இயக்குநர் பாரதிராஜாவின் இயக்கத்தில் 1978 ஆம் ஆண்டு தமிழ் திரை உலகில் 'கிழக்கே போகும் ரயில்' எனும் திரைப்படத்தின் மூலம் அறிமுகமானவர் சுதாகர். தொடர்ந்து சுவரில்லாத சித்திரங்கள், அதிசய பிறவி, நிறம் மாறாத பூக்கள் ஆகிய பல சூப்பர் ஹிட் படங்களில் இவர் நடித்துள்ளார்.
தற்பொழுது 64 வயதான சுதாகர் உடல்நிலை மோசமடைந்த நிலையில் அவர் உயிரிழந்து விட்டதாக சமூக வலைத்தளங்களில் போலியான தகவல்கள் வெளியானது. இதனைக் கண்டு அதிர்ந்த நடிகர் சுதாகர் தான் நலமுடன் இருப்பதாகவும், வெளியான தகவல் போலியானது என்றும், தான் வழக்கம்போல் சந்தோஷமாக இருப்பதாகவும் வீடியோ ஒன்றை வெளியிட்டுள்ளார்.
