Skip to main content

போதை படுத்தும் பாடு; நண்பனையே கொலை செய்த இளைஞர்கள்

Published on 04/02/2023 | Edited on 04/02/2023

 

friends people who incident her friend while intoxicated

 

கடலூர் மாவட்டம் பண்ருட்டி அருகில் உள்ள மேட்டுக்குப்பம் கிராமத்தைச் சேர்ந்தவர் 24 வயது சிவக்கொழுந்து. இவர் கடந்த 29ஆம் தேதி இரவு கடாம்புலியூர் பகுதியில் உள்ள ஒரு டாஸ்மாக் கடை அருகே விபத்தில் சிக்கி படுகாயங்களுடன் கிடந்துள்ளார். அவரது நிலையைப் பார்த்த அக்கம் பக்கத்தினர் அவரை மீட்டு அவரது வீட்டுக்கு கொண்டு சென்று விட்டுள்ளனர். அவரது உடலில் பலத்த காயங்கள் இருந்ததை கண்ட அவரது குடும்பத்தினர் அவரைப் பண்ருட்டி அரசு மருத்துவமனையில் சிகிச்சைக்காக  சேர்த்தனர். பின்னர் மேல் சிகிச்சைக்காக புதுச்சேரி ஜிப்மர் மருத்துவமனைக்கு கொண்டு செல்லப்பட்டு சிகிச்சை பெற்று வந்துள்ளார் சிவக்கொழுந்து.

 

விபத்தில் சிக்கிக் கிடந்தது குறித்து சிவக்கொழுந்து மனைவி எழிலரசி தனது கணவர் காடாம்புலியூர் பகுதியில் உள்ள ஒரு ஓட்டலில் வேலை செய்து வந்தார் அந்த நேரத்தில் அவர் எப்படி விபத்தில் சிக்கினார் அவரது உடலில் உள்ள காயங்கள் சந்தேகத்திற்கு இடமாக உள்ளது என்று காடாம்புலியூர் காவல் நிலையத்தில் புகார் அளித்தார். அவரது புகாரின் பேரில் காடாம்புலியூர் போலீசார் வழக்கு பதிவு செய்து விசாரணை நடத்தி வந்தனர்.

 

இந்த நிலையில் மருத்துவமனையில் சிகிச்சை பெற்று வந்த சிவக்கொழுந்து சிகிச்சை பலனின்றி நேற்று முன்தினம் உயிரிழந்தார். இதையடுத்து பண்ருட்டி டிஎஸ்பி சபியுல்லாஹ், இன்ஸ்பெக்டர் ராஜ தாமரை பாண்டியன் மற்றும் போலீசார் தீவிர விசாரணை மேற்கொண்டனர்.  விசாரணையில் சிவக்கொழுந்து சாலை விபத்தில் காயமடையவில்லை, அவர் கொலை செய்யப்பட்டு இறந்துள்ளதாக கண்டுபிடித்தனர். 

 

மேலும், சிவக்கொழுந்து அவரது நண்பகள் காட்டாண்டி குப்பத்தைச் சேர்ந்த கார்மேகம், பொக்லின் ஆபரேட்டர் அபினேஷ் ஆகியோருடன் சேர்ந்து கடந்த 29ஆம் தேதி இரவு டாஸ்மாக் கடையில் மது வாங்கிக் கொண்டு ஒரு இடத்தில் சென்று அமர்ந்து மது அருந்தி உள்ளனர் அப்போது மது சாப்பிடுவதற்கு சைடிஸ்ஸாக கறி வாங்கி சாப்பிட்டுள்ளனர். அதை சாப்பிடும் போது மூவருக்கிமிடையே தகராறு ஏற்பட்டுள்ளது. அப்போது கார்மேகம் அபினேஷ் இருவரும் சிவக்கொழுந்தை கடுமையாக தாக்கியுள்ளனர்.  இதில் சிவக்கொழுந்து சம்பவ இடத்திலேயே மயங்கி விழுந்துள்ளார். உடனே அவர்கள் இருவரும் சிவக்கொழுந்துவை கொண்டு வந்து விபத்தில் காயம் அடைந்ததாக காட்டுவதற்காக சாலையில் போட்டு விட்டு சென்றது தெரியவந்துள்ளது.

 

இதனைத் தொடர்ந்து விபத்து வழக்காக பதிவு செய்யப்பட்ட வழக்கை  கொலை வழக்காக மாற்றம் செய்யப்பட்டது. கொலையில் சம்பந்தப்பட்ட கார்த்திகேயன், அபினேஷ், கார்மேகம், ஆகிய மூவர் மீதும் போலீசார் வழக்கு பதிவு செய்துள்ளனர். இதில் கார்மேகம் அபினேஷ் ஆகிய இருவரையும் கைது செய்து நீதிமன்றத்தில் ஆஜர்படுத்தி சிறையில் அடைத்துள்ளனர். மது போதை நண்பனை கொலை செய்யும் அளவிற்கு கொண்டு சென்றுள்ளது பலரிடையே பரபரப்பை ஏற்படுத்தியுள்ளது. 

 

 

சார்ந்த செய்திகள்

 

Next Story

ஆஜரான எம்.ஆர்.விஜயபாஸ்கர்; அதிரடி உத்தரவிட்ட நீதிமன்றம்

Published on 22/07/2024 | Edited on 22/07/2024
nn

கரூர் மாவட்டம் வாங்கல் குப்பிச்சிபாளையத்தைச் சேர்ந்த பிரகாஷ் என்பவர் கரூர் காவல் நிலையம் மற்றும் எஸ்.பி. அலுவலகத்தில் புகார் ஒன்றை அளித்திருந்தார். அதில், தோரணக்கல்பட்டி மற்றும் குன்னம்பட்டியில் தனக்குச் சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர். விஜயபாஸ்கர் மற்றும் அவரது ஆதரவாளர்கள் தனது மனைவி மற்றும் மகளை மிரட்டி மோசடியாகப் பத்திரப்பதிவு செய்து உள்ளனர் என்று கூறியிருந்தார்.

மேலும் இது தொடர்பாக மேலக்கரூர் பொறுப்பு சார்பதிவாளரும் கரூர் நகரக் காவல் நிலையத்தில் புகார் அளித்திருந்தார். அதனைத் தொடர்ந்து இந்த வழக்கு சிபிசிஐடிக்கு மாற்றப்பட்டது. அதே சமயம் இந்த வழக்கில் தனது பெயர் சேர்க்கப்படலாம் என்று கருதி முன்னாள் அமைச்சர் எம்.ஆர். விஜயபாஸ்கர் முன்ஜாமீன் கேட்டு கரூர் மாவட்ட முதன்மை அமர்வு நீதிமன்றத்தில் மனுத்தாக்கல் செய்திருந்தார். இதையடுத்து நில அபகரிப்பு வழக்கில் எம்.ஆர். விஜயபாஸ்கரின் முன் ஜாமீன் மனுக்களை நீதிபதி தள்ளுபடி செய்து உத்தரவிட்டிருந்தார்.

இதற்கிடையே தலைமறைவாக கேரளாவில் பதுங்கி இருந்த எம்.ஆர். விஜயபாஸ்கர் தனிப்படை போலீசாரால் கடந்த 16 ஆம் தேதி (16.07.2024) கைது செய்யப்பட்டார். இத்தகைய பரபரப்பான சூழலில் எம்.ஆர். விஜயபாஸ்கருக்கு வரும் 31ஆம் தேதி வரை என 15 நாட்கள் நீதிமன்ற காவல் விதிக்கப்பட்டு திருச்சி மத்தியச் சிறையில் அடைக்கப்பட்டிருந்தார்.

இந்நிலையில் சிபிசிஐடி போலீசார் தாங்கள் தொடர்ந்த வழக்கு தொடர்பாக எம்.ஆர்.விஜயபாஸ்கரை போலீஸ் காவலில் எடுத்து விசாரிக்க வேண்டும் என ஏழு நாட்கள் அனுமதி கோரி மனுத்தாக்கல் செய்திருந்தது. குற்றவியல் நடுவர் நீதிமன்றத்தில் விசாரணைக்கு வந்த இந்த வழக்கில் இரண்டு மணி நேரம் விசாரணை நடைபெற்றது. விசாரணைக்குப் பின்னர் நீதிமன்ற நடுவர் பரத்குமார் இரண்டு நாட்கள் எம்.ஆர் விஜயபாஸ்கரை போலீஸ் காவலில் வைத்து விசாரிக்க சிபிசிஐடி போலீசாருக்கு அனுமதி அளித்து உத்தரவிட்டுள்ளார்.

Next Story

கல்குவாரி குட்டையில் குளியல்; இரண்டு சிறுவர்களுக்கு நேர்ந்த சோகம்

Published on 22/07/2024 | Edited on 22/07/2024
 Two boys who went to bathe in Kal queries drowned

வேலூர் அடுத்த பெருமுகை பகுதியில் உள்ள மலை அடிவாரத்தில், செயல்படாத கல்குவாரி குட்டை உள்ளது. இந்தக் குவாரி குட்டைக்கு குளிக்க சென்ற வள்ளலார் பகுதியைச் சேர்ந்த பாலாஜி மகன் சரவணன்(15) மற்றும் மதன்குமார் மகன் அவினாஷ்(15) ஆகிய இருவரும் நீச்சல் தெரியாமலலேயே குட்டை நீரில் குளிக்க இறங்கிய நிலையில், தவறி விழுந்து நீரில் மூழ்கி இருவரும் உயிரிழந்தனர்.

இதுகுறித்து தகவல் அறிந்து சம்பவ இடத்திற்கு வந்த சத்துவாச்சாரி காவல்துறையினர், வேலூர் தீயணைப்பு துறைக்கு தகவல் அளித்த நிலையில், தீயணைப்பு துறையினர் கல்குவாரி குட்டையில் இறங்கி தேடும் பணியில் ஈடுபட்டனர். 2 மணி நேர தேடுதலுக்குப் பின் சிறுவர்களின் சடலத்தை மீட்டனர்.

சனி, ஞாயிறு பள்ளி விடுமுறை தினம் என்பதால், நான்கு சிறுவர்கள் வீட்டிற்கு தெரியாமல் கல்குவாரி குட்டைக்கு குளிக்க சென்றதாகவும், அதில் இருவர் நீரில் மூழ்கி உயிரிழந்ததாகவும் போலீசார் விசாரணையில் தெரியவந்துள்ளது.