Skip to main content

பிளஸ்-2 மாணவியைத் தொந்தரவு செய்து தற்கொலைக்குத் தூண்டிய நான்கு வாலிபர்கள்!

Published on 20/10/2021 | Edited on 20/10/2021

 

Four teenagers responsible for 12th student wrong decision

 

அரியலூர் மாவட்டம் கடுகூர் கிராமத்தைச் சேர்ந்தவர் விவசாயி வேலாயுதம். இவருக்கு மூன்று மகள்கள் ஒரு மகன் உள்ளனர். இவரது இரண்டாவது மகள் பூஜா என்பவர் அரியலூரில் உள்ள ஒரு தனியார் பள்ளியில் பிளஸ்-2 படித்து வந்துள்ளார். அதே கிராமத்தைச் சேர்ந்த வேல்முருகன் (வயது 22 )என்ற வாலிபர் தான் ஒரு பெண்ணை காதலிப்பதாகவும் அதற்கு பூஜாவை தூது செல்லுமாறு பூஜாவின் செல்போன் எண்ணுக்கு எஸ்எம்எஸ் அனுப்பி உள்ளார். இதை பார்த்த பூஜா வேல்முருகன் கோரிக்கையை நிராகரித்ததோடு இது தொடர்பாக தனது தந்தையிடம் வேல்முருகன் எஸ்எம்எஸ் அனுப்பியது குறித்து  கூறியுள்ளார். பூஜாவின் தந்தை இதை தட்டிக்கேட்ட காரணத்தினால் இரு குடும்பத்தினருக்கும் இடையே தகராறு ஏற்பட்டுள்ளது.

 

சில தினங்களுக்கு முன்பு வேல்முருகனின் உறவினர்கள் வேலாயுதம் வீட்டிற்கே சென்று அவரையும் அவரது மகள் பூஜாவையும் உருட்டுக்கட்டையால் தாக்கியதில் தந்தைக்கும் மகளுக்கும் காயம் ஏற்பட்டு அரியலூர் அரசு மருத்துவமனைக்குச் சென்று சிகிச்சை பெற்று வீடு திரும்பியுள்ளனர். இந்த நிலையில் பூஜா காவல் நிலையம் மற்றும் மாவட்ட எஸ்பி, மத்திய மண்டல ஐஜி ஆகியோருக்கு தனக்கும் தனது தந்தைக்கும் ஏற்பட்ட நிலை குறித்து புகார் மனு அனுப்பியுள்ளார். இந்த தகவல் அறிந்த வேல்முருகன் தனது நண்பர்கள் சிலருக்கு பூஜாவின் செல்போன் எண்ணை கொடுத்து அவர்கள் மூலம் மேலும் மேலும் ஆபாச எஸ்எம்எஸ் அனுப்பி தொந்தரவு செய்து வந்ததாக கூறப்படுகிறது. இதனால் மனமுடைந்த பூஜா நேற்று முன்தினம் விஷம் குடித்துள்ளார். இதையறிந்த அவரது தந்தை பூஜாவை மீட்டு அரியலூர் அரசு மருத்துவமனைக்கு சிகிச்சைக்கு கொண்டு சென்று சேர்த்துள்ளார்.

 

அங்கு சிகிச்சை பலனின்றி பூஜா நேற்று காலை பரிதாபமாக உயிரிழந்துள்ளார். காவல் நிலையத்தில் புகார் அளித்தும் உயர் அதிகாரிகளுக்கு அனுப்பியும் உடனடியாக உரிய நடவடிக்கை எடுக்காததால் பூஜா உயிரிழக்க காரணம் எனவே வேல்முருகன் உள்ளிட்ட அவரது நண்பர்கள் நான்கு பேர் மீதும் கடும் நடவடிக்கை எடுக்க வலியுறுத்தி பூஜாவின் உடலை வாங்க மறுத்து அரியலூர் அரசு மருத்துவமனை அருகில் பூஜாவின் குடும்பத்தினர் மற்றும் உறவினர்கள் சேர்ந்து சாலை மறியலில் ஈடுபட்டனர். தகவலறிந்து வந்த அரியலூர் போலீசார் சம்பவம் குறித்து உடனடியாக நடவடிக்கை எடுப்பதாக உறுதியளித்ததை அடுத்து மறியலை கைவிட்டு பூஜாவின் உடலை பெற்றுச் சென்றுள்ளனர். இதுகுறித்து போலீசார் வழக்குப்பதிவு செய்து கடுகூர் கிராமத்தைச் சேர்ந்த வேல்முருகனின் நண்பர்கள் மூவரை கைது செய்துள்ளனர். வேல்முருகன் தலைமறைவாக உள்ளதால் அவரை போலீசார் தீவிரமாக தேடி வருகின்றனர். 

 

 

 

சார்ந்த செய்திகள்

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.

Next Story

பார் மேற்கூரை இடிந்து 3 பேர் உயிரிழப்பு; 12 பேர் மீது வழக்கு

Published on 29/03/2024 | Edited on 29/03/2024
Bar roof collapses, 3 lost live Case against 12 people

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதியில் மேற்கூரை இடிந்து விழுந்து ஏற்பட்ட விபத்தில் 3 பேர் உயிரிழந்த நிலையில் போலீசார் வழக்குப்பதிவு செய்து விசாரித்து வருகின்றனர்.

சென்னை ஆழ்வார்பேட்டையில் தனியாருக்குச் சொந்தமாக இயங்கி வந்த பாரின் முதல் தளத்தின் மேற்கூரை நேற்று இரவு திடீரென யாரும் எதிர்பாராத விதமாக இடிந்து விழுந்தது. இதில் திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) லாலி (வயது 22) ஆகியோர் உயிரிழந்தனர். உயிரிழந்த 3 பேரின் உடல்களும் மீட்கப்பட்டுப் பிரேதப் பரிசோதனைகளுக்காக அரசு மருத்துவமனைக்கு கொண்டு செல்லப்பட்டது.

இந்த விபத்து குறித்து காவல்துறை உயர் அதிகாரி ஒருவர் செய்தியாளர்களைச் சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக் கொண்டுள்ளதாகத் தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார்.

தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் அதிர்ச்சியை ஏற்படுத்தியுள்ளது. இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின் போது ஏற்பட்ட அதிர்வின் காரணமாக இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகி உள்ளதாகவும் கூறப்பட்டது. இந்நிலையில் முதற்கட்டமாக 12 பேர் மீது வழக்குப் பதிவு செய்துள்ள அபிராமபுரம் போலீசார், பாரின் மேலாளர் சதீஷ் உட்பட ஐந்து பேரை பிடித்து விசாரணை நடத்தி வருகின்றனர்.