Skip to main content

கரோனா மூன்றாம் அலையிலிருந்து குழந்தைகளை பாதுகாப்பது எப்படி? 

Published on 02/07/2021 | Edited on 02/07/2021

 

How to protect children from corona third wave?

 

கடந்த ஆண்டு சீனாவில் இருந்து புறப்பட்ட கரோனா கிருமி உலகையே ஆட்டிப்படைத்துக்கொண்டிருக்கிறது. கரோனாவின் தாக்கமும் உருமாற்றங்களோடு அலை அலையாக தாக்கத் தொடங்கியுள்ளது. முதல் அலை முதியவர்களையும் இரண்டாம் அலை இளைஞர்களையும் பறித்துக் கொண்டது. ஆனால், மூன்றாம் அலை குழந்தைகளைப் பாதிக்கும் என்று ஆய்வுகள் சொல்கின்றன. இந்த மூன்றாம் அலையிலிருந்து குழந்தைகளைக் காப்பது எப்படி என்பது குறித்து புதுக்கோட்டை பச்சிளங்குழந்தைகள் மருத்துவர் இரா. பீட்டர் எம்.டி., டி. எம் விளக்குகிறார்.

 

How to protect children from corona third wave?

 

கரோனா மூன்றாம் அலையிலிருந்து குழந்தைகளைப் பாதுகாப்பது எப்படி ? 

கரோனா பேரிடர் முதல் அலையின்போது முதியோர்களுக்கும் இரண்டாம் அலையின்போது நடுத்தர வயது மற்றும் இளைஞர்களுக்கும் அதிக பாதிப்பை ஏற்படுத்தியதோடு மட்டுமல்லாமல் கணிசமான அளவு உயிரிழப்புகளையும் ஏற்படுத்தியது. தற்போது மூன்றாம் அலை வரலாம் என்றும், அது குழந்தைகளை அதிகம் பாதிக்கும் என்பதும் பொதுமக்கள், முன்களப்பணியாளர்களான மருத்துவர்கள், செவிலியர்கள் ஆகியோரிடமும் பெரும் அச்சத்தை ஏற்படுத்தியுள்ளது. புதிதாக கண்டறியப்பட்டுள்ள உருமாறிய கரோனா (டெல்டா பிளஸ்) எத்தகைய பாதிப்புகளை ஏற்படுத்தும், மேலும் ஏற்கனவே பாதிக்கப்பட்டவர்களையும் தடுப்பூசி போட்டவர்களையும் பாதிக்குமா என்பதைப் பற்றிய ஆய்வுகளும் நடந்த வண்ணம் உள்ளன. மூன்றாவது அலை வரும்பட்சத்தில் அது குழந்தைகளையும் தடுப்பூசி போடாதவர்களையும் அதிகம் பாதிக்க வாய்ப்புகள் உள்ளதாக சொல்லப்படுகிறது.

 

How to protect children from corona third wave?

 

மூன்றாம் அலையைக் கடப்பார்களா குழந்தைகள் ?

கரோனா முதல் அலையை ஒப்பிடும்போது இரண்டாம் அலையில் குழந்தைகளில் நொய்தொற்றின் எண்ணிக்கை கூடுதலாக இருந்தது. நோய்த்தொற்றினால் பாதிக்கப்பட்ட அநேக குழந்தைகள் சில நாட்கள் காய்ச்சல் மற்றும் சளி என்கிற அளவோடு பூரண குணமடைந்தனர். ஆனால் வெகுசில குழந்தைகள் மட்டும் எம்.ஐ.எஸ்-சி எனப்படும் தீவிர கரோனா நோய்த்தொற்றினால் பாதிக்கப்பட்டு, அவர்களுக்கு குழந்தைகள் தீவிர சிகிச்சைப் பிரிவில் அனுமதிக்கப்பட வேண்டிய சூழலும் உருவானது. ஏற்கனவே வயதானவர்களைப் பாதித்துவிட்ட நிலையில், அடுத்து இதுவரை அதிகம் பாதிக்கப்படாத குழந்தைகளையே அதிகம் பாதிக்கும் என்கிற எண்ணம் இயல்பானதுதான். உலக சுகாதார நிறுவனம் மேற்கொண்ட ஆய்வுகளின்படி கரோனா நோய்க்கு எதிரான நோய் எதிர்ப்புசக்தி குழந்தைகளுக்குச் சற்றே அதிகம் உள்ளதால் அவர்கள் மூன்றாம் அலையின் தீவிரத்திலிருந்து தப்பிப்பதற்கான வாய்ப்புகளும் உள்ளன. முரணாக இருந்தாலும் இது ஆறுதலான செய்திதான்.

 

How to protect children from corona third wave?

 

தடுக்கும் வழிமுறைகள் என்னென்ன? 

பெரியவர்கள் மேற்கொள்ள வேண்டிய தடுப்புமுறைகளான தனிநபர் இடைவெளி, கை சுத்தம், முகக் கவசம் அணிதல் போன்றவற்றைக் குழந்தைகளுக்கு நேரடியாக செய்வதில் சிரமங்கள் உள்ளன. ஐந்து வயதிற்கும் குறைவான குழந்தைகள் முகக் கவசம் அணியத் தேவையில்லை. குழந்தைகளுக்குச் செலுத்தக்கூடிய தடுப்பூசிகளும் பரிசோதனை முயற்சி என்ற அளவில்தான் மேற்கத்திய நாடுகளில் உள்ளன. இந்த சூழலில் வீட்டில் பெரியவர்களுக்கு நோய்த்தொற்று வராமல் காக்கும் வழிமுறைகளை அதீத கவனத்துடன் மேற்கோள்வதும், நோய்த்தொற்றினால் பாதிக்கப்பட்டவரை உடனடியாக தனிமைப்படுத்துதல் போன்றவற்றால் மட்டுமே குழந்தைகளைக் கரோனா நோய்த்தொற்றிலிருந்து பாதுகாக்க முடியும். பிறந்த குழந்தைகளுக்கு கரோனா நோய்த்தொற்று வராமல் இருக்க தாய்ப்பால் கொடுக்கும் அனைத்து தாய்மார்களும் தடுப்பூசி போட்டுக்கொள்வது அவசியம். தாய், கரோனா நோய்த்தொற்றினால் பாதிக்கப்பட்டிருந்தாலும் அவர்கள் குழந்தைகளுக்குத் தொடர்ந்து தாய்ப்பால் கொடுப்பது மிகமிக அவசியம். தாய்பால் மூலம் குழந்தைக்கு கரோனா நோய் பரவாது, மாறாக நோய்க்கு எதிரான அணுக்கள் குழந்தைக்குச் செல்லும். அதன்மூலம் குழந்தைகள் பாதுகாக்கப்படுவார்கள். தாய்ப்பால் கொடுப்பதற்கு முன் கைகளைக் கிருமிநாசினி கொண்டு சுத்தம் செய்துவிட்டு முகக் கவசம் அணிந்துகொள்ள வேண்டும். குழந்தைக்கு சத்தான ஆகாரங்களைக் கொடுப்பதும் அட்டவணையின்படி தடுப்பூசி போட்டுக்கொள்வதும் கூடுதல் நோய்எதிர்ப்பு சக்தியை தரும். குழந்தைகளை எக்காரணத்தைக்கொண்டும் வெளியில் அழைத்துச்செல்லக்கூடாது. 

 

How to protect children from corona third wave?

 

குழந்தைக்கு நோய்த்தொற்று வந்தால் என்ன செய்வது?

கரோனா நோய்த்தொற்றுடைய குழந்தைகள் எந்தவித அறிகுறிகளும் இல்லாமல் இருக்கலாம். சில குழந்தைகளுக்கு லேசான காய்ச்சல், சளி மற்றும் வயிற்றுப்போக்கு போன்ற அறிகுறிகளும், மிகச்சில குழந்தைகளுக்கு மூச்சுத்திணறல் ஏற்படலாம். மூச்சுத்திணறல் இல்லாத குழந்தைகளை மருத்துவரின் பேரில் வீட்டிலேயே தனிமைப்படுத்திக்கொள்ளலாம். மூச்சுத்திணறல் இருந்தாலோ, ஐந்து நாட்களுக்கு மேல் காய்ச்சல் அல்லது குழந்தைகள் சரியாக உணவு எடுத்துக்கொள்ளவில்லை என்றாலோ அவர்களை உள் நோயாளியாக அனுமதித்து தேவையான சிகிச்சைகளைக் கொடுப்பது மிக அவசியம். கரோனா நோய்த்தொற்றினால் பாதிக்கப்பட்டுள்ள குழந்தைக்கு நீர்சத்து குறையாமல் இருக்க அரிசி கஞ்சி, இளநீர், பழச்சாறு, ஓ.ஆர்.எஸ். உப்புக்கரைசல் போன்றவற்றை தொடர்ந்து கொடுக்க வேண்டும்.

 

How to protect children from corona third wave?

 

எம்.ஐ.எஸ்- சி பாதிப்பு என்றால் என்ன? 

கரோனா நோய்த்தொற்றினால் மிக அரிதாக குழந்தைகளுக்கு இந்தப் பாதிப்பு ஏற்படும். இதற்கு மல்டி சிஸ்டம் இம்ஃபளமேட்டரி சின்ட்ரோம் என்று பெயர். அதீத சோர்வு, தொடர்ச்சியான காய்ச்சல், வயிற்று வலி, வாந்தி, வயிற்றுப்போக்கு, தோலில் சிவப்பு தடிப்புகள் மற்றும் கண்கள் சிவந்திருத்தல் போன்ற அறிகுறிகள் இருக்கும். சில சமயங்களில் இருதய பாதிப்பும், வலிப்பும் கூட ஏற்படலாம். இந்தக் குழந்தைகள் தீவிர சிகிச்சைப்பிரிவில் அனுமதிக்கப்பட்டு ஸ்டீராய்டு மருந்து, ஆஸ்பிரின் மற்றும் ஹிம்முயுனோகுளோபுளின் என்ற சிறப்பு மருந்தும் செலுத்தப்படும். 

 

How to protect children from corona third wave?

 

குழந்தைகளின் மனநலனைப் பாதுகாப்பதன் அவசியம் என்ன? 

கரோனா நோய்த்தொற்று பெரியவர்கள் போலவே குழந்தைகளின் மனதினையும் பாதிக்கும். நோய்த்தொற்றினால் பாதிக்கப்பட்ட குழந்தைகளுக்கு மனதில் நோய்த்தொற்று பற்றிய அச்சம் ஏற்படாதவாறு பார்த்துக்கொள்ள வேண்டும். குழந்தைகளோடு அமர்ந்து பேசி அவர்களிடம் உள்ள அச்சத்தைப் போக்க வேண்டும். முடிந்தவரை தொலைக்காட்சி, கைப்பேசி, கணிணி பயன்பாட்டைக் குறைக்க வேண்டும். குழந்தைகளின் தனிப்பட்ட திறமைகளைக் கண்டறிந்து அதை ஊக்கப்படுத்த வேண்டும்.

 

 

சார்ந்த செய்திகள்

 

Next Story

சைலண்டாக வீட்டில் வைத்து ஸ்கேன்; கையும் களவுமாகச் சிக்கிய பகீர் கும்பல்!

Published on 28/06/2024 | Edited on 28/06/2024
Finding baby gender at home; The gang is caught in the crosshairs

தர்மபுரி மாவட்டம் பென்னாகரம் அருகே வீட்டில் வைத்து சிசுவின் பாலினத்தைக் கண்டறிந்து தெரிவித்து வந்த கும்பல் சிக்கி உள்ளது பரபரப்பை ஏற்படுத்தி இருக்கிறது.

தர்மபுரி மாவட்டத்தில் இதற்கு முன்பே சில ஆண்டுகளாக கருவில் உள்ள குழந்தையின் பாலினத்தைக் கண்டறிந்து கூறுவது தொடர்பான கும்பல்கள் பிடிபட்டிருந்தது நிகழ்ந்திருந்தது. இந்நிலையில் நான்கு பெண்களுக்கு கருவில் உள்ள குழந்தையின் பாலினம் குறித்து ஒரு கும்பல் சோதனை செய்து தெரிவித்ததாகப் புகார்கள் எழுந்தது. இதனைத் தொடர்ந்து இன்று ஊரக நலத்துறை இணை இயக்குநர் மருத்துவர் சாந்தி தலைமையிலான அதிகாரிகள் தர்மபுரி மாவட்டம் பென்னாகரம் அடுத்துள்ள நெற்குந்தி முத்தப்பா நகரில் சோதனையில் ஈடுபட்டனர்.

அப்பொழுது சந்தேகம் இல்லாத வகையில் வீடு ஒன்றில் சாதாரணமாக சிசுவின் பாலினம் கண்டறிந்து கூறும் கும்பல் அதற்கான உபகரணங்களுடன் தங்கி இருப்பது தெரிய வந்தது. பிடிபட்டவர்களிடம் விசாரணை நடத்தியதில் குழந்தையின் பாலினத்தை கண்டறிந்து கூறுவதற்கு ஒருவருக்கு தலா 13,000 பெற்றுள்ளதும் தெரியவந்துள்ளது. அந்தப் பகுதியில் ஆள் நடமாட்டம் இல்லாத ஒரு வீட்டில் அதற்கான கருவிகள் வைக்கப்பட்டு இப்படி செய்து வந்தது தெரியவந்துள்ளது. இதனைக் கள்ளக்குறிச்சியைச் சேர்ந்த முருகேசன் என்பவர் செய்து வந்துள்ளார். முருகேசன் மருத்துவம் படிக்காதவர் என்பதும் பனிரெண்டாம் வகுப்பு மட்டுமே படித்தவர் என்பதும் விசாரணையில் தெரிய வந்துள்ளது. எளிதாக எடுத்துச் செல்லும் வகையில் சூட்கேஸ் அளவிலான ஸ்கேன் மெஷினை வைத்து வெறும் ஐந்து நிமிடத்திற்குள் கருவில் உள்ள சிசு ஆணா பெண்ணா என்பதைத் தெரிவித்து வந்துள்ளது அந்த கும்பல். தருமபுரியில் சிசுவின் பாலினத்தைக் கண்டறிந்து தெரிவித்து வந்த கும்பல் மீண்டும் சிக்கி இருப்பது பரபரப்பை ஏற்படுத்தி இருக்கிறது.

Next Story

நக்கீரனுக்குக் கிடைத்த வீடியோ ஆதாரம்; ஆபரேஷன் தியேட்டரில் ஆபாசம்; சிக்கிய மருத்துவர் சுப்பையா

Published on 15/06/2024 | Edited on 17/06/2024
Doctor Subbiah Shanmugam misbehaves with women in government hospital

நக்கீரன் அலுவலக முகவரிக்கு பெண் ஒருவரின் பெயரில், தலைநகரின் முக்கியப் பகுதியில் இருந்து ஒரு கொரியர் வந்தது. பிரித்து பார்த்த நமக்கு, அந்தக் கடிதம் இதயத் துடிப்பை அதிகரித்தது. அந்தக் கடிதத்துடன் ஒரு பெண் டிரைவும் இணைக்கப்பட்டிருந்தது. அதை சிஸ்டமில் போட்டுப் பார்த்தபோது, கடவுளாக மதிக்கும் மருத்துவர் ஒருவரின் செயல், நம்மை ஆட்டம்காண வைத்தது. அதுவும், மருத்துவமனைக்குள்ளே நடந்த அந்தச் சம்பவம் நம்மை நிலைகுலையச் செய்தது.

அந்தக் கடிதத்தில் இடம்பெற்றுள்ள தகவல்கள் பின்வருமாறு, இந்த பெண்ட்ரைவில், டாக்டர் சுப்பையா ஷண்முகம் மற்றும் ஆபரேஷன் தியேட்டர் செவிலியர் ஆகியோர் ராயப்பேட்டை அரசு மருத்துவமனை ஆபரேஷன் தியேட்டர் வளாகத்திற்குள், பாலியல் செயலில் ஈடுபடும் காட்சிகள் பதிவாகியுள்ளது. இந்தச் செயலை அம்பலப்படுத்துவதன் நோக்கம் திரு.சுப்பையாவின் தொடர்ச்சியான பொருத்தமற்ற நடத்தையை வெளிச்சத்திற்குக் கொண்டுவருவதாகும். பின்வரும் காரணங்களுக்காக அவர் தண்டிக்கப்பட வேண்டும் என மூன்று காரணங்கள் பட்டியலிடப்பட்டுள்ளது.

1. மருத்துவமனை அல்லது ஆபரேஷன் தியேட்டர் வளாகத்திற்குள், வேலை நேரத்தில் பாலியல் செயல் நிகழ்ந்ததால் அது தண்டனைக்குரியது. அவர், ஏழை புற்றுநோய் நோயாளிகளுக்கு சிகிச்சை நடக்கும்போது மேற்பார்வையிடவோ அல்லது அறுவை சிகிச்சைகள் செய்யவோ வேண்டிய நேரத்தில், இதுபோன்ற செயலில் ஈடுபட்டது அவமானகரமானது.

2. மாணவர்களுக்கு கற்பிக்கும் அரசாங்க ஆசிரியராகவும், தேசிய மாணவர் அமைப்பில் ஒரு முக்கிய நபராகவும் இருப்பதால், அவரது தவறான செயல்கள் மாணவர்களுக்கு தவறான முன்மாதிரியாக அமைந்துவிடும் அபாயமும் இருக்கின்றன.

3. அவர் தனது பெண் துணை ஊழியர்கள், முதுகலை மாணவர்கள் மற்றும் மருத்துவமனை ஊழியர்களிடமிருந்து, அதே பாலியல் சலுகைகளை எதிர்பார்க்கிறார். அவர் தனது அதிகாரத்தையும் அரசியல் செல்வாக்கையும் பயன்படுத்தி அவர்களை அச்சுறுத்துகிறார். சம்மதிக்க மறுப்பவர்கள் மறைமுகமாக சிக்கலை எதிர்கொள்கிறார்கள். தொடர்ந்து துன்புறுத்தலுக்கு உள்ளாக்கப்படுகிறார்கள். அவர் மருத்துவமனையில் உள்ள அனைத்து பிரிவுகளையும் சேர்ந்த பெண்களுக்கு பாலியல் தொல்லை கொடுக்கிறார். தூய்மைப் பணியாளர்கள் முதல் உதவி பேராசிரியர்கள் வரை 16 முதல் 60 வயது வரையிலான அனைத்து பெண்களும் இவரால் பாலியல் அச்சுறுத்தல்களை எதிர்கொள்கின்றனர்.

அவருக்கு அறநெறி குறித்து எந்தக் கவலையும் இல்லை. அவர் கண் வைத்துவிட்டால் எந்தப் பெண்ணும் பாதுகாப்பாக இருக்க முடியாது. பெண்கள் மற்றும் மனிதகுலத்தின் நலனுக்காக, அவர் தண்டிக்கப்பட வேண்டும். தார்மீக அடிப்படையில் அவர் அரசு மற்றும் மாணவர் அமைப்பிலிருந்து, அனைத்து பதவிகளிலிருந்தும் வெளியேற்றப்பட வேண்டும். ஊடகங்கள் தங்கள் கடமையை செய்யும் என நம்புவதாக" அந்தக் கடிதம் பல ரகசியங்களை அம்பலப்படுத்தியுள்ளது.

புற்றுநோய் நிபுணரான மருத்துவர் சுப்பையா சண்முகம், கீழ்ப்பாக்கம் அரசு மருத்துவமனை புற்றுநோய்த்துறைத் தலைவராக பணியாற்றியவர். 2017 முதல் 2020 வரை ஆர்.எஸ்.எஸ்-ன் மாணவர் அமைப்பான ஏபிவிபி-யின் தேசியத் தலைவராக இருந்துள்ளார். இவருக்கும், அவர் வசிக்கும் குடியிருப்பில் இரண்டாம் தளத்தில் வசித்துவந்த மூதாட்டிக்கும் இடையே பார்க்கிங்கில் வாகனம் நிறுத்துவது தொடர்பாக, கடந்த 2020- ஆம் ஆண்டு ஜூலை மாதம் தகராறு ஏற்பட்டது. இதில் ஆத்திரமடைந்த மருத்துவர் சுப்பையா சண்முகம், மூதாட்டியின் வீட்டு வாசலில் சிறுநீர் கழித்தது பெரும் சர்ச்சையை ஏற்படுத்தியது. இது தொடர்பான, சிசிடிவி காட்சிகள் வெளியான நிலையில், அவர் மீது பெண்களைத் துன்புறுத்துதல், கரோனா விதிமீறல் உள்ளிட்ட மூன்று பிரிவுகளின் கீழ் வழக்குப்பதிவு செய்யப்பட்டது. ஆனால், அதிமுக ஆட்சியில் கைது நடவடிக்கை எடுக்கப்படாமல் இருந்த நிலையில், இரண்டு ஆண்டுகள் கழித்து.. திமுக அரசு பதிவியேற்ற பிறகு, அவரை காவல்துறையினர் கைது செய்தனர். அதேபோல, முதலமைச்சர் வீடு முன் ஆர்ப்பாட்டம் நடத்திய ஏபிவிபி அமைப்பினரை சிறையில் சென்று சந்தித்த மருத்துவர் சுப்பையா சண்முகம், கீழப்பாக்கம் புற்றுநோய் பிரிவு துறைத் தலைவர் பொறுப்பில் இருந்து இடைநீக்கம் செய்யப்பட்டிருந்தார் என்பது குறிப்பிடத்தக்கது.

இந்த நிலையில், சர்ச்சைக்குரிய இந்தக் கடிதம் மற்றும் வீடியோ குறித்து மருத்துவர் சுப்பையா ஷண்முகத்திடம் நாம் தொடர்புகொண்டு பேசியபோது, "அது சித்தரிக்கப்பட்டது. அதுக்கும் எனக்கும் சம்மந்தமில்லை. அனுப்பிய ஆள் யாரென்று விசாரித்து, முழு பின்னணியை விசாரித்து எழுதுவதுதான் பத்திரிகை தர்மம். நான் ஒழுங்கா வேலை பார்க்காட்டியும் திட்டுவேன். அதன்பொருட்டு என்னைப் பிடிக்காதவர்கள் எங்கேயாவது எதையாவது வீடியோ எடுத்து MORPH செய்து போட்டுவிடுகிறார்கள். முழு வீடியோ கிடைத்தால் சொல்லமுடியும் என்றார். அப்போது குறுக்கிட்ட நிரூபர், அந்த வீடியோ இரண்டு மணி நேரம் ஓடுகிறது. அதில் இருப்பது நீங்கள்தானே, அதேபோல சிறுநீர் கழித்த விவகாரத்திலும் உங்களது பெயர் அடிபட்டதே எனக் கேட்க, பதிலளித்த மருத்துவர் சுப்பையா ஷண்முகம், அதில் இருப்பது நான் கிடையாது. சிறுநீர் கழித்த விவகாரத்திலும் நான் சம்மந்தப்படவில்லை. நான் உங்களைப் பார்த்தது கிடையாது. வேண்டுமானால், நேரில் வாங்க பேசலாம்" என முடித்துக்கொண்டார்.