Skip to main content

ராமநாதபுரம் மாவட்டத்தில் பூமி விரிசல்,பொதுமக்கள் பீதி!

Published on 26/07/2018 | Edited on 26/07/2018
boo

 

இராமநாதபுரம் மாவட்டம் திருப்புல்லாணி பகுதியில் 1986ஆம் ஆண்டு ஒஎன்சிசி நிறுவனம் ஆய்வு மேற்கொண்டு 1992ம் ஆண்டு 15க்கும் மேற்பட்ட கிணறுகள் அமைத்து எரிவாயு எடுத்தனர். அப்போது இருந்து அப்பகுதி பொதுமக்கள் எதிர்ப்பு தெரிவித்தனர்.மேலும் திருப்புல்லாணி சுற்றியுள்ள பகுதிகளான காஞ்சிரங்குடி,கொட்டகுடி ஆறு,போன்ற பகுதிகளில் மேலும் 16 கிணறுகள் அமைத்து எரிவாயு எடுக்க ஆரம்பித்தனர்.

 

இந்நிலையில் நேற்று திருப்புல்லாணி அருகே உள்ள வலையனேந்தல் இந்திராநகர் பகுதியில் 50க்கும் மேற்ப்பட்ட காட்டுநாயக்கர் சமுகத்தை சேர்ந்த குடும்பத்தினர் வசித்து வருகின்றனர்.  அப்பகுதியில் உள்ள ராசமணி,காளீஸ்வரி ஆகியோர் வீட்டில் முதலில் சிறிய விரிசல் ஏற்பட்ட உடனே வீட்டை விட்டு வெளியே வந்தனர்.  அந்த விரிசல் மேலும் அகலமாக வீட்டிலிருந்த பொருட்கள் கீழே விழந்தன.  இதையடுத்து அப்பகுதி உள்ள பொதுமக்கள் கையில் கிடைத்த பொருட்களை மட்டும் எடுத்து கொண்டு வீட்டை விட்டு வெளியேறி பொதுஇடத்தில் தஞ்சமடைந்தனர். இப்பகுதியில் 4 இன்ஞ்ச் அகலத்திற்கு 17 இடங்களில் 10 அடி முதல் 100 அடி நீளம் வரை விரிசல் ஏற்பட்டுள்ளது.  இதையடுத்து காவல்துறைக்கும், வருவாய்துறைக்கும் தகவல் கொடுத்தனர். அங்கு வந்து பார்வையிட்ட கீழக்கரை டி.எஸ்.பி ரவீச்சந்திரன் மற்றும் கீழக்கரை தாசில்தார் ராஜேஸ்வரி உடனே மாவட்ட கனிமவளங்கள் துறை அதிகாரி சுகிதா ரஹீமாக்கு தகவல் கொடுத்தனர்.  அங்கு வந்த அதிகாரி அப்பகுதியை பார்வையிட்டவரிடம் பத்திரிக்கையாளர்கள் என்ன காரணத்தினால் விரிசல் ஏற்ப்பட்டது என கேட்டபோது, அருகில் இருந்த துணைவட்டாட்சியர் ஜலால் அவரிடம் கேட்ட வேண்டாம் சிறிது நேரம் பொறுங்கள் நான் கூறுகிறேன் என்று பத்திரிக்கையாளர்களை விரட்டுவதிலேயே குறியாக இருந்தார்.

 

boomi

 

இப்பகுதியை சேர்ந்த ராசமணி, காளீஸ்வரி கூறுகையில் பலமுறை புகார் மனு கொடுத்தும் எந்த நடவடிக்கையும் இல்லை,இதுமத்திய அரசின் கட்டுப்பாட்டில் வருவதால் எங்களால் ஒன்னும் செய்ய முடியாது என்று மாவட்ட நிர்வாகம் கூறுகிறது. செவிடன் காதில் ஊதிய சங்காய் மத்திய அரசு உள்ளது. இரவு நேரங்களில் பயமுறுத்தும் சத்தங்கள் கிணறுகளிலிருந்து வருவதால் நாங்கள் தினம்தினம் ஒருவித பயத்துடன் தூங்குகிறோம்.எப்பொழுது என்ன நடக்கும் என்று தெரியவில்லை என்றனர்.

 

இதுபற்றி மாவட்ட நிர்வாகம் பொதுமக்கள் யாரும் பீதியடையவேண்டாம், அதிகாரி அப்பகுதியை ஆய்வு மேற்கொண்டு வருகின்றனர் என்கிறது.

- பாலாஜி

சார்ந்த செய்திகள்

 

Next Story

குவைத் தீ விபத்து சம்பவம்; தமிழருக்கு நேர்ந்த சோகம்!

Published on 13/06/2024 | Edited on 13/06/2024
Kuwait Fire Incident; Tragedy happened to Tamils

குவைத் நாட்டில் மங்காப் என்ற பகுதியில் அமைந்துள்ள குடியிருப்பில் நேற்று (12.06.2024) அதிகாலை பயங்கர தீ விபத்து ஏற்பட்டது. விபத்து நிகழ்ந்த கட்டடத்திலிருந்த 195 பேரில் 175 பேர் இந்தியாவைச் சேர்ந்தவர்கள் என்ற தகவலும் வெளியானது. இந்த தீ விபத்தில் 40க்கும் மேற்பட்டோர் உயிரிழந்ததாகத் தகவல் வெளியாகியுள்ளது. மலையாள மக்கள் அதிகம் வசிக்கும் இடத்தில் ஏற்பட்ட இந்த தீ விபத்தில் தமிழர் ஒருவரும் உயிரிழந்துள்ளதாகவும் கூறப்படுகிறது. தீ விபத்து ஏற்பட்ட கட்டடத்தில் ஏற்பட்ட மீட்புப் பணிகள் நடைபெற்றன. அதே சமயம் தீ விபத்தில் சிக்கி காயம் அடைந்தவர்கள் மருத்துவமனையில் அனுமதிக்கப்பட்டுள்ளனர்.

இது தொடர்பாகத் தமிழக முதல்வர் மு.க. ஸ்டாலின் எக்ஸ் சமூக வலைத்தளத்தில் வெளியிட்டிருந்த பதிவில், “குவைத் நாட்டின் மங்காப் நகரில் தொழிலாளர்கள் தங்கியிருந்த கட்டடத்தில் நேற்று ஏற்பட்ட தீவிபத்தில் 40-க்கும் மேற்பட்ட இந்தியர்கள் உயிரிழந்திருப்பதாக வந்த செய்தியறிந்து மிகுந்த அதிர்ச்சிக்கும் வேதனைக்கும் உள்ளானேன். உயிரிழந்தோர் அனைவரின் குடும்பங்களுக்கும் எனது ஆழ்ந்த இரங்கலையும் ஆறுதலையும் கனத்த இதயத்துடன் தெரிவித்துக் கொள்கிறேன். 

Kuwait Fire Incident; Tragedy happened to Tamils

இதில் தமிழ்நாட்டைச் சேர்ந்த தொழிலாளர்கள் யாரேனும் உள்ளனரா என்ற தகவலைச் சேகரிக்கும்படி அயலகத் தமிழர் நலன் மறுவாழ்வுத்துறை ஆணையரகத்துக்கு உத்தரவிட்டுள்ளேன். காயமடைந்த அனைவரும் குவைத் நாட்டின் மருத்துவமனைகளில் சிகிச்சை பெற்று வருகின்றனர். இந்திய வெளியுறவு அமைச்சகம், குவைத் நாட்டிலுள்ள இந்தியத் தூதரகம் மற்றும் அங்குள்ள தமிழ் அமைப்புகளுடன் தொடர்ந்து தொடர்பிலிருந்து வருகிறது. இவ்விபத்து தொடர்பான விவரங்களுக்கு அயலகத் தமிழர் நலத்துறையின் உதவி எண்களான +91 1800 309 3793 (இந்தியாவிற்குள்), வெளிநாடு எனில் +91 80 6900 9900, +91 80 6900 9901 என்ற இரு எண்களிலும் தொடர்பு கொள்ளவும்” எனத் தெரிவித்திருந்தார். 

Kuwait Fire Incident; Tragedy happened to Tamils

இந்நிலையில் இந்தத் தீ விபத்தில் ராமநாதபுரத்தைச் சேர்ந்தவர் உயிரிழந்ததாக தகவல் வெளியாகியுள்ளது. தென்னவனூர் பகுதியைச் சேர்ந்த கருப்பண்ணன் ராமு என்பவர் உயிரிழந்ததாக அவரது குடும்பத்தினர் தகவல் தெரிவித்துள்ளனர். முன்னதாக குவைத் தீ விபத்தில் 5 தமிழர்கள் உயிரிழந்திருக்கக் கூடும் என அமைச்சர் செஞ்சி மஸ்தான் தெரிவித்திருந்தது குறிப்பிடத்தக்கது. அதே சமயம் தஞ்சாவூர் மாவட்டம் பேராவூரணி பகுதியைச் சேர்ந்த ரிச்சர்ட் ராய் என்பவரின் நிலை குறித்தும் தெரியவில்லை என்ற தகவலும் வெளியாகியுள்ளது. இவர் அங்குள்ள தரக் கட்டுப்பாட்டு அலுவலராக பணிபுரிந்து வருகிறார். 

Next Story

டன் கணக்கில் சிக்கிய தேளி, டேங்க் கிளீனர் மீன்கள்; புதைத்து அழித்த அதிகாரிகள் 

Published on 16/05/2024 | Edited on 16/05/2024
Tons of trapped , tank cleaner fish,African catfish ; Officials who buried and destroyed

அரசால் தடை செய்யப்பட்ட, சாப்பிடக்கூடாது என அறிவுறுத்தப்பட்ட மீன்களில் ஒன்று ஆப்பிரிக்க தேளி வகை மீன்கள். அதிக கொழுப்பு சத்துக் கொண்ட இந்த மீன்களை சாப்பிட்டால் புற்றுநோய் மற்றும் குழந்தையின்மை போன்ற பிரச்சனைகள் வரும் என்பதால் இவை உண்ணக்கூடாத மீன் வகைகளில் வைக்கப்பட்டுள்ளது. அதேபோல் நீர்நிலைகளில் இந்த மீன்கள் வளர்க்கப்படும் பொழுது நாட்டு வகை மீன்களை உணவாக எடுத்துக் கொள்ளும் இந்த வகை தேளி மீன்கள், தான் வளர்க்கப்படும் இடத்தையே மோசமான நிலைக்கு எடுத்துச் செல்லும் அளவிற்கு மிகவும் ஆபத்தானவை.

இந்நிலையில் ராமநாதபுரத்தில் கிலோ கணக்கில் ஆப்பிரிக்க தேளி மீன்கள் வாகனத்தில் எடுத்துச் செல்லப்படுவதாக உணவு பாதுகாப்பு துறைக்கு தகவல் கிடைத்திருந்தது. அந்த தகவலின் அடிப்படையில் உணவு பாதுகாப்புதுறை அதிகாரி விஜயகுமார் தலைமையில் அதிகாரிகள் சோதனை செய்தனர். சோதனையில் அந்த வாகனத்தில் ஒரு டன் எடையுள்ள தேளி மீன்கள் மற்றும் டேங்க் கிளீனர் மீன்கள் இருந்தது தெரியவந்தது.

இந்த வகை மீன்கள் மற்ற மீன்களைப் போல் தாவரங்களை உண்ணுவதில்லை மற்ற மீன்களை சாப்பிட்டு அதன் கழிவுகளை வெளியேற்றுவதால் அது வளர்க்கப்படும் நீர் நிலையையே  மாசடைய வைத்து விடுகிறது. கைப்பற்றப்பட்ட ஆயிரம் கிலோ தேளி மீன்களையும் குழி தோண்டி உணவு பாதுகாப்புத்துறை அதிகாரிகள் புதைத்தனர்.