கு மதுமிதா(24) என்ற பெண்ணுடன் திருமணமாகி இருவரும் 10 மாத பெண் குழந்தை ஒன்று உள்ளது. பிரதீப் தனது மனைவி மற்றும் பெண் குழந்தையுடன் தெலுங்கானாவில் தங்கி அங்குள்ள ஒரு தனியார் உணவகத்தில்  பணியாற்றி வருகிறார். 

இந்த நிலையில் மனைவி மதுமிதா அதிகம் நேரம் செல்போனில் செலவிட்டு இன்ஸ்டாகிராம் ரீல்ஸ் வெளியிட்டு வந்துள்ளார். ஆனால் அது பிரதீப் போலாவிற்கு பிடிக்கவில்லை. இதனைக் கண்டித்து மனைவியிடம் அடிக்கடி தகராறு செய்துவந்துள்ளார். ஆனால் இதனை மதுமிதா கண்டுகொள்ளாமல் தொடர்ந்து செல்போனிலேயே நேரத்தைச் செலவிட்டு வந்துள்ளார். ஒரு கட்டத்தில் ஆத்திரமடைந்த பிரதீப் போலா சில தினங்களுக்கு முன்பு தனது மனைவியைக் கத்தியால் குத்தி படுகொலை செய்துள்ளார். பின்னர் அவரது உடலை துண்டுதுண்டாக வெட்டி சாக்கு மூட்டையில் கட்டி தனது வீட்டுக் குளியலறையில் வைத்துள்ளார். 

அதன்பிறகு பிரதீப் போலா தனது குழந்தையுடன் தலைமறைவாகியுள்ளார். சில தினங்களாக பிரதீப் வேலைக்கு வராததால், அவருடன் வேலை பார்க்கும் சக ஊழியர்கள் அவர் தங்கியிருந்த வீட்டிற்குச் சென்று பார்த்துள்ளனர். அப்போது ஆளில்லா வீட்டிலிருந்து துர்நாற்றம் வருவதை உணர்ந்த அவர்கள், உடனடியாக போலீஸுக்கு தகவல் கொடுத்துள்ளனர். 

தகவலின் பேரில் சம்பவ இடத்திற்கு வந்த போலீசார் வீட்டின் கதவை உடைத்துக்கொண்டு உள்ளே சென்று பார்த்தபோது வீட்டின் குளியலறையில் இருந்து மதுமிதாவின் உடலைக் கைப்பற்றினர். தொடர்ந்து மதுமிதாவின் உடலை பிரேதப் பரிசோதனைக்காக மருத்துவமனைக்கு அனுப்பி வைத்து, வழக்குப்பதிவு செய்த  போலீசார் பெகும்பேட்டையில் தலைமறைவாக இருந்த பிரதீப் போலாவை கைது செய்தனர். அதன்பிறகு அவரிடன் நடத்தப்பட்ட விசாரணையில் ரீல்ஸ் வெளியிட்டதால் கொலை செய்தேன் என்பதனை ஒப்புக்கொண்டார். அதன்பிறகு நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார். இந்த சம்பவம் தற்போது தெலுங்கானாவின் பெரும் பரபரப்பை ஏற்படுத்தியுள்ளது.