Skip to main content

சிவாஜி ரசிகர்களின் முகநூல் சந்திப்பு; விருந்து போல நடந்த விழா!        

Published on 27/07/2023 | Edited on 27/07/2023

 

Facebook meeting of Shivaji fans in trichy

 

நடிகர் திலகம் சிவாஜி  ரசிகர்கள் - முகநூல் நண்பர்கள் 8வது சந்திப்பு திருச்சியில் கடந்த 23 ஆம் தேதி நடைபெற்றது. இதுவரை சென்னை, புதுக்கோட்டை, திருப்பூர், ராஜபாளையம், குற்றாலம், பழனி, திருவனந்தபுரம் ஆகிய 7 இடங்களில் நடைபெற்ற நிலையில், தற்போது 8வது சந்திப்பாக திருச்சியில் நடைபெற்றது. திருச்சியைச் சேர்ந்த சிவாஜி ரசிகர் பழக்கடை ராஜா இதனை ஒருங்கிணைத்தார்.     

 

இக்கூட்டத்தில் நூற்றுக்கும் மேற்பட்ட சிவாஜி ரசிகர்கள், தமிழகம் மட்டுமின்றி, வெளிநாடுகளிலிருந்தும் சிலர் கலந்துகொண்டனர். காலை முதல் மாலை வரை ஒவ்வொரு ரசிகரும், சிவாஜி கணேசன் பற்றிய தங்களது உணர்வுகளைப் பாடலாக, டயலாக்காக வெளிப்படுத்தி மகிழ்ந்தனர்.    

 

Facebook meeting of Shivaji fans in trichy

 

இந்தக் கூட்டத்தின் சிறப்புகள்:

கலந்துகொள்ளும் ஒவ்வொருவரும் தங்களது பங்களிப்பை அளித்து, அந்தத் தொகை மூலம் இந்த நிகழ்ச்சி நடத்தப்பட்டது. காலை, மதிய உணவு, மாலை ஸ்நாக்ஸ், டீ உட்பட இதில் அடங்கும். இதில் கலந்துகொள்பவர்கள் யாருக்கும் மாலை, பொன்னாடை போன்ற விசேட மரியாதை கிடையாது. முக்கியப் பிரமுகர்களும் மற்ற அனைவரும் சரிசமமாகவே நடத்தப்படுவர். கலந்துகொண்ட ஒவ்வொருவருக்கும் லேமினேஷன் செய்யப்பட  நடிகர் திலகத்தின் புகைப்படம் நினைவுப் பரிசாக வழங்கப்பட்டது.      

 

கோவில்பட்டியிலிருந்து வந்த ரசிகர் ராமசாமி என்பவர் அவர் செலவில், வந்த அனைவருக்கும் கோவில்பட்டி ஸ்பெஷல் கடலை மிட்டாய் பாக்கெட்டுகளை வழங்கினார். அதுபோல ஒவ்வொரு சந்திப்பிலும், திருநெல்வேலி அல்வா, மணப்பாறை முறுக்கு என்று ஒவ்வொரு ரசிகரும் அவரவர் விருப்பத்திற்கேற்ற வகையில் வழங்குவார்கள். கலந்துகொண்ட பெண்களுக்கு, குங்குமச் சிமிழ் வழங்கப்பட்டது. இதில் 20 முதல் 70 வயது வரை உள்ள ரசிகர்கள் வயது வித்தியாசமின்றிக்  கலந்துகொண்டனர். சிலர், குடும்பத்துடன் கலந்துகொண்டனர்.    

 

Facebook meeting of Shivaji fans in trichy

 

விழாவில் கலந்து கொண்டவர்களிடம் பேசியபோது, “வருடத்திற்கு ஒருமுறை அல்லது இரண்டு முறை இத்தகைய சந்திப்பு நடத்தப்படுகிறது. அனைவரின் சூழல்களுக்கேற்ப சந்திப்பின் தேதிகள் முடிவாகின்றன. இயந்திரத்தனமான வாழ்க்கையில் இத்தகைய சந்திப்புகள் தான் புத்துணர்வைத் தருகிறது. சந்திப்பில், சிவாஜி பற்றிய நினைவலைகள் தொடங்கித் தற்கால அரசியல் வரை மனம் விட்டு எல்லோரும் விவாதித்துக் கொண்டது மனதை லேசாக்கியது. விழா முடிந்து பிரிந்து செல்கிறபோது ஏனோ மனம் கனத்திருந்தது. தொழில் நுட்பம் எவ்வளவோ அதிகரித்திருந்தாலும் இதுபோன்ற சந்திப்புகள் தான் சுவாரஸ்யமாக இருக்கின்றன” என்றனர்.

 

 

சார்ந்த செய்திகள்

 

Next Story

சாட்டை துரைமுருகன் விடுவிப்பு!

Published on 11/07/2024 | Edited on 11/07/2024
ntk sattai Duraimurugn Release 

விக்கிரவாண்டி சட்டமன்றத் தொகுதியில் கடந்த 2021 ஆம் ஆண்டு நடைபெற்ற சட்டமன்றத் தேர்தலில் திமுக சார்பில் போட்டியிட்டு வெற்றி பெற்றவர் புகழேந்தி. இவர் கடந்த ஏப்ரல் 6 ஆம் தேதி (06.04.2024) உடல் நலக்குறைவால் காலமானார். இவர் மறைந்ததைத் தொடர்ந்து விக்கிரவாண்டி சட்டமன்றத் தொகுதிக்கு ஜூலை 10 ஆம் தேதி இடைத்தேர்தல் நடைபெறும் எனத் தேர்தல் ஆணையம் அறிவித்திருந்தது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர்.

இதனையொட்டி தேர்தலுக்கான பரப்புரை கடந்த 8 ஆம் தேதி (08.07.2024) மாலை 6 மணியுடன் ஓய்ந்தது. அதனைத் தொடர்ந்து தேர்தலுக்கான பரப்புரை கடந்த 8 ஆம் தேதி (08.07.2024) மாலை 6 மணியுடன் ஓய்ந்தது. இதற்கிடையில் நேற்று (10.07.2024) காலை 7 மணிக்குத் தொடங்கிய வாக்குப்பதிவு மாலை 6 மணியுடன் நிறைவு பெற்றது. இதற்கிடையே விக்கிரவாண்டி தேர்தல் பரப்புரையின் போது தமிழக அரசு மற்றும் தமிழகத்தின் மறைந்த முன்னாள் முதல்வர் கலைஞர் குறித்து அவதூறு பரப்பியதாக நாம் தமிழர் கட்சியின் கொள்கை பரப்புச் செயலாளர் சாட்டை துரைமுருகன் மீது திமுகவின் தொழில்நுட்ப பிரிவு (ஐடி விங்) சார்பில் திருச்சி சைபர் கிரைம் போலீல் புகார் அளிக்கப்பட்டிருந்தது. மேலும் இது தொடர்பாக சாட்டை திருமுருகன் மீது வன்கொடுமை தடுப்புச் சட்டம் உள்ளிட்ட 5 பிரிவுகளின் கீழ் வழக்குப் பதிவு செய்யப்பட்டது.

இதனையடுத்து நெல்லை வீராணம் பகுதியில் உள்ள ஹோட்டலில் தங்கியிருந்த சாட்டை துரைமுருகனை திருச்சி சைபர் கிரைம் போலீசார் இன்று (11.07.2024) கைது செய்தனர். பின்னர் சாட்டை துரைமுருகன் நீதிமன்றத்தில் ஆஜர்படுத்தப்பட்டார். அப்போது இரு தரப்பு வாதங்களையும் நீதிபதி கேட்டறிந்தார். அதனைத் தொடர்ந்து சாட்டை துரைமுருகனை 15 நாட்கள் நீதிமன்றக் காவலில் அனுப்ப நீதிபதி சுவாமிநாதன் மறுத்து சாட்டை துரை முருகனை விடுவித்து உத்தரவிட்டார். விடுவிக்கப்பட்ட சாட்டை துரைமுருகன், “இந்த வழக்கை ரத்து செய்ய நீதிமன்றத்தை நாடுவேன்” எனத் தெரிவித்துள்ளார். 

Next Story

புதுக்கோட்டையில் ரவுடி சுட்டுக் கொலை!

Published on 11/07/2024 | Edited on 11/07/2024
Trichy MGR nagar Durai incident at Pudukottai

திருச்சி மாவட்டம் எம்ஜிஆர் நகரை சேர்ந்தவர் துரை. ரவுடியான இவர் மீது 70க்கும் மேற்பட்ட பல்வேறு குற்ற வழக்குகள் நிலுவையில் உள்ளன. இந்நிலையில் புதுக்கோட்டையில் இருந்து பட்டுக்கோட்டை செல்லக்கூடிய வம்பன் காட்டுப்பகுதியில் துரை பதுங்கி இருப்பதாக தகவல் கிடைத்துள்ளது. இதனையடுத்து போலீசார் அவரை கைது செய்ய சம்பவ இடத்திற்கு வந்துள்ளனர். அப்போது துரை தான் வைத்திருந்த ஆயுதங்களால் போலீசாரை தாக்கிவிட்டு கொலை மிரட்டல் விடுத்ததுடன் அங்கிருந்து தப்பிச் செல்ல முயற்சித்துள்ளார்.

இதனால் போலீசார் தற்காப்புக்காக இவர் மீது துப்பாக்கிச்சூடு நடத்தியுள்ளனர். இதனையடுத்து இவரை அரசு மருத்துவமனையில் சிகிச்சைக்காக அனுமதித்தனர். இருப்பினும் சிகிச்சை பலனின்றி உயிரிழந்ததாக தகவல் வெளியாகியுள்ளது. இச்சம்பவம் புதுக்கோட்டையில் பெரும் பரபரப்பை ஏற்படுத்தியுள்ளது. என் கவுண்டர் நடந்த இடத்தில் மாவட்ட காவல் கண்காணிப்பாளர் விசாரணை நடத்தி வருகிறார்.

கடந்த ஆண்டு திருச்சியில் ஏற்கனவே திருட்டு வழக்கிற்காக இவரை போலீசார் விசாரணைக்கு அழைத்துச் சென்றபோது தப்பிச் சென்றவர் ஆவார். மேலும் காவல் ஆய்வாளார் உள்ளிட்ட 5 காவலர்கள் துரை தாக்கியதில் காயமடைந்ததும் குறிப்பிடத்தக்கது.