Skip to main content

குடும்பத் தலைவிகளுக்கு உரிமைத் தொகை; அரசியல் கட்சியினர் கருத்து

Published on 20/03/2023 | Edited on 20/03/2023

 

Entitlement amount for heads of household; political parties comment

 

தமிழ்நாடு சட்டப்பேரவையில் 2023 - 2024 ஆம் ஆண்டுக்கான பட்ஜெட் இன்று (20.03.2023) தாக்கல் செய்யப்பட்டது. பட்ஜெட்டை நிதியமைச்சர் பழனிவேல் தியாகராஜன் தாக்கல் செய்து துறைவாரியான அறிவிப்புகளை வெளியிட்டார்.

 

குடும்பத் தலைவிகளுக்கு மாதம் ரூ.1000 உரிமைத் தொகை வழங்கப்படும் என்ற திமுகவின் தேர்தல்  வாக்குறுதி செப்டம்பர் 15 ஆம் தேதி தொடங்கப்படும் என்று அறிவிக்கப்பட்டிருக்கிறது. இத்திட்டம் குறித்து சட்டப்பேரவையில் அங்கம் வகிக்கும் கட்சிகளின் எம்.எல்.ஏக்கள் தங்களது கருத்துக்களை தெரிவித்தனர்.

 

nnn

 

அதன்படி செய்தியாளர்களைச் சந்தித்த தமிழக வாழ்வுரிமை கட்சி தலைவரும் எம்.எல்.ஏவுமான வேல்முருகன் பேசுகையில், “வருமான வரி கட்டக் கூடியவர்கள், ஆண்டு ஒன்றுக்கு லட்சக் கணக்கில் கோடிக்கணக்கில் சம்பாதிப்பவர்களும் குடும்ப அட்டைதாரர்களாக, குடும்பத்தின் தலைவிகளாக இருக்கிறார்கள். அவர்களுக்கு உரிமைத் தொகை வழங்க வேண்டிய அவசியம் இல்லை. உண்மையிலேயே ஏழை எளிய குடும்ப தலைவிகளுக்கு இந்த ஊதியம் கிடைக்க வேண்டும். அனைவருக்கும் உரிமைத் தொகையை கிடைக்க தமிழக முதல்வர் நடவடிக்கை எடுப்பார் என்று நம்புகிறேன்” என்றார்.

 

அதனைத் தொடர்ந்து பாமக எம்எல்ஏ ஜி.கே.மணி செய்தியாளர்களிடம் பேசுகையில், “பத்திரப் பதிவு துறையில் பதிவுக் கட்டணம் நான்கு விழுக்காட்டிலிருந்து இரண்டு விழுக்காடாக குறைக்கப்பட்டு இருப்பது; காலை உணவுத் திட்டம் 30,122 பள்ளிகளுக்கு விரிவாக்கம் செய்யப்பட்டுள்ளது உள்ளிட்ட பல்வேறு அறிவிப்புகளை பாமக சார்பில் வரவேற்கிறோம்” என்றார். அதேபோல் மனிதநேய மக்கள் கட்சியை சேர்ந்த ஜவாஹிருல்லா செய்தியாளர்களிடம் பேசுகையில், “பள்ளிக்கூடங்களில் காலை உணவு திட்டம் என்ற சிறப்பான திட்டம் அறிவிக்கப்பட்டு அந்த காலை உணவு திட்டம் இந்த பட்ஜெட்டில் 30,122 பள்ளிகளுக்கு ஒன்றாம் வகுப்பிலிருந்து ஐந்தாம் வகுப்பு வரை படிக்கக்கூடிய மாணவர்களுக்கு விரிவு படுத்தப்படும். இதனால் 12 லட்சம் மாணவர்கள் பயனடைவார்கள் என்பது  வரவேற்கத்தக்க ஒன்றாக இருக்கிறது” என்றார். 

 

 

சார்ந்த செய்திகள்

 

Next Story

2023-24 டாஸ்மாக் வருமானம் அதிகரிப்பு

Published on 21/06/2024 | Edited on 21/06/2024
2023-24 TASMAC Income Increase

தமிழகத்தில் 2023 மற்றும் 2024 ஆம் ஆண்டில் டாஸ்மாக் வருமானம் 45,885.67 கோடி ரூபாய் அதிகரித்திருப்பதாக தமிழக அரசின் கொள்கை விளக்க குறிப்பில் தெரிவிக்கப்பட்டுள்ளது.

சட்டப்பேரவை கூட்டத் தொடரின் இரண்டாம் நாள் கூட்டம் இன்று (21.06.2024) காலை 10 மணிக்குத் தொடங்கி நடைபெற்று வருகிறது. மதுவிலக்கு மற்றும் ஆயத்தீர்வை துறையின் மானிய கோரிக்கை மீதான விவாதம் இன்று சட்டப்பேரவையில் மாலை நடைபெற்று வருகிறது. இதன் மூலமாக ஆயத்தீர்வை துறைக்கு கீழ் இருக்கக்கூடிய டாஸ்மாக் நிறுவனத்தின் மூலமாக தமிழக அரசுக்கு கிடைத்திருக்க கூடிய வருவாய் தொடர்பான பட்டியல் தற்போது கிடைத்திருக்கிறது. அதன் அடிப்படையில் கொள்கை விளக்க குறிப்பில் கிடைத்துள்ள தகவலின்படி 2023-24 ஆம் ஆண்டில் டாஸ்மாக் வருமானம் 45,855.67 கோடி ரூபாய் அதிகரித்துள்ளது. கடந்தாண்டை விட 1734.54 கோடி ரூபாய் கூடுதலாக டாஸ்மாக் வருமானம் கிடைத்துள்ளது இதன் மூலம் தெரிய வந்துள்ளது.

Next Story

கள்ளச்சாராய மரணம்; அனைத்து மாவட்ட ஆட்சியர்களுடன் முதல்வர் ஆலோசனை

Published on 21/06/2024 | Edited on 21/06/2024
counterfeiting liquor case ; CM consults with all District Collectors

கள்ளக்குறிச்சியில் கள்ளச்சாராயம் குடித்து 40க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் அதிகரித்து வருகிறது. அந்த வகையில் கள்ளச்சாராயம் குடித்து உயிரிழந்தோர் எண்ணிக்கை 48 ஆக உயர்ந்துள்ளது. இதுவரையில் கள்ளக்குறிச்சி மருத்துவமனையில் 27 பேரும், சேலம் மருத்துவமனையில் 15 பேரும், விழுப்புரம் மருத்துவமனையில் 4 பேரும், புதுச்சேரி ஜிப்மர் மருத்துவமனையில் 3 பேர் என மொத்தம் 49 பேர் உயிரிழந்துள்ளனர். இதில் 4 பெண்களும் அடங்குவர். மேலும் 89 பேருக்கு மருத்துவமனையில் சிகிச்சை அளிக்கப்பட்டு வருகிறது.

கள்ளக்குறிச்சி கள்ளச்சாராய உயிரிழப்பு விவகாரம் தொடர்பாக சென்னை தலைமைச் செயலகத்தில் தலைமைச் செயலாளர் சிவதாஸ் மீனா தலைமையில் அனைத்து மாவட்ட ஆட்சியர்கள் மற்றும் எஸ்.பிக்களுடன் காணொளி காட்சி மூலமாக ஆலோசனை நடைபெற்று வந்த நிலையில், தற்போது முதல்வரும் ஆலோசனையில் ஈடுபட்டுள்ளார். அனைத்து மாவட்ட ஆட்சியர்கள் மற்றும் எஸ்.பிக்களுடன் முதல்வர் நடத்தி வரும் அவசர ஆலோசனையில்  மாவட்ட வாரியாக போதைப்பொருள் தடுப்பு மற்றும் கள்ளச்சாராய விற்பனையைக் கட்டுப்படுத்த எடுக்கப்பட்டுள்ள நடவடிக்கைகள் குறித்துக் கேட்டறிந்து வருகிறார்.